|
شفتو يا اذكياء المفرج اعتزل والله ان تندمون (واذكركم) http://www.alriyadh-np.com/2006/04/18/img/184151.jpg ارتحتو ياجمهور الهلال الحين الجمره الي بقلوبكم طفت على المفرج:upset::upset::upset::upset: والله بديت اشك بجمهور الهلال انهم اطفال شكلكم على جيل ياسر ولا لحقتو على جيل اول والله لو انكم لاحقين على جيل المفرج ان ماتقولون عنه كذا :cry::cry: شفتو الدفاع امس شلون كان فاشل:cry::cry::cry::cry: وانتم تصايحون نبي المرشدي نبي المرشدي ويوم لعب طلع مستواه مايجي نصف مستوى المفرج :upset::upset::upset::upset: شفتو لعب تفاريس امس ضايع المسكين عارف ان بعد المفرج محد مصحح اخطائه:stoned: ويكفي ان على لسان تفاريس قال لو ماصحح المفرج اخطائي كان ماشفتوني بالعب هذا والا شفتوني بالهلال اساسسآ صدقوني بكره بتندمون على رحيله:evil::evil::evil: ومثل ما طالبنا بان الفان ما يلعب شوفو الهلال من بعده :upset: والحين طالبتو باعتزال النجم الكبير فهد المفرج واعلن اعتزاله:upset::upset::upset::upset::upset::upset::upset::upset: بكره بتندمون وتقولون ياليتنا ما نطقنا باعتزال المفرج واذكركم ياجمهور مــــــــــــــــــلاحـــــــــــــــظــــــــــــــه تدرون ليه الهلال طلع ضعيف حتى فرق الدرجه الاولى تهزمنا عشان حنا ضلمنا المفرج ومن بدايه الموسم الماضي وحنا نطالب بعتزاله فعاقبنا الله على الي سويناه في النجم المفرج وحرمكم البطولات لنكم ماقدرتو نعمه نجم يلعب وروحه الهلال وداعا فـــــــــــــــهــــــــــــــــد بعتزالك سيضيع الهلال http://www.alzaeem.com/gallery/data/media/11/a31.jpg :cry::cry::cry::cry:وداعـــــــــــــا:cry::cry::cry::cry: |
يالغالي المفرج له الف سنة يلعب واخطاء كلنا نشوفها ويوم لعب المرشدي مباراة وحدة تبون تنهونه من الحين ابسألك انت مصلحتك الزعيم والا المفرج المفرج كبير بالعمر ونهايته هالموسم والا الجاي والمرشدي لاعب كبير ويحتاج للثقة وان شاءالله هو قدها |
والله قهر المفرج نجم نادر ومهما أخطأ المفرووووض مانهاجمه كل هالهجووم بس شكل كلامك صحيح أغلب الجماهير اليوم من جيل القحطاني :eek: |
والله انك صااااااااادق .. |
يا شباب عمر المفرج الحين 30 او 31 خلاص وش ترجون منه اذا ما اعتزل اليوم بيعتزل بكره بس الصراحة طاح عنا هم |
ما عاش اللي يقول على المفرج كلمه وحده المفرج عم كل واحد يسبه وتاج راسه |
طيب ليه ما اعلنته ادارة الاخبار ولا قالوه في موبايلي الهلال ولا جوال الهلال وان كان الخبر صدق ف والله حسافه بس اخذروني على الكلمه هذي كله من المبزره اللي في المنتدى وإن كانوا المبزره قليلين فعقول المبزره كثيرين ولا يقولون السبب في خسار الهلال الاداره بس ما نقول إلا الله يوفق الجميع |
إقتباس:
