قبل فترة كنت مار على واحد من الشباب يعتبر ملح الشلة دمه خفيف وراعي واجب طيب وقلبه أبيض بس وجهه أسود. المهم وأنا مار وأشوف واحد من بزارين حارتهم يركض حافي يسحب وراه عصا مربوط بحبل والحبل مربوط بشي يسحب وراه مدري وشو بس الغبرة تعجعج وراه والبزارين يلحقونه وين مالف , لف وراه عشرين بزر صغار وهو قدامهم كأنه مغناطيس وهم برادة حديد, لا وقف تجمعوا حوله ولاإنحاش لحقوه. يوم مر من عندي وأدقق باللي مربوط بالعصا وأستغرب , قسم ماصدقت عيوني طلع إللي مربوط بالحبل قطو ميت , ألعن أبو القلب إللي كذا ياشيخ أخبر واحد من الشباب دعس بسيارته قطو بالغلط وقعد فترة متروع وهذولا أطقع مايشوفون لا وحاطينها لعبة إللي يمسكه هو إللي ينحاش فيه. حتى من الفسقة واحد منهم مسك العصا ويلوح به فوق تشوف القطو يدور فوقه كأنه مروحه هيلوكبتر الظاهر لو إنه صابر شوي بعد كان أرتفع عن الأرض. أنا أشوف وماني بمصدق عيوني وأنا جالس أناظرهم سرحت بعيون القطو الميت المفتحة وأدقق فيها , وشوي شوي حسيت كأني على عيوني غشاوة والدنيا ظلمت وتهيأ لي إن عيون القطو لمعت فجأة, وجتني قشعريرة خوف ووقفت أطراف شعر جسمي ومع لحظة الرعب هذي حسيت بـ Déjà vu (كلمة إنجليزية أصلها فرنسي بمعنى موقف تشوفه وتحس بأنه مار عليك) واعتقد سببها عقلي الباطن عندما إسترجع ذكريات الماضي المرعبة بطفولتي عندما مريت في (حـارة العبيـد). تلكم الحارة التي سطرت فصل من فصول رواية الكوميديا السوداء الكويحة في حياتي, وهذا الموضوع لسبر أغوارها وغبر أسوارها (تغبيرة على السور) ونبش ذكريات حارة العبيد بكل عبقها وصنانها
حــارة العبــنــد
نشأت في حارة هادئة مسالمة حيث تربط الجيران أواصر الأخوة والمحبة أو هكذا أعتقدت كما بقية الأطفال في العالم لأن الأطفال ينشأون بمعزل عن هموم الكبار ومغيبين عن مشاكلهم , إن وجدت. ولهذا بدت لي حارتنا مثالية وكأنما المدينة الفاضلة لإفلاطون.
ومن المفارقات أنه وعلى بعد أمتار قليلة فقط من حارتنا تقبع حارة العبيد وهي على النقيض تماما فهذه الحارة المتاخمة لحارتنا تعج بجن الإنس والبشر فحيث نشأت ومن معطيات المجتمع عن العبيد إختزلت فكرة سوداء عن هؤلاء الفئة من السود وبدا لي إن السواد رمز لكل ماهو قبيح, كما خيل لي بأن حارة العبيد جحيم الدنيا وكأنها إمتداد لوادي سحيق من الكوميديا الإلهية لدانتي. كان يدفعني الفضول لمعرفة أكثر عن هذه الحارة ولكن بالطبع بدون المجازفة بالذهاب إلي هناك, ولكن من خلال سرد القصص المخيفة ممن ذهب لهناك وكتبت له النجاة للعود بدون أن يسال دمه أو تكسر سيارته , ومن أشهر هذه القصص قصة رجل إستقل سيارة الأجرة لحارة العبيد وهناك لمح قدم سائق التاكسي فإذا بها قدم حمار. وكان أكثر مايشبع فضولي لهذه الحارة المجهولة هو المنظار (الدربيل) فكثيرمن الأوقات أصعد للسطح وأختلس النظر , بدت لي حارة بعيدة عن حارتنا بكل ماتعنية الكلمة من بعد من حيث المكان والأشخاص والطقوس , أرى الناس كالنمل وكثير من الأحيان أرى أدخنة تتطاير وتجمعات متفرقة بحركة عشوائية سريعة مما يدل على وجود شجار .وكل هذا يرسخ إعتقادي بأن حارة العبيد فعلا جحيم الدنيا.
وإبتدا المشواااار ..الأسـود
بدا فصل الرعب عنما أرادت أمي بعض من أرغفة الخبر للعشاء من ذلكم المخبر المتهالك القابع في أطراف حارة العبيد, والكل يعلم أن آخر من يذهب لهذه الحارة أنا وخصوصا في هذا الوقت من الليل , ولكن لعدم وجود أخي فلامناص من الذهاب. وكان السبب الرئيس لذهابي هو وجود بنت جيرانا ريم عندنا ولكي تضعني إمي بين خيارين أحلاهما مر. سألتني أمام ريم: ليه ماتروح خايف؟ على مرأي ومسمع من ريم , فأنكرت وتجرأت للمجازفة للذهاب إلي حارة العبيــد. دخلت حارة العبيد حارة قديمة شوارعة رميلة مافيها إضاءة ظلام دامس وأصوات صراصير الليل.. وأنا أرتعد من الخوف طقطقة سنوني كأنها طق بردي على سقف شينكو مكتف يديني بقوة وأنا أمشي و أتلفت يمين يساروطاقتني إم الركب كل شوي ركبي تصفق بعض حتى ماقدرت إمشي سيده أترنح أثر مشيتي كأنه جرة (أثر) حية أم جنيب. ومن شدة الخوف أمشي مباري الساس و تسحكت جنوبي من الجدران وعدادات الكهرب بعد كم متر لقيت لاصقن بجنبي فاتورة كهرب. مايفكني من الجدار إلا إذا فيه برميل زبالة أتجاوزه وأسقط عليه بسرعة ألصق بالجدار. وأنا أمشي كأني حسيت بأحد يمشي وراي بس مدري هو صحيح وإلا يتهيأ لي علشاني خايف.. بس ماقدرت ألتفت خايف يطلع صحيح فأكون شاك أحسن من إني أتاكـد و أحس إن الصوت إللي وراي كأنه يقرب لي. وجمدت مكاني وأتعوذ من إبليس وأقرا المعوذات وآيه الكرسي وسارعي للمجد والعليا يمكن يكون جني سعودي ويهون , يعنني سعودي زيك, ..بس ماش إحس الصوت كل ماله يقرب ,وأنا سامعن إن الجنون تخاف من الذياب قلت خلني اعوي وأتنحنح وأشفط هواء بقول بصوت قوي عووووو, بس ماش مع الخوف ماطلع معي إلا ءآو آو كاني كلب مضروب يتنهوص لوني قايل ميميووووو اصرف. وأنا لاصق بالجدارعند برميل الزبالة وإلتفت بشويش وماشفت شي وراي بس لاهالحين ما تأكدت إذا فيه شي وراي وإلا لا.. لأني يوم إلتفت وراي من الخوف كنت مغمض. وهالمرة قلت بالتفت وأنا , وإلتفت وأنا مفتح نص عيوني بس, علشان إذا شفت شي يخوف ماأشوفه كله وأتروع واجد, .والحمدلله ماطلع شي وراي ماأمداني ألف راسي قدام إلا بذاك إلجني الأسود نقز بوجهي وصوت بخخخخخخخخخ وأنصرع من الخوف وغشيت وأطيح مغمى علي. طلعت قطوة سودا لا بارك الله فيها نقزرت بوجهي من برميل الزبالة وأنا لاهالحين مغمى علي. يوم صحيت وأناظر ساعتي أم آلة حاسبة وأشوف إن صار لي عشر دقايق وأنا مغمى علي. وتعوذ من إبليس وأكمل مشي وقبل ماأمر على أي برميل زبالة أحذفه بحصاة من بعيد علشان إذا فيه قطوة تطلع.يوم حذفت واحد من البراميل وطلع صوت طنننننن وأسمع صوت من بعيد يصارخ علي ويهاوش وإلتفت وأشوف نار حولها جنون الظاهر عبدة الشيطان جاين يركضون ولاشعوريا أحذف نعولي وأركض وهم وراي.
طلعوا شلة عبيد شابين لهم نار, يتحرشون يقولون إني أحذف حصى وأكسر لمباتهم وأنا عاضن ثوبي حاطن رجلي وكراعيني تدابك من الخوف وأنا أركض أحس أصابع رجلي تصك جبهتي وعرقوب رجلي الثانية يصفق بعلباي. وأي لفة بالشارع أدخل فيها باضيعهم وهم وراي ويحذفوني بالحصى والنعول وواحد منهم صكني بحصاة براسي ونعلة جت بظهري وأسمع ألعن كلمة تسمعها بحياتك وإنت خايف منحاش أسمع واحد منهم يقول حده حده وينفضخ قلبي . وأدخل بممر ضيق داعوس واندعس فيه الظاهر علشان كذا سموه داعوس, وأشوي ماعاد شفتهم وأسمعهم يقولون وينه وينه وإللي يقول هات السكين وهات العجرة وتضيع علومي وأكمل ركض وأشوف لي جدار حول أرض فاضية فيه فتحة وأدخل فيه وأسمعهم يدورني ومالقوني وأرتاااااااح وأتكي راسي على الجدار بأريح شوي من دخلت حارة العبيد هذى المرة الوحيدة إللي إحس إني فيها بأمان, مكان معزول بجدار .
وقررت إني بعد ماأرتاح باالمكان هذا بارجع لبيتنا... بلاخبز بلا هم يموتون أهلي جوع أحسن من إني أموت خوف, مأمداني آخذ نفسي وأتعفى وتوني قايل أفـَيــــــــه وأسمع صوت شايب أجش في الظلام أسمعه وماأشوفه يقول للي معه لفينا المقبرة كلها مالقينا بوكك. وتجيني النفاضة وأرتعد مكاني أجل أنا بمقببرة؟ وألعن الساعة إللي دخلت فيها حارة العبيد. وأركض باطلع من المقبرة وأنا أركض كل شوي داعس على قبر ومرة نصاب القبر شاقن رجلي وأحس رجلي كلها دم بس من الخوف بطلع أحس الأشباح كلها تلحقني وأنا أركض وأطيح في حفرة قبرفاضية وأموت من الخوف وأصارخ وشوي إلا أحس جني طاح فوقي وماعاد أحس بشي مدري أغمى علي وإلا مت من الخوف. بعد فترة طويلة كأنني صحصحت شوي وأفتح عيوني بشويش وأنا مانيب بوعيي أول ما فتحت عيوني وأشوف جنية سودا وشعرها أحمر وشايب منسدح جنبي أشكالهم تخوف وحولي جنون صغار كششهم طايرة قلت بس هبطوا بي أهل الأرض. ويغمى علي مرة نكس (مرة ثانية) .
وأحس بموية ترش على وجهي وأرمز (أفز) وصوت حرمة تصحيني تقول إسم الله عليك قم قم ياوليدي وقمت وطلعت الجنية ماهيب جنية , طلعت إنسية عجوزسودا وشعرها الأحمر محنيته وطالعه كم شعره فوق الإذن من ورى الشيله كأنه زعفران أبوشيبه, حولها بزارينهم العبيد , وصحيت وقالت لي العجوز وش سويت بشويبنا (تصغير شايب) وهي تضحك . طلع الشايب معه ولده بالمقبرة عقب العزا يدورون بوك الولد وسمعوا صوتي وأنا أركض وخاف الشايب وإنحاش مثلي ويوم طحت بالقبر طاح معي ويوم حس فيني يحسبني جني تروع مني وأنا تروعت منه وإغمي علينا إثنينا , بس أنا صحيت قبله وهو لاهالحين روعته مطولة طلعت أنا أشوى منه, وحسيت إني أقوى من هالشايب الكمخة,إذا شايب عبد وش كبره يخاف مني . و إنتفخ راسي يوم صحى الشويب وألتفت عليه وأقوله بـووووو ويشهق ويطقع ويغمى عليه مرة ثاينة ,والله وصرت أخـوف المهم بعدما صحصح الشايب الخواف(وش عنده القوي , أصلا صار لي ساعة بحارة العبيد الوقت إللي صاحي فيه خمس دقائق والباقي كله مغمى علي من الروعة) بعد ماصحيت توني أستوعب إني مامعي لافلوس الخبز ولانعول. ماقصروا هدوا من روعي وغسلوا وجهي وعطوني عصير سنتوب و شروا لي خبز أوديه لأهلي وعطوني نعول ولدهم حتى وصلوني لبيتنا .
بعد هالموقف ما تغيرت نظرتي عن العبيد بس على الأقل دريت إن فئة فليلة منهم طيبين مهوب زي ماكنت أعتقد كلهم سيئين, بس بحكم تراكمات النشأة في بيئة إقصائية أحادية التفكير, أعتقدت إنهم مازالوا جنون الإنس , وكانت هالأفكار معششة براسي , قبل أحسبهم كلهم مجرمين سراقين راعين هواش بس تغيرت نظرتي عنهم شوي بس . أصلا قبل أحسبهم كلهم شجعان مايخافون بس بعد موقف الشايب غسلتي يدي منهم بعضهم ودريت إن فيهم كمخ زينا .
جاكم الأسـود ..ماشي يعيقه
في أول أسبوع في الدراسة غبت, بس تحسفت كثر شعر راسي لأني يوم جيت للفصل كل الأماكن محجوزة إلا مكان واحد بس جنب واحد عبد إسمه مرزوق وأضطريت إني أجلس جنبه وكنت خايف منه وخصوصا بعد ماعرفت إنه ساكن بحارة العبيد..
بعد كذا صار الولد ينكت وكان فيه ميزة تقليد المدرسين يقلدهم بالخمس دقايق بين الحصص وطلع حبوب ودمه عسل. حتى مره من كان مدرسنا غايب وجابوا لنا مدرس ثاني وكان كل الفصل يشاغب عصب المدرس وقال أنا أعلمكم الأدب حاكتب أساميكم وأعطيها المديروبما إنه جديد علينا ومايعرفنا وأول واحد يوقفه مرزوق وقاله إسمك إيه يا لاه...قال مرزوق إسمي ماجد عبدالله , وكتب إسمه وفطسنا ضحك عاد بعدها جلسنا نستهبل عليه , لامصدق ويقول له إن ماخليتك تندم يا ماجد ياعبدالله وإنت إسمك إيه : صالح النعيمه , صالح مين ياخويا دا إنتا طالح , وإنتا راخر (الآخر بالمصري) يكلمني , أنا إسمي شايع النفيسه, حاضر ياسي شايع ح وريك, كنت واقف وقال لي إترزع , ويؤشر على واحد ثاني : وإنت ماشاء الله إسمك : سعد الفرج, إللي بعده: مريم الصالح . الشباب ورى يضحكون ويقولون له ياخذ وجهك لاتفضحنا عطه إسم رجال إسمي غانم الصالح, ويجيب المدير لفصلنا معه خيزرانة ويقول دول مش متربين بيحدفوني بالطبشور ويطبلوا على التخته ,وخصوصا ماجد عبدالله دا أشغب واحد عندي بعديه شايع النفيسه, والمدير يناظره مستغرب, وغانم الصالح عمال بييتكلم ويرغي مع سعد الفرق ومش معبريني وغالب كامل بيلعب أو وإكس مع سلمان العيسى , والواد أحمد زكي يماني هو والمفعوص جميل سمان بيضربوا عبادي الهزلول ..... المدير ضحك على المدرس وياخذ الورقة منه جلس يقراها ويضحك بالأخير وهو يقرا فطس من الضحك ويقول أموت واعرف بس مين فيكم عبدالعزيز النمش أم عليوي. الحركة هذي دخلت مرزوق تاريخ الصرقعة من أوسع أبوابه , وصار مشهور مرة لارحت لمناسبات بعيدة وأسمع السالفة من كذا واحد وأقولهم ترى إللي مألفها يجلس جنبي. طقيت صحبة من مرزوق إللي لقبوه الشباب العسل الأسود لانه فعلا دمه خفيف ولونه أسود بعد , وكنت أناوياه على طول مع بعض بالفصل بالفسحة حتى بفريق المدرسة , وفي يوم قال عندنا مباراة مهمة في حارتهم حارة العبيد. وكان من سابع المستحيلات أروح لهم, وبالأخير أقتنعت بعد ماقالي إني بروح هناك على مسؤوليته ماوافقت إلا بعدما عرفت إن طلال أبوعرادة أقوي واحد بحارة العبيد ولد عمه. رحت لهم من بدري علشان يأذن المغرب بدري قبل الظلام, دايما تخلص المبارة على أذان المغرب وأحسب الإمام يتفرج من فوق المنارة ولاخلصنا أذن. بس الفريق الثاني توه ماجا وخذاني مرزوق لبيتهم وجلست في المجلس قال لا إدخل داخل عادي وألقى إمه وأهله ماتغطوا عني كنت بزر , عاد مدري دخلني لأني كنت بزر وإلا علشان العبيد مايجي منهم فتنة بس إللي عرفته إنهم كانوا يعتبروني زي ولدهم وأنا بعد إعتبرتهم زي أهلي . عكس جارنا إللي كان حتى ولد أخوه البزر مايخليه يدخل إلا المجلس.
لما شفنا إن الفريق الثاني ماجا فرقنا بيننا ولعبنا وكنا ناقصين واحد وأسمع الكابتن سعد يقوله لواحد من الفريق رح ناد أختك مـي, ويروح وينادي أخته أول ماراح وأقعد أمسح قذلتي بكشخ . وتجي أخته ... العن إبليسها أرجل مني... حافيه والرجلين شهب وقريناتها (جديلتها) كأنه سلك تلفون ملتف زي ذيل العقرب. أول مادخلت الملعب وترفع ثوبها وتربطه زي العيال, بنت الذينا لابسه زينا سروال طويل أبيض لا ومن زين الطبايع مشقوق مع الركبة. وتأشر علي وتسأل هالابيض هذا من معه , قالوا معنا قالت أشوي, عاد قبل ماتجي كنت أمسح قذلتي بكشخ يوم شفتها كذا وأنزل ثوبي على سيقاني أتستر خفت أغريها.
