يمكن هالموضوع فئة الشباب هم الي راح يستفيدون منه اكثر ..
لان احنا البنات 24 ساعه بالبيت مع الوالد والولده ...
وياليت شبابنا يعرفون مارح تستفيد شي من طلعااتك مع ربعك <<< مقهوره منهم
لان بالنهايه مردك حق اهلك ,, واتوقع اي شي يصير لك اول ناس رح يوقفون معك اهلك ..
موربعك الي 24 ساعه كنت معاهم ,, هم بس يبونك وانت طيب مافيك شي .. لو صار معك اي شي لاسمح الله ..
محد راح يوقف جنبك ..
>>>> يازيني وانا اتفلسف
عوافي ياابو طلال .
هلابك يالعنود
الموضوع للعيال والبنات ... والبنت 24 ساعة بالبيت بس وجودها مثل عدمه و مثل ماقالوا الأخوان بغرفتها ..
شكرا لك حضورك وإضافتك للموضوع هالتعليق
==================
إقتباس
الرسالة الأصلية كتبت بواسطة رومانيوتوتي
يعطيك العافيه حبيب البي
يعافيك ربي يالغالي .. وشكرا لك
==================
إقتباس
الرسالة الأصلية كتبت بواسطة هلاليه سنعه
اهلا ابو طـــلال
مقاطع الحوار اللي ذكرتها تتكرر كثير في الحياة اليومية..
الأسره قليل ماتتقابل على وجبات سواء غداء او عشاء ..
مثل ماقالت العنود ان الشباب اكثر بحكم كثر
ارتباطاتهم ومشاغلهم اللي ماتخلص ..!!
وحتى فيه بنات كثير عايشه في البيت ولاكنها عايشه
لها جو خاص نووم نت تلفون طلعات يمكن تمر وتشوف امها أو ابوها بالصدفه او اذا بغت شئ زي ماتفضلت ..
يعني الزبده أهل البيت عموما المفروض من البدايه
يكون الترابط شئ اساسي سواء في علاقاتهم او سفر الاكل
جلساتهم العائليه ماتكون مفروضه فرض
لكن يتشوقون لها لأن الكل مشتاق للثاني ويبغون
ياخذون سواليف بعض ومشاكلهم ومزحهم ..
مانقول يقاطعون العالم الخارجي لا كل شئ يعطيه حقه
واهله اولى في هالشئ ..الاقربون اولى بالمعروف
ابو طلال موضوع ذو شجون صغته بأسلوبك الرائع والمشوق
يعطيك ألف عافيه ..
دمت بخير ..‘‘
هلابك اختي هلاليه ...
شاكر لك حضورك الجميل .. وايضاً شكرا للإضافة الرائعه
======================
إقتباس
الرسالة الأصلية كتبت بواسطة ღ سيموღ
السلام عليكم ورحمة الله ,,
أهلاً أبو طلال , وصباحك خير إن شاء الله , وطرحت موضوع جميل بقالب فكاهي ,,
الأسلوب الحواري اللي ذكرته دائماً ما نشاهده في بعض فئات المجتمع خصوصاً فئة الشباب , وكثير منهم تأخذهم الفكرة إلى إيجاد
مكان لهم مثل الإستراحات وغيرها وتتطلب أموال حتى يكون لهم المكان ويأخذون راحتهم , وهنا ما ننكر هالشيء وبالعكس شيء
طيب أن يحصل هالأجتماعات بينهم بمكان هاديء , ولكن مثل ما قلت الأقربون أولى بالمعروف وهم الأسرة يحتاجون إلى مثل
هالإجتماعات مثل ما يحصل مع أصدقائك في أماكن الأستراحات , وشيء بالأساس المفروض أن يحصل أن يكون ترابطك مع الأهل
أكثر من ترابطك مع غيرك , والمشكلة أن بعضهم ينظر الجلوس مع الأسرة فيها شوي من ( البيـتوتية ) , وهي هذا شيء خطأ ,
مع أنهم ما راح يفيدك بالاخير إلا أنت بإجتماعك مع أهلك والحديث معهم , والتواصل والحضور مع الأسرة أفضل وتلم الترابط بينكم ,
وكذلك بعدهم يأتي الأصدقاء والأقرباء لك , ولكن دائماً وأبداً نكرر ولا ننسى أن الأقربون أولى بالمعروف ,,
/
\
أبو طلال
حضور متواصل بطرح مواضيع قيمة , بأسلوب فكاهي مشوق,,
الله يعطيك العافية , دمــتّ بخير , ورده ,
اهلا باخوي سليمان ... تشرفت بحضورك وردك كثير .. وربي لايحرمني من هاليوزر وصاحبه
ولاأزيد على كلامك .. كفيت ووفيت
و هذآ حـآل المجتمع هذه الايــآم طلعآت مع اخوياهم ,, واذا ابوهم قالهم تعـآلو مششغولين وآخرهـآ من التصريفآآت ..
وان هذآ الي يقول لبوهـ مششغول بيسسوون فيه عيآله كذآ ...(( كمـآ تديـن تدآن ))...
فعلا كما تدين تدان ..
واسعدني حضورك وتعليقك يالغالي
===================
إقتباس
الرسالة الأصلية كتبت بواسطة ][the best][
وعليكم السلام ورحمة الله وبركـاته ,
مختارات رائعة وتوظيف للشخصيات ! لا أعلـم ماذا أقول سوى أنها ليست مجرد رائعة فقط ! بل هي من صنعت معنى الروعة !
. .
يعطيك العافية
الروعه الحقيقه هي حضورك الجميل والتواصل الرائع والمداخلات المفيده منك اخوي
شاكر لك .. لاخلى ولاعدم
=====================
إقتباس
الرسالة الأصلية كتبت بواسطة أبوشلاخ الهلالي
هلا والله أبو طلال وشلونكـ وشلون العيال عساكم بخير ( الله لايغير عليكم )
الحين الله يحديكـ قاعد تسحبنا بالموضوع الماوس أنكسر من كثر ما أنزل بالصفحة وآخرتها تقول الأقربون أولى بالمعروف لا والله الله يجزاكـ خير موضوع أحسن مافيه أنه أعطانا نموذج لمشكلة من مشكلات كثيرة تكون داخل البيوت ..
الأقربون أولى بالمعروف
أبو طلال الله يعطيكـ العافية يابعدهم تقبل مروري .. (ورده)
أول شي الله يهديك كآن كتبت اسماء بدآل الحروف ترآي قايمه من الساعه 8 أذآكر ويوم شفت نفسي مآش تعبت دخلت نت وأوول موضوع اقرآه موضوعك عجزت أعرف منهو د ومنهو ج
بالنسبه لـ موضوعك ,,
صرآحه وفقت في اختيآر الموضوع
هذآ وآقع كثير من الأبنآء مآ يشوفون أهلهم أو أبآئهم بالتحديد إلا إذآ كآن محتآج ويبي فلوس امآ من نآحية الجلسه مع الأهل ,, هذي حآصله كثير مع بعض الشباب مآ يجلسون مع أهلهم أبد مع إن الأهل أولى ,,
مآ قلنآ شي أطلع مع أصدقآئك روح استرآحآت بس حتى أهلك يحتآجونك
يعطيك العآفيه أبو طلال ع الموضوع الصبآحي
مع التـ ح ـيه
هلا والله عسيريه .. والله يهدي الجميع يارب .. واعتراضك وتذمرك على عيني وراسي ابشري راح ندرس هالموضوع في المستقبل .. او صرف علبة بنادول مع كل موضوع مشابه لهالموضوع
الله يعطيك العافيه وماازود على تعليقك ..
========================
إقتباس
الرسالة الأصلية كتبت بواسطة S K Y
والله يابو طلال قمت ألخبط بين الحروف ماعاد افرق بين الاب والاولاد
الموضوع بشكل عام جوهري أصبت فيه كبد الحقيقه المؤلمه التي تعاني منها كثير من العائلات لاشك أن الألتزامات تزيد يوم عن الآخر لكن من يعيش معك تحت سقف واحد لهم الأولويه في الصله لأنهم الأقرب إلى ذاتك والأقرب إلى قلبك ولن تجد غيرهم أقرب إلى همومك
صله أوجبها الله عليك وليس لك في ذلك منّه ولكن للأسف في هذا الزمان .. الشخص يبحث عن مايرضي نفسه ويتجاهل مايرضي والديه واهم من ذلك مايرضي ربه وماقد يكون سبب في أدخاله الجنه وللأسف هي عقولهم المغيّبه
اسألك ربي أن لا تعمي بصيرتي ولا تغيب عقلي عن مايرضيك
000
ابوطـلال كالعاده يعجز لساني عن التعبير وكأن ماتقدمه لنا فوق التعبير
إعذر سطوري وتقبل مروري
يابعدي والله .. اعميتك ياخلفهم
وانا يعجز لساني عن الامتنان والشكر على حضورك ومرورك ... واسلوبك الراقي
اكرر شكري
=========================
إقتباس
الرسالة الأصلية كتبت بواسطة أبو فيصل الرحيمي
ما تحس إن الفلوس من كثر ما تطلع ما تقضي
ما علينا من ذي الحين .
أبو طلال كتبت فأبدعت ورسمت فكرة من قصة قصيرة (( موهبة )
وبالنسبة للموضوع أتوقع ما راح نقدر نغيره .
الواحد يالله يلقى عمه أو خاله إلا بالعيد ليش ؟. مشغول !
هذه ضريبة التقدم .!
لكن ما نقول إلا الله يرحمنا برحمته .!
تقبل مروري . . . ورده
سعيد جدا بتواجدك اخوي ابو فيصل .. واتمنى تكون زياره متكرره .. للإستفاده من حضورك وتعليقك
وشرف لي وجودك وتواجدك في موضوعي
شكرا لك
======================
إقتباس
الرسالة الأصلية كتبت بواسطة المستشار
هلا بالغالي ابو طلال
تكلمت عن مشكلة كبيرة جداً
اغلب الشباب الآن تجده مشترك في استراحة
والأوقات التي يقضيها في الاستراحة تكون للآسف اكثر من الأوقات التي يقضيها مع اهله
ولا أحد يعلم ما يحصل في الاستراحات .. ! !
