|
عتاب على الإدارة .. و إبداع من البرنس الليبي .. وأعضاء شبكة الزعيم يشترون بطاقة التائب ..!! السلام عليكم ورحمة الله وبركاته .. تحية طيبه ,, وبعد ,, في البداية .. ابارك للجماهير الهلالية عامة .. الإنتصار الكبير من أمام الغريم التقليدي .. والتأهل لدور الثمانية .. وعقبال فرحتنا بالكأس بإذن الله .. موضوعي خاص .. عن الكابتن الكبير / طارق التائب :smilie47: .. ( العلامة الفارقة بالكتيبة الزرقاء ) وعتاب أخوي من محب للكيان الهلالي للإدارة الهلالية ..!! وبعث رسالة من عاشق ينتمي للجمهور الهلالي إلى المبدع طارق التائب .. أخطاء : فرطت إدارة الهلال بصفقات وعقود يتمناها الهلال .. دفع الهلال في تفاريس عقود تساوي قيمة عقد شراء بطاقته .. ولكن كانت كل سنه الغله تزيد في الطلب .. وكل سنه نتحسر وندفع .. وبالنهاية ضياع فرصة شراء بطاقة اللاعب .. ومغالات نادية واستغلاله ورفع قيمة صفقته عند كل تجديد .. وضياع الاستفاده منه بالفريق الأول .. وإعارته لأي نادي مستقبلاً .. وعلى حسب ظروف مستوى اللاعب الذي كل سنه يثبت أنه وزير الدفاع الهلالي بلا منازع ..!! ويقابلها : الهلال يوقع مع لاعبين .. كـ أسامه هوساوي .. وبمبلغ يفوق الـ12 مليون .. ليقدم أسامه هوساوي بالدفاع الهلالي .. بينما بالجانب الآخر .. نرى تفاريس بنفس قيمة الصفقة يمكن أن تشتري منها بطاقته الدولية .. اضافة الى الاستفادة منه في وجود معسكر للمنتخب السعودي ..!! ولكن الإدارة تفرط في هذه الصفقة .. عشق الجمهور : * لاحظنا ولاحظ جميع الوسط الرياضي السعودي .. والعربي .. الوفاء والإخلاص من هذا اللاعب لنادية الهلال .. وحماسه في الملعب مع زملاءه اللاعبين .. ومع الجمهور الهلالي .. فتقريباً وبحسبة بسيطه نجد أن اللاعب طارق التائب .. هو أكثر اللاعبين ان لم يكن وحده .. حماساً ومطالبة من الجمهور بالتشجيع وبث روح الحماس بالفريق وينتج عنه الفوز الهلالي .. فاللاعب كوّن قاعدة جماهيرية كبيرة لدرجة أن في مختلف الميول السعودية تعشق فن وأداء هذا اللاعب داخل المستطيل الأخضر .. فكثير من الأخوه أعرفهم وينتمون لأندية غير الهلال .. يتابعون مباريات الهلال للإستمتاع بأداء البرنس الليبي طارق التائب .. واللاعب أبدى رغبة قوية بالبقاء في نادي الهلال .. لذا .. هي فرصة .. استثمارية .. لابد أن تستغل ولا نفرط بها كما فرطنا بالمدافع المبدع / مارسيلو تفاريس .. فرص : الآن الفرصة تتجدد .. ولكن في البرنس الليبي .. دكتور الوسط الهلالي .. عازف وملحن الكتيبة الزرقاء .. المبدع :smilie47: طارق التائب :smilie47: .. اللاعب عمره الآن 31 سنه .. ولازال المشوار أمامه ليعطي على الأقل موسمين اعتباراً من الموسم المقبل .. ولدية القدرة على المواصلة لسنه ثالثة .. فهو لاعب محترف .. ويعرف كيف يواصل على مستواه .. واستمرار صعوده نحو التألق وهذا ماشهدناه عليه في