مــــذكـــرات موظف مفصــول + ومعرفتي بمواصل من عام 1413هـ - صفحة رقم 9 - نادي الهلال السعودي - شبكة الزعيم

كبرياء إنسان · #121 16/10/2007, 07:24 AM

الحلقه الرابعه

*
*

بالحلقه هذي تكلم لكم عن معرفتي بأعز الأصدقاء اللي تعرفت عليهم بالمكتب

بعد انتقالنا لمدينة الرياض لاحظني نائب مدير قسم المساعدات الماليه ولفت إنتباهه واسمه ( سلطان ) الله يذكره بالخير ويكثر من امثاله ( الإنسان هذا موظف مجتهد بمعنا الكلمه وكان يحبب الموظفين فيه ويحببنا بالشغل).

كان يشوف طريقة شغلي في قسم الإستفسار وعاجبه شغلي وأشوفها بعيونه

قال لي بصراحه يا ( صالح ) : شغلك طيب وحرام تجلس في قسم الاستفسار ، انا بنقلك إلى قسم ثاني وهو قسم الإسكنر.

( وهذا القسم يقوم بحفظ نسخه في الحاسب الألي من المعاملة كاملة عن طريق جهاز الأسكنر لإي خطاب يعرض على الامير عبدالعزيز بن فهد بدون الرجوع إلى الأرشيف .)

و بعدها نرسلها إلى جهتها المختصه على حسب التوجيه المكتوب في الجهاز.

طبعا قسم الإسكنر تابع لقسم الشؤون الإداريه ( المساعدات الماليه ) وهو مكون من قسمين قسم وارد وقسم ادخال اسكانر وهو ازحف الأقسام في المكتب كلها لزحف الموظفين اللي فيه

المهم بعد مانقلت إلى هذاك القسم قابلت مسؤول قسم الإسكنر وكنا نعايره بالصيني لأن اشباهه سبحان الله صينيه

.

وتعرفت على موظف ثاني اسمه ( فهد )
فهد هذا قسماً بالله بدون مبالغه لو عنده ثروه مثل ثروة الوليد بن طلال كان ثلاث أرباع سكان المملكة مسلفهم

لأنه يحب يساعد الناس وبصراحه مافي احد في نعرفه الا وتسلف منه

ولا كان يقدر يرد احد لأن الخير يمشي في دمه الله يوفقه وين ماراح وهو الحين عاطل

وكنّا نسميه (بمستر فوجي )

(مستر فوجي ) = مصارع ياباني قديم كان حركته يرش ملح على وجه الخصم

لأن اشباهه كأنها يابانيه

( صوره مع التحية لهلالية@ميلانيه )

وصلنا عاد إلى الدلخ الكبير أبا بصير

وهو عبدالله والمعروف عندكم بمواصل من عام 1413هـ أو مواصل من عام الفيل

كنت اناديه بالزول لأن مواصفاته سودانيه بس فل أوبشين ( أبيض )

لأنه عجاز

أول ماشفته كان على بالي سوري أو مصري من قوة البياض اللي هو فيه ما شاء الله

وكان في البداية شكله ما هضمته

أذكره دخل علينا المكتب عام 1422هـ وكان خايف من اللي شافه برا عساكر وتفتيش وحوسه لحد ما للمكتب اللي بيتشغل عليه ( كلنا عانينا من الشئ هذا )

بذكر لكم موقف صار لي معه أول ما تعرفت عليه

كنا بوقتها وعلاقتي فيه لحد الآن مو ميانه في مدينه جده ورايحين لمطعم ( البيك )ولما جينا ندخل المطعم

قلت له: ادخل أنت قبلي

قالي : لا إنت أدخل تفضل

قلت له : لا إنت اللي بتدخل عشانك اكبر مني في العمر

هو جلس يطالع فيني بعين

وقالي : اقول ريح وأستريح لأفرشك هنا

انا لسه صغير بالعمر طيشاني أنت أكبر مني بثلاث سنوات

بوقتها انصدمت نفسياً وأنقهرت

لأني أول كنت احترمه واخليه يجلس قبلي وأمد له فنجال القهوه قبلي واخليه يدخل قبلي وكل شي كان يسويه قبلي

بس بعدها خلاص حرمت اني احترمه لأني انا كنت من مواليد 1397هـ من جد شي يقهر بس سبحان الله الحين كان ولا يزال من اعز اصدقائي

وكان من الموظفين اللي تعرفت عليهم شخص اسمه ( ماجد ) الله يهديه ويوفقه لأنه بصراحه كان متقلب شهر يصير ملتزم ومطوع وشهر يصير زاحف

ما عرفنا له شهر نكون محترمين معه وشهر زاحفين معه

جلست في هذا القسم تقريباً باقي فترة العمل في المكتب وهي اربع سنوات وشهر ، وبخلال السنوات هذي تعرفت على مجموعه طيبه من الموظفين من أزحف خلق الله

ما أقدر أتكلم عنهم بالتفصيل لأني ما راح اوفيهم حقهم.

لكني عشت معهم فترة عملي في المكتب وصاروا بالنسبه لي مثل الإخوان وأكثر.

لأن الأغلبيه يكون جاي من مدينه بعيده وما يلقى إلا زملائه بالمكتب هم اللي راح يفيدونه لو صارت لك أيه مشكله بعيد عن أهله .

علاقتنا مع بعض كبرت بصوره ما أحد يتخيلها إنها تكون بين زملاء عمل والحمد لله إلى الآن العلاقات متواصله بينا.

وإن شاء الله بالحلقه الجايه راح أذكر المقالب اللي كنا نسويها بأيه موظف جديد

.

فكونوا بالموعد

Hictar · #122 16/10/2007, 07:30 AM

يسميني الزول لأني أنا اللي مسميه الزول

تخيلوا شخص ينتظر أيه احد يمر بالسيب علشان يناديه يجيب له أوراق من الطابعه ، كل هذا علشان ما يقوم من الكرسي

فهو إتبع مقوله ( تغد فيه قبل لا يتعشى فيك )

هلالي مدريدي 10 · #123 16/10/2007, 07:34 AM

ننتظر الحلقة الخامسة

abo_bandar · #124 16/10/2007, 07:46 AM

ننطر الحلقة الخامسة

جون تيري26 · #125 16/10/2007, 07:52 AM

الله يعطيكم العافيه يا صالح و عبدالله ...

وبإنتظاركما ..!!!!

القيصر رهيب · #126 16/10/2007, 07:58 AM

مواصل السوداني

Hictar · #127 16/10/2007, 07:58 AM

للتنويه فقط
فيه رسائل جتني على الخاص معارضه للمذكرات ، ومعارضه لذكر إسمي بالموضوع.
الموضوع مو لي ومالي حق إني أمنع أيه شخص يكتب مذكراته ، ويطرحها بالمنتدى.

أنا اللي سويته إني نسقت الموضوع فقط !!!!!!!!!!!!!!!!!!!!!!!!!!!!!!!!!!

وكاتب الموضوع طلب من الأعضاء هل هم بيوافقون على المذكرات أو لا قبل ما ينزلها ، وهو ما نزلها الأ بعد موافقتهم.

أكرر مالي حق إني أمنع أيه شخص إنه يكتب مذكراته !!!!!!!!

saudi’s heart · #128 16/10/2007, 08:03 AM

8888888888888888
ماقصرت مواصل وجهك ابيض
بالعكس كونتو ثنائي رائع للموضوع
ومشكوووور على التنسيق الرائع للقصهـ ..

abo_nasser · #129 16/10/2007, 08:05 AM

إقتباس


	( صوره مع التحية لهلالية@ميلانيه )

هذي اضافة الزووووول مواصل

الله يعطيكم ....بس اتمنى مواصل يدخل في الهرجه ويعلمنا كيف توظف كيف كانت بداياته

واصل ياخوي مواصل

عالم الهلال · #130 16/10/2007, 08:07 AM

كل هالتنسيق ويسميك زول..!!
جزء روووعه..
حرام مكان فيه كل هالمميزات واقصد الموظفين اللي منسجمين من بعض وتنفصلون
انا اهم شي عندي المجموعة اللي اشتغل معها..
الله يوفقكم ويكتب لكم الخير دايماً ..
بانتظار الخامسة..
::
أختكم

Hictar · #131 16/10/2007, 08:09 AM

إقتباس

الرسالة الأصلية كتبت بواسطة abo_nasser


	هذي اضافة الزووووول مواصل الله يعطيكم ....بس اتمنى مواصل يدخل في الهرجه ويعلمنا كيف توظف كيف كانت بداياته واصل ياخوي مواصل

أبوناصر أنا من البدايه قلت إني ما راح أعلق على أيه حلقه وما راح أعلق على شئ أبدا

ولو اخوي صالح ما دخل المنتدى وكتب مذكراته وذكرني فيها راح أستمر إنسان غامض بالنسبه لكم وراح يستمر الغموض.
يكفيكم إنكم تعرفون الشئ القليل عني ، غيره آسف

f*y*d · #132 16/10/2007, 08:16 AM

^
^

أحلقلك شعري مواصل

.
.
واصل كبريئو وتأكد انك أصبحت نكهة للمجلس

<<=== عليك ترفيع

.
.

إقتباس


	جزء روووعه.. حرام مكان فيه كل هالمميزات واقصد الموظفين اللي منسجمين من بعض وتنفصلون انا اهم شي عندي المجموعة اللي اشتغل معها..

.
تأكدي ما انفصلوا الا مواصل وصالح مسوين شي

زاحفين وش ترجين منهم

.
مواصل انا ما امون صح

.
يللا بانتظار الخامس <<< بدينا

لا والله خذوا راحتكم الانتظار يستاهل

صمت الرمــاد · #133 16/10/2007, 08:25 AM

إقتباس

الرسالة الأصلية كتبت بواسطة مواصل من عام 1413هـ


	للتنويه فقط فيه رسائل جتني على الخاص معارضه للمذكرات ، ومعارضه لذكر إسمي بالموضوع. الموضوع مو لي ومالي حق إني أمنع أيه شخص يكتب مذكراته ، ويطرحها بالمنتدى. أنا اللي سويته إني نسقت الموضوع فقط !!!!!!!!!!!!!!!!!!!!!!!!!!!!!!!!!! وكاتب الموضوع طلب من الأعضاء هل هم بيوافقون على المذكرات أو لا قبل ما ينزلها ، وهو ما نزلها الأ بعد موافقتهم. أكرر مالي حق إني أمنع أيه شخص إنه يكتب مذكراته !!!!!!!!

لا أعتقد أنه يوجد شرط من شروط المشاركة بالمجلس يمنع نشر المذكرات الشخصية مادام أنها لاتسيء لأحد ..
وأكاد أجزم أن فيما طرح من تجربة للأخ فيه عظيم الفائدة ..

شكرا صالح ..
شكرا الزول :

عبدالله ..

أنا معكم ع السمع >> FM

sa999as · #134 16/10/2007, 08:39 AM

يا كبرياء آدمي .. إنسان

أنت آدمي .. إنسان وشلون وظيفه مرموقه بهاكلمكان

وتفرط فيها ..

فيه ناس عمرو بيوت من هيك عمل....

المهم إنجز ولا تطول علينا تراء الدوام جاء ( إخلص ) نبي نعود للدوام...

وبعدين شكلك عمرك كبير وإلا فوجي منقطع الله يذكر ملحه بخير من زمان ثم صار مدير أعمال إلين تقاعد بس يعجبك

خير

إيه أقول عمرك شكله 1379هـ يعني 1380هـ إذا حسبنا فرق العمله..
وأنا أكبر منك يالله اخبر فوجي .. وتوني قاريا ..

على طاري البوسنه والهرسك .. الددسن الغمارتين كم وصلت .. أقصد مواصل هو عبدالله القصمنجي .. وآسف على هذا التدخل..

بعدين شف كل ألي ردو عليك مواضيعهم بالألف وفوق وانا بس أقرا من هالمواضيع ولا عمري كتبت أور رديت ..

وبصراحة موضوعك أفضل موضوع قرأته .. وذلك لأنه فيه تحدي مع الذات مو تنكيت مع الذات ..

وش يبي ذا..

سلام الله يا قماعه

Hictar · #135 16/10/2007, 08:47 AM

إقتباس

الرسالة الأصلية كتبت بواسطة sa999as


	وبعدين شكلك عمرك كبير وإلا فوجي منقطع الله يذكر ملحه بخير من زمان ثم صار مدير أعمال إلين تقاعد بس يعجبك خير إيه أقول عمرك شكله 1379هـ يعني 1380هـ إذا حسبنا فرق العمله.. وأنا أكبر منك يالله اخبر فوجي .. وتوني قاريا .. سلام الله يا قماعه

أنا أصغر منه بثلاث سنوات وأذكر مستر فوجي بتعليق ابراهيم الراشد الله يرحمه على ما سمعت إنه توفى

على فكره أنا اللي مضيف التعريف عن مستر فوجي : إنه يرش الملح بوجه الخصم وذكرت إنه مصارع علشان يعرفونه اللي ما لحقوا عليه

واذكر وقت المصارعه ما تجي الا يوم الثلاثاء ، ويعلقون الطلاب علشان يشوفونها

وهو مواليد 1397 هـ