الحـب العبــدي
بعد فترة كل شوي مـي تحاول تحتك فيني. مرة من المرات وبعد ماخذت رجلي على حارة العبيد وصرت خلاص ماخاف من الحارة بس أمشي قبل مايظلم الوقت (باقي هواجيس الروعة) و كل ماجيت تلاعبني مي معها ومع صديقاتها الظاهر تكشخ فيني عليهم لاني أبيضهم , مع إني في حارتنا أسودهم . إنبسطت ينادوني الأبيض وبحارتنا يسموني أسود علبا, ومرة كنا لحالنا قالت لي وش رايك نروح لمكان رومانسي, قلت لا توني ماكل مارس ( أحسب رومانسي زي السوبرماركت) وتاخذني لطعس بآخر الحارة يطل على حوش غنم أبومفرح. قلت وش رايك بهالمنظر الرومانسي , قلت والله حرام يكسر الخاطر أحسبها تقصد تيس أبومفرح إللي ناشبن براسه قوطي نيدو. وتصكني كف على علباي طراااااخ. قالت إنت ولامتى بتصير آدمي وبتفهم, بعدين إعتذرت مني وقال آسفه و طلعت من مخباها كيسين ليبتون وعطتني وواحد وخذت واحد. وأنا مدري وش أسوي. قلت وش ذا. قالت سو فيه كذا وتحطه بفمها تعلكه وعلامة ليبتون الصفرا تدودل مع شدقها , وشدق يسيل منه سعابيل بالشاهي لين يوصل رقبتها. وقالت لي وش رايك فيني قلت: ماشاء الله عليك أحسك طيبة وحليلة وتشترين لي كلش من البقالة عصير سنتوب وعلك أبوعسل, قالت إنت ماتفهم قصدي غير قلت :غيره أبيك تشترين لي كاوكاو أبو ملعقة إللي نصه أبيض وأسود الأبيض لي والأسود لك. قالت مافهمتني اقصدي وش رايك فيني : قلت ماشاءالله أحسك قريبه مني مرة مرة إنتى أكثر وحده ألعب معها وأسولف معها, قالت يعني وش تعتبرني بالنسبة لك: قلت قسم كانك واحد من الشباب. وتصفقني كف على علباي طراااااخ....وتقول وهي معصبة وإنت لامتى تتغلى يعنى ماتفهم إنت ثور, قلت :إلا فاهم, وأنا مدري وش تتكلم عنه بس علشان مايجيني كف على علباي, قالت: إذا إنت فاهم طيب ليه جافيني ..قلت وشو إللي جاء فيك . . . . . طررررررراااااااخ ومع السوالف قالت لي نكتة وضحكت عليها. وقالت لي وش رايك بالنكتة , قلت حلوة. قالت: يعنى خلاص موافق تتزوجني. قلت يلا قدام, وأغمض عيوني وأحط إصبعي في إذنها قالت وش إنت قاعدن تسوي. قلت : إششششش جالس إتزوجك, , وهي ضحكت علي وأنا كنت من جدي كذا علمونا أهلنا البزران يصرفونهم بهالمواضيع باي شي, عكس عيال العبيد يعرفون كلش وهم صغار . بعد كذا, قالت لي وهي متضايقة أنا خايفه يطلعون عيالنا سود زيي مهوب بيض زيك. قلت أنا خايف طلعون مخططين زي حمار الوحش. قالت تصدق ودي نجيب درزن عيال ست بنات بيض وستة عيال سود , تخيل نمشي أنا وياك كأننا ملك وملكه السود قدامي والبيض قدامك , قلت ليه بنلعب شطرنج , زعلت وعلى طول أبعد عنها علشان مايجيني الكف , يوم أخطت علباي أشرت بيدها كش عليك, قلت لها : كش ملك. ومع السوالف عن الزواج والعيال وألوانهم قالت لي تصدق إننا يالسود أول مانولد نكون أفتح بس لاكبرنا مع اللعب والطلعة بالشارع نغمق يعني لو تلاحظ أكبر أخواني هو أسود واحد فينا وأبيض واحد أصغرنا وقامت تحلل وتهذر علي وأنا مانيب يمها, وناظرتني وقاالت إنت هيــــــــــه أنا جالسة ساعة أتكلم وإنت ولاكأنك معي إنت فاهم وش قاعدة أنا أشرح لك وإلا تومي براسك كأنك هدهد , من الخوف قلت إيه فااهم, إنكبت يوم قالت لي إشرح لي, قلت إللي فهمته منك إنكم يالعبيد كل ماكبرتوا غمقتوا , قالت طيب تقدر تقولي ليه أخوي الصغير أصلا لونه فاتح....قلت لأنه صغير توه ما خدر.....
يـتبــــع . . . قلت إللي فهمته منك إنكم يالعبيد كل ماكبرتوا غمقتوا , قالت طيب تقدر تقولي ليه أخوي الصغير أصلا لونه فاتح....قلت لأنه صغير توه ما خدر.....
