▓ تقرير مفصل عن رابطة مشجعي المجلس العام + دلاخة + طقاق + طرب + أحزان + ضياع + صور ▓ - صفحة رقم 4 - نادي الهلال السعودي - شبكة الزعيم

the skull · #46 30/09/2007, 01:14 AM

إقتباس


	حسيب بوقتها إني مطرب واقف قدام 40 ألف متفرج . تصفق يصفقون وراك ، تلفت يمين 40 الف يلتفتقون يمين معك ، ترفع يدينك الجمهور يرفع يدينه . بغيت أسوي حركة نذالة بالجمهور وأطب من فوق ، قلت يمكن يطبون وراي

ام الفللله يا شيخ تخيل انك مسويها وطاب ههههههههه

إقتباس


	بطولة : المشاغب - خالي من الهم - سمو المجد - مواصل من عام 1413هـ - leo messi

الله يخليكم لبعض

موضوعك تحفه تشكر عليه

106sarona106 · #47 30/09/2007, 01:28 AM

إقتباس

الرسالة الأصلية كتبت بواسطة شذى (ع)


	ليه هو وش بالكراتيين وش سنع المشجع النصراوي معكم << الله من اللقافة ضرب واغماءات وعطش وجوع وضياع وقطع ارسال بصراحة تستاهلون أحد يتحمد لكم بالسلامة الله يعطيك العافية على هذا التقرير والحمد لله على سلامتكم

الحمد لله على السلامه تو ما نور المنتدى

انا بصراحه للحين مو فاهمه احس ان مخي انلحس

بسم الله علي

انا متاكده من ساعتين كان الموضوع هذا مقفل<<<<<بس يمكن الواسطه اشتغلت
وجابت ام المفتاحيمكن ليش لا ؟؟كل شي ممكن يصير

بالنسبه للموضوع
انا بصراحه لما اشوف موضوع مثل هذا احقد

<<<<(اهم شي الصراحه)

يعني مستانسين ع الاخر واحنا ياعيني

<<<خليها في القلب تجرح

لا تطلع برى وتنطح<<من عندي

عوافي عبدالله ع التقرير المفصل

والمدعم بالصور

احس انك مشروع صحفي ناجح

<<<بدت الفلسفه

نواف الهلالي _13 · #48 30/09/2007, 01:45 AM

مشكوور على التغطية المميزة !!

««× هلاليــــه ×»» · #49 30/09/2007, 02:03 AM

موضوعك رائع ومميز

المـشـاكـس · #50 30/09/2007, 04:57 AM

شكرا لك عبدالله ..
حجزنا ..
وكنا ناوين نرجع ..
تقفل الموضوع الين راح موعد الحجز ..
كان ودي اعلق والله ..
لكن بعلمك وش منعني بالمسن في اقرب فرصة ان شاء الله ..

نـــــــ15ــــــمر · #51 30/09/2007, 05:36 AM

هارد لك

والله كلنا انقهرنا

وعلى المشاغب لا توصف له ابد اسلني انا عنه وعن مواعيده

تشـــــــــــاو

مــــهــــنــــد · #52 30/09/2007, 07:01 AM

هلا والله مواصل تقرير رائع جداً

وبصراحة الاستراحة كانت مليانه يعني احس ودي اسولف مع كل الشباب لكن استلموني حقوي وخويه سواليف وكنت ناوي اسولف مع ابوطلال بس ماحصل فرصة كان فيه موضوع ناشب في حلقي ودي اقوله له واشوف الرجال كل شوي اطالع فيه ثم يقول وشلونك مهند !! الرجال مايدري وش ابي ههههههههه

بصراحة الاستراحة رايقة وعرفتنا على شباب كويسين ولا ننسى المقلب في الكلاسيكي هههههههه الله يقطع بليسك ياماجد مقبل .
قال لي قل للكلاسيكي انك انت ماجد مقبل والله ويجي الرجال ويسلم على الشباب مصافحة بس ويوم قلت له انا ماجد مقبل والله ويخمني ويقعد يبوس ساعتين وشلونك عساك طيب ههههههه .

