#1  
قديم 28/12/2007, 02:59 AM
زعيــم متألــق
تاريخ التسجيل: 27/08/2007
مشاركات: 1,125
الزير سالم باللهجة الجداوية

يااولادي دحين بقلّكم لمن ألتقى الواد جساس بالحونشي داك الي شايف نفسو مرة الي اسمو كليب..

خدو الرواية:

كليب كان ماشي في برحة مرة كبيرة ومافي ناس ولا في احد جنبو .

والواد جساس بصراحة خلبوص شويه وجبان ..لأنو استغل وجود الحونشي كليب لوحدو..

المهم عمنا كليب(اللي هو أخوية) ماشي بامان الله وقاعد يشم شوية هوا ء وبعيد عن رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب

طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه

وداك مديه اشكل وربي ولا هو معبرو

جساس: شوف ياكليب..انتا كسرة الماصورة حقتنا ولا خليتنا نشرب مويه

لا نحنا ولا غنماتنا ولاجملاتنا ... حتى بزورة الجمل ما لقيت مويه تشرب وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير العيلة

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.

ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.

جساس صرخة بصوت عالي مرةانت يا كلـــــــــــــــيب ياخي رد عليّا ايشبك ،اتبكمت والا ايش؟

انا عارف انو ما تطالع وراك الا ازا كان فيه بشكة اقل شي اربعين راجل...

كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.

ساعتها الواد جساس جسمو تكهرب شويه بس سوى فيها انو ولا همو

وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..

وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..

قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ...

الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..

اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع

وقلّو: مو انتا عمّنا كليب ،اشبك كدا؟ ... ايش صار فيك ياعمنا ..

رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟

.ياخي جيب لي شوية مويه ابغى اشرب ياواد...

البدوي صاحبنا جبلو مويه وشرّبو .

كليب: اسمع ياواد انا غدر بي الواد جساس واكلني الرمح حقو بظهري من ورى ...

والي خلق امك لو انو كان من قدامي كان عرفت اتصرف معاه ...

لكن هو رمه وجبان وخيخة وجايني من ورى لكن مو مشكلة انا اعرف اجيب حقي...

حتي وانا ميت ورايا رجاجيل ما تترك حقي يابويا.

وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي

( لانو ماكان معاه قلم ولاورقةولا حاجة يمكن نسيها في البيت )...

ولازم اخوي سالم الداشر يقراها...( ممنوع التحقيق في هذي النقطة بذات)....

وبعدين الله يخليك تسوي معايا معروف انك تقتلني بعد ما اغلق من القصيدة ...

قبل ما يعفن ظهري وتصيبني الغرغرينة ( سلام وقول من رب رحيم)...

قلّو البدوي طيب.

وبدا ابو الشباب يكتب الوصية

المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو

المهم الهرجة دحين وصلت لحارة كليب واهلوا عرفوا بالهرجة كلها وطبعا

اخوانوا سووا فيها كيف وما كيف ومن الكلام دا...

ونحن نفعل ونحنا نسوي وحقنا مايروح لو علي شواربنا ومن الخراط هادا.

المهم

راحوا عند بيت عيال عمهم وتقابلوا مع ابوهم يعني قلك يسون مفاوضات...

وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.

وبعدين صاحبنا سالم كان سكران (فال أمها بالقوة) مع ولد عمو همام (ابو رحم) يعني رحيمو ... تعرفون كانو داشرين حقين شراب وبنات وكباين وشاليهات ومخلينها خل وطرشي

المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)

سكران مقربع مزبوط ومأجر السقف العلوي بالملحق كمان ... وطل همام وعرف الهرجة,

وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ...

احس انو في شي بس ما تبغو تتكلمو ...بنت يا ضباع ايش الهرجة؟

المهم العالم خافت وقامت تنفض من الخوف... سحبو همام وقالو ادخل جو ونتفاهم ...

مسكو من صدرو قلّو ياهوووه ايش الهرجة قلبت راسي وفكفكتها معايه وانت عارف انو مرووقين وشاربين

قلّّو همام شوف: لو قتلوا اخوك كليب... ايش تسوي؟

قام ضحك الدب (الزير) الا شوي كشر بوجهو وقلب قارورة العرق وخلاها تقطر شويه شويه...
قلّو شاييييييييف هدا العرق كيف يقطر؟

طالع همام مستغرب

قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم ...رجال من ظهر رجال...

وانتا شوف اخوي قد ايش عندو دم( بكاش الواد هادا الزير) المهم.

همام قال:ياهوووووه ما بدها خليني اديلو الهرجة والي يصير يصير:

وقلّو الهرجة .... والدب الداشر(الزير) سوا مناحة ديك الليلة

وهاتك يابكى وصراخ زي البزوره ..تعرف مع السكار والخبر الي مزفت ..

نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين....
لمن طلع الصبح وصاحبنا نايم علي الدكة وحالتو حاله ...



ولد اختو من جد نذل قال لابوه:هيا نقتلو وهو سكران وفكنا من شرو

ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد.

المهم صبح الصبح وكل واحد يبغى يسري عند اهلو عشان يشوفون ايش الهرجة وكيف........
راح يدور البوكس بينهم( يعني المعركة ) وقبل مايمشون ...

