يا شطار الي يقول ماهو وقته ابي اسأل سؤال اذا كان هذا ماهو وقته اجل متى يسير وقته ؟
اذا طاح الهلال بسبب العنقري يا ناس حنا عندنا ذاحين باقي كم مباره لازم نفوز فيها لو اخفقنا في واحده رح ندخل في حسابات ثانيه .
ابي اسأل الي يقول ماهو وقته بناء على ايش قلت ماهو وقته انا قلت مانبي محمد بن فيصل لو قلت كذا كان ممكن تقول ماهو وقته وانا اشهد انه ماهو وقته
اما لاعب يجيب كوارث وباقي محتفظين فيه لا وقته ونص ونرجوا انا مانشوفه خلال المباريات الجايه وانشاء الله مانشوفه ابد.
يالربع انتم تشوفون مباريات الهلال والا لا بالعربي انا اشك
يا ناس سارت الفرق الي تلعب معنا بمجرد انها تشوف العنقري تبني الخطه على انه هدف اساسي وبوابة عبور للمرمى الهلالي .
ابيكم تراجعون المباريات الي لعب فيها وشوفو كيف يطيح من ابسط احتكاك قل هذي من الله لاكن ليه يحاول انه يتخلص من الكوره بأي طريقه يعطي زميله يعطي خصمه عادي المهم صرفها.
طيب وين الأوفرات الي المفروض انه يسقطها داخل ال18 للهجوم عمركم شفتوه يرفع كوره انا شفته مره واحده تقريباَ

كل هذا وتقولون ماهو وقته و الحكومه ابخص

طيب اذا كانت الحكومه ابخص ليش حنا قاعدين نكتب واجرايد والمجلات والمحللين الرياضيين
كل ذول وتقول الحكومه ابخص

مع خالص احترامي للي قال الحكومه ابخص وجهة نظرك مردوده عليك

واذا انك تشوف ان معك حق هات اسبابك ودلايلك و قراينك الي تثبت كلامك