15/11/2007, 03:47 AM
|
 | عضو سابق في اللجنه الإعلامية | | تاريخ التسجيل: 13/08/2005 المكان: الرياض
مشاركات: 7,427
| |
" منتخب المجلس العام " [[ خرج ولم يعد ]] " عنقز يا حبيبي عنقز
السلام عليكم ورحمة الله وبركاته اول شي الموضوع هذا برعاية [[ كبريت قديمك نديمك]] في البداية بقوولكم سالفة واحد خرج ولم يعد [[ خرج ولم يعد ]] الي ذكرني بهالموضوع هو ان الانسان هذا يوم خرج ولم يعد كان وقتها في اجازة القمة العربيه في الاجازه الي كانت الثلاثاء والاربعاء والخميس والجمعه هو خرج فيها والمشكله انه مارجع بقولكم القصه اول شي التعريف بالشاعر:: قصدي ابو خالد شاايب اسود البشره قصير القاامه شعره نااعم وكله ابيض يميل للون اللؤلؤي انسان اجتماعي عاش وترعرع في الهند انسان مثقف رياضي هواياته ركوب الخيل وجمع الطوابع و[[السواقه]] بجميع اشكالها سبق له وان ساق طياره وباص وقطار هذا على كلامه انسان نصااب بمعنى الكلمه محبوب بشكل ما تتخيلوونه ودك تحطه في مخباك عشان يفقش عليك بس بداياته كان طباخ في احد مطاعم دبي يقولي كنت استلم رواتب بالهبل بس كلها ترووح قلت له كيف ترووح قعد يضحك بطريقه غريبه قلت بس بس لا تكمل اثرك اول زير وحق شرااب و...... يا مجرم ،،،،،،،،،،، هذا يا طويلين العمر كان عندنا سواق اسمه عبد المجيد وله خمس طعش سنه عندنا المهم صار واحد من عيالنا وصرنا نسميه ابو خالد المهم في الاجازه هذيك كنا بنساافر للديره وكنا
نبيه يخاوينا المهم هو قعد يتعذر واني تعبان اليوم وكنت انا لازم ارجع للرياض بكره عشاني
برجع مع خويي بيعرس وبيجي يخلص اشغال له بالرياض وبجي معه المهم قلت خلاص انت
ريح اليوم وبكره بجيك يا شايبنا العزيز المهم جينا بكره وخلصنا اشغالنا على العشاء دقيت
عليه مارد حاولت ادق عليه كذا مره مايرد ولا ودي ارجع للبيت وهو مهوب جاي معي
عشان الوقت المهم قلت يمكن هو قاصدها مايرد علي من رقمي قلت للي معي هات جوالك
والقصه بتبداء من هينا دقيت عليه الا ويرد قلت اوريك يالشاايب سااحب علي يعني يعني
ماودك ترد علي يعني يعني متكبر علي .. والله وقلد صوت اندنوسيه قلت له السلام عليكم
وابو الشباب خق معي شوي ويطير بي واسولف معه شوي على اني اندنوسيه منحااشه
قلت له وينك فيه انت قال بالشفاء قلت والله انا بعد بالشفاء قلت له تعالي عند بنده قال الحين
بجيك واسمعه يلتفت على اخوياه يعلمهم قلت طيب عندك بيت قال ايه مافيه مشكله كل شي
موجود بس انتي تعالي قلت له طيب لا تجيني الحين تعال بعد ساعه بتلاقيني عند بنده قال
خلااص وسالني وش اسمي في هاللحظه ماقدرت امسك نفسي ضحكت غصب هو سكت قلت
له ابو خالد اجل كل شي موجود وتعالي بس قال انت طارق قلت ايه قال وش ابغاء يا هوماار
قلت وشو قال شوف كلام رجال رجال مافيه خرابيط هورما رجال خلي سيده قلت اقول لا
يكثر وينك فيه قال بس ولا كلمه بوزران قلت له اقول انت تكلمني قال ايه اكلمك انت قلت
طيب وينك فيه قال في البيت قلت خلك عند الباب بجيك وبتوطى ببطنك يا كلب المهم جيت
عند البيت وادوره مالقيته وادق عليه ويرد علي بدون نفس قلت وينك قال يااخي شوي
وبجي واسمع صوت شريط اغااني قلت انت وينك قال شوي وبجيك وننتظر وخويي شوي
ويصيح طارق بكرة زواجي لازم نروح وانا اقوله اصبر يا رجال الحين بيدق علي وادق
عليه قالي انا بالمستشفى قلت اي مستشفى قالي مستشفى في البطحاء قلت له عطني
الدكتور قال دكتور ولك شوي ثمن سكر بوجهي عقبها ادق عليه يقفل بوجهي ومن بعدها
قفل جواله وليوومكم هذا مانعرف عنه شي الي يقهر ان هو له 15 سنه عندنا وغير هذا ان
حنى واثقين فيه ومعطينه جوازه واقامته يالربع الي يشووفه يدلنا عليه ترى شعره ابيض
شاايب اسمه عبدالمجيد انسان اجتمااعي بشكل ماتتصورونه تدروون انه كان يكمل العيال
في البلووت وكان يصب القهوه اذا جاء عندنا عشاء صراحه
( فقدنااه المرووح )
( السالفة الثانيه ) [[ عنقز يا حبيبي عنقز ]] الي اعرفه ان العنقز داء يصيب الورعاان وهو عباره عن حسسيه وحبوب تطلع في جسمك وهالعنقز مايجي الا الورعان المهم انا يوم كان عمري 7 سنوات جاني العنقز من ولد جيرانا والعنقز انتشر بالبيت كله لان وقتها كنا معضمنا صغاار وجانا كلنا ومن ضمن الي جاهم اخوي الي اصغر مني الي ابي افهمه اخوي الحين عمره 19 وفيه عنقز يالربع واللي خاايف منه انه هو قد جاه عنقز ايام الوباء الي انتشر في البيت والسبب ولد الجيران والحين جاه عنقز مره ثاانيه الدكتور يقول انه نوع من انوااع العنقز قسم بالله اخوي صاار منبووذ في البيت محد يكلمه ولا يحتك فيه حتى صرنا مانخيله يتغداء ويتعشاء معنا فيه عنقز عااد كل خووفي ان المرض هذا ينتقل لي لان العنقز مرض معدي عااد تخيلو شكلي انا وعنقزي قاعدين في المحااضره والدكتور يشرح والطلاب كلهم مبعدين عني اللي ابي افهمه الحين لو جاني العنقز اقدر اخذ اجاازه ولا مايعطون اجاازه ؟ [[ الآن مع منتخب المجلس العام ]]  السالفه طال عمركم أن فريق الرياضه العالمية تحدى فرقنا اللي هو فريق المجلس العام ، وصحيح ان فريقنا قوي واحسن ناس في الدنيا وفيه عناصر جيو فيزيائيه الا اننا انهزمنا ، بس بشرررف حطوا على بشرف مية خط ترقعنا بـ 7/0 ما قلتلكم بشرف على العموم هذا ما يمنع اننا نلتقط صورة تذكارية بس صحيح اني لعبت بس ترى ما صورة معهم وهذي حطوا عليه مليون خط مهوب ميه اهم شي الصورة اللي تحت انا مانيب من ضمنهم لاني خفت على قلوب العذارى لاتتقطع علينا ونبتلش فيهم عاد على العموم اخليكم مع الصورة  ^^^^^ على اليمين : كلي هلالي المسبوه واللي لابس علاقي تراه جرح يشكي ترى العالقي شاريها من دروووش واللي جنب جرح الاسمراني الحلو فياااض واللي فوقه المملوح الدبدوب بلد الوليد الي في النص الي يشبه احمد بهجه ترى مهوب ليو ميسي المهم انتم تشوف الاعلانات اللي على فنايل الفريق ، ان دل فانما يدل على جودة الاعبيه >> وش دخلها  هذي عااد صورة جماعية للفريق وترى الصغاار الي معنا مهوب فياض وفيصل والشله  على العموم اسف على الاطاله واتمنى الشباب مايزعلون مني فمان الله ، هع
اخر تعديل كان بواسطة » هامور البورصه في يوم » 15/11/2007 عند الساعة » 05:34 AM
السبب: هع هع مايفهمها الا ثنين
|
![" منتخب المجلس العام " [[ خرج ولم يعد ]] " عنقز يا حبيبي عنقز](iconimages/t487648_rtl.gif)
الوضع الشجري