سوا فلم هندي الدب الداشر وقرينو همام ...

قلك ماراح اقتلك وما ادري ايش وما ابغاك تكون خصمي يا همام ...

وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي.

المهم كل واحد سرى عند اهلو...وقالوا بيننا البرحة ونشوف مين يغلب.

وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم
__________________
تحياتي للجميع
اضافة رد مع اقتباس
  #2  
قديم 29/12/2007, 02:19 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
يعطيك العافيه
اضافة رد مع اقتباس
  #3  
قديم 29/12/2007, 02:23 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
والله انه منسم ذا اللي يقول القصه
احلى شي ادالوا اشكل خخخخخخخ

الله يعطيك العافيه
اضافة رد مع اقتباس
  #4  
قديم 29/12/2007, 02:25 AM
زعيــم مميــز
تاريخ التسجيل: 13/06/2007
المكان: حافة الهاوية
مشاركات: 1,858
ههههههههههههههههههههههه


تطلع حلوه بس لو تتمثل


يعطيك العافيه ,,
اضافة رد مع اقتباس
  #5  
قديم 29/12/2007, 02:27 AM
زعيــم مميــز
تاريخ التسجيل: 31/03/2005
المكان: جـدة
مشاركات: 3,627
هلا بنوتاااات

بصراحه اللهجه الجداويه تجنن

مرحبمبكم جمييعا
اضافة رد مع اقتباس
  #6  
قديم 29/12/2007, 02:27 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
بالله قريتوها

وشلون تتمثل يعني يجيبون ممثلين جداووين ...؟؟
نعطيهم عاشقه اجل
اضافة رد مع اقتباس
  #7  
قديم 29/12/2007, 02:30 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
الله يعطيك العافية قاهرهم على نقل القصة ..

اخر تعديل كان بواسطة » مَاهِينُورْ في يوم » 29/12/2007 عند الساعة » 03:36 AM
اضافة رد مع اقتباس
  #8  
قديم 29/12/2007, 02:30 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
ههههههههههههههههههههههههههههههههه

الله يقطع ابليسه ...

الموضوع يتكلم عن ايش..



اضافة رد مع اقتباس
  #9  
قديم 29/12/2007, 02:30 AM
زعيــم مميــز
تاريخ التسجيل: 31/03/2005
المكان: جـدة
مشاركات: 3,627
بنااات الي تبغا تتعلم جداوي تقولي اعطيها كورسات

وتراهم بيمثلوا قريب وبطلع معهم

وعندي واسطه قوييه للي تبغا تمثل
اضافة رد مع اقتباس
  #10  
قديم 29/12/2007, 02:31 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
إقتباس
الرسالة الأصلية كتبت بواسطة عاشقة الزعيم15
هلا بنوتاااات

بصراحه اللهجه الجداويه تجنن

مرحبمبكم جمييعا

النجديه افضل

كل فتاه بلهجتها معجبه
اضافة رد مع اقتباس
  #11  
قديم 29/12/2007, 02:31 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
^
^
ماشاء الله وش هالصدف الي جمعتنا بنفس الموضوع
اضافة رد مع اقتباس
  #12  
قديم 29/12/2007, 02:31 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
ايه اللهجه الجداويه حلوة
ايه هنوف يجيبون اللي يمثلون في بابا فرحان
اذكر كلهم جداويين
بابا فرحان اللي يقول القصه
اضافة رد مع اقتباس
  #13  
قديم 29/12/2007, 02:32 AM
زعيــم مميــز
تاريخ التسجيل: 31/03/2005
المكان: جـدة
مشاركات: 3,627
إقتباس
الرسالة الأصلية كتبت بواسطة الهنوووف
النجديه افضل

كل فتاه بلهجتها معجبه


خخخخخخخخخخخخخخـ

ايش حلاها النجديه

>>> فيس يبغا يضارب
اضافة رد مع اقتباس
  #14  
قديم 29/12/2007, 02:33 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
إقتباس
الرسالة الأصلية كتبت بواسطة عاشقة الزعيم15
بنااات الي تبغا تتعلم جداوي تقولي اعطيها كورسات

وتراهم بيمثلوا قريب وبطلع معهم

وعندي واسطه قوييه للي تبغا تمثل

انا بصير المساعده لك
رغم اني شرقاويه بس اعرف اتكلم حجازي
اضافة رد مع اقتباس
  #15  
قديم 29/12/2007, 02:34 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
إقتباس
الرسالة الأصلية كتبت بواسطة nor alshams
^

إقتباس
الرسالة الأصلية كتبت بواسطة nor alshams
^
ماشاء الله وش هالصدف الي جمعتنا بنفس الموضوع



القلوب عند بعضهاا

يمكن لان تجمعنا القوه والشجاعه مثل الزير سالم >>>نامي

بس حلووو ردك مشكووور ذكرتيني بالردود الي تجيب لي مرض


ابوناصر
حرام عليك موضوع طويل عريض تقول وش يتكلم عنه عن الزير سالم واللهجه النجديه
تبي تمثل معنا ؟.؟؟ انتبه للدرس
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:44 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube