|
^ ^ ^ يا اخي احبك s45s .. هيا تصدق اني ما سمعت بهالبيت الا زي كذا .. ولا اعرفه والله غير كذا :d .. لا صرت بالصمان والقيظ حاديك .. ...............................تشرب حليب نياق ولا ميرندا :d .. تصدق .. حسيت انكم كنتوا متابعين لبرامج البادية حق القناة الاولى .. اللي طان يقدمها ابو فارس مهدي :d .. . |
ياسلام يالشتتاء ياخي عيا يجي أما السوااليف أن شاء الله أحاول أسدحهعن هنا |
ياهلا وغلا بعودتك مع عودة البرد ان شاء الله السنه هذي مايكون مثل العام الماضي بالبرد مع ان البدايه تخوف ،، الله يجيب الامطار والثلوج (( ايه هين)) |
وعليكم السلام ورحمه الله وبركاته يازين الشتاء والبرد :stoned: احس اني احب الشتاء >>>>احلفي :d اجواء الشتاء تحسسك بالحياه والدفايه ولما تشرب شي ساخن ومتكتف واال ماد يديك على النار :d يوه حسيت بالبرد:d الحين كل السواليف الي قريتها بهالصفحه غالبيتها يعني حب :d قريت القصص الي بالصفحه الرابعه مدري وراني امشي بالعكس :d بعلق تعليق خفيف حمار القايلة :::(سهل ) بالله حنا وش ماتروعنا فيه وحنا صغار وفيه صديقتها بعد ( عوافي يالله ) وقسم بالله اتذكر امي تقولها لي احس اي بموت خوووف وراه يكذبون علينا يازين العافيه :d الحين تطوروو الصغار الحين تروعهم في بوش وشارون :d " جرح يشكي ( مبسم هيا ) الحين وشلووون يعني جالس يتفرج بس ....؟؟:d إقتباس:
احس وجه الهزاني مستحي :d:d إقتباس:
هههههههههههههههههههه :d ياليت من شاف وجه هالشايب البرفسور المهم اني جايب لكم قصه للشاعر بندر بن سرور :d فشيله اجل مرجوج :d "والسالفه الثانيه الله يبعد عنا الحظ الشين :cry: تذكرت الصويلح وياسر بضياع هجماتهم :d فرصه ضايعه يطول سالفتك وسبيساتك :d تحمسين وانتي تقصين سالفه :d بس بشويش :d " المشاكس متحمسه وانا اقرا :d اثاريها من عقلك بس تعرف تالف:d بس ضحكت من قلب على صياغتكـ خصوصا المقطع ا لاخير :d إقتباس:
إقتباس:
ليوو ميسي يعني طلقها :eek: قهرر :d اشوى علمتني ماسكن بالباديه :d واتوهق متعوده على الجدران ومقابلتهاا ماجد مقبل لاصرت بالصمان والقيظ حاديك :d ونااااااااااااسه رجعوها:d احس اني مبسوطه كانها ناقتي :d الاصرار على الشي حلوو لاتستلم :d اذا قالوا لا قول ايه لين يقوولن ايه >>>مسوية تنصح:d يعطيك العافيه برفسورنا s13s و يعطيكم العافيـــه جميعاا والله سوالفكم حلووه حسيت اني بين شيبان :d بقرا القصص الباقيه لحد يزعجني :evil: الهنوووف كانت هنا ورحلت |
ياااااااااحضنا جا البرد والبر حان طاريه يازين البرررد والمطر والخير والنار والجمعه الحلوه في كل وقت اللى تسلم يا البرفسور على هالمشب اللى وش زينه وعلى هالجمعه الهلاليه الحلوه |