والأسرة هنا تتحمل جزء من الخطأ
فأعطاء الأولاد أي مبلغ يطلبونه ولا يعلم أين يصرف هذا المال بالظبط .. ! !
فهذه من أهم أسباب خروج الشباب وعدم الجلوس في البيت كثيراً
وإذا توفر المال مع الأولاد فمن الممكن أن يكون مدمن أو مدخن والأسرة لا تعلم .. ! !
وبالنسبة للزوجة ياحظها برجال زي كذا
------
أحس رديت رد طويل مررره <<<
على العموم الف شكر لك ابو طلال على هذا الموضوع الهام جداً
تقبل مروري
هلا والله وغلا بخوينا القاطع
سعيد بتواجدك وحضورك وتعليقك ..
لاتحرمنا من حضورك .. ولاازود على كلامك
كان سميت واحد علي والثاني علي والثالث علي والرابع علي والخامس عليه
موب أريح ?
لاتنحنح ادخل ( ماعنك غطاء ) مابلغت الحلم
وابشر المره الجايه بحط صور بدال الأسامي بعد .. لعيونك يالغالي
وشكرا لك ولحضورك
====================
إقتباس
الرسالة الأصلية كتبت بواسطة فيني منك وفيك مني
من زمان يا ابو طلال كلن ودي ارد على احد مواضيعك بس ما ألحق عليهن ألا بالصفحات الأخيره وصراحه
انا ما أحب ارد بآخر الصفحات لانها تكون من ضمن الصفحات المهمله يعني مو زي الصفحه الاولى المميزه
اقول انا قعدت اتفلسف والصفحه بتروح علي خلني الحق <<<< طلع من الموضوع مالت عليك وعلى ردك
كل اللي بقوله لك لله درك يا ابــو طــــلال
والله مثل هالكلام يحرجني .. ويحملني مسؤوليه .. يعني لو كان براسي ( خمبدزه ) اضرب بريك وكله من كلام هالناس الذوق .. شروى من يقراء كلامي ..
تسلم على كل هالشعور اخوي .. واتمنى استحقة ..
وبالنسبة لي ماعندي صفحات مهمله .. الرد الأول فقط ياخذ صفحة كامله .. وباقي الردود في كل صفحه مهمه وارد عليها .. حتى لو كنت مشغول .. واقراء كل رد ( بذمه )
شكرا لك .. والموضوع الجاي برسلك رساله خاصه قبل الموضوع اعلمك فيه علشان ترد علي وتصير بصفحه لحالك بردي على ردك ( ياكثري ) >>>>> أول مره يصير له معجب ومتشقق من الفرحه
شكرا لك يالغالي ولاتحرمني من حضورك
====================
إقتباس
الرسالة الأصلية كتبت بواسطة جرح يشكي
هلا ابو طلال
ما ادري عبدول للحين يزين شماغه ..؟؟
عبدول مهوب لمنا الحين ... فاتحين موقع دردشه في احد مواقع الدردشه التشاديه .. رايح هناك وساحب معه كم واحد .. يطيح اللى براسه ويرجع تافل(ن ) العافيه
بس تصدق استفاد من الدردشه السودانيه ؟؟ الحين هوبا بنقش الحنا كذا
شكرا لك محمد
=======================
إقتباس
الرسالة الأصلية كتبت بواسطة A S D
//
\\
يا هلا ابو طلال ..
موضوع جميل , فيه شوي من الفكآهـه ..
لاكن مثل ما قالوا الأخوان الي قبلي .. لو فكيتنـآ من الحروف ..
تصدق كل مآ بديت اقرآ القصه لخبطت و رجعت اقراهآ مره ثآنيه كله بسبب الحروف..
//
.. الأقربون أولى بالمعروف ..
\\
رائع ما كتبته أخوي ابو طلال .. ورده
.. وعلى دروب الخير نلتقي ..
سـ لا ـمـ ::
أولا شكرا على التصميم الجميل ... ثانيا شكرا .. ثالثا شكرا .. رابعا عاد شكرا
خامساً ( اشكرك بعنف )
سادسا مرسي
وربي يسعدك ... ولاتحرمني من حضورك يالغالي
الأب مـآ غير صرفية ع هـ الاسترـآحـآت . . والمصيبة رـآعينهـآ طول اليوم برـآ الاستراحة يقولون طفشنـآ
شبـآب يضيع ، ومال يتبعثر ، في ظل وجود آبـآء يحملون النية الحسنة التي تتشكل في صلة الرحم ومبدأ لآتحرم عيـآلك همن يقلبون عليك . . !
ابو طلال ..الله لآيهينك : )
اجمل رد قرأته حتى هذه اللحظه ... >>> لاأحد يزعل امامكم فرصه في المستقبل>> اقول طس
شكرا لك اخوي وتسلم ايدينك
====================
إقتباس
الرسالة الأصلية كتبت بواسطة abu_riman
أبو طلال مساك الله بالخير و أؤيدك .
