اسوء شيء ان الواحد يستغل حبك له بمقابل مادي
اتكلم عن حقيبة سامي وشعار انا احبكم

تدرون ياشباب ان الكابات والاقلام واكواب الحرارة والتي شيرتات وكل ماتحتويه حقيبة سامي
ان مثلها وبنفس الجودة يمكن احسن بعد
تدرون ان اغلب الشركات حتى بعض المحلات الصغيرة توزعها مجانا ... مجرد الدعاية لهم وعليها شعاراتهم
مايبون مقابل مادي لانهم يبغون يزرعون حبنا لهم من خلال هالهدايا
اما سامي وشركاه للاسف اتجه في الطريق المعاكس بعد ان كون له شعبية جارفة وجمهور ورأى حبهم له لدرجة التقديس استغل هالشيء للحصول مطامع شخصية .

ولم يفكر بجمهوره ومحبيه والا كيف يسمح ببيعها ب500 ..
على اقل تقدير انه يقوم بدعمها ليقل سعرها ..حتى تكون في متناول الجميع وحتى يتحقق شعاره "أنا أحبكم "..
ولكن للاسف تغيرت نظرتي لسامي بعد هالاسعار الخيالية من حقيبة وتذاكر وكأنه داخل مشروع تجاري
وليس مهرجان اعتزال الهدف الاسمى منه هو توديع اللاعب والوقوف معه في ليلتة الاخيرة مع الهلال ...
ولا ننكر ماذا فعل سامي للهلال من تحقيق البطولات ولكن لم يكن يلعب وحده
يجب ان نعرف ان الهلال كيان واحد بلاعبيه وادارييه وجمهوره
وكلهم يكملون بعض .
وقد يبرز احدهم على الآخر .. ولكن ليس على حسابهم
نعلم ان سامي افاد النادي ولاكن استفاد أكثر .

يعلم سامي وجميع القائمين على مهرجان الاعتزال من هم جمهور الهلال
يعلمون انهم اهل للوفاء لكل لاعب هلالي وانهم لن يتأخروا ببذل مافي بوسعهم للنادي ولاعبيه .
لذلك لاتستغلون حبنا للهلال ولاعبيه
حتى لو جاء مانشستر ... فالهلال افضل منه بالنسبة لنا

على فكرة حاتم خيمي سيعتزل قريبا وسيأتي جوفنتس الايطالي
تتوقعون ستكون اسعار التذاكر ب120 ريال .؟!!!!!!!!

سيخرج من يقول اني من المندسين ومن هالكلام الفاضي ..
قولوا ماتشاؤون ولكن كلمة حق اقولها من وجهة نظري الخاصة

لذلك ماله داعي لسبي وشتمي في ردودكم كلنا قابلين للنقد
حتى سامي ... تعوذوا من بليس قبل ماتردون
اعرفكم ياجمهور سامي

مشكوووووووووووورة

وتسلم يمناك

ماقلت لكم ان بعضكم يقدس سامي

وصل بكم الحال للخضوع لسامي

الخضوع والتذلل لله سبحانه وتعالى ياحرمه

والله سامي ماجبرك وقال اشتريها هي مجرد ذكرى حبيت تشتريها والا بسلامتككككككككككككككككككككككككككككككك

ياحبيب قلبي موضوع مال امه داعي تبي تشتريها اشترها ماتبي الله يستر عليك سؤال وشتبي تستفيد من الموضوع تبيني اجيب حزام ناسف وافجره ولا اشتري بازوكه والحين اروح لبيتهم و ودمره

هلا وغلا
وليد
تكريم الأسطورة سامي
تشريف لا تكليف

يعطيك العافية

انت وأشكالك ماعروفه نوعيتك الفريق الي يفوز تشجعونه يعني يمكن بنهاية الموسم تشجع الاتحاد علشانه اخذ بطوله
والي بعده الاهلي وهكذا وتوك طايح بالكوره يعزيزي هذا سامي جابر عثرات الهلالين والحقيبه ماتبيها لا تشتريها ما أحد ظاربك وقايلك اشترها وان اشكك بل أأكد على انتمائك

يا شباب سامي لم يخطئ .. الخطأ من الشركة المصنعة .. أديداس ..

