اضمها حيل حيل ابي الدفا - صفحة رقم 3 - نادي الهلال السعودي - شبكة الزعيم

الهنوووف · #31 10/12/2007, 10:29 PM

إقتباس

الرسالة الأصلية كتبت بواسطة غيمة عطش


	تصدقين يالهنوف إني أدري إن العنا هو خال أبو ريمان , بس ( العجله ) و ( النوم ) هم اللي خلوني ( اقلب ) الآيه . * يا جماعة الخير تقدرون تبرمجونها ذي : العنا خال ابو ريمان ما تجي ! بس وش تسوي يا بوريمان هذا المكتوب !؟

والله انا مثلك

وكنت كاتبه بردي بعد سلم على الخال بس نبهوني
مدري يمكن ماقتنعت

مع اني اعرف ان العنا الخال

الله يالدنيا انا وهي انا

ماصرت خاله يجي العنا يصير خال
ولا لابوريمان بعد
عش ترى عجبا

جرح يشكي · #32 10/12/2007, 10:32 PM

من حسنات الموضوع

إطلالة ابو ريمان

ابو ريمان شدعوهـ تتغلى يعني

تغريد · #33 11/12/2007, 01:23 AM

إقتباس


	أفكر في من شال الهم صادق مو شال الهم شاعر أفكر في هم من شال بصدق الهم .

.

رعبوبة الزعيم · #34 11/12/2007, 03:28 AM

وش فيكم بتسوون احباط لمعنويات العنا

صدقوا العنا ترى هو الخال

..صح ماتجي ..بس هذي الحقيقه ..

بلد الوليد · #35 11/12/2007, 03:37 AM

قسم بالله توي ادري ما اصدق

العنا خال ابو ريمان

برب اضحك

ابو ريمان ترا الرد لك كله ترحيب فيك

العنـا · #36 13/12/2007, 07:47 AM

يالله ان تحييهم كلن باسمه ولحمه وعظمه وشحمه واذنه وخشمه الاخير كانه مهب مزكم وكانه مزكم لاوالله الله لا يحيي خشمه

توي قايم من النوم وشارب كابتشينو ومسولف مع امي لمده 5 دقايق لاول مرة في حياتي العاده تصرفني مع الدقيقه الثالثه وكانها مروقه مروقه صرفتني مع الدقيقه الرابعه المهم اليوم كملت معي 5 دقايق اثر امي المصلحجيه تبيني اوديها صلاه الاستسقاء قلت الله يهديك يمه لو استسقي تاجل المطر سنه

من زيني انا ووجهي شوفي بس المنتدى اللي اكتب فيه لو تشوفينه قلت لا تستسقي ولا شي الفكه غنيمه كل المنتدى اباليس وشياطين الظهراني والمشاغب وماجد والمشاكس وعندنا ابليس رقوه حطوه مشرف بس هذاك ابليس كلاسيكي وعندنا بعد ابليسات

هنوفوه وفرصوه تعوذي بس من الشيطان يمه وسمي على نفسك لاني يمكن اروح لهم الحين ارد عليهم

إقتباس

الرسالة الأصلية كتبت بواسطة محبوبة الزعيم


	. ... أوليييي ... العنا ... تعال تعال أبغى أبعد العنكبوت عن يوزرك ^- - غبار أليم هونا ... الحمد الله على سلامتك على جنب ... بسراحة أحترت أرد على أي موزوووع ..! ... متحمس ما شاء الله منزله مرتين .

يالله فال مبارك جاي نشيط ومن شفت هاليوزر جاني النوم مغير اتثاوب انت المفروض يصير معرفك ادول فيفادول مو محبوبه

العنكبوت ماعليك منه ع معرفك او ع معرفي الله من اللقافه في هالبنت ياناس مغير تلاحق العنكبوتات جزاء لك انت بعد ابليسه

ما نزلته مرتين جعلكم ماتطيحون لي في عوره من سيرفركم المخبط مصدر الشيطنه والابلسه والشر شررررررررر وعيش مررررررررررررر

اكوس شي انك مارديت عشان يخلص ردك بسرعه تصدقين بديت اتمغط يوم خلص ردك كني توي قايم من النوم

