ــــ غريبة .. الهلال سيلعب أمام النصر بطريقة 4 - 6 - 0 .. بدون مهاجمين .. غريبة ــــ
 

السلام عليكم ..

مرحبا بكم يا زعماء ..

وأنا جالس في يوم من الأيام .. جلست أفكر في المباراة القادمة مع شقيقنا نادي النصر ..

وقلت في الحراسة ما فيه مشكلة .. وأيضا الدفاع ما فيه أي مشكلة .. ونلحقهم بالوسط ما عندنا أي مشاكل في الوسط واللاعبين الهلاليين موجودين بكثرة في مركز الوسط ..

لكن جلست أفكر في الهجوم .. يا ناس من سيقود الهجوم الهلالي في مباراة النصر من سيقودنا للفوز والتأهل بإذن الله .. نمشي على واحد واحد ..

- ياسر القحطاني : مع المنتخب ولن يشارك بسبب الإصابة .

- ليلو : موقوف من قبل لجنة الخراط !!

- أحمد الصويلح : للن يشارك بسبب الاصابة .. والله مشتاقين لك يا أحمد .

بدر الخراشي : سيشارك مع الفريق الأولومبي في مباراة الشباب التي تسبق مباراة النصر بيوم .( يوم الخميس ) .

محمد العنبر : أيضا نفس سبب بدر الخراشي مع الفريق الاولومبي .

ـــ لا يوجد إلا سلمان مؤشر ومن الصعب أن تشركه في مثل هذه المباريات الحساسه .. لأنها تحتاج لاعبي خبرة ..

وهائنا أكرر سؤالي مرة أخرى .. فهل من مجيب ..

س - من سيقود الهجوم الهلالي في مباراة الديربي ؟

في المبارك ,وياسر انشالله راح يشارك بالإضافة للمؤشر

الكتيبة الرقاء لا تخلا من النجوم

وبالتوفيق للزعيم

ياسر راح يلعب ان شاء الله
وموجود الكلثم

تقبل مروري

انا بكون راااس حربه في المباراه بس هاااا لاتنسوني بالتشجيع ،هههههههههههههههههه




ابو سعيد بيلعب ان شاء الله ،،

مشكورين على المرور الرائع ..

ونتمنى والله يلعب الكاسر ويكون من خلفه التايب ..

شكلها بتصفى عليك يا نايف الشدادي ..!!

الله يكون في العون

ابو سعيد ننتظر قرر انجوس

الخراشي سيكون موجود مباراة النصر

الكلثم موجود

المبارك موجود

مؤشر موجود

العنبر نفس سبب الخراشي

الكتيبة الهلالية مليانه نجوم

بالعكس اخوي المشكلة في الكبرى في الدفاع (خاصة الظهير الايمن ) والمفرج

والوسط الذي يعتمد اعتماد كلي على التايب (ومحاور الدفاع)

ينقصه وسط ايمن على مستوى ونشيط

اما رأس الحربة فيكفي العنبر وياسر (امنيتي ان يلعبو بجانب بعض)

ياكثر المهاجمين في الهلال
ياسر بيلعب مباراة النصر

احس أن الخراشي يكون في جانب الكاسر أفضل من العنبر ..
لكن الخراشي لن يكون بمقدوره أن يلعب مبارتين في يومين ..
فهو سيشارك اما الشباب ومن الصعب جدا ان يشارك امام النصر

الله يستر ويعين ..

ياسر بيلعب ان شاءالله

نتمنى والله يلعب ياسر ..

آه بس متى يجي يوم السبت ويقولون الهلال فاز ..

النقص يولد القوه

والتاريخ يشهد على ذلك

تحياتي لك

أخوي روبن هود .. لا مندس ولا شي .. أعرف كثارين هلاليين يقولون نفس الكلام .. الله يعين
لكن بإذن الله إنها هلالية وبحته بعد ..

أخوي الهلالي الألماسي ..
وأكبر دليل على أن النقص يولد القوة .. هي مباراتنا مع الاهلي ..
مشكور على المرور الرائع ..

بالنسبة لياسر اصابته ولله الحمد كانت خفيفه ورجع للتمارين وباذذن بيتواجد في مباراة النصر

اما الصويلح الله يرده لناا سالم والله اشتقناا له

الخرااشي مااتوقع يشارك مع الاولمبي لانه حسب المباريات الوديه الي مضت العنبر مع الاولمبي والخراشي بيكون مع الفريق الاول
واذا شارك بيكون مشاركته شوط وااحد او اقل اذا استلزم الامر وهالشي مو مانعه من المشاركة في مباريات ثانيه
لذلك اعتقد تشكيلة الفريق امام الشباب
بدر الدعيع
الذياب ..المرشدي..الهليل..مسفر
ص.الدوسري..البرقان
ع.الدوسري..الفريدي..الكلثم
العنبر
الاحتياط
الخراشي ..الغنام 2..ع المفرج..المبارك..المؤشر ..السعود..الياس


في حال تقدمناا الشوط الاول بفارق هدفين يطلع العنبر ويدخل السعود ويطلع الكلثم ويدخل المؤشر..ويطلع ع.الدوسري وبدخل احمد الغنام كظهير ويتقدم الذياب
وبكذاا بيقدر يتستخدم الخراشي والعنبر والكلثم والمبارك وع الدوسري الي المدرب معجب به

وتكون تشكيلة النصر
م الدعيع
الزوري..المفرج..تيفا"خيرات"..نامي
الغنام
.................الغامدي
الخثران........
.......................المبارك
االتايب
الخراشي

والاحتياط ..
ياسر..شلهوب..عزيز..خيرات..الكلثم..ع الدوسري..المرشدي..العنقري..الشمري

ياسر بأذن الله بيلعبـ .. ويلعبـ الخراشي كمهاجمـ ثاني أو الكلثـمـ ..

و وراهمـ التايب - الشلهوب - الغامدي - عزيز .. الوسطـ نـار .. بس ان شاء ما تكون فيه اصابات في الأيام القليلة القادمة ..

موجود ياسر والخراشي والمبارك ومؤشر

شدعوة يالغالي

هذا الهلالي

الله يعين والتشكيلة حلوة يا مزاجي هلالي لكن نتمنى ياسر والشلهوب اساسيان ..

ياسر موجود يا زعماء وراح يلعب اساسي ..

مين قالك ياسر ما راح يلعب
ياسر انشاءالله اساسي

عز الله انهزمنا

ياسر انشالله راح يلعب وهو غير مصاب

ياسر راح يلعب إصابة عاديه

والكلثم وين راااح ؟؟؟

يااسر باذن الله بيلعب ..

الهلال ماعليه خوووف فريق كبير ماشاءالله

فيه الكلثم والمؤشر

إنشاء الله الفوز هلالي...

إنشاء الله الكلثم وأبو سعيد والخراشي والكتيبه الزرقاء مليئه بالنجوم....

وإن شاء الله لونلعب0_0_0 الفوز هلالي ......هههههههه.

ــــــــــــــــ بالتوفيق ــــــــــــــــــــ

لاتكبرون الامور يااسر مافيه الا العافيه وان شاء الله هو اللي بيقود الهجوم الهلالي

فيه ياسر اصابته خفيفه

المدرب بيحط العنبر او الخراشي
علي دكة الاحتياط في مباراة الشباب عشان يلعبه
مباراة النصر

ليلوليه ميلعب

له خلهم يتعود محمدالعنبر خالدالعنقري

ان شاء الله يلعب يااااااااسر

ياحبيبي المصيبيح صرح اصابة ياسر بسيطه جدا وراح يشارك اليوم في تدريب المنتخب....معناتها ان شاء الله راح يشارك قدام النصر.....

والكلثــــم موجود والخراشي اذا ضاقت الامور مايلعبه مع الاولمبي......ويكتفي بالعنبر....

تحياتي لك,,,,

ناخذ ايتو اعاره ههههه

ياسر ان شاء الله يشارك..

تأكد بشكل كبير ان الخراشي بيلعب المباراه أساسي

وأتوقع انه يريحه مباراة الشباب

اخوي مشكلة الجماهير وخاصة الهلالية انها ما تحب اللاعب الغير مهاري

العنبر الان افضل المهاجمين بعد ياسر وليلو , وياتي بعدهم الصويلح

صحيح انه في انخفاض في المستوى ولكنه يبقى العنبر صاحب الامكانيات

ومباراة مثل هذه قادر ان يحسمها لنا بعون الله , العنبر هداف (فلا تنظر اليه بغير لغة الارقام)

حسم حتى الان 3 بطولات وهو تحت ال20 سنة , لديه ذكاء نادر ويختصر الطرق ولكن

مشكلة الجماهير اذا كرهت لاعب اخذت منه موقف واصدرت عليه حكمها ما ينفع , انا حتى الان

ارى العنبر هو مستقبل الهجوم الهلالي فعمره الان 22 سنة ولديه رصيد جيد في الفريق الاول

اضافة لذكائه في التعامل مع المباريات الحاسمة وتركيزه امام المرمى

تذكر مباراة مانشستر !! جاب هدف ..
وبعدها بيوم سجل في الاتفاق !!

ربك يعين والفوز هلالي ’’’

مهبول أنت .!





أكيد مب ملعبين الخراشي ولا العنبر مع الشباااب كأس ولي العهد أهم عندهم ..

لا ما عليك ما تخاف فيه عبدالعزيز الهليل

لا تنسون ترى مبارتنا مع الشباب مهمة أيضا فإذا فزنا تصدرنا مجموعتنا ..

تكفون .. الي يقول الفوز هلالي لا ينسى يقول إن شاء الله ..

ومشكورين على المرور الراقي .. وكان بودنا أن لا يتم تجريح أحد من اللاعبين .. فالعنبر مثلا هي استراحة مجاهد وعائد بإذن الله بقوة ..

يعطيك العافيه اخوي وياسر باذن الله بيلعب لاكــــــــــــــــــــــــــــــــــــــــــــــــــــــــن
الخوف سوف ياتي من الظهيييييييييييير الايمن وبالذات خــــالد العـــنــقري
انا خايف منه جدا ونقاط ضعفه,1_عدم مسانده الدفاع وهو برحه اصلا في الدفاع
2_عدم مسانده الهجمه وهو برحه برضو في الهجوم بصراااااااااااااااااحه
ماينفع في نادي مثل نادي مثل نادي الهلال والبديل عبد العزيز المفرج

طيب يا زمن الابداع .. ومحمد نامي وين راح ..موجود وإن شاء الله أساسي في مباراة النصر ..

اهم شي ان شاء الله الفوز على الفقر

ياسر والكلثم

مشكور أخوي العرجان على المرور .. وبإذن الله الواحد الأحد الفوز هلالي ونفرح جميعا ..

لا ان شاء الله ياسر يكون موجود وبجانبه الكلثم وفي الوسط المبارك والتايب