السلام عليكم ورحمة الله وبركاته



اخواني مباراة يوم الخميس إن شاء الله هي مباراة حسم ولا بد من فائز فيها



فـ قانون البطوله يقول في حالة التعادل في النقاط بين فريقين اثنين يتم لعب مباراة فاصله




فالسعوديه يملك 7 والبحرين يملك 7



ماأدري المباراة اذا تعادلوا يكملونها ولا يحطون مباراة فاصله بعد





عشان كذا اقول ياجماعه المنتخب محتاجنا ومابقى الا وحده بس ونحصد لقب البطوله





المباراة الساعه 4.30 عصرا ً وجو الرياض بارد شوي بس درجة الحراره يوم الخميس إن شاء الله الكبرى 12 والصغرى 4



يعني بيكون الجو احسن و آدفى من يوم الثلاثاء والإربعاء بقليل




يالله همتكم يالشعب السعودي بيضوّ الوجه



وكل واحد يقش بزارينه ويروح للملعب تراها مجانيه وٍ يوم خميس والعصر واللي ماعنده شي يطس للملعب



بالتوفيق للإخضر يوم الخميس

بالتوفيق للسعودية واول بطولة السنة الجديدة باذن اللة

أن شاء الله بكون متواجد

يعطيك العافيه أخوي

وبالتوفيق للأخضر

للتوضيح فقط :



تم الإتفاق وبشكل رسمي على ان تكون مباراة المنتخب السعودي والمنتخب البحريني بمثابة المباراة النهائيه



اذا لم تنتهي بفوز احدهما في الاشواط الاصليه فـسوف تمتد إلى الاشواط الإضافيه ومن ثم ركلات الترجيح حتى تُبين البطل للبطوله









مشكورين اخواني على مروركم , , بيّض الله وجيهكم

بالتوفيق للشباب وان شاء الله يحققون البطوله وبإذن الله تكون

بداية خير للكرة السعودية فالسنه الجديده

تحياتي لك

بالتوفيق للمنتخب
وانشاءالله الأولى في السعودية

بالتوفيق للأخضــر

وذكرتني بكويتي لما شاف مباراة السعوديه وقطر قال : ايه هذي عوايد السعوديين مبارياتهم بدون جمهور .. مدري وش يحس به

عموما الله يوفق الصقور و ان شاءالله الجماهير مايقصرون

الخميس المنتخب و الجمعه الهلال في استاد الامير فيصل الملز .

الله يخلي التلفزيووووووووووووون ماني بايع عمري في ذا البرد


اذا بتحضر انت الله معك وانصحك بالفروة والشماغ

والله لوكنت بالرياض ماراح اقصر بس .....؟؟؟؟؟؟

خلها على الله

بالتوفيق للنمور القادمة ان شاء الله

الله يوفق الصقور الخضر

بروح شوووي

ياجماعه يقولون إنها تاجلت وخلوها بالليل ؟ ؟ ؟

يارجال عندنا اختبارات النهائية يووم السبت التلفزيوون كافي