الأقربون أولى بالمعروف لكن للأسف الحواجز بين عيال العم و الأقارب تخلي الشباب يفضلون البعيد على القريب ، البعيد يظل بعيد حتى لو عرف شيء مو كويس مثلاً ، لكن القريب ينظر له البعض - للأسف - أن معرفته بتصرف لي في لحظة معينة قد ( يغير ) صورة عند الأقارب قد ( يفسد ) مشروع زواج قد و قد .
شكراً لك .
يامرحبتين كبار ابوريمان .. نورت متصفحي المتواضع
فعلا زي ماتفضلت .. ومرات يكون الواحد على اعصابه في اجتماعات الأقارب من باب .. (الأقارب عقارب) ... و(خلك بعيد حبك يزيد) .. وكل هالأمور اللى تخوف وتجعل الواحد يفكر بحساسيه بعلاقته مع اقاربة اكثر من اصدقائه ..... عموما القصد من الأقارب هم من في داخل المنزل .. على الاقل مانقطعها
شاكر لك حضورك الجميل وتعليقك الرائع اخوي
=====================
إقتباس
الرسالة الأصلية كتبت بواسطة ليش يابعدهم ليش؟؟
هلا والله بو طلال موضووع رووعه وللأسف إنه انتشر بشكل كبير تلقى الرجال وااصل وراعي جمعات بس مع ربعه ولا أهله مايدري عنهم إلا وقت الحاجه
بس عندي ملاحظه
ماتلاحظ انك خليت الزوجه تاخذ 2000 والعيال كلهم على 500 و200 لا و50 بعد<<يعني كان زودت طلباتهم شوي منتب قليلين شر
مشكلتنا اننا نلمع صورتنا قدام الناس .. بس عند أهلنا ماتهمنا لو كانت الصورة ( سيئه )
واما بالنسبة للحروف .. كثرة المطالبه بعدم كتابة الحروف .. والإجتماعات والمشاورات على قدم وساق من أجل الخروج بقرار يرضى الجميع .. ومن هنا إلى اصدار القرار .. لك مني كل التقدير والتحية
وشكرا لك حضورك ومرورك
=======================
إقتباس
الرسالة الأصلية كتبت بواسطة هلاليه كووول22
هلا ابو طلال ورده
احداث للاسف منتشرة في مجتمعنا وبعدين اجتماع الاولا د والبنات مع اهاليهم مفروض يكون شي متربين عليه مو ابو لاهي بشغله وتجارته وام بطلعاتها اللي ماتخلص ومايشوفون اولادهم الا اذا خلص مصروفهم
الله يصلح الحال ويعطيك ألف عافيه
اهلا وسهلا بهلاليه كووول 22 <<<< بشوف تاريخ تسجيلك وكل سنه زود ازود سنه من عمرك .. وبعد ماشيكت على تاريخ تسجيلك طلع 2 / 9 / 1999 م ماشاء الله عمرك يعني 31 سنة .. العمر كله >>>>>>>> شطحت عن الموضوع صح ؟
شكرا لك اختي .. ويعطيك العافيه ومشكور على المرور والتعليق ..
وترى امزح .. عمرها 13 سنه بس
أبوطلال تصدق أسبوعياً إذا ماشفت لك موضوع بالمجلس أحس بلوعة بالتسبد وبدوخة وإرهاق طبعاً أنت بيجي على بالك إن هالأعراض ماهي إلا أعراض حمل لكن هاذي الله يسلمك أعراض فقدان شوفة يوزرك ومواضيعك يالشين << ياشين القروي إذا ماعرف يمدح
وبعدين ورااك حاطن حروف يعني يقالك تبي تموه دوخت روسنا الله يهديك والله تسنك مدرس رياضيات ماعرف يشرح الدرس لطلابه وبالنسبة للموضوع صدقت يابوطلال وهالظاهرة انتشرت بين الشباب غالبيتهم وانا منهم أفضل جمعه البعيد عن القريب لأن القريب بلشه وعلى قولتهم الأقارب عقارب وبالنسبة للأهل والله يابوطلال صحيح إننا مقصرين لكن الواااحد منا المفروض ما ينظر لوناسة نفسه لكن ينظر لوناسه غيره اللي هي وناسة أهله بشوفته بوسطهم ..!!
وصدقني موضوعك رااااااااائع أبوطلو وماعندي شي أقوله لأن الراااس مسطل والعقل فاضي ماتسمع إلا قرقعة المخ من الطفش وقواااك الله يالشايب .. ولاهنت
قهر ما أقدر أقول قهر عشان ما يقول أبو طلال إني أقول دايم قهر
والله هالشي واقع كثير من الشباب
وللأسف بفترة من الفترات كان هالشي حاصل لي
لكن الحمد لله إني تجاوزته وصرت إذا ما قعدت مع الوالد العصر أتقهوى معه المغرب
وإذا ما قدرت أتقهوى معه المغرب أتعشى معه
أما الغداء صعب يجتمع أهل البيت خصوصا إذا كانت دواماتهم مختلفة
ومزاجاتهم مختلفة ( ناس ما يحبون يقيلون وناس ما يعيشون بدون قيلولة )
يعطيك العافية يابو طلال ورده
يعجبني الفاهم ( اجل قهر )
وكلنا حصل لنا هالشي .. لكن بعدين تتحسف وتتراجع .. وعلى قولتك تتجاوز هالشي وتعرف ان قعدت البيت زينه .. والسوالف مع هالعجيز والشايب تسوى طلعات العالم كلها ..