الفان ماطالبا انه يرحل شف الهلال من بعده في الاسيويه طلع وبرونو ماشفنا منه شي الا انه افضل لاعب وهو دجه انتم بس تحبون الاعب تخلونه ماردونا ومثل ماطالبنا ان المفرج يعتزل بكره ببندم مثل ماندمنا على الفان وبعدين اما بختاكور في الذعاب من كان النجم كان هو وفي الاياب هو بس انتم تمدحون في تفاريس وهو دجه من دون المفرج شف اذكرك بعدين ان ماطلع الهلال دجه بدفاعه |
:cry::cry::cry::cry:وداعـــــــــــــا:cry::cry::cry::cry: |
اول شي مو انت تدافع عن المفرج وتقول انتوا السبب في نهايته طيب ليش تسب في نجم صغير بالسن له فترة طويله مالعب لاتحطمونه من الحين اما المفرج والله ضاق صدري يكفي انه مخلص للنادي |
إقتباس:
وش سوى للهلال الموسم الماضي لاتقولي وصل الهلال للصداره بس طول ايامه احتياط وانتم تقولون اعتزل يامفرج وعط غيرك فرصه الحين سامي يوم انه يلعب ليه ماقلتو له اعتزل وعط غيرك فرصه بس لنكم تحبونه وهو مستواه فاشل اللهم بس مباراه الحزم اهلنا للنصف نهائي ولي العهد وسامي مستواه فاشل لنه كبر بس دخل هدفين بصناعه الاعبين اما المفرج يدافع بكل قوه ويكفي انه ابدع باسيا ولا انسا كلام المعلق على قناه الجزيره يوم قال انا مستغرب كيف الجمهور الهلالي يطالب بعتزاله وهو في نضري افضل من تفاريس صدقني تفاريس دجه بدون المفرج |
إقتباس:
بس المفرج افضل وانا ماقلت الا الصدق وبكره بنشوف وش بيسوي المرشدي |
اتهموا المفرج مادروا ان العيب في لي ورى المفرج اخخخخخخخخ بس ما اقول الا الله يعين لحقنا جمهور المسيار |
فديتــــــك يابو مفرج وآآآآآآآه من اياااااااااام حلوووه قضيناااها معك ارجوووووووووك لاترحل |
ههههههههههههه........قال نندم وش عنده مالديني |
والله حرام المفرج يعتزل عشان عقليات الاطفال ذولهم |
انا اقولك وش عنده عنده اذا لعب يكون لعبه روح الهلال اما الجيل هذا اهم شي ياخذ فلوس ثم يطفي مستواه وانا اقصد لاعب تموتون فيه صدقووووووووني الدعيع والمفرج اخر جيل الذهب لنهم من تاريخ يوسف وسامي والتيماوي الخ |
فهد الهلالي وش سالفتك هذا ثاني موضوع اقراه لك وهو دفاع عن المتفرج..! ياخي يعني انت تشوف بعين والجمهور الهلالي بعين..! ياخي تبي تقنعنا ان المفرج مدافع لايمكن تعويضه..! اسمحلي المفرج اكبر غلطه ارتكبه الهلال وهي تسجيل المفرج في صفوف الزعيم..! المفرج الي تمدحه تذكر كم نهائي وكم مباراه مهمه خسرها الهلال بسبب مخـرج 17..! اسمحلي اخوي اذا كان بينك انت والمفرج صله قرابه فاعذرني جمهور الهلال لايتحمل اشباه لاعبوون..! لان الزعيم عودنا على نجووم فقط..! اما لاعبون النكبات فستجدهم في النادي المجاور ..! تحيتي.. :) |
اعتزل بس يافهد ومعليك من اللي كاتب الموضوع واللي معه هذولي ماراح ينفعونك اذا جينا نغتالك يوم من الأيام بسبب نكبه من نكباتك القادمة.. لأننا خلاص وصلت معنا H واي نكبة بتنكب الهلال فيها علطول بنجيك في السويدي ونغتالك .. |
ابسألك انت مصلحتك الزعيم والا المفرج |
إقتباس:
اجل كلكم تقربون لسامي ههههههههههههههههههههههههههههه شوف المفرج لاعب ممتاز والله انه في نضري افضل من تفاريس بس بقول لك شي تذكر يوم طالبنا بان الفان يطس عن الهلال والفان لاعب هداف يكفي ان اهدافه تتعدا المباريات الي لعبها وقلنا مانبيه ويوم طلعنا من الاسيويه قلنا الله يذكرك بالاخير يا الفان للاسف انتم ماتبون هداف مثله انتم تبون واحد يرقص بالكوره وتعرفون من اقصد وبكره بنسوي مع المفرج مثل ماسوينا مع الفان ثم نقول ياليتنا ماقلنا اعتزل ويوم |
خساره عندنا جمهور كذا !! |
إقتباس:
والله بنضري نجم واحترم راي الاخرين |
اذا بندم على اعتزال المفرج اقسم بالله العظيم اني لاترك الكووره................ |
الحمد لله ان الله استجاب دعائي |
وجهة نظري ان اللاعب ماياخذ عمره وعمر غيره واذا فهد لاعب مخلص ومتفاني كثر الله خيره بس احنا نقوله كفايه عطاء وخلك بعيد حبك يزيد وخلنا غلطانين الدوري توه باوله جاي الحين تدافعون عنه وثلاث مواسم كل بطوله تضيع هو سببها والي قاعد يسوي مقارنه بين المفرج وسامي اقول متى خبرك بالكوره انت |
أحسن خبر سمعته والله يوفقه في حياته |
كلامك يحمل في طياته الشي الكثير كقريب جدا للمفرج حنا هنا جمهور بعيد عن المصلحه الخاصه كأسلوبك الى متى تريد المفرج مدافع حان الوقت له ليريح ويستريح ويتيح الفرصه للمبدع المرشدي |
صراحه اضم صوتي لصوتك المفرج اسطوووره صرااااحه لكن بعض الجماهير متطفلين واقولها صريحه معليش يعني اعذروني |
السلام عليكم انتو ليش تطالبون في اعتزال فهد وبقاء المرشدي والله اخواني كلامك مفروغ منه انتو مو ابخص من الاداره فهد لعب في الاسيويه وانهزم من اسماعيل مطر قاهر السعوديه والمرشدي لعب مع نجران وانهزم الفريق يا ناس الاثنين عينان في راس وكلهم يخدمون الـــــــمـــنـــــتــــخـــــب (اي الهلال) ليش مايكون السبب في تفاريس . لما تجي الصوره على تفاريس شوفو وجهه والله نفسية في الارض وفي الاخير والله المفرج ماقصر امس واليوم وبكره والله يكثر من امثاله من ابناء الوطن في خدمة الوطن . |
للاسف ان محمد بن فيصل يرضخ لرغبات الجماهير في الموسم الماضي لم يجدد مع الفان بسبب الجماهير الجاهلة "المبزرة" مع انه هداف الفريق وهداف الاسيوية والان ابعد المفرج "رغم هفواته" الا انه يبقى المدافع الافضل لانضباطه وتفاهمه مع تفاريس الان حتى لو عاد المرشدي فانه سيكون خائف على نفسه من "اطفال الهلال" يمكن بكرة ما تعجبهم قصته , يمكن يجي واحد احلى منه ويجيك ابو سلطان يجيب مدافع حلو بداله ( مثل ما جاب برونو بدل الفان ) ياناس روقونا اللي يبي حلوين عنده الفنانين العالميين صورهم مليانة المجلات نحن نريد في النادي من يخدمه مهما كان شكله |
شكرا ماقصرت يا المفرج ارتح وريحنا الله يثيبك |
المفرج عليه اخطاء بس يكفيك انه يلعب عشان الجمهور يسعدهم مايطلع من المبارة الى مخلص الشاشه من الحماسه على الاقل احفضو العشره |
اصلا هذي المباريات الي ينهزم فيها الهلال فرصة لللي مثلك يسوي اللي يبي ويتكلم على كيفه قال ايش قال المفرج لاعب كبير ياعمي طير انت وياه نسيت المباريات اللي نكب فيها ولا اذكرك ومن ناحية المرشدي هو لاعب كبير وعنده ثقة كبيرة ماشاء الله رغم انه صغير وان شاء الله الهلال يكون بوابته للمنتخب وبتشوفون بالتوفيق للزعيم |
الله يستر عليه ضيع البطوله والمرشدي احسن منه مليون مره وعقبال العنقري والهليل والموري ونواف |
إقتباس:
|
ررروح طيررر وانت والمفرج الداج |
والله انك صاااااااااااااااااااادق |
اقول روقنا انت وياه .. اللي يبي يلعب المفرج يلعبة بفريق غير الهلال .. امرضتونا به وبالعنقري .. وخليفة العنقري <العبدالسلام> .. ماقول الا حسبي الله على من تسبب في وقف عزيز .. وبلانا بالغناام بالدوري .. يليل المغص والتكسيراللي بيجي |
ياناس والله العظيم عيب هذوله كلهم لاعبين الهلال المفروض مانقول حنا جمهور الزعيم عنهم كذا إذا حنا بنقول عن لاعبينا هذا الكلام وش بيقول جمهور باقي الاندية عن لاعبينا والله عيب هذا الكلام |
الظاهر الي كاتب الموضوع حسن العتيبي |
ماأحد ضيع الهلال ولاعبين الهلال إلا هذا الجمهور "المبزره"... معك في كل ماقلت ياكاتب الموضوع ،،،، المفرج غير محتاج إلى مدحهم ،،،، وهو أيضاً غير مهتم بهم وبعقولهم " التنك" قلوبنا معك يالمفرج أينما ذهبت ،،، القافلة تسير و........ تنبح ،،،، ولايضر السحاب نبح ................ ،،،،،، |
الله يوفق فهد المفرج في حياته بعد الاعتزال |
هذي مشكلت جمهور الهلال ينسون وش سوو اللعيبه اول اااخ والله قهر وداعا ياملك الدفاع .. إقتباس:
|
هذي هي المبزره وما تسوي ما اقول الا الله يستر عليك يا مفرج ويوفقك وياليت تتراجع عن قرارك واترك عنك هالمبزره وهرجها |
اقول ترى المفرج لاعب كبير .....بس المرشدي احسن |
الله يستر عليه لكن ماراح نندم ... هذا حال الدنيا .. اللي يسمعك يقول عندنا كنفااااااااااااااااارو على غفله !! |
مهمن كان سوى كبير او صغير المفروض يكون الآنتقاد بحترآم مويد واحد مندس يدخل ويسب المفرج ويدخل الثاني والثالث وانتم ورآهـ تأيدونه |
ليتك سكت بس .. يالحبيب الظاهر انت يا اخو المفرج ولا ولد عمــه .. حبيبي . المفرج ماقصر الله يعطيه العافيــة .. بس اللحين خلاص جاء الوقت اللي لازم يعتزل .. ويخلي مكانه لغيــرة .. تحياتي " |
سمسم 999 صح عليك |
أخوي فهد صباح الخير ... والله إنك صادق من زمان أدورها -جيل ياسر- بس مالقيت المصطلح صحيح نحب ياسر ونواف والمفرج كلهم لكن بصراحة يوم ضاع البلنتي الجمهور يصفق :( وضيع أكثر من هجمة والتصفيق باقي ... نواف ما إستلم ولا كورة زي العالم ولا سلم كورة صح ومع ذلك ما قاله أحد شئ :( إتركوا عنكم المجاملات وكل اللاعبين بميزان واحد في المدح والنقد .......أخوك/ تركي الجابر |
7 7 7 7 7 7 7 7 يازينك ساكت ترا ياسر طب اخر خمسه دقايق قلب لك المباراه في مباراةام صلال لا تنسى افضايل ياسر علينآ صحيح ما قدم بس لا يقآرن بالمفرج..1 مضيع بطولات الهـلآل |
الله يكتب الي فيه الخير |
وداااااااااااعاا |
تحيه طيبه وبعد الحمد لله اولاً واخيراً على رحيل المفرج لانه وبكل امانه اذا لعب الهلال كنه يلعب وبعشره لاعبين الى متى هذه التخبطات الى متى طيب يا اخي الكريم لماذا لا نتهم تفاريس لماذا لا تنهم المرشدي فهذا الاعب يعلم الله من عام 1418هـ وهو على هذا الموال موال كما يطلق عليه البعض بـ(( التخبطات)) فحدث العاقل بما يعقل وياليت يا غالي تعدل شوي من بشاشه اسلوبك القاسيه مثل ما قلت اعلا كلامك انكم جمهور توك تشجعون وما لحقتوا الا على جيل ياسر وجمور اطفال << يعني قلنا الصدق تقول كذا عموما الله يسامحك على ما فعلت وبالعكس انا مسرور اشد السرور على خروووج المفرج وعقبال العنقري وعقبال الزوري والهليل والذياب والاعبين المستهلكين .. تشكراتي لك واسف على الاطاله.. |
أستغرب من قول جيل القحطاني.. جيل فلان وفلان... وش فيها اذا صاروا الجماهير من جيل القحطاني.. والصراحة حنا الحين بجيل القحطاني..والشلهوب .. وعزيز.. وباقي النجوم.. أما المفرج .. انتهى.. واذا كنتوا من جيل المفرج... يعني المفرج يبقى ما يروح أبد.. خير ان شا الله... الحين ...اللي لاحقين على جيل يوسف... اعترضوا يوم اعتزل يوسف.. هااااه.. لا ما اعترضوا ..واللي يعترض.. ما عنده عقل.... خلاص.. كل لاعب له جيل وزمن وينتهي.. انتهى يوسف.. وانتهى النعيمة ..وانتهى سامي.. وانتهى المفرج.. بالرغم انه لا يقارن بهم... وسينتهي الشلهوب..والتمياط.. وياسر... كلهم.. ولكن ..هل نظل على لاعب .. أو على اثنين.. |
لايكون المفرج مالديني واحنا ماندري والله انها الساعه المباركه اللي راح يغادر فيها الهلال على الاقل راح يخفف من الضغط والسكر اللي صاب جماهير الزعيم بأخطائه من عام 1418 وهو ماتمر سنه على الهلال الا وينكبه ويضيع عليه البطولات بس عندي كلمة له ياليت وهو رايح معه ياخذ شلته العنقري والعتيبي والغنام والخثران |
إقتباس:
هل هذا عمر كبير على مدافع ثم اذا كنت من المتابين للهلال في السابق متى اصبح المفرج المدافع الأساسي في الفريق؟؟؟؟؟؟؟؟؟ أي ألف سنه وأي عشر سنوات تتحدثون عنها ثم أبغى أسألك سؤال هل أعطي المفرج ربع ماأعطيه المرشدي من تشجيع وهل انتقد المرشدي ربع بل واحد من ألف من انتقاد المفرج |
شكرا على الموضوع وفعلا سنعض أصابع الندم على فهد اللي يقولون فهد المفرج كبير في السن المفرج له عشر سنوات يلعب والله ان الجرايد تضحك على عقولكم المفرج عمره ثلاثين واحد وثلاثين بالكثير هل هذ ا العمر يعتبر كبير على مدافع معظم مدافعين العالم اعمارهم فوق الثلاثين حتى مدافعين المنتخبات تجد أغلبهم فق الثلاثين ثانيا المفرج له عشر سنوات في الهلال ولكن ليس اساسي المفرج كان عشر سنوات احتياطي يشارك عندما يغيب احد قلبي الدفاع ويبلي بلاء حسنا اصبح اساسيا عام 1426هـ فماذا حقق الهلال منذ ذلك العام وحتى الان؟؟؟؟؟؟؟؟؟ بطولاااااااااااااااااااات |
إقتباس:
مايروح واحد له يومين يشجع ويقرا في الجريده واحد يقول نواف انتهى ولا المفرج نكبه يجينا المنتدى يعبيلنا المواضيع من هذا الكلام |
| الوقت المعتمد في المنتدى بتوقيت جرينتش +3.
الوقت الان » 05:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd