هلا والله ليو ميسي.. ورده
للأسف لما الحين فيه ناس محافظين على هذي الاشياء الجاهليه ,,
اللي تدل على عقل صاحبه ..اللهم لكـ الحمد
مدري متى بينسون هذا الشي ..
طبعا المرأه مايحتاج وصفها الكل عارف من هي ..
ويكفي اقول انها الام ..

بس لو احد قال قدامي كذاا ..
مدري اخاف مااتمالكـ اعصابي
واذا سكت فزين بعد

الله يهديهم ان شالله ..
لو انا موجوده كان عرفت ارد عليه بدال المريخي برد احتفظ فيه لنفسي
بقوله للي يستاهله بس

ويمكــن يكون احتمال هامور صح ,,
الله العالم بالنوايا..

ثاااانكس ابو ميسي

إقتباس أخوي عبدالوهاب لي اعتراض بسيط في ماذكرته في ردك هذا من المحتمل أن يكون (رأيي صواب يحتمل الخطأ ورأي غيري خطأ يحتمل الصواب,,).... هي صحيح بأنها قلة ذوق ولكن هي من العادات فأنا أرى بأنه اعتراف جرئ بما تؤمن به نفسه ولو رآها من قلة الذوق لما تجرأ لفعلها ولكن هو في قرارة نفسه بأنه لاإشكالية في ذلك هو ومن حوله فمن المتوقع أنها جرت العاده عليه في مجتمعه ولك أن تؤيدني أو تنتقدني فهي وجهة نظر تختلق غير أنها لاتفسد للود ولاللأخذ والرد قضيه.. فأنا من وجهة نظري بأنها عادات وتقاليد يؤمن بها المرء الجاهل ولاعنها يحيد.. فنحن في زمن تكالبت عليه العادات والتقاليد بحيث أنها لاتمت للدين بأي صله لاأعلم ربما هو تقصير في العلم والتلقين والمراقبه والتحصين من هذه الأشياء.. فنحن في خضم هذا الإجتياح الصاعق لن نستطيع كبح جماحه لأنه تربى على ذلك فقد أعمت بصيرتهم هذه العادات وضمروا دينهم وما ذكره ديننا الحنيف من مكانة المرأه.. لذلك يجب علينا أن نسلط أضواء العقول الجاهله مما يساعدنا على فتحها لكي لاتبقى منغلقه ومطموره بركام العادات والتقاليد والتشويه الطويل وإجراء تنقيح لهذه الأفكار واستقصاءها .

إقتباس * الى متى وهذه العادات المتخلفه موجودة في مجتمعنا ؟؟!!

لا حول ولا قوة إلا بالله

باقي ناس بهذا التفكير ليش ...... ليش

الآن البنات صاروا أفضل من الشباب في الكثير من المواضع..

إقتباس عاد انتم تخيلوا ان كاتب لكم مقدمه طويله عريضه وانكم خشيتوا جو معها و استانستوا فيها

لاوالله ماتخيلت مقدمة ولا بعد وقف تفكير عند هالنقطه

نجي للموضوع
اللي اعرفه عن هالكلمة لامن قديم ولامن حديث انها تقال عند ذكر
( الحمار / ودورات المياه) وانت بكرامه
بصراحة شي يحزن ويؤلم اذا كان هالشي في بعض المجتمعات
جاني احباط من موضوعكـ وموضوع مطلوب خادمة سعودية
وشفي البعض يرجع للخلف
كرم الاسلام المرأة ووضع لها مكانة وقيمة في مجتمعها في شتى صورها
يكفي المرأة فخراً ان اول من خوطب بالدعوة امرأة واول من امنا امرأة واول شهيده في الاسلام امرأة ووووووووو فالحديث عن مكانة المرأة يطول

الى متى وهذه العادات المتخلفه موجودة في مجتمعنا ؟؟!!
مابقي الجهل
وما السبب في استمرارها رغم اننا لم نعد في عصر جاهليه ؟؟!!
الاسباب كثر منها
تحجر العقول أو جانب النصح مغلق

لو سمعتي احد يقول هالعبارة سواء أخوك
او زوجك او اي شخص كيف ستكون ردة فعلك ؟؟
بالنصح وتذكيره بما ورد في القران الكريم والسنة النبوية
اي الرد من منظور اسلامي
واذا مانفع معاه انا اعلمه منهي الاخت ومنهي الزوجة بطريقتي الخاصة
بس الله لايجيب ذيكـ الساعة اللي اسمع هالكلمة
اخوي واثقه فيه وعارفته ماراح يقولها
بس الزوج الله يستر
ليو ميسي امدكـ الله بالصحة والعافية

مرحبا بالجميع

أحسن شي سوته اللجنه انها مسكت هالجاهل الباب

نظرة متخلفة ودونية لنصف المجتمع !!!

وترى مثله كثير لازاوا بيننا !!! وقد يخالفني الكثير ان البعض مثل هذا الجاهل وهم لايعلمون !! خاصة اللي يخاف ذكر اسم امه او اسم زوجته !!
اذكر مرة واحد كان عندنا بالمجلس وقام وقال ابروح اجيب عيالي !!! استغربت خاصة انه متزوج من شهور وشلون جاه عيال ؟؟ اثر الرجال يقصد بعياله زوجته مستحي يقول ابروح اجيب زوجتي !!!
وش رايكم بهالنوعية ؟؟

إقتباس الرسالة الأصلية كتبت بواسطة قرقاص مرحبا بالجميع أحسن شي سوته اللجنه انها مسكت هالجاهل الباب نظرة متخلفة ودونية لنصف المجتمع !!! وترى مثله كثير لازاوا بيننا !!! وقد يخالفني الكثير ان البعض مثل هذا الجاهل وهم لايعلمون !! خاصة اللي يخاف ذكر اسم امه او اسم زوجته !! اذكر مرة واحد كان عندنا بالمجلس وقام وقال ابروح اجيب عيالي !!! استغربت خاصة انه متزوج من شهور وشلون جاه عيال ؟؟ اثر الرجال يقصد بعياله زوجته مستحي يقول ابروح اجيب زوجتي !!! وش رايكم بهالنوعية ؟؟

قرقاص..قرقاص ..ياخي يوزرك اعجبني ..
تسلفني اياه ..الف على الجمهور ثمن على العالميه وارجعه لك...

انا هنا لست مدافع عن الاخ اللي تتكلم عنه بس ابي اوضح لك نقطه
ان حتى في هذي الامور تختلف المسميات من قبيله لاخرى او حتى في نفس القبيله لها
عدت مسميات
فناس يقولوا عيالي..واناس يقولوا اهلي
مع ان السالفه ما فيه الا زوجته ولكن جرت العاده على هذا المسمى
ولا اعتقد خويك كان تفرق معه لو قال زوجتي او حرمي المصون
لان ما فيها شيء يسبب الاحراج

وشكرا

مقال نزل اليوم فـ جريدة الرياض .. يتحدث عن نفس الموضوع ..

بالمختصر المفيد ,, هذة عادات وتقاليد سعودية او تكون احيانا خليجية وهي سيئة انتشرت مع الزمن ومع توسع العالم وتطور العالم ..



ويبقى التخلف هو التخلف .. !

والله شاعر ودك تاطاه يحس انه لاقال الكلام ان اللجنه تبي تجيزه والناس يبي يفكون معه لكن قله ان لولا البنت ماكنت قاعد على الكرسي

هلا وغلا بالجميييييييع


لكل من شطف هنا ونورنا برد وطرح وجهة نظر تشرف بها الموضوع
شكرا لكم على مروركم وآرائكم واعذروني لم اعلق على الردود لظروفي ..!!
وان شاء الله ان كان حصلي ارجع واعلق عليها برجع ..!!


من جديد 1000000000000000000 شكر لكل من نوّر الموضوع .. مانتحرمشي ..!!







.