لاعاد بصراحه بصراحه انت ليه عجازه >>> بيشوه سمعتها مهب متزوجه

اقول يابنت قلب امك خليه ع جنب ان جاه شي فهو والله منك تلقين امك تقول حسبي الله عليك يالتميميه عورت قلبي >>> والله لوها عضو معنا

حياك يالدبه مشتاقين لسواليفك

العنـا وفي روايه الغثـا وبوريمان زعلان من يراضيه انا اراضيه بس كله واحد بكيفه اهم شي رجعناه

إقتباس

الرسالة الأصلية كتبت بواسطة لولاه غالي


	قسم بالله منت صاحي شكلك ظاربلك ملاكي القاهره بس من جد سحبتني دخلت موضوعك الثاني يامهبول ياشيخ لو لي واسطه في شهار ارسلك بالفاكس

الله يخليك هذا من طيبك بس بالله خلها بالايميل لا يقولون وشذا لولاه غالي الناس وين صاروا واذا لين الحين فاكس فاكس ما بقى الا بريد مسجل مدري ممتاز فشلتنا الله يهديك

ع فكره ترى انا اذا بغيت اغير جو رحت لشهار والله انه احسن من ديزني تضحك لين يعورك بطنك مره لقيت ولد الظهران هناك يغني خليلوه خليوه

حياك خيو حياك

العنـا وفي روايه الغثـا وبوريمان زعلان من يراضيه انا اراضيه بس كله واحد بكيفه اهم شي رجعناه

إقتباس

الرسالة الأصلية كتبت بواسطة BLUE-STAR


	عليك أسلــــــــــــــــــــــــووووب....................... ............................................................................... ..... إنما إيــــه... بس الخاطره اللي ملتطووشه خطيــــره ربي يسلمــكـ... تراي رديت موب الحين أصير ماأستحي <<< متكلفه بالرد الله لايهينك.. وش أسوي بي نووم وحلو اني رديت كذا لاعدمنــــــــــــــــــاكـ... .يالعنا ورده

ولا عدمناك يا بلوستار اسمك يصلح اسم محل كوفي شوب

الخاطره الملطوشه تدل ع ذوقي الادبي هو نفس ذات الاسلوب حق راعي الخاطره يعني تقدرين تعتبريني انا اللي كاتبها الا شوي

حياك خيتو حياك

العنـا وفي روايه الغثـا وبوريمان زعلان من يراضيه انا اراضيه بس كله واحد بكيفه اهم شي رجعناه

إقتباس

الرسالة الأصلية كتبت بواسطة يتيم احساس


	عليك إسلوب إنما حلووووووووووووووووووووووووووووه

شوف اخ يتيم ولد عمي احساس من ناحيه الاسلوب موغريبه علي وانا ناوي افتح محل اسلوب وناوي اخلي الاسعار مناسبه للكل تابع الجرايد انت بس واذا شفت محل العنا للاساليب جمله مفرق اعرف اني انهبلت

العنـا وفي روايه الغثـا وبوريمان زعلان من يراضيه انا اراضيه بس كله واحد بكيفه اهم شي رجعناه

فرصووووه انت اذا جيت تردين تشربين باورهورس اوريد بول يوم شفت ردك ارتعت خليني انوم لي شوي الى العصر بعدين اجي ارد عليك

العنـا · #37 22/12/2007, 01:01 PM

عيدكم مبارك يا اصدقاي
من بعد صلاه العيد وانا كل شوي اشيك ع الرسايل الخاصه ابي القى لحم شي مالقيت الا الفقر جعلكم ما تكدون علي

عسى اموركم زينه وعساكم ضحيتو وكتلتو الخراريف
يوم العيد كتلنا كل الخرافين وسمعت اسماء مااعرفها ولا قد سمعتها في حياتي اللهم انها منك ولك اللهم عن جدتي لطيفه عن امي هيا

اسماء الله لا يوريكم
سالتهم هذي منهي وهذا منهو وفي كل مره اكتشف شي واحد ان اهلي يضحون لناس قديميييين الظاهر انهم كانو يسولفون مع ابولهب الضحويه

يوم جا القصاب بيكتل ضحيتي قلت باسم الله والله اكبر الله انها منك ولك اللهم انها عني والدي واعضاء المجلس العام >>> فيه كم شخص وشخصه ماودي اني مضحي عنهم بس قلت يالله عيد خلنا نمشيها

يوم العيد الضحايا واجد اتفقت انا وولد اختي الوسيم انا نجيب وحده نمطرسها في البيت والباقي نخليه عند القصاب جبنا وحده والله لا يوريكم جعلكم ما تصيرون ضحيه اول شي لعبنا معها باب واحد في الحوش انا فريق والخروف فريق ولد اختي حارس وهو الحكم وحسب لها ولد اختي الخبل بلنتي يوم زلقت عليها ومع ان زلقتي قانونيه تفاجات انه مطلع الكرت الاحمر يقول من الخلف

>>> ولد اختي منسم بس الناس ماخذين فيه مقلب

قلت الله ابوك ياالكثيري

بعدين هذا خروف قرونه تروع لازم ازلق من الخلف من الامام صعبه اخاف يضحي بي هو

بعدين لعبنا عسكري حرامي وكانت دايم تفوز وحنا فزنا مره وحده وصارت نهايتها فيها

الحين انا موقف عيدين عشان الكرت الاحمر

ّّّّّّّقرر العنـا اللي هو انا تغيير اللون في الكتابه وذلك لاسباب امنيه وحرصا ع راحه الحجاج وسلامتهم

%%%%%%%%%%%%%%%

إقتباس

الرسالة الأصلية كتبت بواسطة فرصه ضايعه


	له له له أنا بحلم ولا بعلم العنا مرة وحده إيه دا النور ياقماعه .... يغيب حكيمنا ويطلع لنا خاله

ادري انكم مشتاقين لي والكل يرحب برجعتي وبصراحه فرصه كنت باصرف لك شرهه ع هالترحيب لكن تذكرت ان شبكه الزعيم بكبرها قايله لي اول مادخلت اهلا وسهلا بعودتك يالعنـا قلت ماله داعي ماعليه فرصه اعتبريها فرصه ضايعه

إقتباس

الرسالة الأصلية كتبت بواسطة فرصه ضايعه


	لا لا دام الموضوع لحد الحين موجود أجل أنا بعلم يوم أني اقراه الحين ولد أختك وش بلاه علينا مهاجرنا ... شكلك عاديته ولاّ عشان تقدر تسرق لنا من مكتبه

اسمها هاجرنا مو مهاجرنا انت ووجهتس

بعدين شقالو لك وكيل اعماله اووكيل اعماله لا يكون تحسبيني وكيل اعماله

ترى انا مو وكيل اعماله

إقتباس

الرسالة الأصلية كتبت بواسطة فرصه ضايعه


	بشويش لاتدف طيب

توبه اخر مره كنت متحمس زياده اسف فرصه اتمنى ماتزعلين واوعدك المره الجايه ماادف ولااحرك يديني حتى مره ثانيه اسف اتمنى ماتكونين زعلانه اوماخذه بخاطرك ترى الدنيا ماتسوى وما تستاهل كلنا بنموت >>> احلف ومصيرنا للتراب والقبر وما تسوى علينا اختي فرصه يكون بينا شي ومره ثالثه اسف مو بس من اعماق قلبي من اعماق ظهر الكرسي اللي وراي ارجوك فرصوه تقبلين عذري

هاه بشري عساك قبلتي عذري >>> تلقاها تقول دف بكيفك الله لايعيدك بس لا تشغلنا

إقتباس

الرسالة الأصلية كتبت بواسطة فرصه ضايعه


	متقرفص مثلاً

ما اعتقد اني كنت متقرفص لاني مااتقرفص الا مره وحده في السنه >>> طقوس طقوس لا تدققين ومااعتقد ان ذاك اليوم كان يوم القرفصه السنوي

إقتباس

الرسالة الأصلية كتبت بواسطة فرصه ضايعه


	ههههههههههههههههههههههههههههههههههههههههههههه وقسم ياعليك تفكير ... أنا شكيت بشي بس يوم وصلت لمخروطي كعيت ضحك ماخبرته أبد يجي مخروطي وقلت لا أكيد يقصد شي ثاني

من قالك ان اللي شكيتي فيه ما يصير مخروطي غلطانه خيتو والله فيه متوازي اضلاع بعد مو بس مخروطي

واحد من العيال الله يذكره بالخير يقولي بالله طل في خشمي ما تشوف مخي

يعجبني الانسان هذا لانه حتى وهو شيفه الله يسلمه ويخليه لاهله مااستحى من شكله وراضي بقضاء الله وقدره عشان كذا انا اقدر هذا الانسان مع اني دايم اقوله من زين مخك عاد عشان تخلي الناس يتطلعون اليه

الموته اذا جاك شيفه ويتميلح

إقتباس

الرسالة الأصلية كتبت بواسطة فرصه ضايعه


	ههههههههههههههههههههههههههههههههههه أجل طلع عسكريم ... الحمد لله صار تفكيري سليم بس والله يأنت جريت ناس جرة اليمة <<< طالعة منها

يالقرويه آيسكريم او بوظه مو ععععسكريم خطر تشرقين بحرف العين

>>> طلع منها >>> يقلد فرصه

إقتباس

الرسالة الأصلية كتبت بواسطة فرصه ضايعه


	ياهووووووووه كمل كمل وراك وقفت <<< كل ساقط وله لاقط

خفت ماتتحملون الابداع قلت اوقف واجيب لكم شي ع مستواكم
ساقط ولاقط في عينك اسم المسلسل سابق ولاحق >>> عساه صح

إقتباس

الرسالة الأصلية كتبت بواسطة فرصه ضايعه


	ياكثرهم ... ياليتني زيهم

انا منب منهم >>> كذاب اصلا هو المقصود

لكن بحكم تخصصي في الجامعه قسم الاحياء المخلوقات الاخرى

خليني اقولك وش مفروض تسوين
رساله الماجستير حقتي اللي بديت فيها وما بعد خلصت الا الغلاف اللي فيه اسمي

والرقم الجامعي حقي كنت حاطه 425 وانتظر باقي الارقام ويوم خلصت 25 غيرتها 426 ومن يومها كل ما تعيدت الاضحى اغير الرقم وباغيره الاسبوع الجاي 429

لاني انتظر يقبلوني في الجامعه
ع فكره انا مقدم اوراقي مافيها الا شهاده الثانوي بس مكلم السيكيورتي حق عماده القبول والتسجيل ومواعدني خير مدري من اللي يلعب ع الثاني انا ولا هو

المهم اذا قبلوني بيكون موضوع الرساله كيف تنوم فرصه وشبيهاتها حتى لو كانت تحت طياره بتقلع
و بعد البحث والاستكشاف عرفت ان السبب انك دايم شبعانه نوم يعني لوجلست شهر مانمت بعدين حطيناك على سور محطه بوشهر النوويه بتنامين عشان كذا نصيحتي لك لاتنومين شهر عشان مهما كانت الظروف والازعاج تقدرين تنومين يعني خلي رصيدك دايم شهر كامل مافي نوم غير مفوتر >>> عورني راسي

إقتباس

الرسالة الأصلية كتبت بواسطة فرصه ضايعه


	توقفت عند هالعبارة كثير تعبر عن اللي بقولة بسطر ماشاء الله تعور القلب ليه كل ذا الهم ... الدنيا والله ماتسوى <<< دخلت جو جازلي قوة التعبير هنا بقوة

كل الجرايد والمجلات والكاميرات تلاحقني لكن اخلاصي للزعيم يخليني اكتب هنا وبس

إقتباس

الرسالة الأصلية كتبت بواسطة فرصه ضايعه


	كبير دايم بنظرنا

داري ماعليه هذي سنه الحياه لازم يكون فيه ناس كبار وناس صغار وربي قسم اكون مع الكبار

إقتباس

الرسالة الأصلية كتبت بواسطة فرصه ضايعه


	الله يالدنيا مب حرام عليك حارمنا من هالإبداع

ابداعي ولاابداعك هو الله من اللقافه

إقتباس

الرسالة الأصلية كتبت بواسطة فرصه ضايعه


	يعني دايم يشيل هموم العالم بكتاباته وواضح عليها آثار الحزن والألم

والله فرصه ارفع شالي لاني الحين علي شال

تقدير واحترام لهالجمله
والله ياهو شايل هموم خلق الله ومضيع عمره حتى انا متعبني معه

الدعوه ضايعه ومافي احد يقدر يصلح الكون واليد الوحده ماتصفق ياماقلناها وقالوها له لكن مافي فايده لكن ماقول غير الله يعين اللي بتاخذه

اول سنتين يبي لها تتفرغ تقرا كتاباته وبتكون هي الاخيره لان بعدها بيجيها جلطه وبتموت من ضيقه الصدر بيتجلط الدم

والله ياهو ردك طويل بس خفيف دم مثل راعيته >>> يسمع بالمدح

العنـا · #38 22/12/2007, 01:33 PM

إقتباس

الرسالة الأصلية كتبت بواسطة ريري هكتور


	الله بالخيرأخوي >> صز انك الله بالخير

يالله صباح خير
اللي الله بالخير انت واشكالك لكن دامك قريبه بنت هيرلي ماعليك شرهه

إقتباس

الرسالة الأصلية كتبت بواسطة ريري هكتور


	طيب واللي تسرح وما تفكر وهمها تسيف تسطي مالقت لبسن تلبسه للعيد

يابنت الحلال لاتكلفين تلقينك كل سنه تشغلين نفسك واهلك تدورين لبس واخرتها تنومين وماتحضرين العيد

إقتباس

الرسالة الأصلية كتبت بواسطة ريري هكتور


	ابوك يالتشويق .. الصراحه أبدعت في وصف طريقة أكل العسكرين طيب العسكرين معه ملعقه وشوله نلقمه بالاصابع .. وطلع الحين عسكرين يجي معه صداره هديه خبرك عن مطرسه البزارين >> مطرستبهم الغثره >> الله يصلحتس ياريري تركتي المنضوع بمافيه من أهداف وفوائد وقعدت تكلمين عن العسكرين

عندي افتفسار واحد بخصوص العسكرين وبس
هل انت كنت عندما تكتبين الرد في كامل قواك العقليه

إقتباس

الرسالة الأصلية كتبت بواسطة ريري هكتور


	بالله ياريح ردلي خبر وعلوم ...... عن اللي تمنان .... وحي نمر بن عدوان ... << وش تبين انتي

نمر بن عدوان يتوطاك بحصانه

ماعندنا في المنتدى بنات يتغزلن بالرجاجيل

إقتباس

الرسالة الأصلية كتبت بواسطة ريري هكتور


	وش ذولي عناوين افلام ... مليت الأول مليت الثالث افلام سعوديه .. ومليت الثاني شكله مصري

هذي حلوه مافكرت فيها

إقتباس

الرسالة الأصلية كتبت بواسطة ريري هكتور


	عيني بعينك اللي تحت انا قلت اقطع يدي من تستفه ان تسانه مب ملطوش لكن العله والبلا باللي فوق ...<< قام يدخلن الماء

اذا انت قام يدخلن الماء انت لازم اذا خلص يطلعن الماء لانن انن عندنن عقدتن رهيبتن من نون القصيم تخلينن ما افهمن وش انتن تقولنن يعني ياناس ارحمنن

إقتباس

الرسالة الأصلية كتبت بواسطة ريري هكتور


	تدري وش المقدمه بالنصوص الادبيه ياانها تبدا (بالمطار - والا على طاولة عليها فنجان قهوه _ والا تحت المطر - والا جنب الكفر

لا تكونين دايم جالسه حول الكفرات تبينها تلهمك كيف تكتبين مقدمه

ترى عندي كفر قديم لسيارتي مبنشر تبينه هديه تعلقينه فوق سريرك يمكن تطلعين كاتبه

اقول ريروه لاتكون بنت هيرلي تنصب عليكم البدايات والنهايات الله من الدجه

إقتباس

الرسالة الأصلية كتبت بواسطة ريري هكتور


	اذا بغيت تبدأ ثاني مره اتخذ حدى هالحالات

اذا تعلمت بدايه الكفرات علميني عليها

ريري بنت هكتور في خاطري سؤال بس مستحي عشان كذا باقوله

انتم ليه عائلتكم هكتور وهيرلي

مرات احسكم عائلات بريطانيه طالعين للبر ومخيمين بين الرس وبريده

يسلمو خيتو

العنـا · #39 22/12/2007, 01:45 PM

إقتباس

الرسالة الأصلية كتبت بواسطة ماجد مقبل


	هلا وغلا اخوي العنا وحياك الله وبياك في مقرك ومثواك وين الناس وين الغيبات ياراجل وبعدين ماشاء الله لياقتك على طول عاليه من اول لمسة موضوع طويل بصراحة لم تتم قراءة الموضوع لطوله وخطه ولونه ومن اللمحة الاولى اظنها يحتاج الى تنسيق الشايب فياض هذا ترحيب ولي عودة يالعنا ان شاء الله

