من زمان يا ابو طلال كلن ودي ارد على احد مواضيعك بس ما ألحق عليهن ألا بالصفحات الأخيره وصراحه
انا ما أحب ارد بآخر الصفحات لانها تكون من ضمن الصفحات المهمله يعني مو زي الصفحه الاولى المميزه
اقول انا قعدت اتفلسف والصفحه بتروح علي خلني الحق <<<< طلع من الموضوع مالت عليك وعلى ردك

كل اللي بقوله لك لله درك يا ابــو طــــلال

هلا ابو طلال

ما ادري عبدول للحين يزين شماغه ..؟؟

//

\\


يا هلا ابو طلال ..


موضوع جميل , فيه شوي من الفكآهـه ..

لاكن مثل ما قالوا الأخوان الي قبلي .. لو فكيتنـآ من الحروف ..

تصدق كل مآ بديت اقرآ القصه لخبطت و رجعت اقراهآ مره ثآنيه كله بسبب الحروف..




//

.. الأقربون أولى بالمعروف ..

\\


رائع ما كتبته أخوي ابو طلال .. ورده


.. وعلى دروب الخير نلتقي ..


سـ لا ـمـ
::

هذـآ هو الوـآقع !

الأب مـآ غير صرفية ع هـ الاسترـآحـآت . . والمصيبة رـآعينهـآ طول اليوم برـآ الاستراحة يقولون طفشنـآ

شبـآب يضيع ، ومال يتبعثر ، في ظل وجود آبـآء يحملون النية الحسنة التي تتشكل في صلة الرحم ومبدأ لآتحرم عيـآلك همن يقلبون عليك . . !


ابو طلال ..الله لآيهينك : )

أبو طلال مساك الله بالخير و أؤيدك .

الأقربون أولى بالمعروف لكن للأسف الحواجز بين عيال العم و الأقارب تخلي الشباب يفضلون البعيد على القريب ، البعيد يظل بعيد حتى لو عرف شيء مو كويس مثلاً ، لكن القريب ينظر له البعض - للأسف - أن معرفته بتصرف لي في لحظة معينة قد ( يغير ) صورة عند الأقارب قد ( يفسد ) مشروع زواج قد و قد .

شكراً لك .

هلا والله بو طلال موضووع رووعه وللأسف إنه انتشر بشكل كبير تلقى الرجال وااصل وراعي جمعات بس مع ربعه ولا أهله مايدري عنهم إلا وقت الحاجه
بس عندي ملاحظه
ماتلاحظ انك خليت الزوجه تاخذ 2000 والعيال كلهم على 500 و200 لا و50 بعد<<يعني كان زودت طلباتهم شوي منتب قليلين شر

يعطيك العافيه عالموضوع الحلوو والطرح الاحلى بس تكفى لاتحط حرووف مرره ثانيه انا صدعت

هلا ابو طلال ورده

احداث للاسف منتشرة في مجتمعنا
وبعدين اجتماع الاولا د والبنات مع اهاليهم مفروض يكون شي متربين عليه
مو ابو لاهي بشغله وتجارته وام بطلعاتها اللي ماتخلص
ومايشوفون اولادهم الا اذا خلص مصروفهم

الله يصلح الحال
ويعطيك ألف عافيه

أهلاً وسهلاً بأخو قلبي أبوطلال
موضوعن منتاز ويستحق التثبيت
أبوطلال ياكثر مواضيعك لابعد نصها تروح لصيد الأنترنت طيب اكتب منقول
وفك عمرك من التحقيق

أبوطلال تصدق أسبوعياً إذا ماشفت لك موضوع بالمجلس أحس بلوعة بالتسبد
وبدوخة وإرهاق طبعاً أنت بيجي على بالك إن هالأعراض ماهي إلا أعراض حمل
لكن هاذي الله يسلمك أعراض فقدان شوفة يوزرك ومواضيعك يالشين << ياشين القروي
إذا ماعرف يمدح

وبعدين ورااك حاطن حروف يعني يقالك تبي تموه دوخت روسنا الله يهديك
والله تسنك مدرس رياضيات ماعرف يشرح الدرس لطلابه
وبالنسبة للموضوع صدقت يابوطلال وهالظاهرة انتشرت بين الشباب غالبيتهم وانا منهم
أفضل جمعه البعيد عن القريب لأن القريب بلشه وعلى قولتهم الأقارب عقارب
وبالنسبة للأهل والله يابوطلال صحيح إننا مقصرين لكن الواااحد منا المفروض
ما ينظر لوناسة نفسه لكن ينظر لوناسه غيره اللي هي وناسة أهله بشوفته بوسطهم ..!!