حبيبي لو عندك سلعة تروج لها أنت وسويت لها دعاية لشخصية معروفة .. من راح يحدد السعر ..؟؟

أنت والا الشخصية المعروفة .. ؟

بطبيعة الحال أديداس شركة معروفة مصنعة للأدوات الرياضية .. وهذي أسعارها منذ بدأت بتصدير منتجاتها

ولكن الجمهور الهلالي لم يتعود على شراء منتجات أصلية ..

وصدمو حينما رأو هذا السعر ..

أذهب لأي فرع من فروع شركة أديداس ولا غرناطة .. وأسأل عن أي(( تي شيرت )) ستلاحظ أن سعره غااااالي

أتمنى أنكم قبل ما تدينون اللاعب سامي تتحققون من السبب الرئيسي ..

إقتباس الرسالة الأصلية كتبت بواسطة مغـاط المفروض يغيرون الشعار لـ ( أنا أحبكم وغيري يزرفكم !! ) محشوم سامي عن هالتفاهات !! فعلا بعض الناس يتسغل هالمواقف لتحريك بضاعته اللي لو تغسلها وتجيب (موية) الغسيل وتكبها على ( صراصير) كان ( يموتن ) !! اتصلت على اخواني بالسعودية .. وطلبتهم يعلموني (بالصدق) !! هل الاغراض اللي بشنطة سامي ( تستاهل) !! ما اتكلم عن (السعر) لأني علقت عليه .. وقلت والله ( ما تستاهل 500 لو سامي (خايطها بيده) !! لكن (لعيون ابو عبد الله كلش يهون ) !! المهم دق علي اخوي ميت من الضحك !! قلت : وراك صادم ؟! لانه بالعادة اذا صدم مات من الضحك !! قال: لا والله ( انصدمت ) !! قلت وشلون.. قال لي : تعرف الفنايل اللي تبيعهن ام (السليم ) ذيك الدلالة ؟! قلت له : أي فنايل .. عسى ذوليك اللي (نشتريهن دفعة بلاء ) !! قال لي : عليك نووووووووووور !! قلت : علمني وش السالفة !! قاري في المنتدى انها (اديداس) وكل اللي في المنتدى يقولون (اصلية وتستاهل) وفيه كم مهايطي !! قايلن لنا هالكلام !! قال لي : تعرف مناديل المطبخ ذوليك اليابسات !! قلت ايه !! قال لي : تقدر تمسح وجهك بذوليك المناديل (الرول) اللف ؟! قلت: مهبول انا !! امسح وجهي بذوليك !! تبي يمشق وجهي !! قال لي : يا سلام عليك !! أجل (المناديل اللي انت خابر) انعم من (قماش فنايل حفل سامي) !! قلت طيب والقلم !! قال : يبي لك تمصه والا تسوي به ذيك الحركة اللي تفركه بيدينك الثنتين الين يكتب عرفتوها؟! قلت له : تستهل انت والا جاد ؟! حفل اعتزال سامي ؟! والا (راشد ولد خالتي مزنة) !! قال : ما جاك الا الصدق !! واقل شيء لو يبي يعتزل راشد !! ما اعتمد على ( شركات نصب) !! لأنه يبي يداري ( تاريخه بنفسه ) !! للأسف - واستبعد يكون سامي له يد باللي صار - لكن هناك من يحاول العبث بتاريخ سامي !! وهناك من يحاول ( استغلاله تجاريا) !! والله ثم والله ( ما تسوى على سامي هالشنطة ولا المبلغ اللي يبي يجيه من وراها !! خلونا نقول فرضا !! باع سامي (( 5000 )) وما في أمل يوصل عدد المشترين لهالرقم !! طيب يالله اضربوا ( 5000 * 500 )) = 2.500.000 مليونين وخمسائة الف !! الشركات والناس المسوقين لهالشنطة قولوا لهم : 100,000 مائة الف محلات البيع راح تاخذ : 2 % فائدة يعني خلونا نقول : 100.000 مائة الف (اسواء احتمال) قولوا السعر الحقيقي للشنطة .. 