والله ماجاب الهزيمة لنا الا المدرب بسبب تبديلات غريبة
اول شيء ليش يخرج كريري الي يلعب في محور الارتكاز مع العلم ان الدفاع الله بالخير وخصوصا عند تقدم الاظهرة ومساندة الغامدي الدفاعية ضعيفة فالفريق المنافس مطرود منه لاعب وبكل تاكيد راح يلعب على المرتدات فاذا انت فتحت الملعب لهم واعطيت المساحات اكيد راح يجي فيك هدف
ثاني شيء تبديل الشلهوب صانع الالعاب الوحيد وكان متحرك ( ولو كان بنصف مستواه ولكن قدم اكثر من هجمة للمهاجمين ) وتدخل لاعب اصلا اول مره اشوفه او اسمع فيه ولا حتى نعرف وش مركزه والكل شاهد بعد خروج الشلهوب ولا هجمة ولا تمريرة حتى للمهاجمين داخل ال18 والبركة في انجوس لان بجانبة اللاعب البديل للشهلوب وهو عبدالرحممن القحطاني
ثالث شيء تبديل مالك ماله اي داعي المفروض يسحب مدافع ظهير ويدخل الحارثي ويلعب ب 3-4-3 مع وجود لاعبين ارتكاز وتكثيف الهجوم وخصوصا من الاطراف والتركيز على التسديد من بعيد نظرا لتكتل الدفاع الليبي ولا ننسى ان مالك وياسر والحارثي كلهم يجيدون التحرك من الاطراف والعمق بالاضافة للمساندة المفروضة من الشلهوب او ( عبدالرحمن القحطاني لو اشركه وكذلك احمد الموسى ) بكل تاكيد كان راح يجد حلول عديدة للتسجيل بس المدرب يتحمل الخسارة مليون بالمية لان اذا ما تدرب لاعبينك كيف يتعاملوا مع فريق متكتل دفاعيا فمع احترامي لك وش تسوي بالتمرينات كل يوم ؟!!! ولا كل التمارين تروح في تمارين اللياقة والضحك والمسخرة

لازم انجوس يراجع نفسه مو معنى تحقيق نتائج ممتازة بكاس اسيا خلاص يرجع يخرب ما بناه وايضا اللاعبين مازالت مشكلة اضاعة الفرص ملازمة لهم ما ادري متى راح يستفديون ضاعت بطولة الخليج مرتين وبطولة اسيا والان العربية بنسبة 90% ضاعت ايضا متى نتعلم ان نسجل من كل الفرص المتاحة وخصوصا السهلة منها