المستشار ماهوب زي الاستراحة الماضية ساكت طلع عنده لسان ويعرف يتكلم ولا ثرثار بعد وتشوف الشباب يحددون معه مواعيد لتصليح اجهزتهم <<<<<<< صار فني على غفله !!

مشاغب موصي الهاوي يسوي فينا مقلب بس يوم جاء الهاوي سألنا عن المشاغب فـ قلت له ياحبيبي هذا اكبر واحد يسحب ولا تصدقه انا قال لي نبي نسوي مقالب ولا سوى شيء قال والله انك صادق هو قال لي بنجي بنفس الوقت ولكن المشاغب كالعادة بالسحبات المحترمة !!

مواقف !!
الخروف الأكبر ورئيس رابطة الخرفان عاد إلى ممارسة الخرفنة على وقت السحور !!

جاب البلاستيشن واحد متحمس ولكن انصك صكه على كيف كيفك <<< قال نجوم السامبا قال !!

قولدست ماتوقعته كذا شكله صغييييير من جد ولكن حين سالته طلع كبير ههههههه <<< يمديكم على حين !!

لعب الكورة كان بعض المرات يدخل فوق الفرش وماتشوف إلا الفناجيل والكاسات تطير ! .

المباراة :
سبب الهزيمة واللذي أخبرت به مسبقاً هو واحد من الأعضاء لايحضرني اسمه <<< ابو التصريف
شاف المباراة إلى قبيل هدف الهلال ، من أول ماطلع والهلال يجيب هدف !! الله يستر لا يجيني كرت احمر بس !

أشكر كل الشباب على المجهود الرائع .

وتقبلوا تحياتي ،،،،

كاريزمـا · #53 30/09/2007, 10:20 AM

إقتباس


	السلام عليكم ورحمه الله وبركاته

وعليكم السلام والرحمه ..

إقتباس


	اللقاء بالإستراحة

إقتباس


	يوم الثلاثاء ، ليلة الإربعاء ، هو وقت اللقاء ، لإجتماع الأعضاء ، في إستراحة سواء ( تنفع مطلع قصيدة ). وحضر من المجلس العام كل من : ماجد مقبل - المشاغب - جرح يشكي - سمو المجد أبوطلال - خالي من الهم - مواصل من عام 1413هـ المستشار - مهنــــد - الكلاسيكي leo messi - GoLdesT - alhawy أما من المنتدى الجمهور الهلالي فما أعرفهم وكان على رأس من حضر ( إبراهيم حقوي ) رئيس رابطة مشجعي نادي الهلال. وعلى عكس اللقاء الأول ، دار أغلب الحديث عن نادي الهلال وما حصل من مشاكل ، واللقاء المرتقب يوم الإربعاء.

ماشاء الله تبارك الرحمن عليكم الله يديم هالجمعه بينكم يارب

وتتجتمعون على طول ..

ياحليلكم عديتكم طلعتوا 19 نفر >> الله من الصجه

اللي جالسين ياحليلهم أحسهم مستحين وراهم مايسولفون >> تحسب الناس مثله

ياوليه ماادري شلون جالسين واللي وراكم يلعبون كوره بالله ماأحد كمخته الكوره

ولا طبت بصينيه الشاهي

معقده هالشي

ياحليل حقوي يلعب كوره >> حاطه ببالي بس يغني (( الاهازيج ))

اجل هو شامبو وبلسم (( 1x2))

دلاخــــــــــــــــــــــــة مشاغب

إقتباس


	وبيوم الوعد ، أخذنا العهد ، ألا نضرب أحد ، ونصاحب كل بنت وولد ( برضوة شطحة مالها علاقة ) .