أنا قيييييييييييييييييييييت :thumbup: جبت لكم سالفة حلوة وأحب أسمعها دايم s13s ---------------------- " يا ذيب أنا بوصيك لا تاكل الذيب .... كم ليلة عشاك عقب المجاعة " أبطال القصة : ذيب بن شالح رحمة الله فقد مات ولم يتجاوز عمره 25سنة .. ووالدهـ : شالح بن حطاب بن هدلان الخنفري القحطاني توفي عام 1340هـ وعمره 100 سنة .. --------------------- كان ذيب مشهور بالبر لأبوه شالح .. كان يدلعه تدليع موب صاحي :stoned: وكان كل دايم يروح يقنص لجل يجيب لابوه الزاد .. وكان من شدة بره بأبوه اذا جاء يسلم عليه يستقبله كنه جاي من سفر .. وكان ما يرضى احد يخدم ابوه غيره :) مرة من المرات راح ذيب للقنص وما لقى صيد .. فأخذ ذلوله ونحرها وأخذ اطيب ما في لحمها ورجع لأبوه وقام يشويها .. أبوه شم ريحة اللحم والا هي ما هي ريحة لحم صيد .. قال : وش هذي لحمته يا ذيب؟ قال ذيب : شبب يا يبه ( رزق من الله ) .. قال أبوه : ذبحتها يا ذيب ؟!!! قال ذيب : هي فداك يا يبه .. وعلى أن أعوضها من حلال القوم .. ثم قال : ما أقدر أستقبلك يا يبه وما بيدي شي ووالله أن أظل على هالحال لين اموت ..!! قال أبوه: " آآآآه آآآه آآآآه يا لهفي بعد فرقاك يا ذيب " ..!!! وفي ليلة من الليالي كانوا يتسمرون .. فقال شالح لولده ذيب وهو يمزح معه ويسامره: ياذيب انا يا ابوك حالي تردى...وانا عليك من المواجيب ياذيب تكسب لي اللي لاقح عقب عدا... طويلة النسنوس حرشا عراقيب تجر ذيل مثل حبل المعدا... وتبرا لحيران صغار حباحيب واشري لك اللي ركضها ماتقدا... ماحد لقى فيها عيوب وعذاريب قبا على خيل المعادي تحدى ... مثل الفهد توثب عليهم تواثيب ان اشهد انك باللوازم تسدا ... وعز الله انك خيرة الربع بالطيب ياللي على ذيب السرايا تعدا... لوحال من دونة عيال معاطيب ليث على درب المراجل مقدا ... مافيك ياذيب السبايا عذاريب قالها وهو يمزح وما وده اياها صدق .. ولكن من بر ذيب وحبه لأبوه .. أسرها في نفسه وقرر يجيب لأبوه اللي يبيه..!! بعد ما تأكد أن أبوه في سابع نومة .. فز لشباب القبيلة وطلبهم يخاوونه لديار عتيبة حتى ياخذ لأبوه من خيار الابل .. ركبوا مطاياهم وكان عددهم 15 فارس بإمرة ذيب بن شالح .. وبعد ثلاثة أيام وصلوا لبير بديار عتيبة اسمها ( الملية ) .. وشافوا عندها ورد من عتيبة يستقون .. ورجعوا حتى ما يشوفونهم ويبلغون عنهم القبيلة ..!! شافهم قناص من السقاة .. وراح لحقهم وتخبى وراء شجرة بدون ما يشوفونه ... وصوب عليهم البندق وضرب ضربة وقدر الله انها تصيب ذيب اصابة مميتة :( بقي القناص مختفي يراقب القوم وهم ينزلون ذيب ويبكون عليه ويحطونه في مغارة بالجبل ويروحون ..!! نزل القناص للمغارة وشاف هيئة ذيب وعرف أنه من كبار القوم وولد شيخ ... رجع لربعه ونشدوه من الطلق اللي سمعوه فعلمهم بالسالفة .. مشوا معه للمغارة وكانت معه بنت كانت من قبيلة المقطة من برقا عتيبة وكانوا في جوار الشيخ شالح بسبب مشاكل كانت بينهم وبين عيال عمهم.. يوم وصلوا جثة ذيب .. صاحت البنت هذا ذيب بن شالح .. قال لها اللي ذبحه : أكيد بينكم شي ليش تصيحين؟ قالت: "تعقب وتخسي يالردي هذا ذيب بن شالح اللي ماعمره رفع عينه في جارته وكان يعزنا ويكرمنا وكان مايجي من البر باليد الا ويجي بقسمنا معه ويحطه على الارض وهو منزل عيونه بالارض ثم يروح لبيته"..!! رجع أخويا ذيب للقبيلة وعلموا شالح بخبر ذبح ولده ذيب .. ما يحتاج نفكر وش بيكون شعور شالح بموت ولده البار ذيب :( قال قصايد كثيرة في ولده ذيب من أشهرها هذي القصيدة: يــــاربـــعنا باللي على الـــفِطّر الشيب @@@ عــزالله إنه ضــاع مِنــكم وداعــه رحتوا على الطّوعَات مِثلِ العَيَاسِيب @@@ وجـــِيتوا وخـلّيتوا لِقــلبي بِضاعــه خـلّيتوا النـــــادر بـــدار الآجــَــانِيب @@@ وضـاقت بي الآفاق عِـقب اتساعــه تِـكـَــدّرن لي صافــيات المـــشاريب @@@ وبالعون شِفت الذل عِـقب الشجاعه يـاذيب أنـابـوصــيك لاتــأكـل الذيب @@@ كـم ليـــلةٍ عشــاك عِـقبِ المجاعــه كــم ليلةٍ عــشاك حِــرشَ العَــَراقِيب @@@ وكم شِيخِ قــومٍ (ن) كــزّتِه لك ذِرَاعِــه كــفّه بــعدوانه شِـــــنِيع الـمضارِيب@@@ ويسقي عدوه بالـوغى سـِم سَاعَــه ويـضحَك ليا صـكت عليه المـغالِيب @@@ ويــلكد على جمعِ الـعدو بانـدفَاعـَـه وِبَيـتِهِ لِجِــيرانِه يِشّــيّد على الطــيب @@@ وللضيف يبني في طِــويل الرفَاعَــه جَرحِي عَطِيب وَلا بَقى لِيَ مِقَاضِيب @@@ وَافَخَتّ حَبل الوَصل عِقب انقِطَاعه كِنّــي بَــعَد فــقدِه ِبِـحـَامي اللّهـَـاهِـيب @@@ وِكنّي غَرِيبَ الــدّار مـالي جِمَاعَــه مِن عِقب ذِيبَ ، الخَيلِ عِرج مهَالِيب @@@ يَاهـل الرّمَك ماعَـاد فِــيهِن طِمَاعـَه قَالوا تِطِيب وقلت: وِش لون ابا طِيب @@@ وطَــلَبت مِن عِند الـكِرِيم الشّفَاعـَـه |
إقتباس:
تسلم يالبرفسور على المشب الروعه ويعطيكم ألف عافيه على السوالف الاروع |
يا مرحبا يا مرحبا بالبرد والشتى يالله تجهيزاتكم للشتى قرب وكل واحد يجهز الحطب وانسوي رحلة للبر ابدوي انا يا حبي للبداوة والله |
خلاص جاكم الشتاء مابعد باقي على المربعانيه الا 9 ايام يالله ياكريم يجينا خير في هلاسبوع يمدينا نلحق الوسمي مثل العام ونشوف الخير هامور إقتباس:
اذا ماطلعت طال عمرك مع ربعك وجلستوا حول الضو بليله القمر فيها مكتمل وسوالف وقصص وساعة صدر وتحدي والا ماتسمى طلعة بر اجل سوالف الشيبان مهايط والله لو يكذبون علينا ماهنا اونس من جلستهم خصوصا بالخلا اما طلعة العوايل ماتنفع لانه الواحد مايقدر يطلع مع اهله الا على جال الشارع لو اطلع حديقه اصرف :d لكن مع ربعك لا والله تطلع الين ماعاد يصير فيه ارسال لاهنت بروفسور حبيت اسجل حضور واسجل اعجابي بالموضوع :) |
هلا والله بالبرفسور :thumbup: الله يهنيكم بالبرد ان شاء الله :rolleyes: احنا بجده مايجينا من بردكم الا شوية هواء بارد وانتهينا :pleased: وهالايام ماغيير غباااااااااار الله يعين بس :stoned::stoned: ما ابغا اطلع من الموضوع بدون اي قصه بس اتذكر لما كنت ايام الثانوي والمتوسط اول مايصير الجو حلو البنات يلبسوا جاكيت تجي الاستاذه تقول انتوا تهربوا البرد من عندكم :d:d مايمديه يصير الجو حلو وتلبسون بالجاكيتات خخخخخخ يعطيك العافيه عالموضوع خييوووو |
صبحكم الله بالخير رجعت لكم ومعي قصيده لـ الشيخ تركي بن حميد يامحلا يا عبيد في وقت الأسفـار@@@ جذب الفراش وشب ضو المنـاره مع دلة تقدى على صالـي النـار@@@ ونجر ليا حـرك تزايـد عبـاره في ربعة ماهيب تحجب عن الجار @@@ لامن خطوا اللاش ماشـب نـاره النجر دن وجاوبـه كـل مـــرار @@@ ما لفه الملفوف مـن دون جـاره واخيرا منها ركعتيـن بالاسحـار @@@ لاطاب نوم اللي حياتـه خسـاره |
احم احم القهوه ياولد :d بقولكم اليلة قصة طريفه وتدل على فطنة العرب واللحى الغانمه :whacko: هذي ياطويلين العمر وحده من هالقبايل كانوا يتحرون هجوم من قبيلة شمر عليهم المهم كانت فيه مّره (حرمه يعني) تمشي على النفود والا والله هي اللي تشوف شمر ناصيين قبيلتها .. ولا يمديها تنزل من النفود وتعلمهم عن قدوم شمر الا وشمر واصلين لهم فقامت هالمّره (الحرمه) وفكت شعرها القصير وقامت تغني بصوت عالي وتقول/ ياراس لي يوم صباي ان كديته وصل العلبى *** وان خليته شمــر فوق شمــر فوق المفـــردات/ العلبى = اسفل الرقبه :d وظنوا قبيلة شمر انها حرمتن مهبوله .. وانها تقصد شعرها لا فكته تطير شوشتها واما قبيلتها فهم فهموا قصدها و طلعوا يدافعون عن ارضهم و قبيلتهم وهذا مثل ماقلنا يدل على فطنة العرب .. وحسن تصرفهم في الامور وسلمتوووو |
هلااااااااااا بكل الموجودين كان فيه غلط مطبعي لما قلت انا نخيم في روضه خريم انا كان قصدي رويــ غب {{وش جاب لجاب ما أدري}} :d <<<<توها تستوعب بعد اسبوع :stoned: اليوم جبت صور للبر {{صحيح صغيره بس حلوه}} :pleased: http://www.arriyadh.com/Tourism/Left...s/image001.jpg http://www.arriyadh.com/Tourism/Left...s/image002.jpg http://www.arriyadh.com/Tourism/Left...s/image001.jpg http://www.arriyadh.com/Tourism/Left...s/image002.jpg http://www.arriyadh.com/Tourism/Left...s/image003.jpg http://www.arriyadh.com/Tourism/Left...s/image001.jpg http://www.arriyadh.com/Tourism/Left...s/image002.jpg http://www.arriyadh.com/Tourism/Left...s/image003.jpg http://www.arriyadh.com/Tourism/Left...s/image002.jpg http://www.arriyadh.com/Tourism/Left...s/image001.jpg http://www.arriyadh.com/Tourism/Left...s/image002.jpg http://www.arriyadh.com/Tourism/Left...s/image003.jpg http://www.arriyadh.com/Tourism/Left...s/image002.jpg |
بـمـاا أن الـمـوضـووع فـلـة حـجـاااج .. وسـعـة صـدر ... ابـسـرد هـااالـقـصـيـدتـيـن ...وأتـمـنـى تـنـااال عـلـى رضـاااكـم ... هذه قصيده تحكي معاناة انساااان بسبب غلطه غير مقصوودة انتهت حياته .. سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل .. كانت اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه .. كانوااا يعشقووون الصيد .. وفي رحلة من رحلاتهم وفي فتره الظهيره .. كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في مخزن السلاااح انطلقت الرصاصه لتسكن في قلب محمد وترديه صريعاااااا .. ولم يكن عندهم احد .. وضع سلطان