أفـواهـ الـبـعـض لا تـحـتـاج إلى دكـتـور .. بـل إلـى سـبّـاك ..!! - صفحة رقم 2 - نادي الهلال السعودي - شبكة الزعيم

المـشـاكـس · #16 13/11/2007, 12:47 PM

يعني تارك اختباراتك .. عشان تكتب لي موضوع عن ريحة الفم

..

هلا والله سلطان ..
ياخي قبل مدة كنت انا وبعض الشباب بطاريك ..
المهم واحد منهم قال : والله ان سلطان هذا آدمي خفيف دم ..
عاد انا قلت : يا عمي طييير .. رح العب بعيد الله يصلحك ..
قام واحد ثاني قفز بوجهي بقوله

: يا رجال وش دراك انت .. والله انه اكثر بني آدم خفة دم مر علي ..
عبيط : يا خوي على شحم .. حرام ما عندك ما عند جدتي ..
ردوا علي الشباب كلهم من فم واحد : والله انت ماااش يا عبيط .. تسمع اجل بخفة الدم ..
عبيط : لا يا لوح انت وياه .. انا معكم انه خفيف دم .. بس انه آدمي معليييييش

..
الشباب كلهم : ايه اما في هذي كلنا معك

..

طبعا اذا يهمك تعرف اسمائهم ترى ما عندي مشكلة ... بورط لك كم عضو

..

نرجع لريحة فمك

مدري موضوعك

..

إقتباس


	مقدمة الموضوع :

الحمد لله على السلامة .. وما ابطأ من جاء .. وهذا حال الدنيا طريق وكلنا سايرين فيه .. ويالله حيهم .. واقلطوا .. ويهناكم المطر .. وفي الحديد ولا فيك .. وخارج من الشر .. وتبلاه بالعافية .. ويعطيك خيره ويكفيك شره ..

<<< شف وش يناسبك ورجع الباقي

إقتباس


	اهداء :

انا اهديه الى شخصين بس

وارسل لهم معه بطاقة مكتوب فيها ..
" واللي يرحم ام خلفتكم .. اطلعوا من حياتي "

..

إقتباس


	الموضوع :

والله انا من وجهة نظري ..
انه اي رائحة كريهة .. لازم صاحبها يشوف لها حل

..
من روائح الدخان .. الى المعسلات والشيش .. الى بعض الاذواق المخيسة في العطور

..
وانت ماشي ..

والله يا بعض العالم خصوصا بالجامعة اذا دخل الكلاس انك تحس انه " راس معسل " من قوة الريحة فيه ..
يلعن ديرته تقول انه متبخر بشيشته

..
ولا بعضهم يجي ويجلس جنبك ثم ينفض ثوبه .. يعني انه يبي يجلس صح ..
ولما ينفض تعرف ان الشخص له مدة ما مر على الموية

..

لكن بما انك تكلمت عن رائحة الفم بشكل خاص .. اذا راح نتكلم عنها بس هي بعد ..

إقتباس


	المواقف

ما مر علي احد تكون رائحة فمه كريهة وهو صاحي ..
انا بس اشمها من اللي صاحين من النوم

..

بس تدري انهم ... ولا بلاش

المشاغب ..
لاهنت على الفائدة في الموضوع ..
وانا اتذكر اني قرأت انه فيه اختبار بسيط للي يبي يعرف قد ايش ريحة فمه مخيسه

..

الاختبار كالتالي ..

إلحس

ظهر كفك بواسطة لسانك <<< اجل بيلحس بأيش بالله

..
وتأكد من ان اللحس يكون بآخر اللسان <<< يعني من عند الحلق .. وانت متجه شمال

..
ثم اتركها لتنشف لمدة دقيقة ..
وبعد ذلك .. استمتع وادعي لي

..
تروا من جد والله الاختبار كذا .. لا تحسبوني استهبل

..

سلطان يعطيك العافية ..
سين . ظاد .

..

.

asim 9 · #17 13/11/2007, 01:12 PM

ورده مشكور والظاهر انك تاذيت من روائح الفم

الصراحة الموضوع كاني انا الي اقوله لاني يما شميت روائح فم الله لايوريك

عاااد مرة ايام كنت بثالث ثانوي جا المدرس وقال يافلان اطلع حل المسالة المهم طلعت والمدرس مو معفن المعفن واشم ذيك الريحة كانها ريحة جثث

وانا الي اقولها في وجهه اوووف وش ذي الريحة الخايسة

عاد الرجال حقد علي حقد الين اخر السنةوهو حاقد

فرصه ضايعه · #18 13/11/2007, 01:35 PM

ورده لك <<< مستانسين على الحركه الجديده

المشاغب انت ارهب واحد

ياخي موضوعك بالصميم

تصدق عاد أنا زي ريري حسبت الموضوع قبل لا ادخله عن الحش وتقطيع الناس

بس يوم دخلته ولاه شي يخليك تحمس تكتب رد عشان تفضفض شوي

إقتباس


	حتى أني ما صرت أجامل اللي قدامي وأستغل الفرصة لإحراجه قدام الناس ( وجه شرير ) ..!!