زووووووو دش, هالمرة ماصكتني كف على علباي طلعت الكيس اللبتون من فمها وصكته بجبهتي ولصقت و علامة اللبتون الصفرا تدودل بين عيوني كأنه بندول ساعة الظاهر لو صابر شوي كان نمت مغناطسي, أنــواع الـعبيـــد من خبرتي بحارة العبيد عرفت إن العبيـد مايجون لون واحد, لا يجون درجات يجي منهم غامق وفاتح ونص نص على حسب درجة سواد الأب والأم ....تباين درجات الألوان عندهم زي تباين الشاشة , ناظروا بشاشتكم من تحت مافيه زر تباين وعلامة - و+ زر يبيض الشاشة وزر يسودها, هم زي كذا الزائد مثلا الأبو يفتح اللون والأسود من الأم تغمقه. زي البلاك كوفي وكم نقطة حليب يضيف عليها, الابو كلما كثرت الحليب الأبيض خف اللون. يعنى أبيض العبيد (الأصفر) يعتبر زي الكوفي لاتيـه. بس يا إني إستفدت من هالمعلومة ,لأن العبيد شخصياتهم تحددها ألوانهم , فالعبيد يجون كذا نوع: البيدجاني: (خالد مسعد)
أسود قح, في معيار التباين درجة اللون الأبيض عنده صفر الشاشة والخشة سودا. من شدة سواده فيه لمعة يتلاصف يعطي لون أسود بلمعة بنفسجية زي البيدجان لأن بشرتة مقاومة للأشعة فوق البنفسجية وتعكسها.وإذا معرق يعطي بعضا من ألوان قوس قزح والسبب إن حبات العرق على وجهة تعكس أشعة الشمس زي لما تشوف بقعة زيت على إسفلت أسود تشوف إنعكاس لقوس قزح. أصله من أفريقيا نحيف طويل وراسه صغير كأنك ماخذ زيتونة وغازها بشباصة. البراطم بنية غامقة مسطحة كأنك صاكها بمقلاه, يكثر في جدة شخصيته: طيب القلب ,عاطفي إنفعالي, عصبي يطنقر بسرعة مع ظهور زبد على شدوقة, بس يرضى بسرعة لطيبة قلبه., رياضي ممشوق القوام معضل سبوق يصلح للماراثون الكويحـاوي (سعد الخضر, ماجد عبدالله)
إسود مطفي (بدون لمعة) إذا فيه لمعة تراها مصطنعة لأن متدهن بفازلين, عريض الوجه مفلطح الخشم من وسع فتحة خشمه لو وطليت بخشمه تشوف نور بعيد من فتحتين صغااررر, هذي فتحات إذانيه, البراطم لونها فاتح العيون فيه صفار من فوق نوعية كثير يكون متين , ويعجبك لارقص تشوف جسمه يترجرج.
شخصيته: طيب مرررة , كريم راعي فزعات , راعي سامري وزار عليه دق رقبة , مزوح بس إحتياطا لاتمزح معه أنبريدكتبل, ماتدري متى يعصب عليك حتى وهو يمزح معك يعني ممكن يقولك نكتة وتضحك عليها وتقول له كفك يالعبد تتفاجأ إنك صكك كف على وجهك إنتبه تقوله له يالعبد يطنقر عليك لو إنك إخوه و يطلع دخان من خشمه (تنين) , تعرف علي إثنين من هالنوعية خلهم إحتياط للهوشات,
التلقيماوي (بشير غنيم)
لونه كأنك حاط بيالة مليانة شاي تلقيمة بإبريق صغير (عاقد) , أفتح من الكويحاوي , .يسمى بعض المرات برطماوي أكبر مافيه براطمه لاعطس تجلس براطمه فترة وهي تصافق, سنونه بيضاااااء
شخصيته: قلبه طيب مرة , سنع وشغيل , دمه خفيف وراعي مقالب يحب الضحك وراعي لطرب مشهور بهز الكتوف مايزعل, يصلح للسفر ,بس ذروق وفي الهوشات ماينفع بسبع المذاهب. إذا شلتك مافيها واحد زيه إعتبرها ماصخه الكابتشيناوي (راشد الفارس)
هذا نسخة مطورة من التلقيماوي يجي كامل المواصفات فل أوبشن, كشيخ وعليه عطرات رهيبة ليبتوناوي (زي التلقيماوي بس توه ماخدر)
لونه فاتح مرررة كأنك حاط كيس ليبتون واحد بس, حتى ينكر إنه عبد متبري من العبيد حتى لاشاف واحد أسود يقول له عبد يحسب نفسه فرنسي , صعب تعرف إنه عبد بس إذا بتعرف دقق في شعر يده, تلقى الشعرة ملتوية زي علامة الإستفهام
شخصيته: قلبه طيب , بس نفيسا وزعول, بس مايحقد , إذا زعل عليك لاتذكره وينسى طلبية خاصة:
يجي بعدة ألوان على حسب مزيج الأبيض والأسود , ويجي منه نوع كاروهات شد بلاده, الأننواع هذي لاتوجد بكثرة, ماتجي إلا طلبية خاصة أو عروض ترويجية العيون زينون أو عيونه ناقزة عينه كأنها فنجال مقلوب وعليه زيتونة, وخشمة يجي كأنه فرس النهار تحت الماء وأذانيه صغار, يتميز بقدارت عجيبة يقدر يقلب جفونه ويقدر يحرك إذنه والنوع كامل المواصفات فل أوبشن يقدر يحك خشمه بإذنه أو العكس.
