البنات يلعبون كورة يصير خير ماشفتي لاعبة البرازيل بتشوت بلنتي رايحة ل ااااخر الملعب وحطة خفيفةوبعدين اقعدو في المطبخ عشان تعبون بطونا (شف الدب)
وحلو انك تهتمين اجل تخيلي تصيرين اتحادية كيف تقعدين بينهم فهومة صح
من وجة نظري لا لا لا لا لا لا لا لا لا لا لا

عادي وش فيها لو البنت تتابع مباريات مافيها شييي
واللي يقولون أنوثه ومدري وشو وش دخل الكوره بالأنووثه
وعلى قولة هلاليه من الرياض ماتمر مباراة إلا متابعينا وزعااق وفللله

إقتباس الرسالة الأصلية كتبت بواسطة هلاليه من الرياض واللهـ ماعلي من أحد أتابع وأشجع رغم كل الإنتقادات الغير منطقية من بعض الناس اللي عندهم صيعي وسوي كل شي بس أهم شي لاتابعين كورة لأنك بنت!! أنـا ضد اللي يقولون إن البنت اللي تتابع الكورة عربجية ولاا أنوثتها ناقصة لأن كل هالكلام خرابيط وماأستند على شي ملموس هذانا نقوطر أنوثه وماتمر مباراة إلا شايفينها ومتحمسين ومزعقين وكل شي

اصلا مدري وش دخل الانوثه والعربجه بالكوره

يسلمووو على الموضوع

إقتباس الرسالة الأصلية كتبت بواسطة هلاليه من الرياض أنـا ضد اللي يقولون إن البنت اللي تتابع الكورة عربجية ولاا أنوثتها ناقصة لأن كل هالكلام خرابيط وماأستند على شي ملموس هذانا نقوطر أنوثه وماتمر مباراة إلا شايفينها ومتحمسين ومزعقين وكل شي

والله انك صداقة كل شي يدخلون فيه هالانوثه
مدري وش دخل الانوثة بمتابعة الكورة قايلتلكم مايبون البنت تصرخ علشان ماتنقص انوثتها وتكلمي بهمس وكوني رقيقة دائما حشى مافي اعصاب عندها
اما على حماااس المبارايات هذا شي ثااني خاصة اذا المباراة ساعدتك

إقتباس الرسالة الأصلية كتبت بواسطة && هلااااااليه && بصراحة انا مع احترامي الشديد لكل الاعضاااء احس اللي يقوول البنت مفروض مااتتابع كووورة احسه من عصر الجاهلية بغض النظر عن لعبها للكورة لان هذا موضوع ثاني يعني مرة انا قريت موضوع سخيف من واحد اسخف يقول وش موقفك وانت جاي للبيت ولقيت اختك تتابع كوورة وحاط هو ووجه 3 خيارات ياانك بالعقال تجلدها ياانك بتصكها بخشبه كلها مسامير ياانك بتمسكها من كشتها وتدخلها غرفتها مع بعض الصراخ عليها لا ويقول انكم تتابعون كورة علشان العيال <<شف التفكير لانه يطالع المسلسلات علشان الممثلات يحسبنا مثله ويقول عيب لابسين شورتات العيال قايلتلكم كلن يناظر الناس بعين طبعه وتدرون وش جايب مثال ان اغلبية البنات مشجعين ايطاليا في نهائي كأس العالم طيب انا كنت اشجع فرنسا مو علشان شي علشان فيه ثنين مسلمين وعلشان اخوي ولا هم ماعلي منهم وحاط كل الخيارات على انها غلط ((الحمدلله بس ان اخوي هو اخوي )) قسم بالله انه يناقشني في المبارايات ويتطنز علي بعض الاحيان ويخوفني من بعض المبارايات ويرسلي نكت عن الفرق الثانيه ودايم اقوله مااحب التطنزولاعمره قالي عيب ولا بنت ومباراة ولا لاتعلمين احد انك تشجعين ويشجع نفس فريقي ويدري اني اكتب بالمنتديات هنا وتراه موب صغير متوظف ((بس اقولكم شي فيه مثل انا احبه مرة احسه ينطبق على اغلب الناس "كلن يناظر الناس بعين طبعه ")) اولا لو انتو تلعنون وتسبون اذا تحمستو مو كلنا كذا والبنات غير انا مااقول انه اذا جاء هدف ومباراة مهمه او نهائي مااصفق او امدح في فريقي لكن موب اسب والعن وارجم باللي معي مثل بعضكم صح يضيق صدري اذا خسرنا نهائي وقلبي يدق قبل المباراة دق موب طبيعي وساعات من ضيقة الصدر انوووم واتوقع هالشي لايقلل من انوثتي شي ابد واللي يقوول غير كذا هذا شي راجع له وتفكيره واللي يقول تخيلني انا وام عيالي وعيالي نشجع عاادي وش فيها بالعكس هذا جزاها بتشد من ازرك وبتخفف عليك الا والله وناسه <<ولا عيب ولا يخدش انوثتها قل الخوف منه والله اذا صار متعصب بس استغربت الردووود فيه كثير ناس من صديقاتي وازواج بنات من عائلتنا وهم من برا العائلة عادي عندهم والله ان واحد هلالي ماخذ وحده من جماعتنا ماتشجع بس شافت رجلها هلالي وقالتله انها نصراوية وهي متملكه قبل العام وربي انه اذا فاز الهلال يرسلها رسايل يتطنز فيها وهي سالكه معه الين تزوجت وعلمته انها ماتعرف الكورة ولاتعرف دربها بس كان عاادي هذي وهي مختاره الفريق المنافس بصراحه تفكيركم مرررررررررة غرررررررريب على العمووووم كلن له وجهة نظر خاصة فيه واللي مو مؤيدين ان شاء الله مافي عوائلكم بنات يشجعون لانهم راحو فيها باقي شوي وتقولون اذا عصبتي على بزر ولا احد لاتصارخين علشان انتي بنت وتخربين انوثتك تكلمي بهمس وخليك رقيقه دائما ولاتضحكين بقوة بشوي شوي واحبسي عصبيتك في داخلك الين تنفجرين واذا انفجرتي ولاجاك قولون ولا شي بالطقاق اللي يطقك الانوثه باشياء ومو اي شي يخربها والبنت مو لازم توسع صدرها ولا سعة الصدر للاولاد بس ترى الكورة سعت صدر وتسليه مو اشياء ثانيه واذا كل شي بتحللونه لكم وتحرمونه على البنات وش بقى لنا ياحسره كل شي ماخذينه انتو ((اهم شي بالنسبة لي انه الشي اللي اسويه مووووب حراااااااام والباقي بالطقاااق ))

الله يسعدك ياشيخه على هالرد
احس أنا اللي كتبت الرد مو انتي كل اللي أبغى اقوله كتبتيه

بالنسبة لي عااااااادي جدا
بالعكس احس قديم للي يقول الكورة للاولاد انا بعام 2007 يعني خلاص الفكر تغير
ويكون احسن لو طالعتها بالبيت يكون معك احد يشجع احسن من انك تناظر المباراة لحالك
اما على الانوثه وش دخل المباراة بالانوثه << استغربت هالرد مررررة
يعني البنت اللي تطالع المباراة تقص بوي وتتعربج ولا وشلوووووون <<<مرة غريب الرد اللي يقول تقلل من انوثتها
شجعي واستانسي ووسعي صدرك دامك في البيت وكل اللي عندك اهلك واهم شي مااغضبتي ربك
والله ان الكورة تخليك تعشقها غصب
عوافي على الموضوع

التشجيع والمتابعة من أجل التسلية وليس من أجل (لاعب) أتوقع شي عادي

وإن كان ليس منتشر بين البنات فهذا اللي يخليه غريب شوي

مثلا لو جا ولد يشوف برامج الميك أب عاددي ؟؟
(( هو يشوفها من أجل المتعة وتضيعة الوقت))

وبصراحة أنا أفضل البنت اللي ما تتابع أو متابعتها (خفيفة) مب متعصبة كورة .


وبالنسبة للممارسة فأنا رافض الفكرة تماما

واللي تقول إن الممارسة ما فيها شي ضد الأنوثة فهذي غلطانة
لأن الكورة تعتمد بشكل كبير على الخشونة والقوة والتكاتف والدخول القوي وأحيانا التكسير و ....

بس مب تجين الحين تقولين إني أقول ما فيه رياضة للبنات

لأ الرياضة تخلتلف يعني لو تمارس رياضة المشي عادي

أو السباحة مع زوجها مثلا أو في مكان مستور وبلبس محتشم عادي ..



أحس إن ردي ملخبط شوي

بس إن شاء الله تكون الفكره وصلت