07/02/2002, 11:47 PM
|
| زعيــم متواصــل | | تاريخ التسجيل: 27/12/2001
مشاركات: 184
| |
|
قصتي مع الاسد
السالفه ياجماعه. مره كنت ميت جوووع وسويت قلق في البيت انتظر الغدا..ورغم ان الاهل ماتأخروا عن موعد الغدا والوقت كان شوي بدري الا انني كل شوي داخل المطبخ
هااااه ماخلصتوا…
متى يخلص الغدا..
وش مسوين اليوم..
واجلس ابسط في المطبخ..وانقش من السلطه….
يالله خلصونا
…وش هالبرود
…وليش ماتحطون ملح في الأكل
…واهم شيء لاتنسون سلطة الخيار بالبن(أذبحوني عندها )…
وشغال انتقادات…!!
والجماعه…ايه طيب شوي..بس فكنا من ثرثرتك..!!
طيب خلاص بمشي بس اعجلوو..
واطلع اجلس اطقطق شوي على الماسنجر…ويجي الغدا..وينادوني..ياخالد ياقلق تعال أبلع..….(أبووووووك يالاخلاق )..
طيب جايكم ثواني…
وطولت الثواني وهم ينادون…هذا وانا اللي معجلهم..
المهم خلصت قرقه..ونزلت لهم…واجلس اتغدا ذيك المقلوبه اللزيزه …على سلطة الخيار باللبن…على قلاص الشنينه (لبن مخلوط مع مويه) وأدق ذيك الابتسامه المحترمه (ابتسامة الرضى ) وماخلصت من الغدى وانا اشوف الدرب..أحس بيتنا بدى يتحرك..ويدووور وانا دخت هههههههههههه…حسيت اني رفعت بجد…وخثرررررت مرررررره…وأروح اغسل بالقوه…وعلى طول للغرفه وأحط راسي على المخده وفجأه ألا انا داخل غابه….شلون مدري؟؟؟
واجلس أتمشى مدري وش جابني للغابه….؟؟!!…وأنا جالس امشي واتلفت يمين ويسار..وفجأه صدمت بشيء غريب…ووأطالع فيه شوي شوي…وفي الاخير تدرون وش طلع؟؟..
طلع اسد ..ايه اسد..!!
قال الاسد..يالله حيه..
قلت له: يالله عقرب
قال الاسد: وش المطلوب مني يعني أضحك؟؟
قلت: لا تبتسم..!!
قال: خلك من التميلح والاستظراف…الله جابك..؟؟
قلت: ياشينك شيناه …انت ليش كسووول مره..يااخي اعتمد على نفسك..وخذ كل شيء بذراعك..وخلك من الواسطات…كل شوي توسط لي توسط لي؟؟
قال: هيه انت وش تخربط؟؟
قلت: ابد بس خشيت جو مسلسل..!! ….قلت وش اللي…الله جابك؟
قال: ابد ضايق خلقي وودي نتمشى انا وانت ندردش شوي..!!
قلت: اللللللللللللللي وش هالنشبه..(طبعا بقلبي)…بعدين قلت نتمشى نتمشى وماله....
وأجلس أتمشى معاه في الغابه..وفجأه وألمح غزال لابس (عباه مخصره)…واااااااااو
وهي تضيع علومي..واجلس اظبط الشماغ..وامسح رموشي..واطلع القلم والورقه..واكتب الرقم..
قال الاسد: هيه ابو الشباب وش تسوي انت؟؟
قلت: ابد جالس أسجل نتيجة مباراه..؟؟..وش جالس أسوي يعني جالس أكتب رقم الجوال أبي أعطيه هالغزال؟؟
قال الاسد: اقول عيب عليك أستح..؟؟..أكبر ولاتفضحنا…تراك منت في مجمعاتكم التجاريه وأسواقكم..!! لايشوفك احد بالغابه عقب تروح فيها…وبعدين هالغزال شاك أنه جاي منكم يالبشر مو من الغابه لأن كل اللي في الغابه محترمين وعاقلين وهالغزيل كثيره فرفرته وتمايله بالمشي..فاأمش لا أغير ملامح وجهك..!!
قلت: ياشينك…طيب بمشي بس لا تدف..!!
وجلسنا نتمشي…الا هالضب(عادي ضب بالغابه بس بدون عكره ) المهم الضب مسرع وطااااااااير من جنبنا..وفجأه ألا يشمع بشجره بعيده عننا شوي…وأحط ثوبي بفمي وأركظ ابي أروح أشوف وش صار له..ومادريت الا اللي شدني من ثوبي من وراي..ويسحبني وعيوني طارن وطاحن قدامي (مثل الرسوم المتحركه… )واطالع فيه ألا هو الاسد خويي وأقوله:وش فيك هدني بغيت تذبحني؟؟!!
قال: انت ماتفهم وين بتروح؟
قلت: ابي أروح أنقذ الضب بشوف وش صار له؟
قال: تنقذه أيه هين كثر منها ألا بتجلس تتفرج عليه وش صارله؟؟!!..عيب عليك الحين يجون الاسعاف ويتصرفون معاها.؟.؟…أنتم مشكله يالبشر ياحبكم للشر وللتجمع عند الحوادث بس تضيقون على العالم ولا أحد يستفيد منكم؟؟!!
قلت له: تراك ابلشتني سوالفكم يالبشر وسوالفكم ..أنت وش دراك عن سوالفنا؟؟..وأنت عايش بالغابه وماعمرك طلعت منها؟؟
قال: انتم مايعرضون عندكم برامج عن الغابات وعن البريه؟؟
قلت: ايه..!!
قال: وحنا بعد يعرضون عندنا برامج عن البشريه وأحوال البشر..!!
قلت: والله..؟؟
قال: بدون حلف…ورح طس حط الموضوع في المنتدى العام وبلغ سلامي وسلام (شريخان)و(باقيرا)و(ماوكلي) للاعضاء 0000 |
الوضع العادي