لا صكني بعين بعد ياولد مقبل مابقى الاهي لعنبوبليسك نصه مسروق قل ماشاء الله

يقولون انك قررت تعرس ومااقول غير الله يكون بعونها اي ذنب ذاك اللي اقترفته تلك الفتاه المسكينه عندما كتب لها ان تاخذك انت ووجهك

الله يوفقك كانك عزمتني والله لايوفقك لادنيا ولااخره كانك ماعزمتني

تمنياتي لك بعش زوجيه مو عش فوق شجره لا عش هذا وصف بلاغي عش زوجيه سعيد عامرا بالاطفال اللي يسجلون معنا هنا وان شاء الله نشوف يوزراتهم

مقبل ماجد مقبل
سعيد ماجد مقبل
علي ماجد مقبل
عمر ماجد مقبل

يمكن تصير وفي لاصدقائك وتسمي عيالك عليهم من يدري

مشاغب ماجد مقبل
مشاكس ماجد مقبل
نمر ماجد مقبل
ليوميسي ماجد مقبل >>> هذا مسكت

>>> مسكت ولا رهيب

القاضي ماجد مقبل
بوريمان ماجد مقبل

الجاحظ ماجد مقبل >>> يصلح اسم مدير

والبنات عاد

فرصه ضايعه ماجد مقبل

الهنوووووف ماجد مقبل
الهنووف ماجد مقبل >> يختلف عدد الواوات

اليزابيث هيرلي ماجد مقبل
ريري هيكتور ماجد مقبل
رعبوبه ماجد مقبل
بنت الزعيم ماجد مقبل
اسيره الزعيم ماجد مقبل
الماسه الزرقاء ماجد مقبل

ابطال مسلسل صارو

اصبر اصبر نسيت اهم الاعضاء

دبل كيك ماجد مقبل
هلالي الظهراني ماجد مقبل
الـ

ـعـ

ـنـ

ـا ماجد مقبل >>> هذا خذها مني بيصر احسن واحد في عيالك

%%%%%%%%%%%%%%%%%%%%%%

إقتباس

الرسالة الأصلية كتبت بواسطة nor alshams


	× ×× هلا ومرحبا بالغثا .. حبيت ارحب لاني حاولت اعلق وعجزت .. خاطرة جميلة وسرقة موفقة .. لكن ماقلت لنا مين كاتب الخاطرة لان اسلوب الكاتب موب غريب .. شكراً العنا ورده ورده ورده .. ~~~~~~~~~~~

شكرا نور الشمس نور جبينك ورده ورده ورده ونخله وشجره

!!هلالي الرس!! · #40 22/12/2007, 02:32 PM

يالله موضوعك طوويل وخالي من الهم *ــــ*

لي رجعتن أخرى

العنـا · #41 23/12/2007, 05:20 PM

إقتباس

الرسالة الأصلية كتبت بواسطة جرح يشكي


	^^^ ^^ ^ الخال والد ترحيب حار لـ الغثاء ع قولة ابو ريمان يا ولد ما شفت لنا شايب يلبس نظارات تقل نظارات ياسر عرفات له مدهـ ما شفناهـ بلغه سلامنا الحار وقل له لا يتأخر علينا ، المجلس ناقص واحد من اهم اركانه العنا ورده

جرح يشكي وردتين

ترى كلمت الرجال وقلت له انت ياركن تعال جرح يشكي يقول وينك

في خاطري كليمتين اخاف اقولها وتقلبونها حفله انت والشله عاد انتم حبيبين مايبي لكم شي واللي بيحارشكم بيطلع من دون اصابات

بس ولو باقول يعني باقول
انتم ليه كل واحد حاط بريماكس ((قلب)) مدري ايش ((قلب)) عيب عليكم اخاف يشوفنا احد يطلع علينا كلام بعدين والله مو زين >>> بدا يخور

نظارات بوريمان زي ولد عرفات

خلني اطلع صورته بجوالي اتاكد

يسلمو خيو جرح ولاتنسى الوردتين

العنـا · #42 23/12/2007, 05:21 PM

إقتباس

الرسالة الأصلية كتبت بواسطة abo_nasser


	العنا ..وش هو العنا؟؟؟ غير انتي وجروحك وانا..

