أخوي العوام ،،،

أولاً : الحق معك المفروض أرسل لك رسالة خاصة أسأل فيها عن أحوالك خاصة وأنت مشرف هنا ونحتاجك ، ولكن أعدك مستقبلاً أن أفعل ذلك وفي أول شهر تغيب فيه .

ثانياً : لم يسبق لي مقابلتك فلماذا تفتري علي وتقول إن لي كرش وأنا الحمد لله أنيق رشيق رغم كبر سني ، وعلى كذا وش يضمن لي إن بعض أحاديثك عن الجزيرة مهب افتراء مثل سالفة الكرش اللي لصقتها بي !!!!!!

ثالثاً : ما شاء الله عليك مشيت 120 كم ومع ذلك لا تزال ردودك أطول من طريق الحجاز !!!!!

رابعاً : بالنسبة للحوار حول الأمور الفنية فأترك المجال لك ولأخينا الغريب لتتشاكسا يعني [ اضرب ارطبون الروم بأرطبون العرب ] ، وأوصيك أن تأوي إلى [ ركنك الشديد ] إذا لزم الأمر !!!!!!!!!!!!!!!!!!!!!!!!!!!!!!!!!!!!!!!!!!!

تقبل تحياتي وترى الدعوى مزيحات ،،،

يالغريب لم ارى احد يصف الحال الهلالية بصدق كما تصفه الان

نعم تعبنا ونحن نرى انصاف اللاعبين يقودون الفريق الازرق

نعم تعبنا من ان النزهان راح يتطور

تعبنا من خشونة المسعري

ابتلينا بالقحطاني

ياناس ابي واحد يجاوبني ؟؟؟؟؟؟

المدرب جديد صح كما قال الغريب يعني مايعرف اللاعبين ؟؟؟

لماذا اشرك الثلاثي المرح دفعه واحده والا لانهم ينامون ويصحون بدري ؟؟؟؟

هلا بالغالي ابو بدر,,,,

اولا : ماهنا حقوق ياغالي ولو صارت لزوم فالحق لك انت اكبر مني ومن عوايدنا احترام وتقدير كبارنا لهم حق علينا لزوم نعطيهم اياه , وان شاء الله في المرّه الجايه اني ما اغيب إلا وعندك خبر

ثانيا :صحيح اني ماقابلتك وان شاء الله اني اقابلك في القادم من الايام وكلامي عن كرشك قلته اعتمادا على كلام الحبيب الغريب في قوله :

إقتباس أما القحطاني فلو سألتني بمن تنصح ليكون بديلا له لقلت لك أنصح بي وأنصح بكوأنصح بأبي بدر وكروشنا تتدلى من بطوننا !!!

ومادام ان الحبيب الغريب قابلك اكيد ان عنده علم وعنده خبر وعلشان كذا فأنا لازم اطلع من سالفة الافتراء واصير بريء منها كبراءة الذئب من دم ابن يعقوب ويبقى الامر بينكم انتم يالاثنين فأحدكم ( ..... ) وكلامي عن الجزيره ان شاء الله ماهو افتراء ابد إلا حقيقه واضحه يشوفها اللي يبي يشوف واللي ما يبي يشوف بكيفه اجل يقولون ان الشريده مطرود من المصيبيح !!

ثالثا :تكفى لا تجيب سيرة المسافات تراني تعقدت منها , وردي هذا تراه مختصر كتبته وانا تعبااااااان ومرهق ,,,

رابعا :بالنسبه للحوار فأبشرك خلصنا من المسعري وما بقى إلا القحطاني وان شاء الله ما يصير إلا كل خير وارطبون العرب بينه وبين ارطبون الروم صلح وعهد
والركن الشديد جددناه وفرشناه ونبي احد يسيِّر علينا علشان يأوي اليه ويستمتع بما فيه ,,,

تحياتي لك ولابد من المزيحات عقب الزحمات اللي تعرضنا لها في الاسبوع اللي فات ( يالله سترك والفزعه ) ,,

دكتوري الغريب
شكرنا لك على هذا الموضوع الجري حقيقتا فنحن جماهير الهلال لاننتظر بطوله تحرز والكابتن المسعري لانه بصرحه يدعوا الى التشائم بعدين وين الدعيع عن اشارة الكابتنيه فهو الحق بها بعد سامي الجابر وقبلهم عقدة فلمبان المزمنه يوسف الثنيان الذي حرمنا من ابداعته في هذه البطوله والله ماريح نحرز البطوله بالمسعري الذي اتضح جليا ان له واسطه كبيره جدا فنحن يالله قابلين به لاعب كيف نقبل به كابتن0
والسلام

wolf :

كل كلمة قلتها في ردك تلامس الحقيقة بل وتعانقها <=== وش رايك بتعانقها ؟!!

اختلافي بل لعله ليس اختلافا هو في كيفية قبول المصيبيح للواسطة ففكرتي عن شخصيتي تعجعلني أستبعد أن يقبل بالواسطة !!!


بس كلمة أستاذي ماتحس إنها واسعة علي حبتين ؟!!
تحياتي لك ,,,

ـــــــــــــــــــــــــــــــــــــــــ

أبو بدر :

خل العوام علي والله يعين

نبي دعواتك يابو بدر

ــــــــــــــــــــــــــــــــــــــــــــــ

أبو المفكرين :

شكرا لك على حسن ظنك بي

تحياتي لك ,,,,,

ــــــــــــــــــــــــــــــــــــــــــــ

الجراح الهلالي وبس :

دكتورك مرة وحدة ؟!!