شكرا لك
=======================
إقتباس
الرسالة الأصلية كتبت بواسطة الـمـشـاغـب
4 س + 3 ص = 150 د
5 ج + 4 ع - 2 أ = 326 ف
<<< يقرأ القصة ويحسبها معادلة ويبي يحلها
أبوطلال الله يرجك بس .. أجل حاط حروف يعنني مسوي حركة جديدة في المواضيع عشان يقلدونك
لا ومن زود الهياط مسوي نفسك كاش وحاط المبالغ في القصة ميتين وخمس مية وألفين
حاس أنك كنت بتتحمس وبتحط ( هـ ) جدهم ويعطي 30 ألف عشان تكمل الهياط بس زين أنك استحيت شوي
وأنا متحمس مع القصة وأحاول أربط بين الحروف قلت يمكن يقصد أبوطلال نحل معادلة أو نجمع الحروف مع بعضها
حسب تسلسلها وتكررها عشان تطلع الكلمة الضايعة
بالأخير يقول : شوفوا أهلكم والأقربون أولى بالمعروف
أحد قال لك أننا خلـّفنا أهلنا ونسيناهم؟ ما باقي غير تقول نقرأ عليهم قصص قبل ننومهم
أبوطلال خلك واقعي .. ترى الواحد يمل شوي .. بالله شف له كم سنة قاعد مع أهله؟ ما تبيه يمل؟
أبوطلال الله يعطيك العافية ترى كل ردي أمزح فيه بس قلت خلني أجرب أحطمه شوي
وأبشرك ترى خالي من الهم لابس كاب موب شماغ يعدل فيه لأنه بجدة
تشــــــــــاو ورده
من قالك انه انا ( البطل في القصه ) يالدلخ
سلطان .. واصلني الخبر انك مستشر .. مير فكنا من شرك .. وطول ماخالي من الهم راسه يشم الهوا حط حيلك فيه .. وإن غاب والا راحت عليه نومه .. عندك فياض .. لحمه طري ويتحمل .. .. وإن اختفي فياض والا طلع ( للعيال ) عليك بالخدامه اللى توصله للمسجد
الله يسعدك سلطان .. ارجع للموضوع مره ومرتين وثلاث ... دام هالذبات فيه .. وسع صدورنا واللى مايجوزلي من كلامك .. ابسوي تنبيه للمشرف واخليه يحذفه وابلغ عنك ( من كثرك )
سلام ياكابتن .. ولاتحرمنا من حضورك وطلعاتك
=======================
إقتباس
الرسالة الأصلية كتبت بواسطة ولد سدير 1
امور واقعيه يا ابو طلال
واحس ان القطه احسن من قطعه الرحم
وخاص اجتماع الخوال والاعمم
مشكور حبيب قلبي
مااقصد القطه بانها اسراف .. بالعكس انا ادعوا لصلة الرحم .. وهذا واجب ديني .. بس الأولي الصلة للي داخل بيتك .. ابوك وامك واخوانك .. بعدين تواصل مع الخوال والعمومه
وشكرا لك يالغالي
وطبعاً غالباً العيال ماجلسون بالبيت أبداً اقسم بالله البيت عندهم تقل فندق
يجي يأكل + يلبس + ينام بس هذي وظيفتهـ بالبيت
لكن يفيد أحد لا
وأنا هنا ما انكر إن البنت ممكن أنها ماتجتمع مع اهلها وهي معهم بنفس البيت تلقها يا نت او نوم
بس على الأقل تنفع أمها وأبوها شوي اذا احتاجوا اي حاجه منها .. وتجلس معهم اكثر من الولد بكثييييييييييييير .. لأنها مو 24 ساعه بس نايمه والنت لا تمل شوي وتنزل عندهم تحت .. تريح عيونها و تفتح نفس والديها
عندي تعقيب على رد المشاغب << تعقيب متعوب عليهـ
ماقلنا خلفتوهم ونسيتوهم ولا تقرأ عليهم قصص قبل النوم
طيب تمل من أهلكـ !!
أخوياكـ ماتمل منهم؟ !!
يعني برايكـ حنا يالبنات مانمل من البيت ..؟! تتصور إننا مبسوطين وحنا ماغير مسكر علينا بالبيت وانتم ماغير دوران بالشوارع و فلة حجاج بالاستراحات و كشتات
يعني على الأقل عط اهلكـ لو (نص) الوقت اللي تجلسهـ مع اخوياكـ
تراني قلت (نص) ماقلت كل الوقت
آسفهـ ابو طلارس على الرد الطويل بس بصراحه الموضوع بالنسبه لي حساس لأني أعاني منهـ كثير
ورده
هلابك والله ...
وين تعقبين على رد المشاغب ..
المشاغب لو مالقى احد يتهاوش معه تهاوش مع روحه ..
وبالنسبة للموضوع كلنا نعاني منه ..وكلنا مسؤولين وضحايا بنفس الوقت .. لكن مايمنع اننا نحاول نغير شوي من طريقة واسلوب حياتنا .. ونجرب !
شكرا لك اختي .. نورتي
========================
إقتباس
الرسالة الأصلية كتبت بواسطة ...SoMe OnE...
,,, ,, ,
هي مشكلة انحصرت بـ ان تُهجر البيوت ليس بـ ذاكَـ الهجر ولكنه مجازا بالنسبة لـ المنزل يعتبر بـ ذاكَـ المعنى ,, ما يجعل الامر بـ تلكَـ الصوره هو مشكلة مزدوجه مابينَ العائله والشاب فـ الاول لخص الاجتماع بالرسميه وابتعد عن التجديد ,, والاخير افتقد السعادة داخل منزله فـ بحث عنها بعيدا عنه ,, وللاسف ان الموضوع يتطور بالنسبة للشباب كلما زاد العزوف عن المنزل يبدأ الضجر كلما اجتمع الاثنان في مكان واحد , وبالتالي يُفتقد التفاهم ويبدو وكأن الشاب مجبور على ان يمضي يوما مع العائله ..!! التجديد في مفاهيم التجمعات , وتغيير الاسلوب فيما بين الاول والثاني .. لابد وان يكون حاضرا كي تكتمل المعادله .. ولا يزداد الضجر كلما طالت مدة التنافر ..!!
/ \ /
ابو طـلال
الحلول موجودهـ ولكن يظلُ الشاب صاحب البادرة الاولى .. ولكن تتفاقم المشكله كلما زاد الابتعاد وظل الصمت من قبل العائله بـ اعتيادهم لهذا الوضع .. الامر تماما لـ الانثى .. فـ الصومعه في الاعلى مكان الرقـاد ..!! ولا تأتي الاطلالة الا مع الوجبات وبالتالي انحصار الاجتماع فقط على بعض الاوقات ..!! وهنا تكمن المشكله وتضعف السيطرة عليهما .. لكَـ التحية عزيزي على هذا الحوار الممتع .. اسلوبكَـ جميل في ايصال المغزى .. والفكر الرائع دائما مايمتع ويُفيد باركَـ الله بـ قلم تقبضه يمينكـ وباركَـ الله بـ نبض يسكن في اعماقكـ ..
****
كن بخير ...SoMe OnE...
شكرا لك على هالرد ...
وطالما حنا اصحاب البادره .. ليتنا نبدا الحين ومانأجلها .. وعلى الاقل نجرب ونشوف .. يمكن يعجبنا الوضع .. وتجوز لنا الجلسه .. ونكون خسرانين وقت جميل ماكنا ندري عنه مع الوالدين
مهما قلت ومهما تكلمت .. يعجز لساني عن التعبير بمدى اعجابي بقلمك وشخصيتك
دمت قلماً مبدعاً في منتدانا الرائع
شكرالك
بالفعل لماذا نحرص على دوريات الاصحاب ولقاءات الشباب ونهمل الاهل والبيت !!
أذكر مرة كانت سيارتي في الورشة فطلبت من اخي الاصغر مني سيارته يوم الخميس
لمشوار ضروري فقال وانا اجلس بالبيت ؟
قلت له ليه عندك شي او مشوار مهم ؟ قال اليوم خميس ابي اطلع وش اجلس أسوي بالبيت !
قلت له انطق عند الوالدة همز رجلينها لين أجي ...
بعض الشباب صار عندهم الجلوس في البيت عيب وما يجلس الا البنات ...
ويمكن كانت هذي الفكرة عندي انا من قبل
بس الآن قسم بالله اني اذا خلصت شغلي اجي البيت طاير ولا ودي اطلع بتاتاً البته ...
وانا لا اقول ان الواحد ينتر في البيت ولكن ساعة وساعة ..
وكما في الحديث وآت كل ذي حق حقه ..
مشكور ابو ^ ابو طلال ^ الطائر هذ العرض الرائع ..
وهذا الاسلوب الجميل والسلس ..
ودمت بحفظ الله ورعايته ,,,
هلا بالطش والرش .. منور ياباشا
حنا شعب دايم مستعجل .. شعب دايم مالنا خلق .. دايم نمل .. نطفش .. الله يعيننا على انفسنا
وإلا فيه احلى من جلسة مع العجوز .. من فرحتها فيك ( تقحنك من هالقهوه لين مايطلع مع خشمك ) وإن جازت لها سواليفك وعطيتها جوك .. فتحت الشنطة الصغيرة وقالت : دوك ياولدي اشتر بنزين .. ولا اشتر ببسي .. بس انت عطها جوها وماعليك .. جوها كالتالي : سب الجيل الجديد .. وامدح الجيل القديم .. سب كل شي في هالوقت .. البنات والرجال .. واللبس .. والناس .. والأكل .. وامدح شغل اول .. وذكريات اول .. وشيبان أول عاد انت فاهم الباقي ابو مقبل
شاكر لك حضورك ومرورك وتقبل اصدق التحايا والامنيات مني انا ابو الطل
=================
إقتباس
الرسالة الأصلية كتبت بواسطة بـنـ**الزعيم**ــت
هلا والله أبو طلال والله هالموضوع مهم مررره يعني الواحد يجلس مع أصدقائه أكثر من أهله الله يخلف على هالشباب اخوي يقول لي فيه واحد من أصدقائه يجلس أسابيع مايشوف أهله ينام بالاستراحه ويقوم يروح للجامعه لما أحنا نهاوشه ونخليه يروح لأهله الله يستر عليهم يامال الثنكيوات على هالموضوع السنع
فعلا فيه اللى بعد مايودي امه للمستشفى علشان طلعه والا دوران بالشارع مع اخوياه ..
