..][.. فريقنا فريق الـ(ـحـ)ـالمية (( يــنــدك )) بخماسية ..][.. طلّع حرتك ..][.. - صفحة رقم 3 - نادي الهلال السعودي - شبكة الزعيم

saudi9999 · #1 15/02/2008, 02:42 AM

مثلما توقع لحظة رؤية التشكيلة

NESTA _ 13 · #2 15/02/2008, 02:49 AM

http://www.youtube.com/watch?v=66gNQFcbbcY

اهداء لمنتخب الغفلة

الا من سجل هدف الحالمية ..؟

لا تقولون حارسهم

~بنت الزعيم~ · #3 15/02/2008, 02:51 AM

لك تؤؤؤبروني

ابنائي الاعزاء

اعلم بأنكم اليوووم لم تكوونوا في المووعد

لذلك قدر الله وما شاء فعل

وربنا كتب الفوووز لنا فلا تحزنوا

ادري ان الخمسه كبيره بحقكم بس شنسوي هذولا لاعبينا ما يعرفون الرائفه بالخصم

تعيشوون وتاكلووون غيرهاااا و دبلها

الف مبروك لجميع المجلساووين

هارد للعالميين

Dr.Sara · #4 15/02/2008, 02:57 AM

إقتباس


	واحد .. اثنين .. ثلاثة .. أربعة .. خمسة .. يانمر 15 .. ماقلت لك بيشتغل سوق الـ

أهنيك على روح المرح والدعابة ..

خلاص تم تعيينك مراسل بما أنك تمتلك روح مرحة

يعني ما تصدم ماشاءالله عليك

إقتباس


	جرت اليوم مباراة فريقنا اللي مايتسماش الفريق الحالمي مع فريق المجلس العام .. وانتهت المباراة بخماسية مقابل هدف يحفظ ماء الوجه

اولاً حرام عليك تقول ما يتسماش فريق حالمي !!

لأنه سيظل حالمي طالما أهديه أغنية منت فاهم

أما الهدف فهو فعلاً يحفظ ماء الوجه ..

إقتباس


	بدت المباراة حوالي الساعة 08:20 وانتهت الساعة 10:00 بشوطين ولا أسوأ في تاريخ العالمية

ايييه هذا يوم كنت اشوف فيلم جامبر بالسينما

واذا عن اسوأ شوطين فـ نعم هم اسوأ شوطين ..

إقتباس


	طبعاً إذا لعب أسير الزعيم الفريق لايخسر حيث كان يلعب بضعة دقايق الشوط الأول وكانت النتيجة تعادل سلبي .. ودخل في الشوط الثاني وكانت النتيجة 1 - 1 .. لكن المشكلة خلال فترة غيابه في الشوط الاول جا فينا 4 أهداف ياسااااااتر

اقول ترى اللحين الولد يصدق عمره

أنا حطيت قانون جديد يقول اللي وزنه اكثر من 90 كيلو
ما يلعب

الا على فكرة هلالي الجنوب انت لعبت ولالا !

إقتباس


	أكثر اللاعبين إبداعاً .. كان دنيدل xavi As Roma 10 zizo4ever

كفو والله ..

خلاص اجل .. سيتم المناقشة بين الاستشاريين والمشرفين عشان يحطون مدرب جديد من هاللاعبين

الخطيرين

إقتباس


	من ضمن لاعبين العالمية أبو سعود الهلالي بالإنجليزي أسير الزعيم اي اس روما 10 دنيدل اليوفي وبس اي اس _ مان يوتي دي إكزافي واعتذر عن نسيان أسامي البعض

اجل 13 لاعب ودنيا وحووووسه ... وبالأخير مافي الا اربع لاعبين انقذوا الماتش

ياحسرتي حسرتاااه ..

إقتباس


	الحين .. احنا نبي نشوف ردودكم .. وبعدها سيتم التحدث عن المباراة وأجوائها وكيف وليش انهزمنا السير أحمد .. ومستر قول .. احمدوا ربكم إنكم ماجيتوا مبروك للمجلس ورده

هذا ردي طال عومرك ..

ويالله خلصوا علينا ليه وكيف انهزمنا ..

