08/03/2002, 11:06 PM
|
زعيــم متواصــل | | تاريخ التسجيل: 15/12/2000 المكان: جدة
مشاركات: 163
| |
قال ايش قال هلال ياواد بلا هم ايش هادا يابوي ، ايش هوه ، ايش اللعب الماسخ حقكم قهرتونا ماشرفتوا الكورة السعودية اللي زي اصحابها يابوي قالو هلال يشرف ، هذا هو الهلال مو معقول ياهوه ، انه هادا هو الهلال اللي تتكلمو عنه يابوي هذا فريق مفكك ، ايش الدعيع اللي تقولوا عنه حارس القرن هذا يابوي طاح على قرنه وانكسر وصار بدون قرن ، والا هاد اللي اسمه حسين المسعري هادا بدمتكم لاعب يابوي بلا لاعب بلا كلام فاضي ، هذا احسن له يمسك جرة فول ويبيع في رمضان والله يجيلوه جمهور كتير ، والا الطيارة النزهان هادا يابوب يبغاله مين يربطوه بعامود الكورنر بس بحبل قصير ، والا الواد سامي ابو الدعايات حق البيبسي اللي ماطاش ، الواد والله مغرروووور وراكب راسه انه مافيه الا هو ياهوه ياحقون الملعب التونسي ايشبكم هادا الواد سامي الديب زي ما بيقولوا ياهوه خلولوه الكورة وبعدوا عنه ترى هو يزعل لما يشوف احد قدامه وهو يبغى كدا يزرق بالكورة ، بس احلى ما في الواد ساميطيحته اللي جابت البنلتي ابو هدف في العارضه ، ياهوووه عساك العما الباب قدامك مفتوح الا تبغى تسقطها من فوق الراجل ، والا هاد البدوي اللي يقولوا عنوه كولومبي ، ما يشوفوا لوه حلاق يحلقلوه شعره يمكن يخف ويتحرك ويدور الكوره يمين وشمال ، اقول لكم بيني وبينكم ما في احد في ادارتكم يفهم اللي يبقي هادا اللاعب يابوي هذا ممكن يطبخ والا ينفخ والا يصيد سمك وقليه الا الكوره تبغالها واحد فنان زي ابو فنيله الله يزكره بالخير هاداك اللاعب وال بلاش ، بعدين ياناس ياهبل تسيبوا الواد خميس وتجيبو الواد متولي بالبرازيلي توليو ، ياناس ياهوه فين عقولكم الا والله إزا كونتوا تبغوا تخربو فريقكم فهادا معقول ، والله اعلم على العموم يبغالكم تزبطوا فريقكم قبل المربع وكاس اسيا قدام القطري والصيني والكوري والا والله تاكلوا هو السنه هادي ، الله يهديكم بس ويهدي المصيبيح حقكم ويسيب النادي هو وشلته وما ننسى كمان سيادة الريس ، يالله تصبحوا على خير ، ونشوفكم قام الأتي لا يلحقكم بفريق الرياض وياويلكم من جمهوركم ترراه ما يرررحم |