وصدقني موضوعك رااااااااائع أبوطلو وماعندي شي أقوله لأن الراااس مسطل
والعقل فاضي ماتسمع إلا قرقعة المخ من الطفش
وقواااك الله يالشايب .. ولاهنت

امور واقعيه يا ابو طلال
واحس ان القطه احسن من قطعه الرحم
وخاص اجتماع الخوال والاعمم

مشكور حبيب قلبي

هلا والله أبو طلارس

ياكثر مايتكرر هالموقف بشكل يومي بكل بيت تقريباً

وطبعاً غالباً العيال ماجلسون بالبيت أبداً
اقسم بالله البيت عندهم تقل فندق

يجي يأكل + يلبس + ينام بس هذي وظيفتهـ بالبيت

لكن يفيد أحد لا


وأنا هنا ما انكر إن البنت ممكن أنها ماتجتمع مع اهلها وهي معهم بنفس البيت
تلقها يا نت او نوم

بس على الأقل تنفع أمها وأبوها شوي اذا احتاجوا اي حاجه منها ..
وتجلس معهم اكثر من الولد بكثييييييييييييير ..
لأنها مو 24 ساعه بس نايمه والنت
لا
تمل شوي وتنزل عندهم تحت ..
تريح عيونها و تفتح نفس والديها




عندي تعقيب على رد المشاغب << تعقيب متعوب عليهـ

إقتباس أحد قال لك أننا خلـّفنا أهلنا ونسيناهم؟ ما باقي غير تقول نقرأ عليهم قصص قبل ننومهم أبوطلال خلك واقعي .. ترى الواحد يمل شوي .. بالله شف له كم سنة قاعد مع أهله؟ ما تبيه يمل؟

ماقلنا خلفتوهم ونسيتوهم ولا تقرأ عليهم قصص قبل النوم

طيب
تمل من أهلكـ !!

أخوياكـ ماتمل منهم؟ !!

يعني برايكـ حنا يالبنات مانمل من البيت ..؟!
تتصور إننا مبسوطين وحنا ماغير مسكر علينا بالبيت
وانتم ماغير دوران بالشوارع و فلة حجاج بالاستراحات و كشتات

يعني على الأقل عط اهلكـ لو (نص) الوقت اللي تجلسهـ مع اخوياكـ

تراني قلت (نص) ماقلت كل الوقت



آسفهـ ابو طلارس على الرد الطويل
بس بصراحه الموضوع بالنسبه لي حساس لأني أعاني منهـ كثير

ورده

,,,
,,
,








هي مشكلة انحصرت بـ ان تُهجر البيوت ليس بـ ذاكَـ الهجر ولكنه مجازا بالنسبة لـ المنزل يعتبر بـ ذاكَـ المعنى ,, ما يجعل الامر بـ تلكَـ الصوره هو مشكلة مزدوجه مابينَ العائله والشاب فـ الاول لخص الاجتماع بالرسميه وابتعد عن التجديد ,, والاخير افتقد السعادة داخل منزله فـ بحث عنها بعيدا عنه ,, وللاسف ان الموضوع يتطور بالنسبة للشباب كلما زاد العزوف عن المنزل يبدأ الضجر كلما اجتمع الاثنان في مكان واحد , وبالتالي يُفتقد التفاهم ويبدو وكأن الشاب مجبور على ان يمضي يوما مع العائله ..!!
التجديد في مفاهيم التجمعات , وتغيير الاسلوب فيما بين الاول والثاني .. لابد وان يكون حاضرا
كي تكتمل المعادله .. ولا يزداد الضجر كلما طالت مدة التنافر ..!!






/
\
/




ابو طـلال



الحلول موجودهـ ولكن يظلُ الشاب صاحب البادرة الاولى ..
ولكن تتفاقم المشكله كلما زاد الابتعاد وظل الصمت من قبل العائله بـ اعتيادهم لهذا الوضع ..
الامر تماما لـ الانثى .. فـ الصومعه في الاعلى مكان الرقـاد ..!!
ولا تأتي الاطلالة الا مع الوجبات وبالتالي انحصار الاجتماع فقط على بعض الاوقات ..!!
وهنا تكمن المشكله وتضعف السيطرة عليهما ..
لكَـ التحية عزيزي على هذا الحوار الممتع ..
اسلوبكَـ جميل في ايصال المغزى .. والفكر الرائع دائما مايمتع ويُفيد
باركَـ الله بـ قلم تقبضه يمينكـ وباركَـ الله بـ نبض يسكن في اعماقكـ ..







****



كن بخير
...SoMe OnE...

إقتباس الرسالة الأصلية كتبت بواسطة ابو طـــــلال (د )= وانا ولد الشغاله !! ابي مثلهم ..امووووت انا ( ب) =؟ طيب كم تبي انت وهالخشه ( د ) = خمثين ريال .. قصدي خمسين ريال بث .. اوووه قصدي بس ياعمري ينرحم فمن يبحث عن اجتماع ودورية واستراحه يشترك فيها خارج نطاق الاسرة عليه ان يتواصل مع اسرته اولا .. وثانيا .. وثالثا .. ثم يفكر بالتواصل مع الاخرين فالأقربون أولى بالمعروف ......كلام صحيح مشكوووور اخووي على الموضوع المميز

تقبل مروري بنت عبدالله&