مستر قول اعرفه .. بس مين السير أحمد ؟

حتى ظلالي هلالي · #5 15/02/2008, 02:58 AM

هي نكبتكم العالميهـ .. وأحذر تنسى المئويهـ

هاردلكم يالحالميين

//
\\
//

سرى الليل يابو خمسهـ ..
//
\\
//
ون - تو - ثري - فور - فايف ..
واحد - اثنين - ثلاثهـ - اربعهـ - خمسهـ ..
//
\\
//
أعدين ليهـ ما تؤوموا تروحوا

<< روحوا ناموا

//
\\
//

تحياتي :
رئيسة رابطهـ الجمهور المجلساوي
ابراهيمهـ حقوي

أبــو غــامــد · #6 15/02/2008, 03:06 AM

إقتباس


	الا على فكرة هلالي الجنوب انت لعبت ولالا !

لا والله مالعبت

بس ان شاء الله راح أعود للملاعب وفي مركز الظهير الأيمن بعد

مركز خالد العنقري

إقتباس


	ويالله خلصوا علينا ليه وكيف انهزمنا ..

جمعي ردود الاعضاء هنا .. وراح تعرفي كيف انهزمنا

إقتباس


	بس مين السير أحمد

مشرفنا

helalemooot

Dr.Sara · #7 15/02/2008, 03:24 AM

إقتباس

الرسالة الأصلية كتبت بواسطة هلالـــ الجنوب ـــي


	لا والله مالعبت بس ان شاء الله راح أعود للملاعب وفي مركز الظهير الأيمن بعد مركز خالد العنقري جمعي ردود الاعضاء هنا .. وراح تعرفي كيف انهزمنا مشرفنا helalemooot

لا الله يخليك لا تلعب .. قلنا ما يلعبون الا 90 او 80 كيلو وتحت

ولا اقولك خذ مكان الحارس العتيبي احسن لك

ThE SpEcIaL OnE · #8 15/02/2008, 03:18 AM

ياحالميه خمسه خمسه

..!

ألف مبروك للمجلس .. وهاردلك للحالميه .. ووعدكم بـ الاياب

..!

وسرا الليييييييييييل يبو خمسه

..!

أشوني ماحظرت ياحالميه

..!

تكفون بـ الاياب بيضو وجيهنا وغيرو الاسم يمكن هو اللي مسبب النحس

..!

وين الاهداف والملخصات والصور

..!

عاشق السيدة العجوز · #9 15/02/2008, 03:06 AM

يا لييييييييييييل الخمسات

يا جماعة وش سالفة هالخمسة معنا وين ما اروح خمسة خمسة خمسة

الله يفشلكم بس

المباراة الجاية يا خالد لازم كانافارو العرب الي هو انا يكون موجود

احس الفريق كان يحتاج قائد في خط الدفاع

خوينا اليوفي وبس فيه

يا ليتني حاضر المباراة على الاقل استمتع بالفن البيانكونيري

اهداء للزلايب

أبــو غــامــد · #10 15/02/2008, 03:11 AM

إقتباس

إقتباس


	المباراة الجاية يا خالد لازم كانافارو العرب الي هو انا يكون موجود احس الفريق كان يحتاج قائد في خط الدفاع خوينا اليوفي وبس فيه يا ليتني حاضر المباراة على الاقل استمتع بالفن البيانكونيري

لو كنت فيه كان حقدت عليه .. مو لازم تشوفه خلوكم أخوياء أحسن لاتقطعون بعض

المشكلة مو في الدفاع وبس .. المشكلة ان كل فريقنا يبي يمسك الكورة

أصلاً المحاور هم المدافعين والمدافعين هم الهجوم والهجوم أظهرة .. بس اللي واضح انه يلعب بمركزه هو الحارس

{النمر15} · #11 15/02/2008, 03:36 AM

استنادا إلى القانون الأساسي لكرة القدم المعتمد رسميا من الاتحاد الدولي لكرة القدم ( فيفا )

نطالب بإعادة المباراة بين الفريقين لوجود الكثير من الأخطاء الفنية التي ( لاتكتمل المباراة بها )

( مخالفة وحدة تكفي

)

مخالفة قانون السلامة في معدات اللاعبين ..

إقتباس


	المعدات أن المعدات الأساسية الإجبارية للاعب هي: فانيلة أو قميص. سروال ( وإذا تم ارتداء سراويل حرارية فيجب أن تكون من نفس لون السراويل الأساسية ) . جوارب. واقيات للساقين. حذاء. واقيات السيقان

إقتباس


	تكون مغطاة بالكامل بالجوارب. مصنوعة من مادة مناسبة ( مطاط، بلاستيك أو أي ماد مشابهة ) . تؤمن درجة معقولة من الحماية.

