[ يا بو سلطان .. و يالتايب .. و تفاريس .. ومن بعد ؟ .... بكل بساطه شرشحه بس واقعيه .. الحق ! ] - نادي الهلال السعودي - شبكة الزعيم

فزاع الاجيال · #1 04/01/2008, 01:12 AM

::

بسم الله الرحمن الرحيم ..

السلام عليكم ورحمه الله وبركاته ..

انتصف الدوري .. والحال هزيل .. لا يحتاج الى شرح .. فقط قميص يتحرك .. بلا مشاعر او حتى احاسيس .. لايوجد اي شي يشفع لهذا الفريق للمنافسه .. ولا يشفع له بـ المنافسه على المراكز الاربعه الاوائل .. !

اتكلم بصراحه ..الهلال لا ولن يحقق اي بطوله هذا الموسم .. ولن يحقق اي بطوله الموسم القادم اذا استمر على هذا الحال !

ابتدي بـ الادارة الموقره ..

اي اداره هذه .. في اول موسم للهلال .. كانت حاظره بكل الماقيس .. مشرفه .. منافسه .. بـرئاسة محمد بن فيصل .. والمعمر كـنـائب له .. ومن بعده المتميز طارق التويجري ..

في الموسم الاول كانت الاداره حاظره .. وفي الموسم الثاني كذالك .. اما الموسم الثالث .. لا اداره ولا حظور ! وكذالك هذا الموسم .!

لا اعلم هل هي اكتفت بما فعلت .. ام تشبعت بـ الشهره .. وانا هنا اقصد الامير محمد بن فيصل .. لا حظور .. وحتى ان حظر فحظوره كـ عدمه ..

مع احترامي للامير محمد بن فيصل .! فـ الرئيس الفعلي في الموسم الماضي .. هو الامير عبدالله بن مساعد اخيه الامير عبدالرحمن بن مساعد .. فهم من جددوا عقد الشلهوب و عقد الغامدي ..

محمد بن فيصل وبكل صراحه الحسنه الوحيده هي ياسر القحطاني .. وحاول بكل الجهد احترافه .. ولذهابه مع ياسر اكبر من مليون علامه استفهام .. و كان به يقول .. انا الي جبته انا الي بطلعه ويالله حلوها !

و في استقاله طارق اكبر دليل على طريقتك و ادارتك ..

محمد بن فيصل ..

انا اطالب وبكل وضوح .. اطالب بوضع تصويت .. على اداره محمد بن فيصل .. ونائبه الموقر عبدالرحمن النمر ..

او اداره [ الامير عبدالله بن مساعد ] او [ الامير بندر بن محمد] .. ونائبه المهندس طارق التويجري ..

ويكون التصويت للكل .. و متاح لكل الشعب .. لا اريد ان يطبق .. او يكون ترشيح رسمي ..

بس عشان تعرف الشعب وش وده فيه .. وبكيفك عاد تحقق امنيتهم ولا لا !

::

::

انتقل الان الا اداره الكره ..

بكل صراحه .. منصور الاحمد .. اتمنى ابتعادك وبكل صراحه .. كفايه ظلم للمبدعين .. لا تسحبنا نصدقك مثل اول .. ولا تبعد المرشدي اليوم بقرار المدرب ثم العصر يرجع ولا بعد بقرار المدرب !

يرجال قول غيرها .. ترانا الحين يا منصور بدينا نفهم .. ترنا ندري انك تشجع الهلال .. بس مكانك مو هنا ..
لك علينا حنا يا جماهير .. نحجز لك احلى مكان بالمنصه وتفكنا من شرك وتحمس على كيف كيفك ..

واتمنى ان تكون اداره الكرة للمبدع عادل البطي ..

::

::

الحين مع الفريق الهلالي ..

الخلل واضح وضوح الشمس في الفريق ..

مع احترامي لـ الكابتن الكبير .. طارق التايب .. الا ان التايب لن يخدم اللال وكذالك الهلال لن يستطيع مسايره التايب وخدمته ..

بالابتعاد عن اصابته في الفخذ البمن على ما اعتقد .. و اذا لعب .. لعب واهو حاط شد واضح .. وكاني به يقول انه اصابه بسيطه وماهي اصابه مزمنه ابد !

يرجال تلعب على مين ..! ان تطور حط الشد ازرق .. وكانه سروال داخلي .. بس يالحبيب اول مره اشوف سروال داخلي برجل والرجل الثانيه لا

!

ومباره الاهلي اكبر دليل والشد واضح واللون ازرق .. و مباراه الوحده الاماراتي والشد واضح وللونه ابيض ..

انا هنا ماني متكلم ان التايب ضيع الهلال بـ اصاباته او بالشد .. لا ..

انا بتخصيصي للتايب .. اتكلم ان الهلال الان يلعب بالطريقه الاستعراضيه ..

وهذه الطريقه لا يجيدها الهلال ابدا .. وان اجادها التيب وياسر .. ومن غيرهم .. راقب ياسر خلاص التايب يسرح لحاله بالملعب وهذا الي يصير في المباريات الكبيره ..

