سجل اسمك لحجز مقعد يوم الاربعاء .. - نادي الهلال السعودي - شبكة الزعيم

الموهوب · #1 27/01/2002, 11:37 PM

خلاص عاد ... زودتوها ...

الجمهور كان اسوأ شيء في مباراة السعوديه وعمان ...

والمنتخب جاب لكم الثلاث نقاط المهمه .. وقدم مستوى جيد ..

المعلب لازم يكون مليان على الاخر يوم الاربعاء ..

انا عن نفسي راح اجي من الخبر .. واحضر المباراة وارجع ..
وتحليل المباراة النهائية انا اعتذر عنه .. راح يتاخر عليكم لين اليوم الثاني .. لاني اكيد راح اكون مشغول بالتشجيع انشاء الله ..

سجل اسمك لحضور المباراة النهائيه للمنتخب ..

لازم الكل يتواجد هناك .. عشان نشوف سامي يرفع الكاس انشاء الله ..

لا تفشلونا .. تكفون ..

وتكفى هي الكلمة اللي تهز الرجال ..

بالتوفيق للمنتخب ..

مخاوي الشوق · #2 28/01/2002, 12:04 AM

الله يوفقك يالغالي
وانشاء الله الكاس سعوديه
والله يااااااااااريت اني احضر لكن؟؟؟
خيرها بغيرها
فيكم الخير والبركة

كانافارو · #3 28/01/2002, 12:08 AM

انشاء الله انا اول واحد راح يحظر في الملعب

سهيل · #4 28/01/2002, 12:18 AM

والله من اول الدوره وحنا نحضر المباريات حتى اللي ما فيه المنتخب ..

بس بصراحه الجو في مباراة اليوم مع عمان ذبحنا ... بس يهون لاجل الاخضر ..

والوعد ان شاء الله الاربعاء

المعدم · #5 28/01/2002, 02:40 AM

بارد بارد بس ما وصيك البس صح وتبي الجد مبارة الاربعاء لها طابع خاااااااااااااااااااااص مبارة سامي

زعيم القرن · #6 28/01/2002, 05:06 AM

(( تكفى .. تكفى .. تكفى .. تكفى .. تكفى .. تكفى .. تكفى .. تكفى .. تكفى .. تكفى ))

وكلمة .. (( تكفى تهز رجــــــال )) ..

وأخر شي ما يتجاوب مع نداء الأخ الموهوب وندائنا جميعاً .. سوى أثنين .. راح يحضرون المباراة وهما كانافارو .. وسهيل فقط ..

وين البقية .. !!

وين جمهور الأخضر !! .. وين الـ 80 آلف متفرج

!!

عني أنا ورغم البعد والـ 700 كيلو .. التي تبعدني عن الرياض وليس عن الأستاد ..

ألا أني وبمشيئة الله تعالى راح أكون أول من سيساند الأخضر في لقاءة المصيري والأخير في الدورة .. فهو في أمس الحاجة لنا .. فلماذا نبخل علية بالحضور ؟؟؟

!!

M7akee · #7 28/01/2002, 06:34 AM

محامي الفيلسوف15 · #8 28/01/2002, 07:07 AM

اقول الموهوب...اجل خذني معك للرياض سيارتي بالورشه

تسلم اخوي على تحفيزك وانشاءالله نشوف الجمهور تارس ومعبي استاد الملك فهد ..لكي نزرع الرعب في قلوب القطرين

المحبوب2002 · #9 28/01/2002, 11:34 AM

انا اتعهد ان شاء الرحمن بالحضور ومعي 12 واحد وهذا وعد

الموهوب · #10 28/01/2002, 11:36 AM

وينكم يا اخوان ... هذا الحماس ..

طيب ..

انا اقدم عرض لخمسة اشخاص من المنطقة الشرقيه للي يبي يروح الرياض يحضر المباراة ويرجع ..

محفول مكفول ... يالله ... اول اربعه وانا الخامس ...

والله لعيونكم ولا يهمكم .. استاجر جمس اذا صاروا اكثر ..

بس ابي الحماس ... وابيك اخوي زعيم القرن تجيب معك احد من حايل لا تجي لحالك ..

من بعد ؟؟

المحبوب2002 · #11 28/01/2002, 11:40 AM

تدري مانيب رايح الى محمس كل الي اعرفهم وتشوف

المتعصب · #12 28/01/2002, 01:06 PM

والله ودي احظر المباراه لكن مافي طياره ترجع نفس اليوم.

لكن البركه فيكم.......................وانشاء الله الكاس للاخضر

تحياتي عيناوي (( المتعصب ))

الفن كله سامي · #13 28/01/2002, 01:18 PM

ابـــــشــر ولا يكون خاطرك الا طيب

تحياتي لك :

اخوك / نايف

جاكم الذيب · #14 28/01/2002, 01:41 PM

والله لو نتجمد هناك من البرد إن شاء الله أبحضرررررررررررررررررررها

ولا وأزيدكم من الشعر بيت ضامن أربعة وأنا الخامس ....!!!!

وعفواً مليون مرة ((((((((( الكأس سعودية )))))))))

الموهوب · #15 28/01/2002, 01:57 PM

قول انشاء الله ...