العطالة ((سنين وسنين وانا صابر )) لايفوتكم.!!! - نادي الهلال السعودي - شبكة الزعيم

واين روني · #1 20/11/2007, 05:46 AM

بسم الله الرحمن الرحيم

السلام عليكم ورحمة الله وبركاتة

كيفكم يااحلى زعماء
|||
||
|

رجعنا لكم من جديد << احلى يالي مسافر >> موضوعنا لهذا اليوم هو الصبر على العطالة

بينما كنت انا وابي وامي نتناول الافطار ونتبادل المحشات وكان الفطور حلاوه طحينية

وزيتون والجبن لايخلو من

الزيتون واذا باابي يصكني بمحش يقول قم انت وراسك اللى كنة نقطة بلنتي شغل

التلفزون قلت طيب لاتدف انت وراسك

اللي كنة براد عزوبية

قالت امي انقلع جيب خبز انت وخشمك اللى كنة غرشت عطر

قلت طيب ياغرشت الفمتو << بالله مو مؤدب ولا كيف

واذا بي التقي بمستر داشر وهو يقولى عطوول((واين روني)) قلت وش تبي انت وشنبك

اللى كنة صف نمل قال في تقديم

في مكتب العمل قلت اقول طس انت ومكتب العمل وجبت خبز واشتريت شمبو جونسون

عشان مايعور في العيون

وينعم شعري واشتريت علكة مستكة 6 حبات بريال واخذت

بايسن << ياحبي لك يابايسن لو انك بنت خطبتك >>المهم

اشتريت كرون فليكس وزبادي وحليب شكلاتة << خلاص عاد قول فتحنا هايبر بنده في بيتنا >> ^_____^

واخذت الجريدة الرياضية لانهم كاتبين الهلال يفقع وجة النصر بــ 3 / 1 .

العطالة لغًةَ: هو الحصول على الشهادة وعدم الحصول على وظيفة .

المهم وقدمت على عدة قطاعات وكان ردهم كالاتي :

1- ضف يور فيس

2- اقضب الباب

3- ردد ياليل مااطولك

4- اقلب وجهك

5- صف طابور

6- للاسف عندنا زحمة خلك احتياط

<< لا وش رايك يعطونك الكبتنية

والا تصير مدرب

7-معاك فيتامين واو << واسطة

8-أدهن السير يمشي معك .

المهم طفشت من العطالة فكرت وفكرت ومازلت افكر وفجة قلت اصبر لانهم يقولون الصبر مفتاح 14 اقصد مفتاح الفرج

المهم من كثر ماجلست وانا عاطل ضربت بيت حمسني ان ابقى عاطل وهو :

سنين وسنين وانا صابر على العطالة راح اصبر كمان وكمان & وبحر العطالة ياناس يلعب بي الين اوصل لشاطى وظائف

ومن بعد هذا البيت وانا يزيد حبي للعطالة وبصراحة نص شلتي المؤقرة عاطلين وماعندنا

غير السهر والفلة والصرقعة

والوناسة والمحشاات وهي اهم شي ^____________^

فالعطالة كنز لايفنى << لا ياشيخ >> لانها تحسسك بالامان فجربوها اصدقائى الموظفين

<< نذل يبيهم يفصلون

عشان يحصل له وظيفة

>> نصل الى البنات الجنس الناعم جنس ياي ياربية <<

ياعيني على الدلع .

تجيك وحده الحين تقول حتى البنات ذبحتهم العطالة اي عطالة جالسة في البيت وتقابل

المراية 24 ساعة تصبغ شعرها

وترسم على وجهها وتشتغل مع امها تطبخ وتغسل ويجي واحد يخطبها وينتهي الموضوع

اما الشباب مساكين من جد

يكسرون الخاطر يدور على وظيفة يبي يجمع له كم قرش عشان يتزوج من جد العطالة كنز

لايفنى وطفش لاينتهي .

المهم نستفيد من الموضوع :

1- ان ترضى بما كتب الله لك وتحمد ربك على كل حال

2- ان تجلس مع والديك وتحسسهم بأهتمامك عشان يدعون لك (( مو تحش فيهم ^_____^))

3- ان تتعود على الصبر لان اللي يبي الحلو لازم يصبر على مرة

(( اللي يبي وظيفة لازم يصبر على العطالة ))

4- ان تربي شعرك

وهذا يدل على عطالتك << هذا خاص فيني انا وشلتي المؤقرة

.
5- ان ترد على الموضوع مو تقرا وتنحاش لان هذا يجعلني اصكك بمحش

سنين وسنين وانا صابرعلى العطالة راح اصبر كمان وكمان & وبحر العطالة ياناس يلعب بي الين اوصل لشاطى وظائف

وراح امشي معك يالعطالة للاخر

وفي الختام التحية والسلام .(( حقوق الموضوع لواين روني هو نفسة عاطل ))