نسائيات - نادي الهلال السعودي - شبكة الزعيم

صفـوق الشمري · #1 22/10/2007, 07:43 PM

أيها الأخوة الأحبة
تحية عطره من محب ومشتاق
نقف معكم اليوم مع نساء الجزيرة العربية والشعر

مويضي البرازيـــه المطيريه

لا وا هـنـيّـك بـالـطــرب يالـحـمـامـه
ياللـي علـى خضـر الجـرايـد تغنـيـن

عـزّي لعينـك وان درى بـك سـلامـه
خـــلاك مـثـلـي يالحـمـامـه تـونـيــن

كـسّـر عظـامـي كـسّـر الله عـظـامـه
شوفي مضارب شوحطه بالحجاجين

جـانــي يـقــول مروّحـيـنـه عـمـامـه
الله يـخـرّب ديــرةٍ لا صـفــر الـعـيـن

وان كـان ودّك بالـطـرب والسـلامـه
علـيـك بالـفـرعـه بـــلاد الـوداعـيـن

تـنـحــري ربــــعٍ تــفــك الـجـهـامــه
فكـاكـة الـقـالات بالـعـسـر والـلـيـن

دخيلهـم محـدنٍ علـى الحـق ضـامـه
لو هو ضعيف الحال ما يلحقـه ديـن

كان عند مويضي اخت اسمها بنا كانت بنا جالسة تقول شعر تمدح فيه زوجها
وتنتقص زوج اختها مويضي.

تقول بنا:

شوقي غلب شوقك على هبة الريح
ومحصـل فـخـر الـكـرم والشجـاعـة

ركـاب شـوقـي كــل يــوم مشـاويـح
واذا لـفـى صـكـوا علـيـه الجمـاعـة

يا البيض شومـن للرجـال المفاليـح
لا تقربـن راعـي الــردى والدنـاعـة

وردت عليها مويضي:

مـاهـم بخافيـنـي رجــال الشـجـاعـة
ودي بـهـم مـيـر المناعـيـر صلفـيـن

ودي بمنـدس(ن) بـوسـط الجمـاعـة
يرعـى غنمهـم والبـهـم والبعـاريـن

إذا نــزرتــه راح قـلـبــه رعــاعـــه
يقول ياهـا فـي الحشـا وش تريديـن

وإن قلت له هات الحطب قال طاعه
عجل يجيـب القـدر هـو والمواعيـن

ولو أضربه مشتـدة(ن) فـي كراعـه
لاهـو بشاكينـي ولا الـنـاس داريــن

الشاعرة قمرا المرهوصه الدعجانيه العتيبية

ياقلبي اللي من هوى زيـد مطـروق
طـرق الحديـد ملـيـن ٍبالضـويـا
امسيت قلبي في واصبحـت مسـروق
وثـوّرت فـي قلبـي عميـل ٍعـيـا
يفدى عشيـري كـل برقاعلـى روق
واللـي بعيدالـدار والـلـي هنـيـا
ويفداه من يركب على الخيل بعـروق
مع خيل ابـن هنـدي وخيـل المحيـا
ويفداه من يمشي على الارض من فوق
والـلـي يشـوفـون القمروالثـريـا
ويفداه حضـر ٍلجـوا العصربالسـوق
وابن رشيد اللـي علـى الحكـم عيـا

الشاعرة كنة الشمرية

كانت الشاعرة كنة ترغب الزواج برجل فقير يدعى عبد الله بن جحفل الشمري
إلا أن أهلها لم يقبلوا تزويجه لشدة فقره ولم تقتنع بوجهة نظرهم وبقيت مصرة
على عدم اختيار غيره لأنه من الرجال الشجعان الذين لايهابون منازلة الأبطال في
ساحة المعركة ثم أنشدت هذه الأبيات التى جعلت أهلها يستجيبون لطلبها ويزوجونها من تحب

لعيون من قال لعـــــيونه
------------------ يجري اخلاف الرديات
هذاك يابوي مـــــا دونه
------------------ لو المواشي قــــــليلات
ليا درهم الجيش ينخونه
------------------ يـــوم الركايب حفيات

الشاعرة (عشبة الصليطية )

هذه أبيات من قصائد الشاعرة (عشبة الصليطية ) من عبدة من شمر طال عشقها
مع واحد من عربها أسمه (جوعان) ولها أقرب منه محيرها في سلومهم القديمة
ومما ذكرت فيه.:

سمي خلي بالقلوب الهبايـل
يلهم معاليق الضماير بلى حر

يالايمي ياعل مالـك رحايـل
عساك في وجه العديم أبوبندر

أهلاً هلا بك عد حي ذكر ميـت
أو عد مابان السفر والظلامـي

أو عد ماحجوا هل الهجن للبيت
أو عد ماهلت مـزون الغمامـي

عز الله اني بالمحبـة تقصيـت
حبك صبغ بالقلب صبغ الوشامي

ألف هلابك ياحبيبـي وحييـت
لولاك ما نش اللحم من عظامي

قصيدة شمالية

هافي الحشا ليش تظنونه
الله يـا الربـع يظنيكـم

اشوف انا الغيظ بعيونـه
العصر يوم اني اجيكـم

رصة سنوني على سنونه
تسوى سلفلكـم وتاليكـم

شاعر وشاعرة من شمر

يا حمود لا نشدوا عنـا
قل لـه ترانـا بتنـورة

ترى البحر قبلـة عنـا
بديار من تلعب الكوره

وقل لـه ترانـا تمدنـا
كـل يولـع بـدافـوره

فأجـابـتـه:

اشوف من راح ما ثنـا
يذكر ورا راس تنـورة

لا وا حسايـف تزينـا
ما اشوفهم كود بالصورة

خليف عند العرب غنـى
يلعب على كل غندورة

أتمنى أني وفقت في أختيار مايناسبكم

محبكم صفوق