صدز قرة عيني


هلا وغلا ويامرحباً إعشرة آلالالاف بعميد المتخرمات

إقتباس وصل للرياض بعد ماسير على البحرين وامرح فيها ليلة وابراي لله ما ادري تسانه امرح والا لا .!! ما احط بذمتي شي ..

أهم شي إنك تبري ذمّك، بس هل إحساسك يقول إنه بات ولاّ مابات؟!

إقتباس الا صح على طاري اوبك صدز اهل الرياض بسألكم سؤال ولا تزعلون مني .. انتم ماتستحون على وجيهكم ؟؟!!

صدز قليلين أدب >> كان ببيروت وما استفاد من الاجازه الأولى

صدز وسيعين وجه>> كا ن بجده وما استفاد من الاجازه الثانيه

صدز ياحبيلكم >> هذي أبخليها احتياط للإجازه الجايه


إلا يابعدي يالصدى ورى ما تنقل للرياض ؟؟ كان ودك بكرا نقلناك >> مهوب عاقل نسيب سلمان

إقتباس ولا حنب زعلانين ونقول وش حيث الرياض يومين وحنا لا .. لا وقسم اننا حبيبين وما مثلنا وما نقول شي(ن) ابد وما نزعل ولا شي ..

يوم كنت بجده يسولف علي حجازي ظريف يقول : واللهي حرااام ! جده كُل يوم فيها مؤتمرات ، وزحمة السير عندنا مررره مزعجه كتيــر، والمشكله حقون الرياض لما ياخذوا إجازه ييجو هنا ويزيدو الزحام

تصدق يوم حطيت نفسي مكانه قلت أح أوتش

إقتباس قررت اني اطلع جوال صدى الامس .. يختص بجميع اخباري ومواضيعي .. وتغطية شاملة لكل الاحداث .. سواء كانت سياسية اجتماعية ثقافية رياضية فنية .. كل شي تبيه تبي تلقاه بالجوال .. الاشتراك قيمته 100 ريال شهرياً ..

بس 100 !! لو تحطه بألف و 200 أبشترك لي وللوالد ولشلة الاستراحه

وبهالمناسبه أهديك أغنية أسمع صدى صوتك مع ضجة الناس بصوت عايشه المرطا

إقتباس وطبعاً تغطية اول بأول للمواضيع اللي تنقل لصيد الانترنت

وش الهبال ذا والله خدمات مهيب سهله أبد

إقتباس عندنا برنامج " شبيك لبيك تدلل صدى بين ايديك " كل اللي عليك انك تتصل على رقمنا في خدمة 700 وتشارك وتطلب اللي تبي ..

بدينا بالخنبقه وحركات الـ700 ماهقيته منك يابعدي!

إقتباس برنامج حواري رائع اسمه " صدى يستضيفهم " البرنامج يستضيف كل اسبوع شخصية كبيرة وذات منصب كبير .. ونبي نناقشه في مواضيع تهم المواطن اولاً واخيراً ونبي نحجره لكم بزاوية

رحم الله والديك جب لنا وزير التجاره ووزير الاعلام وأحجرهم بالزاويه وخلن أطب عليهم سبلكس خلفي مع الرزة المزدوجه وتحديد الطحال كنقطة هدف

إقتباس وفوق هذا كله وهو اهم سبب لـ اتجاهي للاذاعة وتفضيلها على التلفزيون .. هو خوفي على بنات المسلمين وماودي افتنهم اكثر واكثر .. ولا ودي تزيد نسبة العنوسة .. بسبب الجمال اللي وهبني اياه الله واحمده واشكره على نعمه وفضله ..

الله يرضى عليك ويجعله بموازين حسناتك، اللعب بأعصاب بنات الأمة شي مهوب سهل

بس ما زال صوتك فتنه! ولا زم تشوف حل لهالنقطه!




صدى الأمس ، قل آمين ، الله يتجاوز عنا وعنك ويوسع صدرك بالرضا والعافيه من دخلت موضوعك لين خلصت هالرد وأنا أضحك رغم إن الموضوع فيه جوانب تخلي الواحد يكشر على سوء الدبره عندنا..


ل.تورده

هلا وغلا بصدى الأمس والغد

الا على طاري كالون ودي اوجه نصيحة لنادي الهلال انهم اذا جابوا اي لاعب أحنبي يغريون كالون باب الفندق أول ماياصلون

اهلا بك عميد مجلسنا الموقر

إقتباس بقولكم قصة كالون والاحداث اللي صارت بعد قدوم كالون الى الرياض وسفره الى جده .. من بدايتها الى نهايتها .. يمكن كثير منكم مايلحق على الموضوع ويعرف القصة كاملة .. لاني ما اتوقع ان المشرفين يخلونها .. لان فيها ذكر كامل الحقائق اللي مايقدر يذكرها لا الاعلام ولا المواقع الرسمية سواء منتدانا هذا والا اي موقع ثاني .. بالمختصر فيها اسماء شخصيات كبيرة اوي اوي اوي .. والموضوع اكبر من انه كورة وهلال واتحاد وبلوي وكالون وخطف لاعب وسخافات صحافة ..