ولو ياخوي شكل الطب داخل مزاجك مرة ؟!!

على العموم إن شاء الله موضوع الكابتنية انتهى وسامي وصل وبيشيل الكابتنية

تحياتي لك ,,,,

ـــــــــــــــــــــــــــــــــــــــــ

العوام :

أنت يبي لك جلسة وعقب مايخلص هالموضوع الظاهر إني أبعتزل الكتابة وأتفرج على ردودك طويلة النفس

انتظر ردي وحسبي الله على الظالم ;)

الله يصبرنا والله يستر

الغريب/

والله أنه شئ يصّيح ، أنك تشوف الدعيع حارس وتقوم تعطي شارة الكابتنيه للمسعري.

والله مافيه أي تبرير لهالموضوع ألا ماذكرته أنت :

** هل هناك من يحاول توصيل رسالة مضمونها ( ماتبونه احتياط ؟!! أجل عناد بيلعب أساسي وكابتن بعد وإللي مايرضى يطق راسه بأقرب جدار !!! ))

هذا هو السبب عزيزي ، وحمدا لله على عودة سامي وألا القهر بيزيد عن حده ،


دخله سريعه: بالله عليك يالغريب لو أن اللي نزل هو فيصل أبواثنين بدلا القحطاني .... كيف سيكون تغيير اللعب.


بعدين خاتمة موضوعك هي الكونكلوجن للوضع اللي صاير.


أبو بدر /

والله أني عارف وش اللي مضيق صدرك ، وهو اللي مضيق صدري ، بس وش نسوي..... لكن لا تقطع عطنا مواضيعك ننتظرها على احر من الجمر.

المسعري وسابقاً الصويلح والعتيبي والان المطيري والقحطاني وبعده الكاتو.......
ما ذا يا جماهير الأزرق ....عندما أرادت إدارة الأزرق الاستغناء عن الكاتو جميع من في المنتدى قالوا لا والان....
المسعري قال أوسكار عنه يومً انه افضل لاعب لديه بالرغم من الانتقادات التي حصلت له ذلك الوقت فليعلم البعض ان هناك لاعيبه تنفذ أفكار مدربين وليس همهم هو التسحيب والتمرير الخطاء ...
أتمنى من أعضاء المنتدى التركيز على النقد البناء وليس العكس......
خير الكلام ما قل ودل

من يستحق الكابتنية الدعيع
وعلى فكرة كل المعايير الي قلتها موجودة فيه إلا إذا كنت تشوف شي ثاني

والمسعري لاعب ممتااااااااااااااااااااااااااااااااااااااااااااااز غصب عن الي ماليرضى
إقرأوا ردي إلي كتبته في
منتدى الجمهور الهلالي/لاتمسوهم فهم الكبار/رد**الكابوس**
وما أحد رد علي

أشوف الشباب ماسكين خط


المهم أن ماعندي لياقه وحدي رد واحد ويـــالله


بإختصــــار !!!


إعطاء الكابتنيه للمسعري أعتبرها إهانه كاملة الدسم لنادي الهلال والسبب ان المسعري مع إحترامنا له كهلالي وخدم النادي لايستحق الكابتنيه بوجود العمالقه الشريده والدعيع ونواف !!!!!


أما تركي القحطاني فهذا قصته قصه :sad: :sad:


وجوده في كشوفات الهلال حتى الآن شي غريب


والمصيبه انه يشارك ويسافر مع الفريق ويلعب يعني المسأله تحدي عيني عينك


وانا ماودي أصير ظالم ولكني أعتقد أن مساعد المدرب المنصور له علاقه ويد في مشاركة القحطاني والله اعلم


شكراً للجميع وشدوا حيلكم وراكم خط

والله انت المصيبة يابو ذكرى

وانت صادق يا thewolf6 والحق ينقال

على فكرة ماتورانا ملعب تركي القحطاني قدام الجيش.

اخى الغريب تحيه وبعد

حقيقتاً يشرفنى ويسعدنى ان يكون اول ما اكتبه بالمنتدى هو من منبرك الرائع

اما بالنسبه للمذكورين اعلاه ( المسعرى , القحطانى , المطيري )

من ناحيه الكابتنيه فهى ليس الهم الاول فحتى لو وضعت على كتف المدرب فهى لن تغير من الامر شئ المهم هو فوز الفريق بغض النظر عن الشكليات الاخرى اللتى لن تقدم او تاخر بالنتيجه

اما تركى القحطانى فهذا الاعب لايصلح الا بودى قارد فى حوارى الرياض فهو لايمت للكره بصله لامن قرب ولا بعيد

بالنسبه للمطيري فالبرود ليس عيب انما ميزه لقلب الدفاع ولو اعيد لمركزه الاصلى فاتوقع ان يبدع اما فى مركز الظهير فلا اعتقد انه سوف يخدم الهلال .

اما المسعرى فلا احد ينكر مجهوداته فى خدمة الهلال وان انخفظ مستواه فى الااونه الاخيره كثيراً فهو لعدم وجود التنافس لانه وجد المركز خالى له ولاتنسو انكم من صفق كثيراً لهذا الاعب .

تحياتى ,,,,