مساكم/ صبحكم الله بالخير جميعا...

الحقيقه أول مره أكتب موضوع عن لاعب معين لاني أشوف انه ماله داعي ...

لكن في كل مره يثبت الثنائي انهم ما عندك أحد....

صدقوني انه فيه ألف موهبه في الهلال اندفنت كرمال عيون ثنائي الغفله

صبرنا بما فيه الكثير , تريثنا كثير في الحكم عليهم , قلنا يمكن اللي يطالب بهم يشوف شي ما نشوفه , لكن الظاهر ان وا سطتهم مهتم بالكوره بس مسكين:sad: فاقد نعمة البصر...

أسماء هلاليه كثيره تحترق على دكة الاحتياط , وأسماء هلاليه أكثر تنتظر الانضمام للفريق الاول من درجة الشباب , لكن لسان حالهم يقول " نغني ياليل ما اطولك "...

الى متى وحنا نطالب بابعاد الطحالب من النادي ؟؟؟؟؟؟؟؟؟؟؟؟؟

الى متى وحنا نقتل مواهبنا كرمال ما تبي الواسطه؟؟؟؟؟؟؟؟؟؟؟؟

مساكين جمهور الهلال انحرموا من أكل أي شي مالح وهم يشوفون للهلال مباراة يشارك فيها ثنائي الغفله....
( ملح + ت. قحطاني + مسعري = ارتفاع بالضغط ـــــــــــ> جلطه ثم الوفاة:sad: )

والله اني اكتب هالموضوع وان الكي بورد تكسر من قوة ضغطي عليه , لانه قهررررررر..

لكن الظاهر هالمره أنا أبغني يا ليل ما اطولك...

ايـــــــــــــه واللــــــــه انـــــــك صــــــــــــادق مافيهـــــــــم فايــــــــــــــــــده


والاداره معجبها والوضع وساكته اتمنى يقولون لهم باي باي ومعها حبة خشم


وهديه بعد اهم شي نفتك منهم

والي قاهرني اكثر ان الاصابه ماتعرفهم ابد

سلاااااااااااااام اخوي

والله لا حياة لمن تنادي ...... ويصرفوها انهم لا عبين تكتيك ((اي تكتيك الله يهديهم))

هذا كله يهون يووووم يجي المسعري منصب شارة الكابتنيه ((ولا صالح النعيمه ويوسف الثنيان.هههههههههه)) ........ يعني خلصوا الاعبين ما بقي غير الرخمه كابتن

لكن ((ياليل ما اطولك))


تحياتي

أخوي الهاوي 11 :

انتبه لايطلع لك أحد ويقولك إن القحطاني تركي لاعب تكتيك ومستواه فوق مستوى الدوري السعودي !!!!!!!!!!!

عاد تصدق فيه واحد كاتب موضوع هنا بعد المباراة ويقول إن القحطاني نجم المباراة شاء من شاء وأبى من أبى !!!!!

هو الصراحة أفضل لاعب شفته بحياتي ........ يوطي كور !!!

أول شي من قال ان المسعري لاعب غير جيد فإنه ما عنده سالفة يمكن القحطاني صحيح مش ولا بد ولاكن المسعري من احسن لاعبين الوسط السعودي في نادي الهلال وانا اشوف انه له فتره متغيب لييييييييييييه؟؟ ما ادري!! واتمنى انه ما يكون مصاب
وسلامتكم

مساكم الله بالخير جميعا...

** الغالي شبح15...

إقتباس يقولون لهم باي باي ومعها حبة خشم وهديه بعد اهم شي نفتك منهم

اذا كان على الهديه فأنا أول واحد راح يقدم لهم هديه بس يذلفون..
تحياتي لك...

** الغالي ثــامــر...

إقتباس ويصرفوها انهم لا عبين تكتيك ((اي تكتيك الله يهديهم))

صحيح هم لاعبين " تنكيت " والمشكله ما يضحك عليهم الا المنافسين...
وبالنسبه لكابتنية المسعري لاتهمك , تراهم استشاروا ابو يعقوب وقال لهم عطوها المسعري , ابويعقوب قصده عشان يفهم المسعري ان الشارة تكريم له وعقب المباراة مع السلامه , لكن ابومسعري ما عندك احد فهم غلط
تحياتي لك...

** الغالي جدا الغريب...

إقتباس ومستواه فوق مستوى الدوري السعودي !!!!!!!!!!!

ههههههه تصدق قد سمعت واحد قال هالجمله بس كان مرتفـ....؟!!!!

إقتباس عاد تصدق فيه واحد كاتب موضوع هنا بعد المباراة ويقول إن القحطاني نجم المباراة شاء من شاء وأبى من أبى !!!!!

ليش ما أصدق , وأحد الاعضاء كاتب لي رد يقول ما عندكم سالفه!!!!!!
تحياتي لك...

** الغالي some1_in_ksa...

إقتباس أول شي من قال ان المسعري لاعب غير جيد فإنه ما عنده سالفة

ما شاء الله عليك , أنت الوحيد بين 90% من جماهير الهلال اللي عندك سالفه..!!

إقتباس المسعري من احسن لاعبين الوسط السعودي في نادي الهلال

لا تعليــــــــــــــــــــــــــــــــــــــــــــــــق........

تحياتي لك... ولا تزعل;)

ولا يهون العتيبى والمفرج والنزهان...هؤلاء لايليقون بفريق كالهلال..
تحياتى..

** الغالي شموخ الزعيم...

الاسماء اللي ذكرتها ممكن تلقى لهم بعض المبررات مثل ان العتيبي حارس برز كثيرا وهناك احتماليه لان يعود لمستواه لانه صغير بالسن مقارنة بأعمار الحراس...

لكن المشكله اللي عواجيز ومستحيل يقدمون اي شي ومراكزهم فيها العديد من اللاعبين!!!

هذا من وجهة نظري طبعا...تحياتي لك,,

يااخي الي يقهر الواحد انهم فرطو في لاعبين شباب كان لهم مستقبل وتمسكو في المسعري وطقته بصراحه عجزت افهم المعايير الي يتبعونها في تنسيق اللاعبين لاني اشوفهم مخلين اشباه لاعبين في الفريق ومفرطين في نجوم واكبر دليل بروزهم مع فرقهم بعد مانسقهم الهلال :sad:

واكبر دليل احمد ضاري لما نسقوه ورجعو ودفعو فيه مبلغ وقدره مع انه كان لهم وتركي الشايع الي ماكان سيء مقارنه بالمسعري ومع هذا فرطو فيه

** الغالي mooon15...

إقتباس عجزت افهم المعايير الي يتبعونها في تنسيق اللاعبين

المعايير واضحه جدا , أنت لاعب سيئ أو هبط مستواك ودجيت , لكن تملك من يرغب في وجودك بالنادي تبقى ( يعني واسطه ) وصدقني انه هذا أول المعايير في النادي...
ومثل ما قلت , شفنا كثير من اللاعبين نسقوهم مع انه صغار و يطلع منهم احيانا...!!!

تحياتي لك,,