قــلبي يقـــول كــذا ..! - نادي الهلال السعودي - شبكة الزعيم

الملك"توتي" · #1 26/01/2008, 02:15 AM

بسم الله الرحمن الرحيم

السلام عليكم حبايب قلبي

-
-
مبروك الفوز للجميع

طبعا انا متأكد الكل يتساءل مستوى الهلال هابط ؟؟

ليش اللاعبين منرفزين ؟؟

ليش ما حقننا بطولة السنة اللي فاتت ؟؟

وانا اول من يسأل هالأسئلة ..

بس خلونا شباب نستذكر شوي بعض من اللي مضى <<< ما ودك تسوي امسية

المهم

اكيد كلكم تتذكرون خسارة النهائي من الشباب 3 - 0

وبعدين بدا الموسوم الثاني ..

خرجنا من البطولة الخليجية

وبعدين خرجنا من بطولة فيصل بن فهد

وبعدين خرجنا من كاس ولي العهد

وبعدين خرجنا من النهائي ضد الاتحاد

وبعدين طلعنا من الآسيوية

وبعدين طلعنا من الخليجية

......

في قاسم مشترك في اكثر من بطولة راحت علينا ..

اولا النهائيات ، كلنا نتذكر اننا حققنا 5 بطولات متتالية

ولو تلاحظون كان سامي الجابر موجود في نهائياتها

ولكن .. يوم غاب عن النهائي اللي قدام الشباب خسرنا ..

ويوم غاب عن النهائي اللي مع الاتحاد خسرنا !!
طيب !

نروح للبطولة الآسيوية

قبل مباراة الذهاب اللي في الامارات .. انصاب التايب

قبل مباراة الإياب.. توفى والد الشلهوب الله يرحمه

لعبنا المباراة .. ضاع بلنتي ؟؟ بعدها واحدة راحت القائم ؟؟ وبدت الفرص تضيع ؟؟ وطلعنا !!

بعدها لعبنا مباراة في الدوري ضد نجران وخسرنا ؟ وكان في المباراة 3 كور مابين القائم والعارضة !!

( ويمكن تكون هالمباراة مفترق طرق بالنسبة للدوري )

وبعدين طلعنا من الخليجية بهدف غريب ؟؟

طيب من هذا كــله

ما تحـسّــون ان المسألة فيها عدم توفـيق ؟!!

صدقوني يا شباب .. ماهو المـدرب

حنا نتذكر ان الهلال مستواه هابط من آخر ايام بيسيرو السنة اللي فاتت ؟؟

بعدها مروا 4 مدربين ولا تغير الحال

صدقوني المسألة في اللاعبين !! مش تقصير منهم بالعكس ..
انا اقول ان كل هاللي صـار سبب عليهم ضغط مش طبيعي

والدليل مباراة اليوم .. ومباراة الأهلي والطائي

تحس اللاعبين متنرفزين ..

وهذا سبب توتر وانخفاض في مستواهم

والدليل الاكبر والاعظم يوم لعبنا مع مانشستر .. كانت مباراة ( بلا ضغووط )

عشان كذا بدّع اللاعبين لان عندهم امكانيات .. بس الضغوط تقيّدهم

ولكـن !! في شي أهم ..!

يعني انا بسأل كيف تبون ناخذ بطولة وقناة الزعيم كلها مغازل × مغازل ؟؟

كيف تبونا ناخذ بطولة ودردشة الزعيم .. فيها اللي ما يرضي الله ولا رسوله ؟؟

يعني مع احترامي لكل القائمين على هذي الأعمال اقول ما نبي اي شي من ذا

هل مافي مجالات نكسب منها غير هالاشياء المحرمة ؟؟

وبعدين هذا هو عدم التوفيق اللي اتكلم عنه ؟؟

هذا هو سبب الحظ النحس اللي مرافقنا ؟؟

واخرتها .. الشماتة اللي بالأندية ..

قــناة الزعيم

بصراحة هالقناة عـــااااااااار على الزعيم

ياخي اذا ما تقدرون تصلحونها زين زي قناة مانشستر وتشيلسي شيلوها !!

والا نسيتوا اننا مسلمين والله ما وراها إلا الذنوب .. استغفر الله بس

صارت الاندية الثانية تعيّرنا فيها قههههههههههر

يا ناااااااااااااس

هذا الهـــلال شلون تكون قناته كذا ؟؟

تعليق رقــم 9

لا اعتقد بـأن الشخص اقدم على تعليق رقم 9 تقديرا للأسطورة ..

تم تعليق الرقم ( وانا اراهن على هالشي ) من قبل الشخص عشان يكره الجمهور في سامي !!

بدليل انه يعرف بأن سامي رافض الفكرة ومع ذلك سواها

عشان يثير جمهور الثنيان والنعيمة على سامي .!!

وهذا تحقق بصراحة .. واذا مو مصدقين ادخلوا منتدى النمر !؟؟

للأسف يا سامي ظلموك وانت تلعب .. وظلموك بعد اعتزالك

والشيء اللي يقهر انها من جمهور الهلال

( الجرح موووووت الجرح لا جا من أحباب )..

آآآآآه يا سامي

والله لو كنت انا الوحيد في العالم اللي مقتنع فيك وكل الناس تضحك علي والله لتبقى الاسطوووورة يا ساميوو
والله ان شاء الله بياخذ حقك من كل ظالم

شكراً طارق التايب

بصراحة يجب ان نتخلى عن العاطفة .. طارق التايب هو النجم الاول

طارق التايب يضحي بالكثير من اجل الهلال

ياناس كانه ابن النادي ..

يوم جددوا له بمليون قال : تـم

ما جلس يساوم مثل بعض الناس !!

والله اليوم يوم اشوفه يرجع يدافع ويتقدم يهاجم ويصنع والله اني احيانا اقول حرام يعلب بهالفريق !

واان بصراحة انقهر لما اسمع الجمهور ينادي اسم ياسر .. (( وياسر يستاهل والله نجم ))

بس برضو طارق يستاهل لانه هو من يحسم النقاط لنا بصراحة

وايضا بصراحة يجب ان نعترف بأن فهد المفرج نجم في هالموسم بصراحة ..

رغم اني كنت من اشد المعارضين له .. ولكن لابد ان نعترف بأنه مبدع هالموسم

(( رأي ))

المدرب

انا اقول هالكلام وتذكروه بعدين ..

إقالة كوزمين ستسقط الزعيم .. صدقوني

المدرب ذكي ..

واحنا الآن في حاجة استقرار .. محنا ناقصين ..

والله مو المدرب اللي يقول للهليل امسك الكورة واسحب عند قولك ؟؟

مو المدرب اللي يقول للمرشدي والمفرج اذا شفتوا مالك معاذ تبطحوا عشان الشظايا

مو المدرب اللي يقول لتفاريس لا تبقي رجل واحد بالملعب ؟؟

مو المدرب اللي يقول للعنبر خلك واقف اذا ما جتك الكورة بالطقاق واذا جتك الكورة شوتها برا

اتمنى بصراحة ان المدرب هذا يبقى لعشر سنوات قادمة وانا .. متاكد ان هالمدرب هو اللي بيحقق لنا الآسيوية بعد ما استعصت علينا 4 سنوات متتالية

يا ناس تعبنا وحنّا نقـيل نقيل وش جابت لنا الاقالات غير اقالات ؟؟

خلونا نستقر ونشوف !!

-

* بصراحة مع احترامي .. رئيس نادي نجران غبي

يعني بالله تخيلوا معي .. هو جالس يتابع المباراة كل شوي دق عليه واحد وقاله الحمادي قال وقال ..وهو يالله علطول قام يحش الحمادي ..
طيب انا بسأل : وش يظن ؟؟ يعني وش مسوي للحمادي ؟؟ ابي اعرف نادي نجران وش مسوي للحمادي عشان يتهجم عليه ؟؟

بالعقل يا ناس ؟؟هل الحمادي بيجي ويقول فريق نجران فريق حريم . وهو يحلل!! ؟؟ وحتى لو كان الحمادي هلالي ؟؟ والله اللي يسمعه يقول نجران فريق كبير والحمادي هلالي مقهور منه ؟؟

زمن عجيب !!

* حاتم خيمي .. مقهور من سامي يحاول يقلل منه بذكاء .. وبصراحة محد ينتبه له .. سبحان الله نسخة طبق الاصل من تصرف المذيع عبدالعزيز البكر ضد الهلال .. كانهم راضعين من ثدي واحد !!!؟

تحياتي لكم ... واتمنى ان تفهموا هالجملة

(( الاختلاف في الرأي لا يفسد للود قضية )) << الخوف مليح