الله لا يجعلني بوجه واحد زيك

تروع

<<< شكت بعمرها من الحين

إقتباس


	" يا أخي حرام عليك رح السباك خله يركب لك سيفون عشان لا جيت بتتعشى معنا تسحب السيفون قبل ما تجي " ضحكوا الشباب عليه حتى استحى وحسيت أني فعلاً شرير

ههههههههههههههههههههههههههههههه
هههههههههههههههههههههههههههههههههههههههه
ذبه أليمه

...
بس والله توجع صاحبها

بس كانها بتفيد معه يستاهل

إقتباس


	نبيك تجي تشفط المجاري اللي في بطن محمد ترى ريحتها فايحة بقوة

إقتباس


	الظاهر أن البلعوم طالع مكان المستقيم عشان كذا طالعة الريحة من فوق بدل ما تطلع من تحت"

هههههههههههههههههههههههههههههههههههههههههه
هههههههههههههههههههههههههههههههه
من وين تجيب هالذبات

الله يستر علينا منك

إقتباس


	المشكلة تنتشر بكثرة عند الأصحاء وخاصة عند الاستيقاظ من النوم .. أو بعد السكوت طويلاً...!!

هذي صارت لي يوم مسابقتنا الرمضانيه

انهبلت أمي مني تقول غرفتك تصرع من ريحة فمك

<<< ساكته طول الوقت وماتاكل ولا شي وماتبي فمها يخيس

والله أني افرش وكلش بس يوم رحت للمستوصف قالت من الحاله النفسيه

عاد صارت لي يومين تقريبا وبوقت المسابقه بس

الله لا يعيدها

أنا الحمد لله عندي أمي تطقها بوجيهنا عشان مانتفشل مع الناس

ولا قد قالت لي إلا ذيك المرة

<<< ماتبيكم تمسكونها عليها

أنا اضفت سبب عاشر كملت لك العشرة

اللي هو الحاله النفسيه

إقتباس


	3) استخدام الخيط السني لتنظيف منطقة ما بين الأسنان..!!

والله ياهو تطلع ريحه شينه منه

بس ينظف مضبوط

إقتباس


	5) ومضغ علكة خالية من السكر للمحافظة على سيولة اللعاب في الفم ..!!

أما هذا ماتخلى الشنطه منه هو ويا البخاخ الخاص والحبيبات الصغار

<<< موسوسه

إقتباس


	إن شاء الله يعجبكم الموضوع .. وتشوفه وزارة الصحة .. وتشوفه إدارة جامعتنا وتشوف لنا حل مع هاللي يجلسون جنبنا في محاضرات الصباح ويكرهوننا بالمحاضرات وبالجامعة بكبرها

انا ماتأزمت معي الحاله إلا من الدكتورات المصريات

مرة بالمعمل نسوي تجربه وتخش بيني وبين صديقتي بتشوف طريقتنا كانها صح ولا خطا
هي دخلت من هنا وحنا انصرعنا وماتشوف الا النحشه

وقسم معاناة انا اقول وشلون رجلها متحملها

قالت صديقتي هو زيها

يعطيك العافيه مشاغبنا موضوعك جريء وفي الصميم

أجبرني على الرد مع أني متوهقه أنواع الضغط عندي

سلااااااااااااااااااااام ,,

K I N G . M I L A N · #19 13/11/2007, 01:57 PM

ورده

اليزابيث هيرلي · #20 13/11/2007, 02:04 PM

يالله .. وش ريحة العود و البخور الفايحه من موضوعك تنادي الغادي

..

ورده >> ياجماله ياغوغته ..

من جد موضوع حساس .. رائحة الفم ماتنطاق خصوصا عند العيال .. أذكر وحده تطلق على أي مراهق ( أبو ريحه) لما سألتها ليه قالت من روائحهم العطره

..

الحمدلله أفرشهن قبل و بعد ما أنام لا و كراتين العلوك لازم بدروج المعلمات .. ماتشوفهن إلا يتطايرن بالهواء كل وحده تجدع على الثانيه .. ناهيك عن التروش بالعطور كل بعد حصة

..