الموسمين الماضي والحالي .. وأعضاء الشرف وعلى رأسهم نائب رئيس أعضاء شرف الهلال سمو الأمير بندر بن محمد وسمو الأمير محمد بن فيصل رئيس نادي الهلا يبدون رغبتهم وأمانيهم ببقاء التائب لمواسم عديدة بالهلال والامس بقنوات الـart ليس ببعيد !! وجمهور الزعيم بلاشك .. يتمنى بقاء لاعب فرض نفسه لدينا .. لمواسم عديدة .. الآن يجب حسم موضوع البرنس الليبي .. ولو عن طريق أعضاء الشبكة !! * في تعليق لأحد أعضاء جمهور نادي مانشستر الإنجليزي .. ذكر بأن لو جمع أعضاء المنتدى قيمة الذهاب للرياض للعب في اعتزال سامي .. والبالغ مليون جنيه استرليني ولعبنا نحن معهم أفضل !! عدد أعضاء الشبكة 300,000 عضو .. لنأخذ الثلث والبالغ 100,000 عضو .. لو دفع كل عضو مبلغ 100 ريال .. لأصبح لدينا 10,000,000 ريال .. عشرة ملايين ريال .. والنادي تكفل بـ 5,000,000 خمسة ملايين ريال .. أصبح لدينا مبلغ 15,000,000 خمسة عشر مليون ريال تعادل 4,000,000 اربعة ملايين دولار .. الحصيلة .. تكفل ثلث جمهور الهلال بمبلغ ثلثين قيمة الصفقة .. والنادي يتكفل بثلث قيمة الصفقة .. ونشتري بطاقة التائب بمبلغ 4 مليون دولار .. ولاننسى أن بطاقة التائب يستفيد منها النادي سواء باللعب للهلال أو إعارته .. وان كنت اعتقد عدم اعارته أبداً فهو لاعب أثبت وجودة بالملاعب السعودية وبنادي الهلال خاصة .. وأصبح علامة فارقة بجميع الأندية السعودية .. ومبلغ 100 ريال من كل عضو .. لو دفعها فقط ثلث الأعضاء لانحلت الأزمة بشراء بطاقة اللاعب .. لايجيني عضو يقولي وش دخلنا المفروض النادي يدفع خصوصاً بعد التوقيع مع موبايلي .. ولا يقولي احد النادي أو أعضاء الشرف قادرين على تحمل قيمة الصفقة .. انا اعلم بأن أعضاء الشرف قادرين على شراء بطاقة اللاعب في أي وقت .. ولكن التائب لاعب جمهور .. وشاهدناه بالأمس في مباراة النصر كيف يقبل الشعار وهو في اتجاهه للجمهور الهلال .. ليعبر عن حبه لهذا الكيان وامام جمهور الزعيم العريق .. يلعب لعشق الجهور .. يبدع لإمتاع الجمهور .. يلعب لحبه للهلال وجمهور الهلال .. فلو علم التائب بأن الجمهور شارك في شراء بطاقته .. سنرى منه العجب العجاب في المستطيل الأخضر وامام جمهور الهلال وسيقود الزعيم هو ورفاقة للبطولة تلو البطولة .. الهدف ليس تقليل من مشاركة أعضاء الشرف .. وإنما بث رسالة مباشرة من الجمهور الهلالي ليعبر عن حبه لهذا اللاعب وثقته في هذا اللاعب .. وليس عيباً ان نشارك في قيمة صفقة لاعب أمتنعنا في الفريق .. وسيقودنا بإذن الله للبطولات مع ياسر وزملاءه .. ونرى هذه الأحداث في الدوريات الاخرى .. بل ونرى لاعبين يقدمون جزء من قيمة انتقالهم للنادي الذي يرغبون ومن حسابهم الخاص مقابل الانتقال للنادي الذي يريده ويعشق اللعب له .. واللعب مكسب كبير للنادي .. والنادي سيستفيد منه سواء بالفريق أو بالإعارة .. والاستثمارالرياضي