والله اني لما هنا مصدقه ومنبثره وانواع التفاعل <<<<<<بلاي مدري انك ابو الدجه بالمجلس

إقتباس كلنا نعرفها ان الهلال فاوض كالون من قبل .. لكن مطالب كالون المادية الكبيرة هي اللي منعت من اتمام الصفقة .. ورجعوا مره ثانية وفاوضوه عن طريق وكيل تعاقدات ثاني .. الى هنا والامور سليمة .. ومافيها اي شي وكلنا نعرفها .. اتفق الهلال مع كالون على اساس انه يجي للرياض ويخلصون الامور ويعلنون تعاقدهم معه .. طبعا وصل للرياض بعد ماسير على البحرين وامرح فيها ليلة وابراي لله ما ادري تسانه امرح والا لا .!! ما احط بذمتي شي .. ومن باتسر وهو مسنتر بمطار الرياض باستقبال كبير من جماهير الهلال وفي مقدمتهم زعيم الفريان ابراهيم الفلاشات بعدها جاء للفندق والربع قالوا له وش رأيك نسوي الفحص الحين وننهي كل الامور وكل شي .. ونوقع العقد ونخلص ونرتاح ترى جماهيرنا شبت علينا ما بقى الا يبطون في بطننا عشان نخلص امور اللاعب الاجنبي الثالث .. قالهم لا والله خلوها لباتسر خصوصا اني متفق مع مكانيكي بسير عليه عشان يربط صواميلي وعشان نفتك من اهل الفحص وعلتهم ومن عقبها نسير على الشلال ونتكي فيه لين ما نمل ونمشي .. قالوا مثل ما تبي انت .. باتسر باتسر .. ترى رأس مالها 24 ساعة بس .. يعني وش تبي تفرق اذا قلنا ان الهلال وقع يوم الخميس مع اللاعب والا الجمعة ؟؟!! ترى كلها ويكند واجازة عند الشعب ولا عندنا قمة اوبك ولا العربية ولا شي ..

زين ما دامك بديت وشوله ما كملتها<<<<<تفاعلت

إقتباس انتم ماتستحون على وجيهكم ؟؟!! يعني كل ماطقت حصاة عصى قلتوا اجازة ؟؟!!

اي والله انهم ما يستحون<<<<<<بيقلبون علي اهل الرياض

كل يومين ثلاثه قالو اجازه<<<<<انا وش اللي حارق دمي

إقتباس تبي اخبار المجلس العام واعضاءه ومن كتب موضوع ومن رد ومن كتب موضوع رحبوا فيني تراني وصلت ومن جاه ولد ومن تزوج ومن تفعل يوزره ومن توقف ابشر بسعدك .. تبي تعرف من نزل الاخبار ومن سأل بموضوع اسأل والمجلس يجيب ومن جاوبه ابشر .. تبي تشوف اي تشات يصير بأي موضوع يبي يوصل لك كل شي على الجوال .. وطبعاً تغطية اول بأول للمواضيع اللي تنقل لصيد الانترنت وكل شي يختص بالمجلس العام يبي يجيك .. حتى الخرفنة نبي نجيبها لك .. ..

لو سمحت ابي هالقناهبس مابي خرفنه الله يعافيك

إقتباس عندنا برنامج " شبيك لبيك تدلل صدى بين ايديك " طبعاً فريق عمل البرنامج مكون من الاعداد صدى الامس .. والكنترول صدى الامس .. والمذيع صدى الامس واخراج طبعاً صدى الامس .. برنامج حواري رائع اسمه " صدى يستضيفهم " الاعداد صدى الامس .. التنسيق صدى الامس .. تقديم صدى الامس .. اخراج صدى الامس .. برنامج مسابقات " صدى يتحداك " اعداد وتنسيق وتقديم واخراج وبطولة وكل شي صدى الامس برنامج " دردش مع ابو امس " مايحتاج اقولكم من اللي معده ومخرجه ومنفذه وكل شي

ما شاء الله كل هذولا يشتغلون عندك من وين تجيب رواتبهم شكلك فاحش الثراء

إقتباس هو خوفي على بنات المسلمين وماودي افتنهم اكثر واكثر .. ولا ودي تزيد نسبة العنوسة .. بسبب الجمال اللي وهبني اياه الله واحمده واشكره على نعمه وفضله ..

زين انك رفقت فيهم

.
.
.
.
.
.
.
.
.
.
.
.
اخيرا

مشكووور انت وطاقمك الفني المتكامل ع الموضوع الظريف

الى ان تتحفنا بموضوع ثاني

(حديقه مليانه ورود)

صدى ما أحد قالك إنك منسم ومنتهي
ياخي يعجبني الشايب المنسم والمندمج مع الشعب وعلى طبيعته
<---- ما يذب على أحد أبداً

إقتباس قناة منتدى الجمهور الهلالي .. رمزها 1 .. تختص بجميع اخبار منتدى الجمهور .. من مسوي حملة الـ 1000 توقيع لشكر عضو الشرف **** عشانه دعم بـ 100 الف .. ومن مسوي حملة الـ 1000 رد لمنع محمد بن فيصل من الاستقالة .. ومن مسوي حملة الـ 1000 رد لاستقالة محمد بن فيصل .. قسم بالله طلع المنتدى حملات حج مهوب منتدى كورة ..

أقسم بالله الذبه مو قوووووووويه
متعديه مرحله القوة بثلاث مراحل

هههههههههههههههههه اول المشتركين انا

سلااااااااااااااااااااام


لعنبو بليسك متى تعقل

قاعد تسحب فيني وتجرجرني في ذا الاسياب <<< مايقصد موضوعك ابد

بدا الموضوع بكالون وخلص بكالون وماعرفت وش تبي بالضبط


اترك عنك الخمبقة والمهايط اللي ماله سنع واسمع مني

حط لك قناة مخصصة للصور وشف العالم وشلون بيجونك ركض

ربعنا وعارفينهم


المهم

ماشفت واحد صوته يشبه صوتك ويسمونه صدى الدجة؟

تصبح على خير

ابروح اخمد لي شوي قبل يذن الفجر


سلاااااااااااااااااااام

ون ون العميد نمبر ون .. ون ون عميدنا نمبر ون ..

إقتباس بقولكم قصة كالون والاحداث اللي صارت بعد قدوم كالون الى الرياض وسفره الى جده .. من بدايتها الى نهايتها ..

ياليل يهالكالون اللي ازعجنا وكدر خواطر العالم

الود ودي اشوف خشته هاللي مايستحي

وش قصته وش بوه زود عن غيره

وتتعدد الاسئله اللي تجول بخاطري وتحتاج الى اجابه شايفه >> الام وبناته كلهم مخرطمين

إقتباس لان فيها ذكر كامل الحقائق اللي مايقدر يذكرها لا الاعلام ولا المواقع الرسمية سواء منتدانا هذا والا اي موقع ثاني .. بالمختصر فيها اسماء شخصيات كبيرة اوي اوي اوي ..

يالهوي ازاي ( اوي اوي ) >> عادي قول خذ راحتك صدى مااحد يسمع

إقتباس ومن باتسر وهو مسنتر بمطار الرياض باستقبال كبير من جماهير الهلال وفي مقدمتهم زعيم الفريان ابراهيم الفلاشات

ههههههههههههههههههههههههههههههه
ههههههههههههههههههههههههه
ههههههههههههههههههههههههههههه

قسم بالله هالشخص تحفه ..رجل مظلوم اعلامياً على كثر ترززه بوجهه الكاميرا ..الا انهم يسحبون

عليه ..بكل مكان ماشاء الله يحلق عكوز بكوز بكل مكان مرزوز

إقتباس انتم ماتستحون على وجيهكم ؟؟!! يعني كل ماطقت حصاة عصى قلتوا اجازة ؟؟!! اخاف باتسر اجي الرياض ويقولون بما ان صدى الامس جاء وشرف الرياض نبي نعطيهم اجازة يومين !! وبعدين والله يا انتم ما تعرفون المزح ؟؟!! اجل لازم يومين والا مهنى اجازة ؟؟!!

يابعد تسبدي يانفيستي اجازتهم ذي ماقامت عندي ولا قعدت


البلا انهن يومين ..مايبردن التسبد وصار به نتف شوش ..وش حيثكم اجازه وحنا لا

إقتباس ولا حنب زعلانين ونقول وش حيث الرياض يومين وحنا لا .. لا وقسم اننا حبيبين وما مثلنا وما نقول شي(ن) ابد وما نزعل ولا شي ..

وش حليلنا يالقصمان ماندل درب الزعل ..ولا نعرف له طريق

إقتباس قررت اني اطلع جوال صدى الامس .. الاشتراك قيمته 100 ريال شهرياً .. ادري بيقول واحد وش دعوه 100 ريال ؟؟!! وليش السعر هذا ..! بقوله بما ان الحكومة تبي تزيد الرواتب 30 % انا بزيد الاشتراك .. وبعدين يا منب قايل تبخل على عمرك تشترك بـ 100 ريال وانت تبي تضمن انه يبي يجيك كل شي على جوالك ..

ماشاء الله مبروك وفالك المليون

بعدين والله ياانت تنهبنا وانت صاز أعنتوك وش 100 والله لو اننا نكد على عميان

والضعيفه اللي داجه وهاجةً القايله >>هالمره البنات مع ابوهن

لا لا خفض السعر ياتسافي والله ياانك ماتنهاط

إقتباس حتى اخبار منتدى الزعيم تبي تجيك وش تبي اكثر من كذا .. وبعطيكم نبذه مختصرة عن القنوات ..

ياسلام مسلم

اهم شي رساله انوه بوه شات اليوم بالموضوع الفلاني يبدأ الساعه الفلانيه >>حشى فلم >كلن

على همه سرى

إقتباس قناة منتدى الجمهور الهلالي .. رمزها 1 .. 1000 توقيع لشكر عضو الشرف **** عشانه دعم بـ 100 الف .. ومن مسوي حملة الـ 1000 رد لمنع محمد بن فيصل من الاستقالة .. ومن مسوي حملة الـ 1000 رد لاستقالة محمد بن فيصل .. قسم بالله طلع المنتدى حملات حج مهوب منتدى كورة

اعنتوهم تسيف يسطون ؟

وانا اقول ياربي وش هالردود لهم تاصل للألاف اثر الدعوه خيطي بيطي ومع الخيل ياشقرا

اجل حملات خخخخخخخخالشقى على (شكراً ) و ( يعافيك ) ( روحي للمطبخ)>> أحسه يقول

مام >>اللي هي أمي

إقتباس قناة منتدى الرياضة العالمية .. رمزها 2 .. اي شي يصير بالعالمية نبي نجيبه لك بجوالك .. كل من يكتب موضوع ولو انه صور اللاعبين وهم بزارين نبي نعطيك خبر عنه .. اي تحليل واهداف تنزل تبي توصلك على الجوال ..

عاد انا بالرياضه العالميه أوب لازم ترسلون لي خلني اتابع محلي لا بلا اروح عالمي

إقتباس قناة منتدى المجلس العام .. رمزها 3 .. تبي اخبار المجلس العام واعضاءه ومن كتب موضوع ومن رد ومن كتب موضوع رحبوا فيني تراني وصلت ومن جاه ولد ومن تزوج ومن تفعل يوزره ومن توقف ابشر بسعدك .. تبي تعرف من نزل الاخبار ومن سأل بموضوع اسأل والمجلس يجيب ومن جاوبه ابشر ..

ياسلام هذي القناة لا قالو قناة ..هذا الزين لا عدوا الزين .. أشهد انه حلال 100

عليها .. بعد جب لنا من اللي نزل موضوع وحذف موضوعه

والردود المحذوفه وكل شي لا تخلي شي ماتلقطه

إقتباس تبي تشوف اي تشات يصير بأي موضوع يبي يوصل لك كل شي على الجوال .. لصيد حتى الخرفنة نبي نجيبها لك ..

الله يعافيك ماتقصر ركز على هالثنتين خاصة التشات

والدكات >>ماتجي الدكات الا من تحت راستس

خبرك قبل يومين صار فيه شات وماعلمت بوه الا تالي الليل يوم جيت طبيت وتوي قايلتن بسم

الله الا ودردب بوجهي الباب قفلوه لكن قلت خيرها بغيرها .. واصلاً ماكان لي خلق شتشته

>> اي مره

إقتباس انت كل اللي عليك ترسل رسالة فاضية على رقم الجوال .. وتبي تجيك القنوات كلها ..

انتم تهكون على العالم ولا تهكون قبل اسبوع مرسلتن لكم مافعلتوني لما هالحين
هماكم تقولون ميزتنا (تسجيل وتفعيل في آن واحد )
أفضح أفضحكم يعني
استلم ذا الوصل والفاتوره والاشتراك والقيمه والعدد وووو

>> تتسوي مظاهرات تطلع 100 من تسبدك

اي والله عاد ذا اللي ماينعطى وجهه من جوال الى برامج جازت له النهابه >>>برا فيها جلد

إقتباس عندنا برنامج " شبيك لبيك تدلل صدى بين ايديك " سواء اغاني او مقاطع صوتيه او حتى كسرات او جلسات .. ياشيخ لو بغيت نجيب لك هدف ابو يعقوب ما قلنا لا بس انت اهم شي تتصل ..

على قولك اهم شي الاتصال عشان تزين النهابه وتأخذون المقسوم

إقتباس ونبي نلبي طلبه ان شاء الله .. والبرنامج هذا من خلاله تقدر تهدي اللي تحبه والا اللي تكره حتى ..

وأهدي بعد للي أحبه واكره بنفس الوقت

إقتباس طبعاً فريق عمل البرنامج مكون من الاعداد صدى الامس .. والكنترول صدى الامس .. والمذيع صدى الامس واخراج طبعاً صدى الامس ..

لا اله الا الله >>عشان ماتقول عيون قصيميه

فرغ لنا شغله الله لا يهينك نبي نتوظف يا صالح كامل

والتقديم لمين ؟؟ سؤال غبي

إقتباس برنامج حواري رائع اسمه " صدى يستضيفهم " برضوه خصصنا رقم للمشاركة عن طريق خدمة 700 .. او عن طريق الـ sms ..

اي والله ابوك يالتشويق >> انت تسمع بوه

تسيف انكم تحللون الأدمي تحليل كل مانط عود ً حصاة قال (700) (sms)

فريق العمل :

إقتباس الاعداد صدى الامس .. التنسيق صدى الامس .. تقديم صدى الامس .. اخراج صدى الامس ..

على هالاشغال والله انك صدى الدجه هههههههههههههه

إقتباس برنامج مسابقات " صدى يتحداك "

تسان بوه سياره هايلكس جينا ركض

إقتباس برنامج " دردش مع ابو امس " وهو عبارة عن برنامج دردشه وسواليف بأي موضوع يختاره المستمعين .. سواء عبر الاتصالات على خط 700 او عن طريق الـ sms .. كل شي تبون نسولف عنه ماعندنا مانع .. سواء مواضيع سياسية والا اقتصادية والا فنية والا رياضية والا حتى عرض ازياء

انا بشارك من هالحين بها البرنامج لو نخسر الاف ميخالف مب خساره على ثقافتنا

يقلع ام الثقافه اللي بتطلعينها من قناة صدى الدجه

تراي دقيت على قناتكم وطلع لي نشبه وتخانقت انا وياه

إقتباس هو خوفي على بنات المسلمين وماودي افتنهم اكثر واكثر .. ولا ودي تزيد نسبة العنوسة .. بسبب الجمال اللي وهبني اياه الله واحمده واشكره على نعمه وفضله ..

ماشاء الله الله يزيدك من قماله قمال

إقتباس وانا اقول ان ابشع الابشعات كلهن اذا كنت تبي تشارك بالمنتدى .. ولكن حالف(ن) على عمرك ماتشارك الا بعد ما تكتب موضوع .. !!

الله يبارك بها الحلف

إقتباس حرر في 24/11/1428 ما بين الساعة 2.30 الى الساعة 4.20

صدى الدجه ياااااااااااااااي ذكرتني اول اذا جينا نكتب بالتوجراف ونوقع نكتب زيك


ياملا العافيه ياصدى على المنضوع الكويس والمنتاز ويستاهل يصير موضوع المربعانيه والعقارب

الله يوسع صدرك مثل ماوسعت صدري على هالتحف اللي انت كاتبها

دووم الابداع والامتاع ياعميدنا

ريري زين الحريمي

إقتباس الرسالة الأصلية كتبت بواسطة صدى الامس بداية القصة كلنا نعرفها ان الهلال فاوض كالون من قبل .. لكن مطالب كالون المادية الكبيرة هي اللي منعت من اتمام الصفقة .. ورجعوا مره ثانية وفاوضوه عن طريق وكيل تعاقدات ثاني .. الى هنا والامور سليمة .. ومافيها اي شي وكلنا نعرفها .. اتفق الهلال مع كالون على اساس انه يجي للرياض ويخلصون الامور ويعلنون تعاقدهم معه .. طبعا وصل للرياض بعد ماسير على البحرين وامرح فيها ليلة وابراي لله ما ادري تسانه امرح والا لا .!! ما احط بذمتي شي .. ومن باتسر وهو مسنتر بمطار الرياض باستقبال كبير من جماهير الهلال وفي مقدمتهم زعيم الفريان ابراهيم الفلاشات بعدها جاء للفندق والربع قالوا له وش رأيك نسوي الفحص الحين وننهي كل الامور وكل شي .. ونوقع العقد ونخلص ونرتاح ترى جماهيرنا شبت علينا ما بقى الا يبطون في بطننا عشان نخلص امور اللاعب الاجنبي الثالث .. قالهم لا والله خلوها لباتسر خصوصا اني متفق مع مكانيكي بسير عليه عشان يربط صواميلي وعشان نفتك من اهل الفحص وعلتهم ومن عقبها نسير على الشلال ونتكي فيه لين ما نمل ونمشي .. قالوا مثل ما تبي انت .. باتسر باتسر .. ترى رأس مالها 24 ساعة بس .. يعني وش تبي تفرق اذا قلنا ان الهلال وقع يوم الخميس مع اللاعب والا الجمعة ؟؟!! ترى كلها ويكند واجازة عند الشعب ولا عندنا قمة اوبك ولا العربية ولا شي ..

ايييه يا حزم الضامي ..

(( بعد أذنك صدى .. فيه وحده يقاله شين الحريمي ما تستحي .. بهزءه شوي ..

تسيف تسطين تسرقين كلاماتي ؟؟!!! صز لا حياء ولا دين ..

نعنتوس ما خليتي كلمة ما لهفتيه ..قطع .. ))>>>لا تشره علينا تراي أنا وياه مثل الجني وأبا شمس ..

إقتباس الا صح على طاري اوبك صدز اهل الرياض بسألكم سؤال ولا تزعلون مني .. انتم ماتستحون على وجيهكم ؟؟!! يعني كل ماطقت حصاة عصى قلتوا اجازة ؟؟!! اخاف باتسر اجي الرياض ويقولون بما ان صدى الامس جاء وشرف الرياض نبي نعطيهم اجازة يومين !! وبعدين والله يا انتم ما تعرفون المزح ؟؟!! اجل لازم يومين والا مهنى اجازة ؟؟!! طيب وش يضركم لو صارت يوم واحد بس ؟؟!! بدال السبت والاحد نقول السبت ؟؟ يعني عشان القمة العربية اخذتوا الثلاثاء والاربعاء تبون ذي السبت والاحد ؟؟! والله خوفي باتسر يقولون لكم اجازة يوم الاثنين .. والسبب ؟؟ من دون سبب وش حيث الايام كلها صارت اجازة الا الاثنين ؟؟ العدل والمساواة اهم شي بالدنيا ..

أنت تشوف اللي أشوفه .. لا حياء ولا مستحى .. نسأل الله العافيه لهم ..

وخزياه بس ..

كل ماطق عودن بعود عطلوا .. كسلاى يا دافع البلا ..

إقتباس الا على طاري العدل والمساواة ماودهم يصرفون لنا لو يوم واحد راضين .. ولا حنب زعلانين ونقول وش حيث الرياض يومين وحنا لا .. لا وقسم اننا حبيبين وما مثلنا وما نقول شي(ن) ابد وما نزعل ولا شي .. هاه وش قلت ابو متعب نقول تم ؟؟ << الله يكفينا شر الحماس

ياعين أبوي يا لقصمانورده ..

أنا أشهد أننا نحط على الجرح يبرى ..

منا صدى ومنا ليز و منا ريري .. ايضاً وحنين وبنت الزعيم لا تنسوها

>>> ياروحي علي ولا المتنبي ..

إقتباس فيه خبر حلو .. قررت اني اطلع جوال صدى الامس .. يختص بجميع اخباري ومواضيعي .. وتغطية شاملة لكل الاحداث .. سواء كانت سياسية اجتماعية ثقافية رياضية فنية .. كل شي تبيه تبي تلقاه بالجوال .. الاشتراك قيمته 100 ريال شهرياً .. ادري بيقول واحد وش دعوه 100 ريال ؟؟!! وليش السعر هذا ..! بقوله بما ان الحكومة تبي تزيد الرواتب 30 % انا بزيد الاشتراك .. وبعدين يا منب قايل تبخل على عمرك تشترك بـ 100 ريال وانت تبي تضمن انه يبي يجيك كل شي على جوالك .. حتى اخبار منتدى الزعيم تبي تجيك وش تبي اكثر من كذا .. وبعطيكم نبذه مختصرة عن القنوات ..

أجمل خبر .. بس ما تسن المبلغ كبير ..

نعنتوك خفض ..

عرض خاص للقصمان تكفى ..

ترانا داجين ..

إقتباس قناة منتدى الجمهور الهلالي .. رمزها 1 .. تختص بجميع اخبار منتدى الجمهور .. من مسوي حملة الـ 1000 توقيع لشكر عضو الشرف **** عشانه دعم بـ 100 الف .. ومن مسوي حملة الـ 1000 رد لمنع محمد بن فيصل من الاستقالة .. ومن مسوي حملة الـ 1000 رد لاستقالة محمد بن فيصل .. قسم بالله طلع المنتدى حملات حج مهوب منتدى كورة .. ومن كتب لنا موضوع يطالب بضم المفرج للمنتخب .. ومن يطالب بطرد ياسر عشانه ضيع البلنتي ... وغيره من المواضيع ..

مزدين بوهم والله ..

ولا تنسى حملة التوقيع .. لشكر ياسر على ما قدمه في المباراة ..

وشكر البرنس ايضأَ ..>>> والله حاله تقل متفضلين علينا..

إقتباس قناة منتدى الرياضة العالمية .. رمزها 2 .. اي شي يصير بالعالمية نبي نجيبه لك بجوالك .. كل من يكتب موضوع ولو انه صور اللاعبين وهم بزارين نبي نعطيك خبر عنه .. اي تحليل واهداف تنزل تبي توصلك على الجوال .. ونتائج المباريات كلها اول باول .. حتى لو تبون نغطي الدوري الموزنبيقي مستعدين لكم .. واي ملاقط يصير بين اي جمهور نبي ننقله لك وقبل ما يحذفون المشرفين الردود .. وحتى لو حذفوها ابشر من يجيبها لك .. وش تبي اكثر من كذا بعد ؟؟!! واي صفقة تصير وانتقال لاعب قبل لا يوقع اللاعب بثواني تلقى الخبر جايك يالله عاد وش تبون اكثر من كذا يا اهل العالمية قسم بالله اني مدلعكم دلع مهوب صاحي ..

تكفى تكفى .. عليك بأخبار اليوفي ..

وأن حصل تحط أرقام للروابط مهيب شينه ..

والله الله بالأخبار العائلية والأسرية للاعبين ..

أذكر أن ديل بيرو حاملن مرته ..

بشوف وش جاه و وش سماه .. كوده ولدن يطلع على جرت ابيه مزيون .

إقتباس قناة منتدى المجلس العام .. رمزها 3 .. تبي اخبار المجلس العام واعضاءه ومن كتب موضوع ومن رد ومن كتب موضوع رحبوا فيني تراني وصلت ومن جاه ولد ومن تزوج ومن تفعل يوزره ومن توقف ابشر بسعدك .. تبي تعرف من نزل الاخبار ومن سأل بموضوع اسأل والمجلس يجيب ومن جاوبه ابشر .. تبي تشوف اي تشات يصير بأي موضوع يبي يوصل لك كل شي على الجوال .. وطبعاً تغطية اول بأول للمواضيع اللي تنقل لصيد الانترنت وكل شي يختص بالمجلس العام يبي يجيك .. حتى الخرفنة نبي نجيبها لك .. ..

يا شيخ أنت

شف أهم شيء .. الشات .. لا تأخر ولا ثانية ..

بس عندي طلب .. لا صرت فاتحتن دكتي و متكيه .. لا تروح تنشره وأنا أختك

..أخاف بعدين ما تشوفن غير ما شفتن إلا بالجنة..

ولا أقولك أرفض إشتراك المشرفين

لو يدفعون اللي يدفعون لا تخليهم يشتركون ..

إقتباس لايفوتكم متابعة برامج اذاعة صدى FM .. وبرضوه بعطيكم نبذه مختصرة عنها .. عندنا برنامج " شبيك لبيك تدلل صدى بين ايديك " كل اللي عليك انك تتصل على رقمنا في خدمة 700 وتشارك وتطلب اللي تبي .. سواء اغاني او مقاطع صوتيه او حتى كسرات او جلسات .. ياشيخ لو بغيت نجيب لك هدف ابو يعقوب ما قلنا لا بس انت اهم شي تتصل .. وبرضوه اللي يستحي والا اللي مطفر شوي ولا يقدر يتصل على 700 يرسل لنا على الـ sms .. ونبي نلبي طلبه ان شاء الله .. والبرنامج هذا من خلاله تقدر تهدي اللي تحبه والا اللي تكره حتى .. طبعاً فريق عمل البرنامج مكون من الاعداد صدى الامس .. والكنترول صدى الامس .. والمذيع صدى الامس واخراج طبعاً صدى الامس ..

ياجمال هالبرنامج ..

مالك إلا 24 ساعة يدق .. بس ما كنك محتاجن أحدن يعاونك عليه ..

خلن أنا بالكنترول و ريري شين الحريمي مذيعة ..

والله أن تبحر فلوووس من أول عرض ..

طبعاً نبه الأقاليم الأخرى أن الهرج قصيمي ..

لزومن ياخذون دورة ولا عز الله ما فهموا ..

إقتباس برنامج حواري رائع اسمه " صدى يستضيفهم " البرنامج يستضيف كل اسبوع شخصية كبيرة وذات منصب كبير .. ونبي نناقشه في مواضيع تهم المواطن اولاً واخيراً ونبي نحجره لكم بزاوية << ابوك يالتشويق .. برضوه خصصنا رقم للمشاركة عن طريق خدمة 700 .. او عن طريق الـ sms .. فريق العمل : الاعداد صدى الامس .. التنسيق صدى الامس .. تقديم صدى الامس .. اخراج صدى الامس ..

أحجر أبوه و أمه بعد .. طلع بلاويه ..

خله يكره اليوم اللي استضفتوه بوه >>> أمووت ع اللهجة

ما تبي أحدن يعاونك >>> نشبت بوه

إقتباس برنامج مسابقات " صدى يتحداك " هو برنامج مسابقات خفيفه .. طبعاً المسابقة كل يوم لها شكل على حسب نفسيتي يعني والله اليوم ماسكه معي على الغاز نخليها الغاز ماسكه معي اليوم صندوق صدى << ابد مهوب مثل صندوق المجلس .. الجوائز كل يوم معنا ثلاث فائزين .. الاول مبلغ وقدره 10000 ريال . والثاني 7000 ريال .. والثالث 5000 ريال .. <<< يقول هذا وجهي ان خليت واحد منكم يفوز اعداد وتنسيق وتقديم واخراج وبطولة وكل شي صدى الامس << ميزته مهوب يحقر نفسه ابد

ايييه .. أجل علومك تسذا .. نصرف من هالقروش ولا نطلع بشي ..

إلا مهنتن تمهن جدف العدو أن اشتركت ..

تسيف تسطي ؟؟

إقتباس برنامج " دردش مع ابو امس " وهو عبارة عن برنامج دردشه وسواليف بأي موضوع يختاره المستمعين .. سواء عبر الاتصالات على خط 700 او عن طريق الـ sms .. كل شي تبون نسولف عنه ماعندنا مانع .. سواء مواضيع سياسية والا اقتصادية والا فنية والا رياضية والا حتى عرض ازياء مايحتاج اقولكم من اللي معده ومخرجه ومنفذه وكل شي

عيني عليك باردة .. ماشاء الله .. ما درى عنك الوليد تسان يحطك مدير برامج روتانا

إقتباس اكيد الكثير منكم يقول ليش اخترت الاذاعة وما اخترت التلفزيون .. بـ اقولهم الاذاعة اطلق مليون مره من التلفزيون .. صحيح ان التلفزيون اكثر انتشار واسرع .. لكن ميزة الاذاعة انه محد يشوفك .. مثلا اتصل واحد بثر ويرفع الضغط ودك انك تعبر عن الحالة اللي تمر بها وهو متصل عليك .. تأخذ راحتك بالاذاعة بينما بالتلفزيون ما تقدر .. كلن يبي يشوووفك .. طيب نفرض مثلاً انك اشتهيت تدخن لك زقارة ؟؟ بالاذاعة ان شاء الله لو تجيب معسل وجراك بنفس الوقت محد درى عنك على العكس من التلفزيون .. وبعدين فيه ناس فاضية بشكل .. تبي تبدأ تدقق عليك بكل شي ليش حرك عينه اليسار وليش حك خده الايمن وليش مسك القلم كذا والا شفت شكله يوم تتصل عليه هذيك اللي ام صوت جنان واضح انه خق معها .. وخذ من هالكلام اللي ماله سنع ..

شكل تخصصك إعلام .. الصراحة التعليل إجابته

أجل تتن .. و معسل .. نسأل الله العافية ..

نعنتوك اتق الله .. هاللحين حنا نبي من يقضب افامهوم عن هالخرابيط ..

وأنت تحفزهم .. تلقى كلهم اللي يشتغل بالتلفزيون حول إذاعة ..

إقتباس وفوق هذا كله وهو اهم سبب لـ اتجاهي للاذاعة وتفضيلها على التلفزيون .. هو خوفي على بنات المسلمين وماودي افتنهم اكثر واكثر .. ولا ودي تزيد نسبة العنوسة .. بسبب الجمال اللي وهبني اياه الله واحمده واشكره على نعمه وفضله ..

إقتباس كتبه الفقير الى ربه صدى الامس حرر في 24/11/1428 ما بين الساعة 2.30 الى الساعة 4.20 قسم مدري وش تبي قصة كالون بس تراهي جت تسذا لا تشرهون فكرة وتنفيذ وكتابة صدى الامس << للحين عايش الدور

والله أنك خطير يا عمدتنا .. يا شيبون

ليتك قوبل تحلف وتقول (ق) أن ما تشارك إلا لا نزلت مواضيع ..

لاعدمنا روحك الفكاهية ..>>من قلب تصفق