250 ريال .. يعني فعليا الربح من هالبيعة ( واسمحوا لي اسميها بيعة) !! 2.300.000 / 2 = 1.150.000 150.000 اجدع (نصها بالبحر) !! ورجع لابوك اللي اخذت منه !! يبي يبقى تقريبا ( لسامي فعليا 1000.000 ) هذا اذا فعلا (بيعت 5000 شنطة ) واستبعد (هالرقم) !! لكن بالاخير : هل سامي بحاجة (هالمليون) !! على (حساب تاريخه) !! ( يا زين المصداقية والصراحة والنفس الطيبة الراضية بكل شيء ) ويا شين (الجشع والطمع !! ) على حساب ( ناس حبت سامي من كل قلبها ) !! ( حب طاهر .. وحب يبقى متبادل بين سامي و بينهم طال العمر والا قصر !! ) حرررررررررررام (يجي من يدنس هالحب عشان حفنة ريالات ) !! دارين ان (موبايلي والشركات المسوقة للحفل) ما راح تعطينا شيء من جيبها !! لكن اذا جت (تسرق) المفروض ( تسرق بأدب ) !! موب بالاستغلال وبالطمع اللي قاعدين نشوفه !! ولا حسيب ولا رقيب !! واذا درينا نط لك واحد (جالس يون عند ابوه وامه نص ساعة عشان يعطونه الـ500 عشان يشتري شنطة سامي ) !! وجاك في المنتدى !! وقام يسب عيال خلق الله !! الطفران موب لازم يشتري !! اللي ما معه لا يصجنا !! طيب سؤال !! انت من وين لك دراهمك !! وخلنا نقول فيه غيره اللي منعم عليه !! اقول لك : الاغلبية !! ما يملكون هالمبلغ !! وسامي يعني لهم ( شيء كبير في حياتهم ) !! يعني نجي على اخر الطريق ونقول ( روحوا بس من قال لكم تصيرون طفارى ) !! والله المبلغ مبالغ فيه !! وبعد ما عرفت البضاعة ونوعيتها !! طقتني غلقة !! بشكل ما تتخيلونه !! ما راح تنقص دراهمي ولا راح تزود !! لكن قهر اننا نشوف ( الغلط ونقعد نصفق ) !! و ( نسلك) لبعض !! قضينا من (التذكرة اللي سعرها موب لم سنع ) !! وجينا (للشناط ) !! ومن يدري اذا وصلوا الشباب للمبلغ قالوا لهم ( ترا كيكة الجبن والكولا ) بعشرين !! والله ما استبعدها !! ( الدعوى صارت " ابزرفك واذا تكلمت تراك ما تحب سامي " ) !! تذكرون ( اعتزال الامبراطور : صالح النعيمة !!) تذكرون وشلون كان يوزع (الفنايل) بنفسه !! بالله من منا يقدر ينسى حفل (النعيمة) شوفوا كم راح عليه !! لكنه باقي في الاذهاااااااااااااااااااااااااااااااااااااان مستحيل ينطمس (الله يذكرك بالخير يا ابو فهد ) !! لا (شناط ) !! ولا (زرف) !! وكل شيء سهل !! و(الاهم من هذا .. الاثر اللي تركه في قلوب العالم يوم اعتزاله ) !!

الاخ مغاط اتى بالمفيد
اللي ملعوب عليه ويقول انها اديداس

شكرا مغاط