يتطور والأندية السعودية في تراجع .. باستثناء الهلال الذي خطا خطوة الى الامام مقابل توقيعه مع شركة موبايلي .. وبإذن الله .. شراء بطاقات اللاعبين تكون الخطوة القادمة .. .. وأخيراً يكفينا تفريط .. ارحب بجميع وجهات النظر .. واعتذر على الاطالة وعلى لخبطة الموضوع .. كتبته على عجالة .. واتمنى فهم الموضوع وقراءة الموضوع قبل ابداء وجهة النظر .. دمتم بخير .. :smilie47: . . ODi _ 3ODi !! ..أودي عودي ..!! |
وعليكم السلام ورحمة الله وبركاته اخوي اودي مساك الله بالنور كلامك منطقي جداً التايب لاعب جماهيري ويثبت ذلك بعد كل مبارات وهو يوجه الجمهور فكرتك حلوه اخوي اودي ويعطيك العافيه والميه حقتي جاهزه:) |
اثمن روحگ العالية وطرحگ الرائع -- لقد گتبت گثيرا عن هذا الموضوع -- ونأمل من الادارة ادراگ ذلك جيدا |
واناااااااا جاهززز متى بس |
والله كلامك ممتاز ويستاهل البرنس والله أحس انه الاعب الحماسي الوحيد وعلى المجهود الي سواه أمس يستاهل أكثر وأكثر يليت يجلس في الهلال الى أن يترك الكره بعد عمر طويل أن شاء الله <<<<<<<<<<< ههههه أستغلاليه |
السلام عليكم و رحمة الله و يركاتة احييك على موضوعك الجميل و الرائع و الله اني أتفق معك في كل ما قلته s60s و اتمنى ان تقبل مني بزيادة شي بسيط لموضوعك و هو حتى لو اعتزل طارق التايب و هو موجود في الهلال و برغبة طبعاً من صاحب الشأن و هو طارق التايب ان يستمر لو في تدريب شباب الهلال أو حتى الناشئين على المهارات التي يؤديها داخل الملعب و من رأى عمر الغامدي في مبارة الامس سوف يلاحظ ما المح إليه . :surprised: عذرا على الاطالة |
يستاهل البرنس وانا جاهز حتى لو تكون من 1000ريال والله البرنس يستاهل اكثر من كذا............... |
واناا جاهز متى بس |
اتمى ان يشارك الجمهور في تجديد عقد الاعب لكي تكون الأول في العالم تجديد للاعب المحترف من حساب الجمهور |
يعطيكم العافية ع المشاركة .. وننتظر آراء البقية .. :) |
والله لو نشتري بطاقة التايب وتفاريس واسامة بيكون الهلال ملك الوسط والدفاع والحراسة والهجوم مالكينها من زمان |
اشكرك فعلا على هذا الفكر ! وصدقني لو اعضاء الشرف يجتهدون كان ماتحتاج لاعضاء وجماهير الزعيم ! انا اعجبتني كلمة قلتها وهي ( يكفي تفريط ) ! فكم من لاعب فرطنا فيه ؟ وبعد ذلك نندم على اضاعة تلك الفرصة من لاعبين اجانب وغيره ! والى متى ايضا ناتي بلاعبين عديمين الفائدة ! والتعاقد العاجل والذي ياتي بدون تاني وتركيز وتفكير ! متى تكون عندنا ادارة تفكر كثيرا قبل ان تفعل قليلا ! بينما نرى ادارة تفكر قليلا وتفعل قليلا ! مالفائدة من التعاقد من اسامة هوساوي وهو الآن يلعب مع الوحدة ! بينما الامر من ذلك ليش نجيبه اصلا ؟ لسنا بحاجة للاعب مثل اسامة هوساوي !! بالقيمة اللي دفعناها له نعطيها تفاريس على الاقل ! وفيه من شباب الهلال مدافعين رائعين بس عطوهم فرصة ! اما التائب والله العظيم اكبر خسارة للهلال اذا ماجددوا معاه او اشتروا بطاقتة ! الكلام يطول عن التائب فهو العلامة الفارقة هو اللي يلعب كانه من ابناء النادي يلعب بروح ! كم انت مخلص يا طارق .. ليلو اتمنى في اقرب فرصة الاستغناء عنه ! ويمكن التريض قليلا لنرى ماهو ليلو وماهو مستواه الحقيقي فلابأس فان لم يثبت وجوده فابتعاده افضل اخيرا اتمنى يا ادارة عدم التفريط مهما كلف الامر بالاعبين ( تفاريس _ التائب ) اتمنــــــــــــــى ! اتمنى ! اتمنى ان اراهم هلاليين لسنوات اخرى .. فهم الكنوز التي تم اكتشافها والاستفاده منها في الهلال .. |
نتمنى هذا ياهذا |
والله انا مستعد ادفع دبل وثري من ناحية طارق طارق يسوى الشي الكثير والكل حاسدنا على هذه الموهبه بكل صراحة طارق فاكهة الدوري السعودي |
ندفع لو 1000 ريال ابو نادين يستاهل وربي فكره ممتازه صراحة صعب أن اراه في نادي سعودي غير الهلال |
كذا نعود الاداره على التخاذل ورمي المسؤلية على الجمهور الهلالي اظاهر تبون ادراة الهلال مثل ادارة النصر خخخخخخخخخخخخ اللي مايقدر يخدم الهلال من اعضاء الشرف يورينا عرض كتافه ماله داعي يحمل العضويه الشرفيه وهو زي قلته اظاهر عاجبكم اعضاء شرف النصر تبون اعضاء شرف الهلال مثلهم :yes::yes: |
مشكور والله ان عندي امنيه ودي انها تتحقق ان شاء الله ان التائب ياخذ الكابتنيه |
ياليت شبكة الزعيم تجعل الموضوع جد وتسوي تصويت على الموضوع . |
إقتباس:
|
يستااااااااااهل ابو نادين فكره ممتازه |
وانا جاهز بس خل الادارة تجزم وتوافق |
صدقت يكفينا تفريط ياليت الاداره الهلاليه تسوي خير وتشتري بطاقته لاعب كبير بحجم طارق التائب المبدع :smilie47: يكفي بيروح علينا تفاريس وزير الدفاع الهلالي موضوع s60s الله يعطيك العافيه |
أقسم بالله يستاهل البرنس الليبي وكلامك سليم ياليت مانفرط فيه وأتوقع ... القطرييين شافوا اللاعب وماراح يخلووونه أبد صدقني لكن لو يتم الاتفاق وشراء عقد الاعب ..يكون أحسن بكثير ... أنا من عندي ألف ريال وأقسم بالله العلي العظيم أني صادق لكن ما أتوقع الادارة توافق على هالشي أبد أعتقد فيه واحد من الاعضاء طرح فكرة قريبه من هالشي لكن ماشفنا شي أبد على العموم يعطيك العافيه ياخوي ماقصرت , وأتمنى من إدارة الموقع ومن الاعضاء أبداء الراي على هذا الاقتراح |
طارق يسوى الشي الكثير والكل حاسدنا على هذه الموهبه |
الادارهـ..ما نقصهــا ولله الحمــــد بس ياليت تسوي فايض على قولة عبدالله بن مساعد يقوول لو صرت رئيس لصار كل سنه فائض يعني ان شاء الله بعد عقد موبايلي انحلت كل العجز المادي وقادرين الادارهـ..لشراء بطاقة التايب بس اذا ما بغت اللاعب بعد فترهـ..تقوول صار عندنا عجز وهو معروووووووووووووف |
واناااااااا جاهززز متى بس |
الله يعطيكم العافية ,, وشاكر تواجدكم ,, بالفعل وجود التائب لدينا .. يغيض الكثير .. فهو عملة نادرة يصعب توفرها بسهوله .. الموضوع للنقاش وابداء الرأي .. وأتمنى أن يأخذ الموضوع نصيبه من الإطلاع وإهتمام إدارة المنتدى .. ولازلنا ننتظر باقي الآراء ..!! |
و عليكم السلام و الرحمة كلامك منطقي و صحيح جداً |
مـاعــدنا مانــع ،،،، وانا جــاهـــز واتمنـــى التثبيــــت لأنــه في غـايــة الاهميـــة اعـيــد واكــرر اتمنـــى التثبيــــت |
فكرة حلوه .... والله يكتب الي فيه الخير للزعيم |
كلنا نتمنى يتثبت الموضوع .. ليصل نداء الجمهور .. عن طريق شبكة الزعيم ..!! وأتمنى الـ ( و ) ماتكون عائق بطريقنا في بث رسالتنا كجمهور .. لأن الغريب مافيه حتى الآن ولا مشرف كلف على نفسه في ايضاح وجهة نظره حيال الموضوع .. بينما مواضيع دق الخشوم والتعصب اللي صارت بشكل شبه اسبوعي .. تلاقيها بالأعلى مرتكزة وبأقلام المشرفين مرتزة .. واذا المشرفين يشوفون الموضوع مافيه أي أهمية .. فهم قدوتنا .. ولامانع من حذف الموضوع لعدم فائدته .. ونقبل رأيهم .. ولكن ان كان مفيد من الأولى تناول الموضوع وابداء وجهات النظر .. فـ الموضوع مهم لدي .. وإلا ماكان لزوم طرحة .. لازال الأمل موجود .. في إنصاف الأعضاء من قبل المشرفين الكرام .. دمتم بخير .. |
اشكرك من كل قلبي على موضوعك الراقي وجمهور الهلال متى ماطلب منا الدفع لن نتاخر باذن الله والف شكر مره اخرى |
احييك على الموضوع الجميل ونحن لها اذا احتاجنا الهلال |
كلامك في محلها انا اةل الدافعين بس متى |
يستاااهل ابو نادين ... ورب البيت يستااااهل .. !! |
اتمنا هل شي وحنا فدا للهلال وكل مايحتاجه ولعيون ابو نادين نجي مطامرين وارجو تفعيل الموضوع واشكر طرحك الاكثر من رائع |
شاكر مروركم .. :) |
التايب كبير ويستاهل |
جاهزين عطونا رقم الحسااااااااااااااب يستاهل البرنس |
كلامممم سلييييم |
واناا جاهز متى بس |
الله يعطيك العافيه على الموضوع بس 100 ماطلبتوا شيء يستاهل ابونادين والزعييييييييييييييييييييييييييييم |
إقتباس:
عشان يقولون نادي فقر ياخوي احنا مشجعين ما لنا دخل بالصفقات الصفقات خلها للاداره. |
نبداء بجمع 100,000 عضو اولا و انا اولهم بس نبغى شخص متفرغ علشان ينسق |
لازم يوصل الموضوع هذا للادراه عدد أعضاء الشبكة 300,000 عضو .. لنأخذ الثلث والبالغ 100,000 عضو .. لو دفع كل عضو مبلغ 100 ريال .. لأصبح لدينا 10,000,000 ريال .. عشرة ملايين ريال |
ابو نادين يستاهل ترى 100 جاهزه :d مو عشان الاداره لكن قسم بالله هذا اللاعب نحبه مادري ليه :smilie47::smilie47: |
شاكر تشجيعكم .. والتايب يستاهل .. ونرجع ونقول .. لانفرط فيه ..!! |
قدام بس افتحووووووووووووووو حساب نحول المبلغ له |
ندري ان هذي مسئولية الاداره لكن حباً في التايب نبي نشارك ونساهم وانا مني 1000 ريال :yes: |
يستاهل ابو نادين فكرنك حلوة اتمنى تنفيذها باسرع وقت ممكن وانا جاهز |
فيكم الخير .. ونتمنى تفعيل الفكره فقط من المشرفين ..!! غياب غريب !! |
وانا ميتي جاهزة يستاهل البرنس |
با التوفيق |
طرح جميل......... نعم ,,, والاهم ان نستفيد مستقبلا من اخطائنا..... وبناء على كلامك,,,,,,, اتمنى ان نشتري بطاقة ليلو.......... صحيح انه حاليا مهوب قد المطلوب لكن واضح انه قاعد يتطور مستواه........ وبعد سنتين بيصير مثل غيره,,,,,بنتمناه ويرفع سعره........... سلام.......... |
الله يكتب الي فيه خير:: |
انتم امروا وحنا نطامر |
في نفسي شيء,,,,اتمنى تسمعوه وتنقدوه.... بسم الله الرحمن الرحيم اخواني الزعماء,,,,عندي العديد من النقاط اود طرحها تعبر عن وجهة نظري الخاصة ,,,,اتمنى انها تفيد النادي والجمهور.......واتمنى النقد الهادف واحترام وجهة النظر........ 1- بدأ معنا اللاعب كماتشو هزيل المستوى وبعد سنتين صار كل مشجع هلالي يتمنى بقاؤه في النادي ولكن العروض اتته كبيرة...فرحل وكلنا حسرة .....وكذلك اللاعب تفاريس وهو ايضا سيرحل وسنندم..... - ليس عيبا ان نخطيء ولكن العيب الا نستفيد من اخطائنا..... - نادي الهلال يساعد اي لاعب ان يظهر كل ماعنده لكثرة النجوم والجماهير.... خلاصة النقطة الاولى اتمنى شراء بطاقة اللاعب ليلو قبل فوات الاوان... اللاعب ليلو صغير ومهاري وسريع ولكن ينقصه بعض التركيز امام المرمى وهذا سهل الحصول عليه مع الوقت خصوصا في نادي الهلال......... 2- خط الدفاع في خطر كبير لو رحل النجم الكبير تفاريس.............حتى لو جاء اسامة..... اعتقد كان تفاريس قادر على تغطية قلب الدفاع وحيدا,,,,ولن يستطيع اسامة وحيدا ان يعمل هذا الشيء.. 3- اتمنى شراء بطاقة اللاعب طارق التايب وتفاريس او احدهما على الاقل........ 4- اتمنى اعطاء الفرصة للاعبين الشباب في النادي ( النجوم القادمين,,,الكلثم,,الفريدي,,,الدوسري,,العابد,,,,,,,الخ) وعدم مجاملة النجوم على حساب هؤلاء الشباب اتمنى اشوف في نادينا الكبير ان اللاعب الاجدر هو اللي يمثل الفريق وليس اللاعب النجم او اللي كان نجم او ....... 5- اتمنى الا يشغلنا حبنا وتعصبنا لنجوم الفريق المعتزلين والحاليين عن حب ودعم ومصلحة النادي..... 6- اتمنى تفعيل المشاريع الاستثمارية في النادي اللي ممكن لكل مشجع المشاركة فيها والاستفادة وافادة النادي,,,مثل جوال الهلال او موبايلي الهلال..... 7- اتمنى ارجاع الكفاءات الادارية للنادي مثل التويجري والبطي والاستفادة منهم في ادارة الفريق.... 8- وفي نفسي اشياء لو قلتها حُذف موضوعي ولكن اكتفي بماقلت..... وآسف على الاطالة........ |
مشكوررررررررررررين .. والله يعطيكم العافية .. |
عساكم وعسانا على القوه ويله شدو الهمه |
مشكور اخوي على التوضيح .. |
| الوقت المعتمد في المنتدى بتوقيت جرينتش +3.
الوقت الان » 09:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd