.
والله فكره ليتي موجود بالرياض بس

الله الله بالصور عااد و يا ليت فيديو أسهل شي عندكم ما شاء الله

حطوا إعلان بالروابط

.

والله فكره خيالية ..

بنسق مع مدير أعمالي .. عشان أشوف متى أنا فاضي ..

والله يا جماعة الخير اني سمنت

وأخاف تبطون فيني مثل ما طبوا في رونالدو ..


شباب ترانا مانبي شياب ايوه ..

بلا خبره بلا هم خلوا الصغار عطوهم فرصه ..

برسل رسالة ..

بس حددوا وين الملعب .. يعني لا يصير في الربع الخالي وهمن تقولون تعال هناك ولا إيقاف

عموماً أنا ماني متأكد لكن انشاءالله بشوف ..

وإذا أكتمل العدد انسوني

إقتباس ‏AC_MadriD_UTD

^

^

خذوهـ يلعب معكم ترآهـ موهبة ..


ومستحي يقول آبلعب .. [ يبي آحد ينآديه ] ..


موفق يآنيلمآر منتدى ـآلريآضة آلعربية وـآلعآلمية ..

آن خلوك تلعب آبحضر آلمبآرآهـ لعيونك بس ..

انا عندي موهبة خاصة في الهجوم و المحور الدفاعي بس المشكلة ما عندي سيارة عشان اجيكم

ان شاء الله كلها سنة و نص واسوق و احسبوا حسابي معكم السنة الجاية

والله ما شاءالله فيه تجاوب جيد من الأعضاء .. حتى الآن تقريبا ً 8 أعضاء قدموا مستنداتهم

وننتظر المزيد .. طبعا ً أنا ماخذ في بالي ان مافيه أحد يبي يمسك الحراسة لذلك مبدئيا ً بكون حارس الى ان يتواجد من يسد هذا المكان بإقتدار ولو اني املى الباب مافيه مشكلة

خالد والله مافهمت وش رقمه

ابوسعود يا ليت ترسل رقمك مرسل كل شي الا الرقم << متمشور يرد

وماشاءالله فيه عضو مرسل ومعلمني على استراحة يقول ملعبها زين عند الفحص .. بشيك عليها بما اني يوميا ً عند الفحص أساسا ً مفكرين في ملعب زي الملاعب اللي على مخرج 6 .. لكن ان كان الملعب تمام نستاجرها وتصير جمعة + لعب .. وكل واحد يجيب قطته

بالنسبة للطقم أكيد طقمنا بيكون أبيض رمزا ً للسلام وطقمهم أسود رمزا ً للسلام

كزكز أنت عبدالرحمن بن سعيد حقنا

لا من جد الرجال كانت بداية الفكرة من عنده بس كانت على مستوى الروابط العالمية وحبينا نوسعها وفي حال نجحت الفكرة بنشوف الروابط ونجمع منها ولايمنع يكون فيه محترفين

شباب لا احد يستحي ترى الدعوة شبابية فوق ماتتخيلون .. ومن يدري يمكن هالتجمع يكون فيه كشافة .. حسب اللي ارسلوا لي حسيت اننا بنصير زي ساحل العاج في افريقيا .. والحمدلله ترى السعودية فيها مواهب بالهبل خاصة ً في الحواري

,, ,,

واللي خارج الرياض ؟

,, ,,

إقتباس كزكز أنت عبدالرحمن بن سعيد حقنا لا من جد الرجال كانت بداية الفكرة من عنده بس كانت على مستوى الروابط العالمية وحبينا نوسعها وفي حال نجحت الفكرة بنشوف الروابط ونجمع منها ولايمنع يكون فيه محترفين

باللهي يعني هالحين يقالك مرجعن لي حقوقي الفكريه هههههههههههههههههههههه

امش اكتبها في بداية الموضوع والا بخرب

إقتباس الرسالة الأصلية كتبت بواسطة أسيــ الزعيم ــر وماشاءالله فيه عضو مرسل ومعلمني على استراحة يقول ملعبها زين عند الفحص .. بشيك عليها بما اني يوميا ً عند الفحص أساسا ً مفكرين في ملعب زي الملاعب اللي على مخرج 6 .. لكن ان كان الملعب تمام نستاجرها وتصير جمعة + لعب .. وكل واحد يجيب قطته

ورا ما قلت انه أنا

اسير اذا تبي ملعب حلو فيه عندك ملعب الصحاف مخرج 6
لعبت فيه مباراتين تقريبا ملعب رووعهه صراحه
كانوا كل عصريه يتدربون فيه ناشئي الشبااااب
بالتوفيق للرياضه العالميه

إقتباس اسير اذا تبي ملعب حلو فيه عندك ملعب الصحاف مخرج 6 لعبت فيه مباراتين تقريبا ملعب رووعهه صراحه كانوا كل عصريه يتدربون فيه ناشئي الشبااااب بالتوفيق للرياضه العالميه

وفيه ملعب في طريق الوادي .. عند قصر عبدالعزيز بن فهد .. اللي قبال الصالات الرياضية ..!!

الملعب حوله وحق المقرن او المقيرن !!

وناشئين الهلال يتدربوا فيه ..

فيه الظاهر 4 ملاعب .. ملعبين 9 - 9 ( لاعبين ) وملعب 11-11 .. وملعب صغير ..

والمرامي زينه .. والارضيه كويسه ..

لكن الظاهر فل .. الدنيا إجازة ولازم تحجزون من الحين ..

حتى الصحاف لازم حجز ..

اما فكرة استراحة فما انصح .. لأن غالباً الاستراحات ملاعبها صغيرة او متوسطه ..

وغير كذا انها اغلى ..

بس هذا الملعب اللي اقولكم عليه .. بـ 300 .. او 350 .. يعني كل واحد يقط 10

فكـرة أروع من روعـه <<<< يمديكم


صراحـه كانت براسي هالفكره من زمااان بس كنت مستحي من أبو عابد


طبعـاً أكيـد الفوز بيكون من صالحنـا

لان حنا لنا خبرة مع المدربين العالميين ويكفي اسمنـا العالميين


عبدالله ,, أنا برسل لك رساله عندي شغلتين اذا ودك أسويها

أنت أول ما تجيك رساله مني افتحها ودق علي وقلي وش رايك ؟؟




والصراحـه أنا أقول اذا نجحـت هالفكره وأنا أتوقع لها كل نجاح وبقووه بإذن الله ,,

ودنـا تكون بين الروابط !! والله بيصير حماااس مو طبيعي وكل فريق يثـأر لفريقه اذا كان خسران في الصدز




مشكورين عبدالله سليمـان












][ دمتـم بـود ][