الحين انتم وراكم زعلتم وتتهاوشون وشوي الا تتطاقون

بستين حريقه هم واخلاقهم كلها تسلاب مجمعه مادرت عنا

مانبي نناقش اخلاقهم وليش يزينون تسذا والاتسذا , ياليت ننتبه لاخلاقنا والفاظنا , ونكتفي باننا مشجعين فقط نفرح للفوز ونناقش اسباب الهزيمه بعقلانيه واخلاق وهدوء , وهم ان شاء الله يلعبون ملط , وان شاء الله ماعندهم اخلاق .

اتعجب واستغرب صراحه اللي يقول نيستلروي ماعنده اخلاق واللي يدافع عنه ويجيب صور ومدري وش , الحين اللي يشوفكم يقول تدافعون عن واحدا من المسلمين يكرمون عن هالسلق

خلوا صدوركم وسيعة شوي وكبروا عقولكم وقبل ماتشوفون نيستلروي والاجيوفاني (الله يالدنيا) وش يسوي , شوفوا مبارياتنا بالدوري السعودي الناس تفصع بالمدرجات للحكم واللاعبين واعتقد اللي شاف مباريات الهلال الاخيره مع الاهلي والنصر على الرياضيه بيعرف وش اقصد


ياناس ماعلينا من اخلاقهم خلونا ننتبه لاخلاقنا بمنتدانا هنا وترى كلنا ربع وحبايب ونعرف بعض , اللي يشوفكم الحين يقول ابد ملائكه مايعرفون شئ ومستغربين هالحركه ومستنكرينها , والانيستلروي يوم زينها كان يقول لاعضاء شبكة الزعيم خخخخ (واحد من العيال سمعه حتى سمع جيوفاني وفان بوميل بعد خخخخخ ابوك يالنصب ), ياعمي ريحونا بس من هالبربسه والا ترى بوقفكم كلكم خخخخخخ

فمان الله