أنت متضايق من ريحة الفم وش رايك بـ ريحة فم + ريحة عرق + شيبس

>> وياقلب لاتحزن .. ((أحلى تحية لمعلمات أول متوسط الله ياجركم

..

شكرا المشاغب على هالطرح المعطر بأجمل العطور الباريسيه

>>> سبحان الله الخالق الناطق أنت ..

جرح يشكي · #21 13/11/2007, 02:18 PM

يا ليل القرف ورده

سلطان قصم اني ما تغديت ، وشكلي بـ اصوم بعد موضوعك

قلت المواضيع ..!!

سلطان طس بس طس

<<< هذا العضو بالخارج هع هع

Mr.DL5 · #22 13/11/2007, 02:19 PM

..

هلا والله بقلبي سلطان ..

كنك داري عن واحد دايم يجلس قدامي في الجامعة .. من دون ما يلتفت .. ريحته توصل لي !! المشكلة انه ما يداني شئ أسمه علك !!

أول محاضرة أصير متلطم من هـ الي قدامي !!

حايمه تسبدي من هـ الي قدامي !

المشكلة ما أمون عليه .. لا كان زبدت له !

سلطان .. تسلم يالغلا على هـ الموضوع .. كود الي قدامي في الجامعة يقراء بـ الغلط هـ الموضوع ويفكر انه يفرش قبل لا ينوم ولا يشوف له حل !

بلد الوليد · #23 13/11/2007, 02:27 PM

ورده

--> قصمن ياهي حركه

سولتان اهب يا وجهه

امس بالليل اكلمك ولا حولك طاري موضوع امداك تنزله

تبي الصدق ما اقول الا ماشاء الله

موضوع مفيد لكن باسلوب مشبع باللعانه والنذاله

ياخي شوي شوي على الناس

تقبل مروري غصبن عنك

بعد ما بقا الا هي انا اقول لسلطان تقبل مروري

الهنوووف · #24 13/11/2007, 02:36 PM

ورده

والله وناااسه مافي قلب

>>هذا المستخدم متلثم حامت تسبدي

برجع لين تخف الريحه

الكناري وصل

اسفرت وانوورت خيووو

باكــ

والله ياخيو الي ذكرته شي للاسف نعاني منه من البعض الله يهديهم
مير انتو اهون تقدرون تتلثموون وتقوولوون اسناني تعورني

واكثر مانعاني منه برمضاااان

وبعض الاطفال بعد

للاسف البعض يهتم باالشكل الخارجي بس يلبس زين وخلاااص
يعني لانظافه ولاشي

وش رايك نقط ونشتري فرشاه ومعجووون نوزعهااا على البيوت

يعطيك العافيه اخوووي
موضوع متكامل

بس سؤال
وشلون قدرت تكتب موووضووع بعد انقطاع وتنزله
لي 7 شهوور اكتب واذا جيت بنزله اهوون

الهنوووف

كانت

هنا

ورحلت

الكناري الأزرق · #25 13/11/2007, 02:49 PM

السلام عليكم و رحمة الله و بركاته

هلا و غلا سولتان..اشوف الناس ما غير يعطونك من هالورود ما دروا ان قمة الرومانصية عندك بهالصوره

تصدقون يا جماعة الخير اني شفته مره قاعد يتهاوش مع السكيورتي حق المستشفى جاي بيزور خويه و جايب له باقه من الحشائش

يا رجال علي الملازيم ما تاصل لغرفته الا و الباقه و ما فيها ببطنك يا خروف

إقتباس


	اهداء : أهدي هذا الموضوع إلى من تحملت أذاهم في قاعات الدراسة .. وفي السكن الجامعي .. وحتى عند الأكل .. وفي الحياة العامة عموماً ..!!

تغيت فيهم قبل يتعشون فيك!!
اجل تحملت اذاهم يا رجال حب ايدينك وجه و قفا انهم استحملوك كل هالسنين..

إقتباس


	المشكلة تنتشر بكثرة عند الأصحاء وخاصة عند الاستيقاظ من النوم .. أو بعد السكوت طويلاً...!!

المفروض تحط بين قوسين بعد كلمة السكوت قليلا " للذكور فقط " ..اما السحالي فأربع و عشرين ساعه سواليف لدرجة اني اليوم سألت خويي بعد ما طلعنا من معمل القران " ياخي وش لون البنات يقعدون 45 دقيقه ساكتات تخبر هذا قران و لازم الانصات " ؟ قالي يا رجال اذا موب المُدرسة اللي قاعده تسولف معهم احلق شنبي ..هذي اذاعه بانوراما يا بابا موب لعب

..

قفله ..
اشين شي لا كان عندك اختبار الحصه الثانيه و تجي الحصه الاولى تمصلح مع مصري دافور و تقوله اشرح لي الدرس..مير مرات اقول الحمد لله اللي خلا صفه الكسل بالشعب السواني و لا خلاها بالشعب المصري اجل تخيل بالله مصاريا يقعدون يتثاوبون الحصه الاولى

؟

إقتباس


	الكناري وصل اسفرت وانوورت خيووو

هلا هنوووفه
منوره بوجودكم

التسناري

(سفير الزعامة) · #26 13/11/2007, 03:08 PM

ورده لك على موضوعك
اما المواقف
فأنا في احدى المرات سطرتلي مصري قدااااامي اروح بي يقول انه ما افطر

بنت عبد الله & · #27 13/11/2007, 03:27 PM

إقتباس

الرسالة الأصلية كتبت بواسطة متلثمة بشال الهلال


	فيه ناس بجحين اذا صرت تكلمه يتنفس ويتفّل وهو يتكلم معك ماعنده اي مشكله تقول كنه مستأجر وجهك يومه يسوي هالاشياء .. الحل مع اصحااب الروائح الكريهه تسد فمك اذا جيت تكلمهم ..اوتطق لك كماامه قبل ماتكلمهم بس خووفي ان بعضهم تجي انفاسهم مركزه وتخترق الكمامه ..

هههههههههههههههههههههههههههههههههههههههههههههههههههههههههه
والله انك صادقه

مشكووور وياليت يقرون هالكلام يستفيدون منه

تشااااااو

G o L d E s T · #28 13/11/2007, 03:38 PM

ما خاب ظني يوم قلت رأيي فيك

أنت إنسان شرييييير جدا جدا جدا

يا شيخ خليتني أوسوس صرت أنفخ من فمي وأحاول أشم الريحة

وبعد شوي شكلي أبفرش سنوني قبل الغداء وبعده

بس ولله الحمد ما أظن ريحة فمي شينة ولو صارت شينة أول من يقولها بوجهي أخواني

بعض الناس إذا جاء يتكلم شوي وياكلك

ما أدري ليش ما يعرفون يتكلمون بدون ما يفتحون فمهم بقوووة

أذكر واحد من أقاربنا كانت ريحته شينة وحنا متأذين منه

وحاولنا نلمح له بس ما فيه فايدة لمييين جاء أخوي وطقها بوجهه

عاد الحين راحت الريحة الشينة

أضيف علاج إضافي وهو السواك

ورده ورده ورده

الغدير الازرق · #29 13/11/2007, 03:39 PM

اهلييييييين وسهليييين وخيي المشاغب فريجسون المجلس العام

حياااك الله وبياك .. وحمد لله عالسلامه طولت الغيبة علينا بالمواضيع
خبري بآخر موضوع عن شيخك الجليل واقص يدي إذا مووب شيخك هو اللي
ساكن معك بسكن الجامعة

بصراحه موضوعك رائع وبالصميم وياليت وزارة الصحة تعتمد موضوعك كنسخه
أصليه لتوعية الناس بمخاطر ريحه الفم وتطبع كتيب عنه

والله ياخووك الواحد مايعقل ويصير نظيف إلا إذا تفشل قداام خوياه

عااد انت ماقصرت فيهم فضحت فيهم وماتنلام ريحه الفم أشبه بالأنتحار

وتصدق كان ودي ياسلطان إنك تضيف على موضوعك قضية ريحة الجسم
لأنها هي وريحه الفم مشكلتين لابد يناقشونها مجلس الشورى بجلستهم الجااايه
ويشوفون لها حل وإلا ترى بنهاجر خارج البلد

<< واحد ماسك يالهيس

وعوااااااااافي المشاغب على هالموضوع الحلوو

والأسلوب الأروع بالطرح .. ولاهنت ياغالي ..

الغدير الأزرق ..

أبوشلاخ الهلالي · #30 13/11/2007, 04:34 PM

هلا والله بـ المشاغب
موضوع جميل ورهيب ومشكلة مستعصية و مالها حل

أنا من وجهت نظري أن المشكلة ليست صحية بقدر ماهي شخصية
أي انه لو نظف الشخص اسنانه لما خرجت هذه الرائحة
لاكن وش تسوي مع الناس الي ما يفهمون
يعني لازم تحرج الشخص عشان ينتبه لنفسه

هذة مصيبة
بس المصيبة الأعظم انك تحرجه ولا كأنكـ سويت شيء
ماتغير ولا كأنكـ تقصده

مشكور أخي سلطان على الموضوع الجميل ,,..
كان معكم من قلب الحدث

أبو شلاخ الهلالي