اولا امسيكم بالخير وهذا اول موضوع اكتبه بالمنتدى وارجوان ماتتضايقون من الموضوعلان الصبر عندي نفذ وحبيت اشارك معكم
انا متابع للزعيم من عام 1398ه بالتحديد من اول هدف سجله ابو فهد في النصر والى اليوم من جيل
بشير الغول وابراهيم اليوسف وفهد الحبشي وناجي وسمير سلطان والى يومك
اعزائي من مشجعين واعضاء شرف(داعمين)سابقا وحاليا وكل من يحب الا زرق الزعيم مقبل على
كارثه صدقوني ثم صدقوني لكل من لديه نظره بعيده ومتابعه لتاريح الهلال هناك خطرين يهدد الهلال
داخلي وخارجي لكن اريد ان نتكلم عن الداخلي اما الخارجي فسنفرد له موضوع خاص
عندما نشاهد تشكيله الهلال والا سماء الان نجد الدعيع والشريده والتمياط والدوخي وسامي والجمعان والبقيه (كومبارس) بالنسبه للشلهوب واحمد خليل وسليمان بصراحه(ما يزبنون)
بدايه التخبط بدا من سالفه عدم تجديد عقد يواردانيسكو وسيرجيو الذي اصطادوة من هم يصطادون في الماء العكر !!!!!!! ومن ثم التتضييق على بلا تشي حتى هرب يا جماعه بلاتشي من افضل المدربين الذين مروا على النادي 5بطولات من اصل سبع بطولات بلاتشي يصنع من فريق كله كديش الى فريق جامد ارجعوا الى كاس الاتحاد 1419ه امام الرياض عندما كان الرياض متقدم 3-1 والهلال بتسعه لاعبين ومافيه غير اثنين صاحين نواف وسوزا الكولومبي والبقيه الكديش عادل المطيري والبطريق المسعري ولطف والشايع والنزهان وقلبوا النتيجه الى4-3 عموما من 3سنوات لم اشاهد لاعب اقول عنه ينشد به الظهر من النا شئين او الشباب اما يجيك هدر على قل سنع مثل تركي القحطاني او ضعاف البنية مهارات لكن ضعيف الا لتحام من المسئول عن اختيار مثل هذة النوعيات
فكروا ليه الشباب كل سنه يطلع 2او3 لاعبين صح مع انه اقل امكانيات شوفوا الواكد والخثران والعبيلي والدوسري والاتحاد والاهلي حتى النصر وش يطلعون مع تحفظي على النصر لان لو عندة رئيس صاحي!!!عموما ماعلينا شوفوا الظهير الايسر 5سنوات وحنا في ازمة معقول الرياض بطولها وعرضها مافيه النصر طلع الجهوي والشباب طلع اثنين والاهلي لو تبغى طلع عشره شوف لاعبي الاتحاد اجسام لياقه اداره صاحيه حتى نوعيه اللا عبين اللي يختا رونهم اهم شي اللا عب يستلم الكوره صح ويمرره صح بدون فلسفه واستعراض ويحرث الملعب بلياقته واهم شي يطبقونه هو اللعب بدون كره طبعا بعد الشباب سابقا شوف النتيجه 11بطوله في 4سنوات والشباب 9بطولات في اربع سنوات وكانت الطريقه 3-5-2 غالبا تتغير الى4-4-2 حسب الظروف يجب ان يكون هناك مدير
فني يعتني باختيار نوعيه اللا عبين ومن ثم صقلها بالتدريب ولكن هناك نقطه احب ان اشير لها وهو ان اهتمام لا عبي الاتحاد بالتدريبات افضل من لاعبي الهلال للا سف

انا اويد ان يكون المصيبيح مسئول من ناحيه اداريه كمراقبه اللا عبين وضبط حضورهم على ان لا يتدخل بالا مور الفنيه مع احترامي لشخصه وتكون تللك الامور الفنيه الى مدير فني على غرار مايفعل
مانشستر وريال مدريد حيث يوجد مدير فني ومدرب وبينهم تنسيق في النواحي الفنيه على ان تكون التشكيله من صلاحية المدرب 100/ عموما للحديث بقيه