شوستر ينتقد برشلونة ويدافع عن رونالدينيو ! ! - صفحة رقم 3 - نادي الهلال السعودي - شبكة الزعيم

Y A S E R · #1 15/01/2008, 02:51 PM

إقتباس

الرسالة الأصلية كتبت بواسطة Barca10


	أنا لم أنتقد شوستر كمدرب ياليت تفهم هالنقطة .. واذا على المردغة ريكارد مردغكم بثلاثة في البرنابيو والمشاكل واصلة مليونين في مدريد هل كان هالشي يسمح له أن يترك مهمته كمدرب وينتقد المنافسين أتوقع هذي مشكلة نفسية وهذا مايمر به شوستر اتمنى تكون وصلت الفكرة .. انا ماني زعلان على تصريح شوستر ولكن ابي أعرف وش اللي يبيه بالضبط المشكلة في كلام شوستر انه كان بإمكاننا نصعّد الأمور بعد ماطرد كابيلو (رونالدو) وكثرة المشاكل في مدريد ولكن هنا الفرق في التعامل .. إحنا ماطلبنا شوستر ينافق ويقول برشلونة أبطل شي على قولتك لأن برشلونة أكبر من أن يأتي طفيلي ألماني ويتكلم عنه أو يقيّمه إحنا نطالب شوستر أن يهتم بفريقه ويترك برشلونة فقط هذا هو مطلوبنا .. وصدقني لو ريكارد في يوم من الايام أو أي مدرب برشلوني ترك مهمته الأساسية وتفرغ لمشاكل المنافسين أنا أول من ينتقده ... وعلى فكرة أخ ياسر إختلاف الرأي لايفسد للود قضية يازعيم

الحين حنا نقاشنا عن شوستر .. مادري وش دخّل ريكارد في السالفة

شوستر تذكر وضعه يوم شاف وضع رونالدينهو حالياً وذكر هالشيء بدون مايتدخل مثل ماقلت

يعني ماقال حطوه أساسي .. ولا بيعوه أحسن لانكم ماتقدرونه

شاف شيء قدامه وأعطى رأيه فيه للصحافة .. ومانستبعد يكون سؤال وجّه له

لا تقارن بين ريكارد وشوستر لان المقارنة غير موجودة أصلا

شوستر سبق له اللعب في برشلونة ولكن ريكارد لم يلعب في مدريد من قبل !

وبعدين هالتصريحات دايم تصير بين الفريقين سواء على مستوى الادارات ولا المدربين ولا اللاعبين

ليش مكبرين الموضوع يوم شوستر يصرّح رغم ان تصريحه عادي جداً ومافيه أي غلط على النادي

كرويف مثلاً شبع وهو يتكلم على مدريد ويقلل منهم .. ماجينا وقلنا ليش يصرح او ماله شغل

يعني ممكن نعلّق على تصاريحه بس مانصادر وجهة نظره ونطالبه بـ إغلاق فمه !

ماركيز مؤخراً صرّح ان الريال فريق يعتمد على الحظ .. اوكي انا شخصياً ضحكت من تصريحه

لانه يعكس عدم منطقيته وتبريره الغبي لـ تفوق مدريد .. بس في نفس الوقت ماقلت ليش يصرّح !!

حرية الرأي مكفولة للجميع .. هذا اللي ابي اوصله لك وكل واحد عندهم يعطي رأيه باللي يشوفه

وكلها في الأخير تندرج في إطار الحرب النفسية بين الفريقين .. !

تحيتي لك

saudi9999 · #2 15/01/2008, 01:22 AM

إقتباس


	لايكون قصدك الرباعية اللي بعد الخماسية المذلة بهدف ميسي الخرافي ..

لاحد يغلط على خيتافي

وأي شيء يحصل غلط كان سببه المدرب السابق الطباخ شوشو

أما الحالي فحدث ولا حرج

^^^^^

خارج الموضوع

barcelona-007 · #3 15/01/2008, 02:15 AM

السـلام عليـكم ,

شكـراً روناليدنـهو .. جبـت لنـا الابطـال والدوري الاسبـاني مرتيـن ,

جبـت < ماضـي

قبـل موسـم قـال بيرجـع لعبـه , صبرنـا مافيـه شيء

قـال ارهـاق المباريـات , عطينـاه اجـازه ولا صـار شيء

صبرنـا موسـم ونصـف , والى متـى نصـبر ؟!

مع وجـود لاعبـين افضـل 10 مـرات من رونالدينهـو كـ انييستـا

المباريـات الي ما لعبـها رونالدينـهو اكثـر فـوز من الي لعبهـا ,

ياهـي احصائيـه !!