مخالفة المواد الأساسية تستدعي إعادة المباراة

ماشفنا واقيات ياحكم .. شلون تسمح المباراة تبدا بدونها

<<< أحد قال لعـانة

LOVE JUVE · #12 15/02/2008, 03:18 AM

وش المهزله اللي اسمع عنها

صدق انهزمنا خمسه

خمسه خمسه كبسه كبسه<<< دعاية الطازج

كويس ماجيت والا محطت الاعبين العاهات بالعقال

يالله تعوضونها بالاياب وبجيب معي العقال علشان تلعبون زين

هلالي الجنوب يوم شفت الوضع تأزم كان طبيت وتداركت ما يمكن تداركه هههههههه

عسيريه · #13 15/02/2008, 03:23 AM

.

.

هلا هلا بالخمسآت

أقول من معاه صرف 5 ريال

صراحه ماقصروا شباب المجلس .. كانوآ قدها وقدود

بيضوآ وجيهنا ,, والعآلميه بعد ماقصروآ
أهم شي تكون هذي هي البدآيه لدوري شبكة الزعيم بإذن الله

وبالتوفيق للمجلساويه والعآلميه

مع التـحيه

عاشقة الزعيم15 · #14 15/02/2008, 03:25 AM

لوووووووووووووووووووووووووووووووووووووول

هاارد لكم يالعالميين بصراحه خساره مستحقه

ولا ايش رايك حتى ظلالي وسويرة

S U L A I M A N · #15 15/02/2008, 07:11 AM

عودة مع بعض التعليقات لبعض الردود

.. بس قبل التعليقات أشوف ان الموضوع قلت تشات لاعضاء المجلس وش السالفه

بس كله كوم وتصاميمهم ومادري وشو كوم ثاني

رحمتهم صراحة تذكرت المباراة النهائيه حقت المسابقه صراحة

إقتباس


	لعنبو بليسكم عالمية ماتعرفون تتوزعون صح في الملعب

إقتباس


	ابليس حق المجلس ماتوقع انه بيريح كذا

تشوف طارق

إقتباس


	أنا للمرة الثانيه أقولهـا أنصـح الحكم أنه يذهـب موب الثمامه للتحليـه أو العليـا يستعـرض بالجنـز حقـه !!

خخخخخخخخخخخخخ حلوه الذبه عبد الرحمن اهنيييييييك

إقتباس


	ولم يحضر من العالمية سوا أسير وسليمان

والله الدب مصر اليوم على الإشاعات

خير ان شاء الله على كيفك

.. والله كان يشرفني صراحة وقلت لهم هالشيء بس والله كنت مرتبط وهم بعد الله يهديهم ماقالوا لنا الا يوم خلصت المباراة ترى عندنا استراحه تعالوا

ما ألومهم كانوا متوقعين الهزيمه بس تجري الرياح بما لاتشتهي السفن

.. مشكورين على الدعوه عبدالرحمن ومتعب وعادل أبو طلال على راسي والله .. وزي ماقلت نتشرف بس الظروف .. آه يالظروف

إقتباس


	كان اللاعب الماهر دنيدل .. مسافراً من الخبر إلى القصيم .. ولكن حبه للعالمية اجبره للقدوم للرياض ثم التوجهه للقصيم . نواف

يالبى قليبه والله هو وسكسوكته نواف

على راسي والله يالغالي

إقتباس


	هلالي الجنوب يوم شفت الوضع تأزم كان طبيت وتداركت ما يمكن تداركه هههههههه

يابن الحلال الدكه وكثيره عليه

إقتباس


	عبدالله .. باللهي عليك لا صكيتهم انذارات علمني علشان اوقفك خخخخخخخخخخـ

صحيييييييييييييييح

بس احمد .. تراي مالعبت انا يعني مالي دخل .. حاولت أسوي شي بس ماقدرت وقسم والله ( سيفين على حلقي ) وطارق النمر يشهد بعد .. ولا طرطر

إقتباس


	لي رجاء خاص : ياليت تعطونا خبر قبل اي مباراة علشان نظبط الجدول ونجي للرياض ونحضر المباراة

سم ان شاء الله .. تامر امر ناصر وأي جديد في حال صار فيه مباراة جايه اول من بيدري انت ولا يهمك يالغالي ..