ودك اخوك ( يتسحت ) هالشخص من الإستراحه .. اخاف يستاثمون فيه
وشكرا لك على حضورك .. ونشوفك ان شاء الله وانتي ناجحه ( كما في التوقيع ادناه )
=====================
إقتباس
الرسالة الأصلية كتبت بواسطة راكان _20_
هههههههههههههه أبو طلال إن عجيب جداً عل موضوعك
بس دخت من الحروف يا غلام
مبدع الله لا يحرمني منك
سلامتك من الدوخه يابعدي
الأبداع حضورك وتواصلك يالغالي ..
شكرا لك
===================
إقتباس
الرسالة الأصلية كتبت بواسطة A.K.N 505
وبالفعل ما في تواصل بأغلب البيوت بين الأبناء والأباء
تلقى الأب يرجع من الدوام ويتغدى وينام وان صحى طالع , والعيال برا البيت والبنت تلقاها بغرفتها
التقصير كله في ذا الي جالس يكب من ذي الفلوس هو ( ب ) كم راتبه .. << ملقووووووووووووووف بعدين كلهم يطلعون إلا هو مسنتر على طول في البيت ..
اعتقد ان اغلب البيوت فيها انظمة وقوانين .. بس مو بمعنى الانظمة والقوانين المقننه ..
يعني بعض البيوت تلقى ما فيه احد يعتذر عن الوجبه ( الغداء أو العشاء ). إذا ماله نفس يجي يجلس معهم على السفره وياكل لقمه ويقوم ولا يجلس حولهم معهم في نفس المكان الي هم جالسين فيه .. أو جلسة ( شاي - قهوه - عصير - سالفه ) تلقى اغلب العائله متواجدين ..
يعني صار روتين حلو وتقدر تقول نظام ثابت بدون سابق دراسه ونبي جدول وخرابيط ..
تحياتي ..
والله انا اشوف إن التقصير من الجميع ...
واعجبني نظام الأسره اللى ذكرتها .. المفروض ترى كذا .. لازم اجتماع يومي إما على سفرة طعام غداء .. او عشاء .. او قهوه عصريه !! لابد من الاجتماع اليومي وتكون عاده
شكرا لك اخوي
=========================
إقتباس
الرسالة الأصلية كتبت بواسطة هلالي من ارض اليمن
يا ابوطلال ... الله لا يمسيك الا بالخير والعافيه
الظاهر ان الأب أعلاه مستورد !!! او انه مقيم في الولايات المتحدة ويخشى على نفسه من لجنة الدفاع عن حقوق الاطفال ،،،
ما شاء الله أب يقول حاضر وكل مطالبك أوامر ... هذا اب يحتاج ان يوضع على أغلفة مجلات الموضة !!!
قصة جميلة اخوي ابوطلال ورسالة هادفة حول الشباب الذين اصبح شغلهم الشاغل حياتهم الشخصية وتناسوا ان لديهم أهل في حاجة اليهم ،،،
اتذكر انني مررت بمرحلة مثل هذه ورغم اعتزازي باصدقائي الا انني اعدت النظر في التوازن بين المتطلبات الاجتماعية الأسريه والمتطلبات الاجتماعية الشخصية ،،،
من الضروري على كل شاب ان يضع دائما في اعتباراته كيف يحقق معادلة التوازن بين كافة الأطراف المحيطة به ...
شكرا جزيلا يا ابو طلال
والله يعطيك العافيه
وانت مثله يااخوي .. وياهلابك اكثر ..
نورت الصفحه وراعي الصفحه .. حضورك اسعدني امانة ..
وإضافتك للموضوع كنت انتظرها ..
لن اعلق على تعليقك ولن ازيد ..
فقط ... شكرا لك .. ولاتحرمنا من تواجدك
======================
إقتباس
الرسالة الأصلية كتبت بواسطة BLUE-STAR
يامرحبـــا ببوطلال..<< شف ماحطيت فارس
الصراحه موضوووعك يحكي أشياء كثيـــره من واقعنا..
الحين الزمن تغير وكل شئ تغير فيه...
الام ماتدري عن بناته الا باللبس والطلعه وأشياء تافهه ماله داعي..
والأب مخلي الحبل على الغارب مايعرفهم إلا بالفلووس زي ماقلت وأذا طاحو بالغلط جو يلومونهم... << طبعا البعض موالكل..
وما نقووول الا الله ينوور بصيرتهم ...
يعطيك العافيه عالموضوووع...
مراحب .. ايه شفت ..بس عاد حطي مره هذا ومره هذا .. علشان مااحد يزعل >> بلشه
الواقع المر .. بداية التفكك .. والخوف من هالبداية .. إلا الأسرة ..
وعلى قولتك .. ندعوا للجميع الهدايه
شكرا لك
=======================
إقتباس
الرسالة الأصلية كتبت بواسطة هلالي شمر
اما الوتر الحساس قوووويه ههههههههه
رسااله لك يابو طلال :
اذاكااااااان منتدى المجلس العااام منور فانا ماستغرب وجودك ((( وده يعبر بس ماهو عاارف كبف )))
والله قلم مميز كتاابتك في مكااانهاااا
على العموم انا انهيك على اسلوبك الراااقي
والله لا يحرمنا منك
رسالتك تاج فوق راسي .. وشهادة اعتز فيها .. والله يقدرني على اضافه شي جميل ومفيد للمجلس العام ولأعضاءه .. ولاخلى ولاعدم اخوي
وأهني نفسي على حضورك ومرورك الجميل .. ولاتحرمني من تواجدك
بالفعل اخوي الفجوة بين أفراد البيت الواحد مازالت تتسع
وأصبحوا لايجتمعون الا كما ذكرت على الفلوس والطلبات بشكل عام
أو في الحوادث والمصائب أبعدنا الله وإياكم عنها
وهذه ترجع إلى كثرة المشاكل الداخلية بين الأب والأم في الأساس
لانه متى ماكانوا متفقين فانهم يستطيعون السيطرة على الأبناء
ومن جهة اخرى أصبحت الحياة العصرية سريعة جدا بحيث تمر أيام وأسابيع لايلتقى الأخوان وهم في نفس البيت
والسبب مشاغل الحياة
اللهم لاتشغلنا إلا بطاعته
شاكر لك اخوي ابو طلال
تحيا وتدوم اخوي مدحدر ...
والله لايشغلنا إلا بطاعته ..
وفعلا اليوم اصبح سريع ... السنة سريعه جدا .. والزحمه تخليك تتعيجز عن القيام بواجب الزيارة وصلة الرحم ..
لكن هل اصبحت سريعه لدرجة اننا مانقعد ساعه كل عصر مع الاهل !
شكرا لك اخوي واسعدني تواجدك
=====================
إقتباس
الرسالة الأصلية كتبت بواسطة الدنيا بلوووو
يعطيك العافية يا ابو طلال
يا صديقي الصدوق
موضوعك كذااااا واحس انه يتحرش بكثير من الواقع اللي نعيش فيه من ضغوط الحياة و الوقت اسرة الحروف الابجدية اللي رسمتها بأحلى التعابير الواقعية في حياتنا الاجتماعية ما هي الا أسرة متباعده الاطراف ولكن في يوجد شي مهم جدا جدا
في حالات الافراح والسعادة كتلة واحده وفي حالات الكوارث والمشاكل جبل ضخم تتكسر كل تيارات واعاصير الحزن وردي هذا ما هو الا من واقع تجربه من محيط اعيش فيه
اتمنى في قادم الايام لا نزعل على انفسنا ونقول الاسرة في هذا الوقت في انحدار بل نحن في القمة في تمسكنا بالدين اولا والتقاليد ثانيا
هلا ابو سعود .. ردك هالمره من قلب .. والشي اللى من قلب يصل للقلب بسرعه وبدون عناء ..
كلنا مقصرين ... وماندري هل نحن مقصرون تحت ضغط .. او مقصرون بسبب اللامبالاة !!
هل تقصيرنا دائم .. ام سيصبح دائم .. اعتقد ؟! لاأدري ؟؟
شكرا لك ويامرحبتين كبار ..
======================
إقتباس
الرسالة الأصلية كتبت بواسطة الدريبي الهلالي
الله يعطيك العافية أخوي أبو طلال وموضوع رآئع وطرح أيضاً رآئع ..,,
الروعه حضورك ومرورك ... وشكرا لك
توقيعك استوقفني ؟؟ خصوصا انك من عيال الدريبي
بس التوقيع ( فلّه )
السلام عليكمـــ...
هلا بابو طلال
يازين مواضيعك بس
انا جيت قبل كم يوم وشفت موضوعك وقريت منه شوي وكنت مستعجله وعندي اختبارات فقلت بس اخلص بجي اكملهومشاء الله جيت الا مالي مكان ارد
موضوعك مفيـــــــــد جدا ويحكي الواقع
اصلا مافيه احلى واجمل من لمة الاسره والاهل
وياحبكم يااهل الرياض لللاستراحات
يعطيك الف عافيه
ياحلوووه طلووول الي بالصوره ((صح))
.. مير فكنا من شرك .. وطول ماخالي من الهم راسه يشم الهوا حط حيلك فيه
.. وإن غاب والا راحت عليه نومه .. عندك فياض .. لحمه طري ويتحمل .. 
الوضع العادي