ياخي تكلفت

العنـا · #43 23/12/2007, 05:24 PM

إقتباس

الرسالة الأصلية كتبت بواسطة f*y*d


	. . وش عنده العنا منزل موضوع ! . تسلملي هالسرقات المحترفة بس .. اسرق وما يردك الا موضوع جديد . بالنسبة لليوزرات شكلك متهاوش مع خالك أجل انت تستحق الحكيم بالله اذا اشتكيت لا تنساني نبي شي تحت اليوزر وش فرقنا عنك . .

وش تبي انت بس يابعدهم امر تدلل لك علي 3 وردات احسن من جرح يشكي

افا عليك لاتوصي حريص انا ماخذ دوره عند اكبر حراميه عرفها التاريخ الماسه بنت الزرقاء

العنـا · #44 23/12/2007, 05:31 PM

إقتباس

الرسالة الأصلية كتبت بواسطة القاضي


	أجمل ما فيك أنك تذكرني - الآن فقط - بحبيبنا و صديقنا أبي ريمان و سبحان من يخرج الحيّ من الميت. ثم هل تريد أن تقنعني و بقيّة القراء - القلائل حتى الآن - أنك تعرف شيئاَ اسمه ريش نعام !!؟ أما عن اللقب ، فلو بيدي لمسحت اللقب الذي تحت معرفك . قال زعيــم نشيــط قال . أخوك .. للأسف.

عزالله ان بوريمان صادقن فيكم وفيكن يااستشارين الغفله يالمغرورين يالمتكبرين يالرافعين خشومكم علينا حناالطبقه الكادحه مدري حزب العمال ياعمري يابوسباستيان زعيم حزب العمال

انت يالي عامل قاضي يوم انك فاضي

هذا مو لقب هذا يجي من السيرفر هديه بالديفولت طال عمرك

يعني ما لكم كرمن فيه وكانه مضيقن صدرك خذه مابيه من زينه لوبكيفي نسيت كلمه السر عشان مااقدر ادخل

هذا بدال ماتشجعني وتقول متى نشوفك معلق زود نجمه وصاير زعيم متالق مدري وشو اللي بعد نشيط تحطمني امحق استشاري

لكن ماعليك شرهه دام رفيقك بوريمان في الانشطه اللاصفيه والماسه الحراميه في الانشطه الصفيه >>> مهبلتن به هالمصطلحات من ايام الدراسه

العنـا · #45 23/12/2007, 05:34 PM

إقتباس

الرسالة الأصلية كتبت بواسطة بلد الوليد


	ينقل الى صيد الانترنت لمخالفة قوانين المنتدى ^^ ياحبي له الغثا ما انجر ياراااااااااااااااقل قسم بالله اني ارتعت حتى مخروطي جت في بالي على انها شي ثاني بس الحمد لله يوم جا طاري العسكريم ارتحت وعرفت ان السالفه غير تفكيري الوسخ وش السالفه ترا مدري منهو خالك ومنهو ولد خالك !! موضوعك جانب الصواب والتنسيق حتى المنقول ازين من تنسيقك مستر عنا ممكن تعطينا فاصله من فواصلك الحلوه في الردود ؟!

يعني توك تدري ان تفكيرك وسخ؟

انا من كتبت الموضوع وانا قايل للعنا يعني لنفسي ان بلد الوليد بيجي وبيقرا وبيصير تفكيره وسخ لكن عاد يعترف ان تفكيره وسخ او مايعترف هذي احترت فيها شوي بعدين قلت لا هو مايستحي اكيد بيعترف

يسلمو خيو بلد الوليد مع اني مافهمت اسمك وعلمني كم تبي من ورده عشان اقولك مر خذها من محلات الورد شفهم جنب مستشفى الحمادي ولا يلعبون عليك يرفعون السعر