روناليدنـهو شكـراً , جبـت لنا الابطـال لكـن ارحـل اذا كنـت على هالمسـتوى ,

تدرون وين القـهر

؟

انـك تتنظـر مباراة بيلعـبها رونالدينـو , وتحـس انـه بيرجع مسـتواه في هذي المبـاراه ..

فـ تشـوف في المباراه نزول مسـتواه بـ زيـاده

تصبـر وتصبـر وتحس بيسويـها روني المباراه الجـايه , فـ تشـوف الاسـوء والاسـوء

نـريـد روني 2005 , لكـن شبـه مستحـيل ان نـراه في الايـام القـادمه

سؤال :

لو انـك مكـان ريـكارد .. بتخـلي رونـي اسـاسي على هذا المستـوى ؟

مع وجـود نـاس افضـل منه ؟؟

لا ندخـل الماضي في السـؤال .. فـهو ماضي وخلاص ,

إقتباس


	فأنت تلعب اليوم ولاتلعب في الماضي

حتـى كـاكا وبرلسكـوني صـرحوا بعـدم رغبـتهم بـ روناليدنـهو في الميلـن اذا كـان هذا مستـواه

شكـراً فهـد

هلالــي رومـاوي · #4 15/01/2008, 09:47 AM

اللحين أبي أعرف وش دخله هذا !!!؟؟

أعقد ان النيه خبيثه وهي التشويش على البرشا وزيادة المشاكل الداخليه بين المدرب واللاعبين ..!

Hilali 3asal · #5 15/01/2008, 10:53 AM

في البداية يعطيك العافيه يافهد على الموضوع ، وانا صراحة ما كنت افكر في الرد على الموضوع لان الهدف من تصريح شوستر واضح وآخر همه هو مصلحة رونالدينيو او الفريق ومن يقول غير ذلك فهو يغالط نفسه ولن ازيد في النقاش حول هذه النقطة .

لكن المشكلة ان الموضوع تحول الى مجرى آخر وحكاية السبب انه مدربنا وفاز عليكم ومن هذا الكلام ، والبعض لا يعرف حتى حكاية شوستر مع برشلونه وهذا السبب في ردي على الموضوع :

اولا : اذا كان الفريق عاملك او تصرف معاك بهذه الطريقة البشعة ياشوستر وما نسيت الشيء هذا ، اللي اعرفه انك تحتفظ بعضوية النادي حتى الآن مع انك مدرب النادي المنافس ولم تواجه اي مشاكل من ادارة برشلونه الحاليه ... طيب كيف تقبل تكون عضو مسجل في نادي استخدم معك كل هذه الاساليب .

ثانيا : تلاحظ من كلامه كأنه يقارن بين وضعه ووضع رونالدينيو والاجحاف اللي حصل معهم من النادي ... ترى روني قدم للفريق في ثلاث مواسم ماعجزت عن تقديمه في ثمان مواسم لعبتها للفريق ، والتاريخ يحفظ لك مع الفريق دوري واحد وبطولة اوروبية وثلاث كؤوس اسبانية فقط ( مع عدم تحقيق اي انجاز في الثلاث سنوات الاخيرة ) .

ثالثا : لو كان الفريق يعاملك بهذه القسوة كان تخلى عنك بعد الاصابة الخطيرة في مباراة بلباو عام 81 ( وقتها لا زلت في بداية المشوار ) والتي احتجت لوقت طويل حتى تعود الى المشاركة مع الفريق .

اخيرا لو كان هالكلام جاء من لاعب مثل ريفالدو عانى من تعنت مدرب وساندته الادارة كان الوضع مقبول ، لكن لاعب (( مشكلجي )) مثل شوستر مشاكله لم تنتهي مع المدربين سواء هيريرا او فينابلز وحتى العنيد اراجونيس ما سلم من مشاكله وصبر عليه الرئيس نونيز كل هذه السنوات ، وفي النهاية ينتقل للريال مدريد عامين ثم اتلتيكو مدريد ( السؤال ما سبب خروجه من الريال بعد سنتين مع انه حقق بطولات للفريق في هذه الفترة القصيرة ؟؟؟ ) والآن يأتي ويتكلم عن مواقف الادارة معه ..... طيب حتى في المنتخب الالماني تذكر الانباء ان ابتعاده كان بسبب مشاكله مع بعض اللاعبين مثل النجم برايتنر .

عموما هذا مجرد توضيح فقط حول من هو بيرند شوستر وماهي علاقته ببرشلونه ، وشكرا لك يافهد مرة ثانية على موضوعك .