في السجن .. وبدات المشايخ بالوفود على اهل محمد لكي يصفحووو عن سلطان ولكن بدون فائده .. وصدر الحكم عليه بالقصاص .... وبعد التنفيذ .. ومصادفة ً صار قبر سلطان في جنب قبر محمد .. لا اطيل عليكم .. هذه القصيده بين ايديكم .. [align=center]يا فلاح الهـم خيّـم فـوق قلبـي يـا فـلاح كيف تبغاني اسولـف وانـت خابرنـي عليـل ويش قولك في عليل ٍ في حياتـه مـا ستـراح تنتثر دمعـة عيونـه لاظلـم الليـل الطويـل حالته لا ما تباعد حـال ( سلطـان الربـاح ) بالخطا راحـت حياتـه والخطـا مالـه مثيـل كان ويّا صاحبـه اثنيـن فـي أرض ٍ بـراح يطردون الصيد دايم من صبـح ليـن المقيـل اجمعتهم صحبة الدنيـااا علـى جـد ومـزاح مـا يهابـون الليالـي والحمـول اللـي تميـل ما قتل عامـد ولكـن ثـوّر ابليـس السـلاح بالخطا ثـار السـلاح ويـن يلقـى لـه دليـل انعقد سجنه .. وربعـه تنتظـر فـك السـراح والاكيد انه سجين وما رضـووا ربـع القتيـل هل دمعـه يـوم صلّـى ركعتيـن فالصبـاح في نهار الجمعه اللي مـن ثقيـل ٍ فـي ثقيـل هلّل وكبّـر .. ونفسـه تذكـر اللـي راح راح كان في ربعه عزيز .. وذلّـه الوقـت الذليـل (لا محمد لا تهانـي لا سعـود ولا صـلاح ) كلهم كانوا على بالـه وهمّـه فـي ( هديـل ) طفلة ٍ مـا كمّلـت عاميـن صايبهـا كسـاح وانتثـر دمعـه وحالـه مـن سبايبهـا نحيـل حان تنفيذ القصاص .. وغطوا الراس بوشـاح وجاك سيّافه يشيل السيف ابـو حـد ٍ صقيـل ارتخى راسه .. وزاد الموقف الحامي صيـاح بين نوح وبين دمع وبيـن صيحـات وعويـل وارتفع صوت الحشود .. وزاده محمد وصـاح يا يبه تكفـى دخيلـك تستمـع قـول الدخيـل يا يبه وشلون نصبر كيـف نهجـع بارتيـاح وانت من دنيااا عيالك ماخـذك مـر الرحيـل يا محمد .. هاك علمي واحفظه قبـل المـراح انتبـه لاخوانـك وبالـك عليهـم لا تعـيـل والله الله .. فالصـلاة وفالصيـام وفالصـلاح والله الله .. فـ( امكم ) والله لكم بعـدي كفيـل غمّـض عيونـه ونفسـه تطلـب الله السمـاح رافـع ٍ سبابتـه .. ( مظلـوم ) والله الوكيـل سل سيّـاف الصفـا سيفـه ودقـه ثـم طـاح راس (سلطان المراجل ) وانتثـر دمـه يسيـل غسلوه .. وكفنوه .. وفاح طيب السـدر فـاح وبالمصادف صار قبره جنب قبر ( ابن العقيل ) يا فلاح .. الكارثه ما هي سوالـف يـا فـلاح خلنـي ساكـت ودوّر غيـر هالقصـه بديـل[/align] يواسيني وانا الميت قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه [align=center]يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني شـكـراً مـن الأعـمـاااق ..الـبـروفـسـوور عـلـى جـمـااال الـفـكـرة .. وتـوقيـتـهـااا الـرااائـع .. لـك مـنـي فـااائـق الـتـحـاايـااا ... أخـوووك // دبــل كيــك .. |
^ ^ :cry: ياليت نشوف مواقف وقصايد توسع الصدر وربي ضاق صدري فوق ماهو متضايق من المباراة اليوم .. الله يغفر لهم ويرحمهم :cry: |
| الوقت المعتمد في المنتدى بتوقيت جرينتش +3.
الوقت الان » 04:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd