لا تعليــــــــــــــــــــــــــــــــــــــــــق
(كلام غريب وعلى قولتهم تبقى وجهة نضر)

يـــــــــــعطيك العافيه على المـــــــــــــــــــــــجهود....بالنسبه للتايب اختلف معك وان اخوك ....تقول ان التايب لاعب كعوب يعني لاعب استعراضي وبس وانا اقول لا والف لااقولك ليش ؟؟؟ ارجع الى كثير من اهداف الهلال الموسم الماضي وشف مين وراها كثير من الاهداف كانت من صناعة التايب واتحدى (( اذا كان الموهوب افضل صانع العاب سعودي صنع اهاف اكثر من طارق ))راجع المباريات تذكر الموسم الفائت كم صنع هدف التايب هذا غير الاهداف اللي سجلهاملاحظه .: ترى طارق يلعب وقت اقل بكثير من الشلهوب بكثير وانظر ماذا يفعل ....قارنت طارق بالشلهوب لان الشلهوب يعتبر افضل صانع العاب سعودي ومع ذالك مايقارن بالتايب ....تقولي نواف والشلهوبيا اخي ارجع لمباراة الوحده الاماراتي الذهاب والاياب نواف ركض من دون هدف والشلهوب كان اسوء...اما التايب دخل اخر 15 دقيقه وسوى اللي ماقدرو يسوونه في مبارتين.....تقول ايضا ان الاعبين على قفى من يشيل .....من تبغى يعني ((( برونو ....الفان.....جيلسون....ديسلفا....قوارو...))والقائمه تطول من الصفقات الفاشله وليس الهلال فقط شف الاجانب بالانديه الثانيه ....يا اخي 80% منهم فاشلين....والبقيه ليسو افضل من طارق....انا اضم صوتي لصوت الاخوان بضرورة اتحاحت الفرصه لاحمد الفريدي .... اكيد نواف قدم مباريات جميله هذا الموسم وخصوصا امام الاتفاق في الخليجيه وصنع وش صنع الا قشر كور للعنبر لاكن ما حولك احد ....وبالاول والاخير هذي وجه نظرك ويجب ان احتمه ويعطيك العافيه مره ثانيه.......

اسمحيلي اخوي ماعندك سالفه التائب هو قلب الهلال وشف اذا لعب التائب برز الهلال
واذا لم يعلب غاب الهلال التائب لاعب فنان والي يقول عنده اصابه مزمنه شكلك دكتور ماشاءالله عليك

اتمنى من ادراة الموقع تحذف هذا الموضوع لانه لايسمن ولايغني من جوووووووووووووووووع

ما .. أزيد .. على .. كلامكــ .. شىء ..

كفيت .. ووفيت ..

والتايب .. أصابته .. مزمنه ..

يعني .. سيغيب .. عن .. أهم .. المباريات ..

وبالتوفيق .. للزعيم ..

والله مع احترامي لك ..... كلامك في غير محله والدليل شف غياب التايب عن مباراة الاتحاد امس السبت 21/12/1428هـ كان تأثيره واضح والنص ضااااائع وترى التايب والشلهوب والتمياط مكملين لبعض .

إقتباس الرسالة الأصلية كتبت بواسطة BLUE 4U والله مع احترامي لك ..... كلامك في غير محله والدليل شف غياب التايب عن مباراة الاتحاد امس السبت 21/12/1428هـ كان تأثيره واضح والنص ضااااائع وترى التايب والشلهوب والتمياط مكملين لبعض .

قصدك التمياط نكبتنا

والله ماعندكم سالفة....................

ههههههههههههههههههههههههههههههههه

تقولي تبي يبعدون التايب عن الفريق

الله يخليك لأمك بس

طارق ابن الهلال ولن نرضى بابتعاده

قسم بالله انك صااااااااااااادق و عداك العيب و اذا كان على فتره التسجيل روحوا شوفوا اللاعبين في الحواري مواهب حرام تضيع . وفلوووس الزعيم ذهبت ادراج الرياح

يارجال التائب معاق اطلق من لاعبين كثير بالفريق لو تركب لهم كفرات مع رجولهم بعد..

انا ليس من هواة التطبيل لنجم على حساب اخر او على حساب الفريق،، سبق وانتقدت ياسر بالموسم الماضي عندما غاب عن التسجيل،، الان نتتقد نواف لطولة غيابه عن التألف والنجوميه ،، وقبلها انتقدنا سامي وابو يعقوب قبل المنتديات وعصر النت،،
المهم يظل التايب لاعب كبير ،، ولو افترضنا رحل التايب ،، اين البديل،، اذا فترة التسجيل انتهت ولم نستطع تسجيل محترف ثالث غير بالوقت الضايع،،
ثم اين الامكانات الماديه التي سوف تلجب لاعب افضل من التايب،،!!
كنت اتمنى ان تصب جام غضبك وانتقادك لاعضاء شرف الهلال الذين يغطون في سبات عميق باستثناء ثلاثه او اربعه اعضاء لكن يظل دعمهم غير كافي.. وطبعا انا ماألومهم ، فهذه امكانياتهم.. انا اتكلم عن الاعضاء الفاعلين،،
انت ماسمعت تصريح الامير واليوم بكل الصحف يشكر اعضاء شرف الهلال الداعمين الذين تكلفون بصفقتي الكنجولي وابقاء تفاريس لنهاية الموسم وفي النهاية امير الهلال يقول بعد ان المبلغ الذي تم تجميعه سبعه او ثمانيه ملايين 00 تخيل اربعه او خمسه اعضاء شرف وداعمين والمبلغ هذا دافعه رئيس الاتحاد لنادي الاتفاق لاعارة القحطاني موسم واحد00
اجل اين اكثر من (162) عضو شرف محسوبين على الهلال حسبي الله عليهم00
اقول اعقلوا وبلا استشارات بلا هم يحزنون ،، اتركوا التايب والقناص بحالهم،،

وجهة نظر نحترمها ولكن أنا أقول أن المشكله في عدم إعطاء الثقه للفريدي هذا شي
الشي الثاني أنا أعطي ألف علامة إستفهام على منتخب ليبيا وجهازه الفني المتسبب الأكبر في إجهاد اللاعب ولكن ما نقدر نقول شي أنا أقول يتم طرح هالموضوع نهاية الموسم الوقت جداً متأخر لطرح مثل هذا الموضوع مع احترامي وتقديري

هههههههههههه اجل التايب ماله فايد ؟؟؟ غير الكعووب والكباري !!!!

عجيب والله امركم ياجماهير !! انت الحين شف مستوى الهلال كيف متدني بغياب التايب !!

وتقول التايب لاعب مهاري وبس !! نسيت هدفه في النصر العام ؟؟

ونسيت هدفيينه في الاهلي فاولات ؟؟

ونسيت وش سوى بالكويت الكويتي؟؟ ونسيت ونسيت ؟؟

طارق لاعب لايمكن الاستغناء عنه ولو نستغني عن الشياب حقك ذولا نواف واشكاله

طارق في 10 دقايق بس يوم طب قدام المنتخب السعودي لاحظ في 10 دقايق وهو مصاب بعد

جاب الفوز للمنتخب اليبي في 10 دقايق وهو مصاب عاد وشلون لو انه جاهز ؟؟؟

تبقى وجهة نظر لاكنا لتطبيل للاعبين المنتهيين والشياب على شاكلة نواف لن يفيد الهلال صدقوني

واذا الغي عقد التايب صدقيني يا اداره راح تبكين دم على طارق التايب