في البدايه احب ابارك للجميع هذا الفوز وعقبال الكاس قولوا انشألله...

مع اني حاس ان قطر راح تصك الدفاع وبيلعبون 13 دفاع ولا وش رايكم..???

ارجع لموضوعي الاساسي...شفتو اليوم الكابتن سامي الي والله انه ماقصر وزع الكور هنا وهناك لكن مع كل اسف ماكان هناك استفاده من الكور هذي الاستفاده الكامله وخصوصا من المحمدي الي الصراحه رفع ضغطي والظاهر انه حالف انه مايناول سامي كوره
من مباراة الامارات

بعدين جات الطامه من اللاعب الزهراني يعني انا مادري وش اقول على لاعب يضيع مثل الكور هذي وعز الله انا اول من يلوم الكابتن سامي لوالمنتخب كان محتاج هدف اومحتاج الفوز قبل الكوره هذي لكن انا متاكد انه كان بامكان سامي تسجيل الهجمه فالوضع كان مناسب له للتسجيل ولكن هذي كأنها رساله من اللاعب الكبير الى كل من يتفوه على سامي او ينتقد سامي لقد مرر وضاع الهدف المحقق من اقدام الزهراني لقد ادى ماعليه سامي ولم يترك لهم مجال للانتقاد...لنفرض بعض الفرضيات واترك لكم التعليق عليها....

لو الكوره جات هدف..؟

طبعا الزهراني راح يكون لاعب كبير وهداف لكن الجوهر يحاول تدميره وانهاه بمباركه ومحاربه من قائد الفريق....هم سيقولون كذا..

لوسامي ما مرر الكوره وسجل هدف...؟

كان سامي اناني ويريد لقب الهداف لا يريد بروز لاعب ناشي كان وضعه ملائم للتسجيل


لو مامرر الكوره ولاجات هدف لاسمح الله....؟

هذي حدث ولا حرج راح يغنون فيها حتى عام2020 ولا اقدر ازيد على كذا...

لكن الي حصل وشو؟ ان الكابتن سامي مرر واخلاء مسوليته واخرس الالسن ولم يجعل لهم طريق والكره ضاعت!!!!!

لكن لاتستغربو ان ياتي من يلوم سامي على ضياع الكره لان التمريره ماكانت متقنه والكوره كانت (تنطط) زياده على اللزوم...

لكن اعتقد ان الكابتن يعي هذا الشي ويعرف ان هناك من يهوا انتقاد سامي الجابر
وهو متعود على الشي هذا وعنده حصانه منهم.....والكبير يبقى كبير

اسف على الاطاله ولكن لاتستغربوا ان يقولو على تصويبت سامي القيل والقال وانه لايوجد حكم ايطالي حتى يحسبها هدف!!!!!

اعتذر مجددا على الاطاله واحب اشوف ارئكم على الكلام هذا وتقبلوا تحياتي....اخوكم الوردي

والدليل انه يلعب
بعقله قبل رجوله
والله يخليه لنا كلنا

اتعلم ان سامي الجابر اغرب لاعب في العالم لانه مهما واجه من حاقدين

وسيواجه سيضل يبدع ويبدع ويبدع .................

ياحبيبي يا سامي الله يحفظك انشاء الله..

ابقولك شيء انا مقتنع منه تمام الاقتناع

ترى سامي وأنا أخوك والله ماجاب خبر اللي تقول عليهم بمعنى إنه عندما مرر الكرة للزهراني ماهو قصده إنه مايكون أناني او الافتراضيات اللي قلت عنها لا هذه طبيعة في سامي يهمه المصلحة العامة للمنتخب تذكر قول مرزوق بكأس أمم آسيا والشيحان في البحرين اظن والجمعان في بطولة الخليج وغيرها كثير
قيا أخوي أرجع واقولك سامي ما جاب خبر اللي تقول عليهم ولو هو بس معطيهم بعض الاهتمام كان انتهى من عشر سنوات ..

لكن موضوعك حلو بصراحة ويدل على محبتك لسامي ولا تنلام

تحياتي لك

السلام عليكم.....
اخوي m_shlhoob
كلامك صحيح ومايختلف عليه اثنين...يعطيك العافيه

الاخ thamir15 ..
قلت في الموضوع ان الكبير كبير...شاكر لك المشاركه

الغالي عيون الصقر...
كلامك صحيح 100% وانا يوم اكتب الكلام هذا ماقصد ان سامي ماتهمه المصلحه العامه لا بالعكس...لكن سامي لو مامرر وسجل العقلاء ماراح يلومونه لكن بلاك من الي يدور وش سامي يسوي بس علشان ينتقد...

وانا والله ادري ان سامي ماجاب خبرهم لكن انا قلت ماترك لهم طريق
يعني زاد قهرهم قهر وارجع واقول ان الكبير كبير ولا تلومني اذا حبيت سامي...

اشكر لك هذه المداخله ولك جزيل الشكر...........تحياتي للجميع اخوكم الوردي

اخووي الوردي

والله سااامي اكبر حتى من عقولهم مو من تفكيرهم الذي يسبقه دائما اعمارهم . والله سااامي فعلا وجه رساله قويه لهم انه يلعب من اجل المنتخب وليس لنفسه وليكذبهم ويكذب افتراءاتهم العقيمه .

سااااااامي كابتن الوطن ان شاء سيحمل الكاس ليعمي ببريقه اعين الحاقدين.... ويسكت بلمعانه السنة الجاهلين .....وبقبلة على الكاس منه يدحض بها كل المشككيين والمراهقين من الكتاب المحسوبين على الوطن .

لله درك يا سااامي . وهنيئا لعشاق الفن السامي .

اخوي المفتون.... حياك ربي

كلامك في محله ولكن من يفهم؟ ليت الواحد منهم يفكر بعقله مايفكر بعاطفته...... تحياتي لك ولجميع الاعضاء

ما اقدر اتكلم عن سامي لانه فارض نفسه من غير ما حد يتكلم

كم عندنا من سامي الله يخليه للهلال وللمنتخب

بصراحة الاعضاء اللي ردوا ........ كلامهم كافي ووافي
وما اقول الا انشالله يا سامي نشوفك على منصة التتويج وانت رافع الكاس باذن الله

اخوكم
العاشق (ابوخالد)