شخصيته: يتمتع بطيبة القلب , وخفة الروح ويحب يساعد الناس. يتضح مما سبق من أنواع العبيد إن عندهم صفة مشتركة ألا وهي طيبة القلب, كما يشتركون بخفة الدم والروح المرحة , عيبهم العصبية الزائدة وعدم التحكم بالإعصاب بس طيب قلبهم تخليهم يتراجعون عن أخطاءهم سريعا. ينصح بالإستعمال الخارجي فقط ثلاث مرات باليوم أم العبيـد . في حارة العبيد في حزة الغدا بزارين العبيد يصيرون توصيل طلبات لأمهاتهم مطاريش واحد ترسله أمه يودي لجيرانهم طماط ويجيب لها بطاطس, وواحد يودي خيار ويرجع قواطي صلصلة, وبعضهم يودي حافظة أكل ويرجع معه صحن فاضي مايعترفون بالبقالات الظاهر لاهالحين يستخدمون المقايضة , وبعضهم يودي ملح ويرجع بملح البلا مدري من الولد وإلا من أمه, ماشاء الله عليهم مترابطين في حارتهم كأنهم أهل بيت واحد و حريمهم سنعات أ, برك من بعض رجالهم, والحرمة منهم عن عشر رجال, فيه وحدة أهلها على قد حالهم, تطلقت ومعها ثلاث بنات وولد , ماراحت سكنت مع أهلها وكلفت عليهم , ماشاء الله عليها دبرت عمرها باعت ذهبها وشرت لها مكينة خياطة , وبعض المرات تشتري من سوبرماركت بعيد بسعر الجملة وفاتحت لها بقالة صغيرة وشوي شوي لين مالله يسر عليها, مو مثل بعض الحريم إللي لاغاب زوجها كم يوم قالت ودني لأهلي ماتعرف تسنع بيتها, وبعضهم يطالبون بالمساواة وماتعرف تصرف عمرها حتى ماتعرف تسدد فاتوة الجوال من الصراف. ماتعرف تدبر أمورها إلا برجال , وإلا يطالبن بقيادة المرأة وهم مايعرفن يسوقن, يعنى إذا كنت مؤيدة لقيادة المرأة تعلمي السواقة من الحين, وطالبي. وإذا كنت رافضة لاتتعلمين ماحدن غاصبك, , هم عادي لاغاب رجالهم مصرفين عمارهم , أغراض البيت والسوق والعيال ومستلزماتهم كلها مقضية. بالعكس بعض رجالهم سبب نكستهم , في حالات نادرة تلقى بعض العبيد قاسين مرة على عيالهم وعايلتهم , مشكلتهم الطنقرة والعناد, بس لو كل أحد منهم إستهدى بالله كان ضبطتهم علاقاتهم. أما في حزة العصر وضع الحريم في حارة العبيد غير كل وحدة مشتطة ما تقر في بيتهاا كلهن يسيرن على بعض يمشن بسرعة بيلحقن على السوالف هذي رايحة وهذي جاية من كثرهن يمشن بطابور رايح وطابور جاي علشان مايتصادمن ولاتقابلن بالطريق يسولفن على السريع هاه القهوة من عنده اليوم, وكل وحدة تومي بيدينها على السريع يعلمن بعض بالعزايم والقهاوي ويكملن مشي زي خط النمل إللي يمشي بسرعة ولاقابلت نملة ثانية تلامسوا بالقرون يعلمون بعض بمكان الدبق والحلا, وكملوا مشي, الظاهر لو أروح للخط إللي يمشن عليه الحريم وأمسحه بيدي يضيعن الطريق وكل وحدة تدخل بيت ماتعرفه, من السرعة عباة الوحدة وراها تهفنف كأنها باتمان طايرات جعلهن الطيرة , حتى لو مافيه بالحارة إلا حرمتين كل وحدة تخلي بيتها وتروح للثانية وتجلس لحالها عن قولة ماسيرت
ووقت الزيارات تلقى الوحدة تمشي ومعها شلقة بزارين ماشاء الله عليهم ياكثربزارينهم , أشك إنهم زينا يولدون على تسع شهور, أعتقد يتكاثرون بالتبرعم, يطلع ثالول وبعدين يكبر وهو لاصقن فيها ولاإكتمل نموه نزل على طول يركض, الوحدة منهم وهي ماشية تشيل معه ثلاث بزراين عادي غير سلة الشاي والقهوة , مادري كيف, بس مرة شفت بالتلفزيون عن أطفال أفريقيا وبطونهم وسر الواحد منهم بارز ومنتفخ عكسنا, تعرفون الفواكه البلاستيكة إللي تلصق على الثلاجة فيها من ورى مغناطيس أسود مدور,سرهم زي كذا, الظاهرهذا إللي يخلي الواحد منهم يلصق بأمه إللي من كبرها كأنها ثلاجة, يعنى لاتستغرب إذا شفت وحدة عبدة شايلتن لها ثلاث بزارين بدون ماتمسكهم ومايمسكونها السر يكمن في السر.لا وبعد لو ترفع طرف ثوبها تلقى بزرين نايمين مادرت عنهم.
ثور الله في برسيمه فيه وحدة عبيدة ,صار لي كم سنة ألعب العصر بحارة العبيد وأشوفها كل يوم تروح تسير ومعها بزرين وحامل بعد , الغريب مهوب إنها تسير كل يوم الغريب إن صار لي كم سنة ماشوفها إلا وهي حامل هالبقرة, مسيكينة شكلها متزوجة ثور مدهر, إستغربت وش هالبزارين إللي مايكبرون والولد إللي عيا ينولد, بس البزارين تتغير أشكالهم عاد من دلاختي إستنجت كذا لما تولد إللي في بطنها تاخذ الكبيروتدخله بطنها مرة ثانية وهذا إللي يخليها على طول حامل ومعها بزرين , مااشاء الله محافظة على البيـئـة تستخدم التدوير ,recycleالظاهر هالبقرة تجتر من فوق ومن تحت, سألت عنها وطلعت تقرب لواحد من الفريق وطلعت حالتهم كسيفة ومساكين فقراء وعندهم كم عنز بس, والله قهرني إن الثور كل شوي جايب له عجل من هالبقرة, مايعترفون بتحديد النسل, قلت لازم أنصحه وأقابله في البقالة كأني مقابلة بالصدفة وأنا صار لي ساعة أنتظره وسولفنا وبطريقة غير مباشرة عن حرب العراق وإيران ودخلت أمريكا بالموضوع وبعدين حولت الموضوع كيف الأجانب مايجيبون إلا ولدين علشان يهتمون فيهم وبتعليمهم عكس هنا الواحد يجيب درزن عيال (وأنا بقلبي أقول مهوب درزن عيال إلا قطيع عجول مادام هالثور أبوهم) ومايدري عنهم وهذا من أسباب إلإنحراف , ألمح له عن تحديد النسل وقلت له كيف إن تحديد النسل يخليك تهتم بتعليم عيالك لأعلى المستويات علشان يساهمون في تطور الأسرة والحارة (حارة العبيد) والمجتمع, إللي ريحني إنه فعلا بدا متأثر بكلامي بس عاد مدري بيطبقه وإلا لا.
بعد كم شهر كانت عندنا مباراة في حارة العبيد وألمح زوجته مرة قدام الملعب معها بزرين وعنز موديتها لأهلها, يوم مرت قدامي وأدقق فيها وأول مرة أشوفها ماهي بحامل وأفرح لها كاسرتن خاطري أول مرة يريحها هالثور بس يوم إلتفت على العنز وألقاها مضرع
عرس العبيد بعد ماصرت خلاص من رواد حارة العبيد عزمني كابتن الفريق سعد لحضور حفل زفاف أخوه بدر, وقبل العرس بكم يوم حطوا على بيتهم لمبات زينة دار مادار, وأهل الحارة ماشاء الله عليهم ماقصروا ماخلوا أهل المعرس محتاجين شي, كل عائلة جمعت إللي عندها من زوالي ومواعين قدور وصحون ودلال وأباريق وبيالات وفناجيل وترامس مويه وأرسلوها لهم وأشوف كل صحن مكتوب عليه من ورى إسم العائلة بمناكير علشان ماتضيع أغراضهم, الصحون من ورى مكتوب عليها البخيت , البلال, السرور, الشريدة, الفرج, الجويهر,أو واسمينه بعلامة فارقة, بصراحة ماشفت تلاحم بحارة زي كذا الرسول ص وصى بسابع جارة وهم حارة كاملة كلهم يعرفون بعض ومتوصين ببعض , يعنى لاسمح الله لابغوا المستشفى في حالة طارئة مايروحون يدورون وين أبوهم وإلا أخوهم أطلع بالشارع وأي واحد يوديك الله لايفرقهم, في يوم العرس الرجال فارشين لهم في براحة ورى المسجد فيها خيمة كبيرة وبالنص لمبات وعلى طرف شابين ضو للقهوجي وعنده سحارة دلاله ومعاميله, ووراه شوي خيمة الطباخ وقدامه نار عليها قدر الذبائح والصحون, وبعيد عنه كومة بقايا الذبايح من جلود وكروش يغوغش عليها الذبان وعندها عمود فيه شنكار للذبائح وورى خميةالطباخ فيه شبك للغنم وقدامة بعير بارك جايبه عم المعرس لهم,
...والعيال الصغار هم إللي يباشرون المعازيم يعطونهم القدوع والقهوة, وتهاوشون مين يقهوي الضيوف حتى فيه بزر من زود الحماس ماسك له دله أثفل منه وعلشان يتوازن تشوف جسمه متصاغي (مائل) , وكل واحد منهم يسوي له شغله وإثنين يتهاوشون عل البيز بعد العشا بدوا يسخنون الطيران والطبول أول شي عرضة وكلن خذا سيفه وتشوفهم يعرضون كلهم شيبان وبزارين وبعضهم يمسكون يدين بعض .. صراحة قمة التلاحم وهم مشغولين بالعرس كنت أنا متكي على مركي وجالس أفكر هذي معقولة حارة العبيد إللي كنت طول عمري خايف منها ...من المجرم إللي زرع الفكرة السيئة عنهم... وبديت أفتح عيوني وأعيد حساباتي وأفكر في كل المعطيات إلتي تلقتنها من المجتمع بدون تفكير وخذيتها بدون فلترة سواء عن حارة العبيد أو عادات أو معتقدات إجتماعية صارت عندنا مقدسة مع ما أنزل الله بها من سلطان ...إكتشفت إن حارتنا ماهي أفضل حارة ومدينتنا ماهي أجمل مدينة ومجتمعنا ماهو أفضل مجتمع , مومعنى هذا إننا سيئين بس المشكلة كانت عندنا منذ الصغر عقدة إننا أحسن ناس وإزدراء الآخرين لنثبت أننا الأفضل سواء أفضل دولة أو منطقة أومجتمع أوحارة أو عائلة أو حتى على مستوى الأفراد مفروض نحس إننا مختلفين ونتقبل إختلافنا ومومعناه إن أحد أحسن من أحد. (وجعلناكم شعوبا وقبائل لتعارفوا) كانوا الناس مشغولين بالعرس وأنا مشغول بافكأري تجلت لي الصورة السوداء ناصعة البياض وهذا يكون فقط لما يكون عندك نظر ثاقب وتحكم على الأشياء بمنظورها الصحيح مهو على حسب ماأمليت عليك وبحكم معاشرتي لحارة العبيد إستطعت إن أستشف بياض معدنهم إللي تخفيه سود سحنتهم.
الحوهرة السوداء وقطع حبل أفكاري سلمان أخو مي الصغير ويجي جنبي ويقاصيني بإذني تقول مي تعال تبغاك عند باب الحريم وش تبغى هذي بعد كل يوم طالعت لي بسالفة قبل العرستقول سلفني كبك ثوبك أعجبها وبتعلقه بآذانيها, وأروح يوم أقبلت وأشوفها مغطية وجهها ولابسة فستان فسفوري عاري منفوش, وقصير سيقانها كأنها أصابع تويكس. وتقولي وهي مغطية وجهها عندي لك مفاجأة.قلت وش المفاجأة وتفتح وجهها, قلت الللللللللللللله بلعب معكم, قالت مستغربة وش تلعب: قلت لعبة إلي تقطون نص ريال بطحين وتطلعونه بسنونكم وجهها كله طحين , ناظرتني وهي معصبة وحسيت إني قلت شي غلط ..قلت أجل وش المفاجأة,,,قالت وش شايف قدامك...وش أشوف الله يديم النعمة وجه ملطخ بودرة وروج والشعر كأنها حاطه قنفذ فوق راسها... قلت يمدحون الجمال الطبيعي علشان ماجرح شعورها. المهم قالت تبغى تفرج على الحريم وهم يرقصون قالت لا أستحى وأنا أوايق مع الباب ماشفت شي ثيابتهم فسفورية وزي أجهروا عيوني, قالت تعال هنا وتدخلني مع المقلط وتجيب كم عبده صديقاتها وتقول هذا إللي قلت لكم عنه. أول مرة أشوف عبدات كذا أحسب العبدات كلهن شيون طلع فيهم حلوات وهذا كان آخر شي كنت أتوقعه جايز أ غير فكرتي عن العبيد وطباعهم بس ماتوقعت بغير فكرتي عن العبدات بعد , أناظر البنات كلهم رقة وأنوثة وكاشخات للعرس بعد وفيهم بوهة وحدة كأنها فينيسيا ويليامز والثانية زي جيسكا ألبا. إلتفت لمـي وأنا مانيب مصدق وأسألها: صديقاتك عبدات؟؟؟ ردت علي وحدة منهم عبدات بعينك ياللي ماتستحي ترى فيه شباب سود أحلى وأملح منك ما كل أسود شين ولاكل أبيض حلو. والثانية ساكتة .ناظرتني من فوق لتحت وقالت لمي : صراحة ماعندك ذوق ومشت. حتى الشكل للي أعتبرها من المسلمات إن كل البيض أحلى من السود تغيرت فكرتي عنه,
المنظـار الأسـود
مقاسات وبعد الصورة في المرآ غير حقيقة Objects in the mirror are FURTHER than they appear رجعت للبيت وأنا أهوجس حالي منقلب مية وثمانين درجة, وطلعت الدربيل إللي كنت أتفرج فيه على المناظر المخيفة بحارة العبيد أقلبه بيدي وأسأل نفسي هل هو السبب وإلا أنا وإلا المجتمع وأكتشفت إن كل ماكنت أراه بمنظاري القاتم (الدربيل) هي مناظر رأيتها بحكم مسبق لسواد الصور... ولكن لازال عالق بذهني الصور المريعة من خلال المنظار دخان الحرائق والتجمعات والهوشات... وفجأة وأنا مركز على الدربيل عرفت السر وركضت على طول للسطح .. ذهبت لألقى نظرة آخيرة من خلال منظاري القاتم لأعرف سر البعد الغريب إلذي أشاهده من خلاله. وبعد أن كشفت السر وأخذت هذه المرة وقلبته لان جهة من المنظار تقرب وجهة تبعد بعد ماعدلت المنظار فكان كل هالفترة أنظر لحارة العبيد من منظار مقلوب, بس بعد ماعدلته ...فبدت لي حارة العبيد البعيدة أقرب ماتكون حتى أكاد ألمسها لو مديت يدي. حتى الأدخنه المتطايرة عرفت سرها وكانت عبارة عن النار أللتي يشعلها الشباب ويتجمعون حولها ويتسامرون ويشوون, وحتى ماظننت أن عراك عندما أرى الناس يركضون كانوا يرقصون سامري وطربانين.
همسـة في إذن كل أسود وأبيض كان السر في أن الصورة ثابتة لم تتغير سواء قبل أن أقلب المنظار أو بعده ولكن يعتمد على كيف ننظر لها , وطبعا راح تكون نظرة نسبية تختلف من شخص لأخر بناء على نظرته متأثرا ببيـئتـه لذلك نرى الكثير من الصور ر المقلوبة ونفسرها على حسب مانشاءنا عليه من أفكار تفكك مجتمعاتنا مع إن الرسول ص يقول لافرق لعربي على أعجمي إلا بالتقوي. واللوم كله لايقع علينا فقط بل هم من ساهموا بهذة النظرة .. مشكلتهم يعيشون في حارات مغلقة والنشء الجديد ياخذ القدوة إللي يتحتذي بها من مجتمعه علشان كذا تلقى طموحهم يالاعب كورة وإلا فنان
يعنى الحين لوتشوف عبد معه كورة وإلا عود ماتستنكر بس إذا شفته معه لاب توب تحس فيه شي غلط
مايدرون إنهم على كذا بيصيرون جيل كامل هدفهم واحد يصيرون لاعب كورة, ألاف مؤلفة منهم لهدف واحد بس إعذروني على التشبيه زي الحيوانات المنوية كلهم يروحون لهدف واحد , وبس واحد إللي يوصل والبقية يضيع مستقبلهم,.ياخي تراكم أخواننا ومستقبلكم هو مستقبلنا وتطوركم من تطورنا , يعني إذا نجح ولدك إشتر له كمبيوتر مهوب تشتري له عود إنت ووجهك علشان تعوض إنك ماصرت فنان ياظلال عمر كدرس, إشتروا لعيالكم الصغار كمبيوترات والحين ماقصرت الحكومة تقدر تشتري الكمبيوتر بأقساط عن طريق فاتورة الإتصالات, وتابعه بعد مهوب بس تقول سويت إللي علي وخلاص, يعني بالله تخيل تكلف على عمرك وتشتري له كمبيوتر لاب توب وبالأخير تلقى أبو العبيد يروس عليه, خلوا الكورة هواية بس مايمنع يحترف بس مهوب كلكم وياليتكم فالحين بالكورة بعد بكاس العالم ماناخذ إلا بالثمانية والخمسة والأربعة, لعنبوا إبليسكم عيالكم من كثر مايلبسون فنيلة الاتحاد لصقت بجلودهم , حتى إللي ماعنده فلوس يشتريها عادي يلعب بدون فنيلة وملصق على جسمه خطوط شطرطون أصفر, ياردي النصيب ترى الكورة ماهيب سارتكم , والحمدلله إن صالح كامل بيشفرها. شدوا على عيالكم بالدراسة , وإنتم يالمدرسين والمدرسات تراهم أمانهم بأعناقكم إلا يوم القيامة إنشرها,,, قصدي حاولوا تساعدونهم بالدرجات وتحببونهم في الدراسة ,وراعوا إنهم يطنقرون بسرعة سايروهم , لان إذا واحد منهم تفوق وتعين في مركز مرموق في المجتمع بيصير قدوة لأجيالهم القادمة, شدوا حيلكم الحكومة ماقصرت فتحت الإبتعاث للخارج, يوم طلعت أسامي المبتعثين من حرصي عليهم أقول عسى القى ناس مبتعثين أساميهم فيها: بخيت, عنبر, سرور, فرج شريدة, بلال, إمنيتي أشوف وزراء سود وأعضاء مجلس الشورى, وإن شاء الله أشوف وزراء وأعضاء مجلس الشوري فيهم عبيد واجد, وفي الأخير أهمس بإذن العيد إللي بيصير عضو مجلس شوري وأقول له إذا الله وفق وصرت عضو مجلس شوري تكفى أنا طالبك إنك ماتتهور وتقترح تغيير السلام الملكي إلى سامري
تمـارين
إذكر شخصيات معروفة لرجال أو نساء لكل من أنواع العبيد التالية :
البيدجاني, الكويحاوي, التلقيماوي , الكابتشيناوي, الليبتوناوي
2- هل عندك صديق أو صديقة عبدة , إذا نعم ماهي مميزاتهم , إذا لا لماذا
3- ضع علامة صح امام الجملة إللي تحس فيها غلط
أ- طفل أسود يلعب كورة. ب- طفل أسود يعزف عود ج - طفل أسود معه لاب توب.
إشرح كيف يمكن أن تغير الفكر السابقة. 4-إذكر صفة تتميز بها العبدات غير الأسامي الحلوة والعطور.
5- ماذا ترمز للشخص الأسود بــ: عبد, أسود, خال, أسمر غير ذلك وحدد, وماذا تعتقد إنه يحب أن ترمز له, ,أي منها تعتقد إنه لايندرج تحت بند التنابز بالألقاب, وأيها تعتقد إنك تنال إثم عليه. مع الدليل
AHK
الوضع العادي
