بسم الله الرحمن الرحيم


كتبت الموضوع لحرصي لكي نجعل جماهير و عشاق سامي رؤية حفل اعتزاله

صراحه فيه ناس ما تقدر تشوف المباراة السبب أنه ما عنده اشتراك art وهذا

سبب المشكلة راح تقولون يشوفها بالمقهى والمقاهي راح تكون كلها فل من العصر

لذا نطلب نحن كجماهير الهلال خارج الرياض أو داخلة >> اللي ما اشترى تذكرة

من سامي و art أن تنقل المباراة على قناة art عين المفتوحه ليتسنى للجميع مشاهدة

حفل اعتزال النجم الاسطوري (( سامي الجابر ))


لذا أتمنى أن تضمون أصواتكم حتى تصل 1000 صوت


والله ولي التوفيق


وداعًآ سامي

والله ياليت

..

بس انا بأذن الله بكون في الملعب

..

ميين يسمع
يليييييت والله
وش ذنبنا احنا يالبنات اللي ماعندنا اي ار تي
نروح الملعب يعني والا مقهى

انسا لو يوصل العدد خمسه مليون

شارين المباراه بفلوس مو بلاش

انا بنت وبقطع شوشتي من القهر من جد ..

ودي اطب فيهم ضرب مو صاحي ..

..............


ياليييييييييييت يسمعون معناتنا ويخلونها على عين

ياليت

أنا ودي أحضر المباراة بس المشكلة إني بالمدينة المنورة و عندي إختبار يوم الثلاثاء

يعني بقوة ما أقدر أحضر

و الإشتراك خلص والمكافئة ما نزلت

يعني خابوووووووووووور

وسوف أبكي حرقة وألما وأكتب على ورقة الإمتحان

(( لن أنساك ياسامي ))

بل ولم أتخيل أن أشاهد مباراة للزعيم بدونك

لكن هذا حال الدنيا

والله من جد ياليت

نبيها على عين

والله لو تجيب ملايين الاصوات ماراح ينفع معهم الا الحقران لانه يقطع المصران

انا بعد والله اتمنى مع اني باذن الله بكون في الملعب
وايضا سمعت ان المباراه راح تعاد على احد القنوات
بس حلاتها مبااااشر
وانشاء الله اي ار تي تتيح للجميع مشاهدتها

الله يعين البنات

أقول .. تبطي عظم !!
توقع لاتفقع

شكلك ما تعرف صالح كامل ....
هذا لو يحصل له يشفرك والله مايتأخر ...

هذا يقول للريال : ياسيدي
يبوس رجل الدرهم ...

اللهم لاشماته ....

لاترجي من ورى هالنكره خير ...

وجهز روحك من الحين يا تشوف المباراة بالملعب ..
أو تشوفها بالمقهى .. والله يكون بعونك ...

امنيتي ينقلونها اخوي الصغير عنده اختبارات ولا هو قادر يحظر الاعتزال واربع وعشرين ساعه يصيح يبي يشوف المباراة

إقتباس الرسالة الأصلية كتبت بواسطة الأستاذ الأزرق شكلك ما تعرف صالح كامل .... هذا لو يحصل له يشفرك والله مايتأخر ... هذا يقول للريال : ياسيدي يبوس رجل الدرهم ...

هههههههههههههههههههههههههههههههههههههههههه الله يرج ابليسكـ


وانت صادق كان شــفر الناس كلهم خخخخخخخخخخخخخخخخخخ

هذا يعبد الدرهم عبـــــادهـ أستغفر الله العظيم

هذا ضفدع ناقص

بس ان شاء الله يقـّـدر وضعكـ

والله واحد من اخواني أمس يكلمني يقول في اي قناة راح ينقل اعتزال سامي قلت على art

قال لي تكفى شوف لي قناة من هون من هون قلت تبطي عظم تشوفها في غير art

وربي حزنت عليه لانه هو بعيد عني وماعندهـ art

حسبنا الله ونعم الوكيل

وبالنسبه لي

بأذن الواحد الأحــد حضوري راح يكون بالملعب <--قص التذكرهـ أمس مبسوط

نتمنى ولكن لا اتوقع

<--- امس اشترك بالاي ار تي من اجل سامي

لا والف لا

خلها حصريه احسن