التايب لم ولن يفيد الهلال باي شكل من الاشكال .. صح انه طيح الشعب السعودي والاعبين انهم يشوتون الكوره قدام واهم يشوفون يسار .. بس ..

التايب يلعب ويسير الهلال للطريقه الاستعراضيه .. والهلال لا يجيد هذا الاسلوب .. وشوفوا الزوري تبونه ينطلق ولا نامي ويسحبون الى منطقه الجزاء ثم يرفعون !

والله لو وشو ما سوها .. لا هو ولا خالد عزيز ولا عمر الغامدي ولا المفرج ولا تفاريس ولا حتى الكلثم ..

الطريقه الاستعراضيه لا تفيد الهلال ابد .. ولنا في الموسم الماضي وهذا الموسم اكبر دليل ..

عندما استلم محمد بن فيصل اداره الفريق .. كان المدرب باكيتا .. مدرب تكتيكي بحت ..

شوفوا كم كنا نفوز .. لعب سريع .. وكيف كان كوماتشو يلعب .. لعب تكتيكي لمسه وحده .. ما يعك بالكوره ويحوس فيها ساعه .. الاعب يلمس الكوره لمسه وحده ويناولها لخويه .. لعب تكيتيك ..

والفريق يساعده انه يلعب لعب تكتيكي .. لانه فريق ثقل ولا عنده استطاعه انه يلعب لعب مهاري لعدم اتقانهم اللعب المهاري ..

واكبر دليل .. شوفوا اهداف المنتخب في كاس العالم مع باكيتا امام تونس .. كانت اهدافتكتيكيه بحته .. محاد مسك الكوره وجلس يسحب ساعه ويجيب قول ..

مدري من الي طلع الكوره لنور ثم نور رفعها ارضيه لياسر بسرعه ياسر غمزها بالشبك بكل بساطه وبدون عك كروي وقلق ..

الهدف الثاني .. الشاطر محمد امين والمظلوم في نادي الاتحاد .. بمهاره بسيطه مر ببساطه .. واكرر ببساطه ما قلت جلس ساعه على الكوره يسحب ويرجع .. ببساطه ثم ناول لـ [ سداح ] المبدع مالك معاذ .. الي بكل بساطه ولمسه بسيطه ناولها لسامي المنفرد .. الي غمزها بسهوله بالشبك بدون عك كروي ..

وشوفوا فريق الشباب كيف يلعب الحين .. لعب تكتيكي لعب سريع لمسه وحده .. وشوفوا هدفهم قدام الاهلي الاول والثاني والثالث .. و ركزوا على الثاني ازين .. عشان تعرفوان كيف المسه الوحده ..

الهلال لا ستطيع ان يلعب لعب استعراضي .. الاعبين ما يقدرون انهم يمسكون الكوره ويسحبون ويعطونها ياسر مقشره ..

ولا احد يلوم ياسر .. صحيح ن ياسر ما قدم شي مع الهلال ..

لكن شوفوا طريقه لعب الهلال .. لعب استعراضي يكمن عن طريق التايب .. خلاص انت يا مدافع الخصم .. امسك ياسر وخل ياسر يحوس لحاله .. وهذا الي صاير في هذا الموسم والموسم الي راح ..

وكيف يلعب مع المنتخب ويبدع .. لان المنتخب كله يلعب معه .. وكيف ان المنتخب كله متعاون .. وكيف بدعنا بكاس اسيا .. واللعب التكتيكي الي صاير .. وشوفوا كيف فزنا على البحرين و اوزباكستان .. وكيف اللعب صاير وكيف ياسر بدع ..
بكل بساطه و وضوح ..

الهلال لا يجيد اللعب الاستعراضي يا طارق .. شف لك فريق تلعب معه ينفع لك .. واعتقد انه البرازيل من طينك .. تفنن عندهم لمن تقول امين ..

وعن الاعب لليليو .. فـ انا من مبارة الاتفاق .. وانا تاكد بشكل كبير انه لن يفيد الهلال .. و كذالك الكابتن يوسف الثنيان .. قال انه ما اقتنع به .. بالرغم انه صنع هدف وسجل هدف .. وهذا الكلام قدام الاتفاق .. وانا اراهن على فشله والله يعينكم عليه ..

واتمنى التعاقد مع هوساوي .. ورحيل تفاريس .. لان اخطاء الموسهم كلها من تفاريس .. واكبر دليل هدف الوحده .. من جهه تفاريس .. والمفرج ما يلام بشكل كبير .. صح انه وداه للمرمى وزفه .. لكن تفاريس يمرح ويسرح بالوسط ..

وامس ماقصر تفاريس .. الهدف الاول من جهتة والثاني بعد ..

اتمنى استغلال المحترف الثالث وهو تفاريس بلاعب وسط تكتيكي مثل كوماتشو ..

والتعاقد مع هوساوي .. صحيح انه من طينت المفرج .. لكن على الاقل نستغل مكان تفاريس بمحترف متمكن في منطقه الوسط ..

::

وانا اسف على الاطاله .. واتمنى ان الموضوع ما يحذف .. لانه صريح وما فيه اي تهجم .. بل كله حقيقه وواقع ..

واسف على الازعاج ..