خدمة ضرورية قبل يوم الثلاثاء 15/11 - نادي الهلال السعودي - شبكة الزعيم

النمر الكاسر · #1 27/01/2002, 02:40 PM

السلام عليكم ورحمة الله وركاته ......................... وبعد

يا اخواني ارجوكم من يعرف عن مادة الاحياء شيء فليساعدني

انا عندي مشكله وهو ضروري احصل على 10 مراجع لعلم الحيوان

انا ابغى اللي يقدر يساعدني ابغى اسم الكتاب و اسم المؤلف ودار النشر و سنة النشر و الطبعة و اي ملاحظه على الكتاب

انا عارف اني ثقلت عليكم لكن اللي يقدر يساعدني مكثور الخير واللي ما يقدر اقل شيء يسال لي عن اي موقع اجد فيه على الاقل 10 مراجع لعلم الحيوان

وفي الاخير اذا كان هنا مدرس احياء او طالب فاهم فيه يعني على الاقل باقي له سنه ويتخرج

يقول لي ايش الفرق بين علم الحيوان و علم الاحياء

تكفووووووووووووووووون حاولوا تجاوبون لا تطنشوني تراني في ضائقه

أيام الثنيان · #2 27/01/2002, 02:46 PM

ابشر ابحثلك وارجعلك ...

النمر الكاسر · #3 27/01/2002, 02:49 PM

الله يعطيك العافيه يا ابو عبدالله وهذا عشمي فيك وفي كل الجمهور الهلالي

][wolf][ · #4 27/01/2002, 02:55 PM

الظاهر انك من طلاب القصيم

ابشر ولا يهمك بالي اقدر عليه...لكن انت باي مستوى ؟

النمر الكاسر · #5 27/01/2002, 03:03 PM

][wolf][
يا ساحر كيف عرفت اني من القصيم؟؟؟؟؟؟؟؟؟؟

ايوه انا من القصيم والاصل انا في مستوى 3 لكن حملت المادة

ومشكورين على الفزعه وان شاء الله اقدر اردها لكم وان شاء الله ما تحتاجون لي

ابومنار · #6 27/01/2002, 03:34 PM

مع ان هالموضوع مهوب بمكانه واتوقع ينقل في أي وقت

استخدم هذا المحرك http://www.google.com ...

اكتب في حقل البحث علم الاحياء او علم الحيوان او اي شيء تريد وبتلقى اللي يسرك ان شاء الله ..

اتمنى لك التوفيق ,,,

النمر الكاسر · #7 27/01/2002, 04:18 PM

مشكور يا ابو منار ويا ابو عبدالله ويا كل جمهور الهلال والله يعطيكم العافيه واذا فيه نتائج جديدة زودوني اول باول واكون شاكر لكم

النمر الكاسر · #8 27/01/2002, 05:32 PM

ابشركم يا شباب انحلت نصف المشكله فباقي النصف الاخر الحمد لله حصلت على المراجع من واحد معاي بالماسنجر ذهب الى احد المكتبات وجاب لي مراجع كويسه ............. هذه انحلت والحمد لله

باقي يا شباب الفرق بين علم الاحياء و علم الحيوان؟؟؟؟ ما احد يعرف ؟؟

تكفون اللي في المدارس يسالون اساتذتهم تبع الاحياء تكفووووون

واشكر كل من وقف معي

نجم الصبح · #9 27/01/2002, 07:35 PM

أبشر والله باللي يسعدك ...
راح أسأل مدرس أحياء وإنشاء الله راح ألقى عنده شيء ...

البارق · #10 28/01/2002, 12:14 AM

مرااااحب ...

هلا بالنمر الكاسر..
أنا ما أدري بس شكلك تبغى كتب ماهيب مواقع ..!!!
المهم فيه كتاب دورت لك عليه بس والله ما لقيته..

المهم اسمه (( علم الحيوان )) وهو كتاب عريض .. وكبير وفيه كل شيء عن الحيوانات..

أما الفرق بين علم الأحياء وعلم الحيوان ..
علم الحيوان : علم خاص بالمملكة الحيوانية فقط .. وشعبها المعروفة ..
علم الأحياء : فهو عام لجميع الأحياء .. مثل المملكة الحيوانية .. النباتية .. الأحياء الدقيقة . الفطريات ... إلخ ..

طبعا هذا كلام من عندي .. والله أعلم ..

على العموم حنا في الخدمة قدر المستطاع ..

تحياتي لك ،،،

أخوك / البــــارق..

نجم الصبح · #11 28/01/2002, 02:37 PM

الفرق بين علم الأحياء وعلم الحيوان ..

علم الحيوان جزء من علم الأحياء ...
فعلم الأحياء يحتوي علوم مختلفة منها علم الحيوان

وهذي مواقع ممكن تفيد ...

منهج علوم الحياة
المعهد الأمريكي لعلوم الحياة
علم الأحياء

أتمنى أني قدمت شيء ولو كان بسيط

تحياتي

النمر الكاسر · #12 28/01/2002, 02:43 PM

الف الف الف شكر لجميع من ساعدني ومشكورين الله يعطيكم العافيه وانا اسف على ازعاجكم ........... وجزاكم الله عني كل خير

البارق2000
نجم الصبح
شكرا لكم الله يعطيكم العافيه ........... مع الشكر والتقدير لكل الاخوان اللي ردوا علي قبلهم