وشلون جت الشطحه ذي

مشيت على رجولي قلت أسوي رياضة على خفيف برمضان

إقتباس


	كملت مشي لحد طريق الشرقية عند ( مخرج 8 ) ، حسيت بالعطش والجوع من كثر المشي وصرت أشوف سراب ( قوية سراب بالليل )

أيه أنت ماسمعت بالظاهره الجديده يقولون في سراب بالقمر

إقتباس


	اللي أذكره إن بين رقم ( 8 ) ورقم (12 ) ثلاث أرقام ما أدري كيف إختفت . أتوقع المدرس اللي درس المشاغب الرياضيات كان سباك وعلمه ترتيب الأرقام غلط : 1 - 2 - 3 - 4 - 5 - 6 - 7 - 12 - 13 ..... الى أخر الأرقام .

بلا مخارج بلا هم يازين دورات جده

قسم المخارج تغث
تصدق أتوقع مدرسه المشاغب خباز ويلعب بالارقام الحسابيه

إقتباس


	بعد عناء وصلوا لي ، وركبت مع سمو المجد و المشاغب وركب معنا مشجع نصراوي لمؤازرة الزعيم .

ياساتر استر تسيف يسطي النصراوي

( مو لازم أحد يعرف من هو ، أهم شئ إنه مو أنا

)

طيب عطنا بس اول حرف

>>> حب الاستطلاع أدهر عندي

ماشاء الله عليهم اللهم زد وبارك

إقتباس


	وصعدنا بالمكان المخصص للرابطة وكان وجيهنا مقابل الجماهير حسيب بوقتها إني مطرب واقف قدام 40 ألف متفرج .

موااااااااااااصل عليك أحساس

إقتباس


	تصفق يصفقون وراك ، تلفت يمين 40 الف يلتفتقون يمين معك ، ترفع يدينك الجمهور يرفع يدينه . بغيت أسوي حركة نذالة بالجمهور وأطب من فوق ، قلت يمكن يطبون وراي .

هههههههههههههههههههههههههههههههههه
اه يابطني ههههههههههههههههههههههه
طيب كان جربت تنزل للملعب تشوفهم ينزلون وراك

يؤيؤ الصراحه ماادري كيف تتحملون هالزحمه

وغير كذا الملعب كبير

يخوووووووووووووووف الموقف

تشوف الناس من بعيد كنهم ذر

انا دخت من الصوره بالله وش حالتكم يالحظور

سؤال بس يدور بجمجومتي >>

ليه معطين الملعب ظهوركم كيف تشوفون المباراة والا من تعابير وجيه الجمهور تعرفون

سير المباراة

طيب وراه هالضعيف ماانطمس وجهه والا ماحكم عليه بالقصاص

إقتباس


	وهذي صورة للأعضاء وهم يتناقشون بعد الهبال والتعب

أحسهم متحمسين بقووووووووووووووه

اللي لابس ثوب احسه متحمس بقوووه مفسر أكمامه من الحماس والتصفيق

إقتباس


	وأنا ما غير أعضعض بالشال اللي معي ، ما حسيت بالشال إلا وهو بوسط حلقي .

إقتباس


	أحـــــــــــــــزان وإغماءات وضيـــــــاع بالملعب بعد صافرة الحكم ، خرج أكثر الجمهور زعلانه وكلها حزن( الله لا يلومهم )

اي والله الله لايلومهم

فترت أعصابهم ...

خيرها بغيرها ربي يعوضهم

إقتباس


	نزلنا خالي من الهم عند خويه ، وإستمتعنا بدلاخة المشاغب شوي ومغامراته اللي تنم عن إنسان يحمل دلاخة كبيرة ، بس ما لقى اللي يوجهه للطريق الصحيح بالدلاخة . وإتفقت أنا وإياه إني أكون الموجه والإستاذ بالمستقبل بحكم إني دلخ سابق . وقبل ما نفترق تم فتح ملفات قديمة من الإرشيف ، قلبت مزاجي طول اليوم .

انت الاستاذ وهو الطالب لا عز الله فلحتوا

إقتباس


	كان معكم من قلب الحدث مواصل من عام 1413هـ أو كما يحلو لكثير من الأعضاء مواصل من عام الفيل

إقتباس


	دمتم بخير وعلى دروب المحبة نلتقي بلقاء حصري آخر مع الأعضاء ومشاكل الأعضاء فكرة وسيناريو وحوار وتصوير : مواصل من عام 1413هـ بطولة : المشاغب - خالي من الهم - سمو المجد - مواصل من عام 1413هـ - leo messi إخراج : مواصل من عام 1413هـ

الف الف شكر مواصل على الموضوع والتقرير الرائع والمفصل للأجتماع المجلسي والأسيوي

الف شكر لخالي من الهم والمشاغب وليو ميسي وسمو المجد ومواصل

جهودكم واضحه في مجلسنا

موضوع مرتب وتنسيق رائع .....

دمتم بمحبه ....

alhawey · #54 30/09/2007, 01:28 PM

هلا وغلا بالمواصل من العام الطعش

تقرير قميل ياقميل

وانا حقيقه انبسطت وسعدت وفرحت أساريري بلقائكم

يامواصل يامواصل يافقاش

والله ان عيونك تقول انك أكثر واحد ينام بنجد كلها

تسلم ياغالي

leo messi

إقتباس


	هذا الموقف صار لي يوم جاء الهاوي طبعا انا كنت جاي من برا البيت وماجبت معي قهوة ولاشيء وكنت منتظر ابو مقبل اللي بيجيبها المهم دخل الهاوي وقعد وانا والله مدري وين اودي وجهي وش اصب له الحين قمت واخذت السفن اب وصبيت له كأس

عساك تسلم

تصدق اني ما أحب السفن ولا لي خلقه بالذات لاصار مهوب بارد قوه

أمزح عليك يارجل كفيت ووفيت وبعدين تراي معزب ومناااب غريب

مع انه المفروض كان فيه على الأقل قهوه

أسأل الله أن يفك أسرك ويعيدك سالمأ غانما.

جرح يون

إقتباس


	خالي من الهم [ الواصل ] ويسلم حقدوا علي انا وسلطان عشان الهاوي قعد يمدح فيني انا وسلطان ، وبعد تخطيط ومكر منهم اخذوا الهاوي [ عبدالجبار ] على جنب وقعدوا يسبون فينا ، الى ان تدخل ماجد وانقذنا من الورطه

لا يهمونك يامحمد مهما وشا الوشواشون لا يمكن أغير نظرتي لك أنت والمشاغب

مع اني أحس انهم صادزين

الظاهر دخل وقت الاذان هالحين

ولاّ تونا؟؟

إقتباس


	قلنا من الاخ قال ماني قايل لكم الا لما تعرفون بـ انفسكم ، عاد عبدالجليل بسطويسي عرفني ع طول قال انت جرح عرفتك من صورتك ، واخر شي قال انا الهاوي كان مخطط مع سلطان انهم ينتحلون شخصية بارزه في المنتدى

عبدالجبار وعبد الجليل

ياخوي أنت ماعندك شي اسمه وسط؟؟

يا أما تروح تكب عشاي قدام العالم وتحط اسمي وتاريخي كله !! أو تبدأ تموه بعشر أسماء باليوم!! اعن ابودارك يالونّان أنا تلخبطت ما ادري وش اسمي هالحين

تسلم يابعدي

ڪـيــف الـζــآل ؟ · #55 30/09/2007, 02:21 PM

الله يديم المحبة بينكم

الهلالي دائماً · #56 30/09/2007, 02:41 PM

وانا اقول ليش انهزام الهلال أثر السالفة فيها حضور الخرفان ههههههههه

لا وجالسين بالرابطة

ياشيخ ايام زمان وانا مهبول ما كنت احب اجلس عند الرابطة

>>> احسن يالعاقل

عاد سالفة الشهره ذكرتني الايام الخوالي

تقريبا قبل عشر سنوات

كانت مبارة الهلال وناغويا الياباني

وكنت جالس مع خوياي في الاستاد وكانوا حقين الرابطة يوزعون اعلام

واشوف واحد من خوياي في الحارة على ارض الملعب

واناديه عساف عساف وأثر نص الجمهور يقولون عساف عساف

وبالقوة لقاني وقلتله جب لي اعلام

عاد ما قصر عطاني نص كرتون

ويوم جيت برجع لخوياي ضيعتهم ووقفت ادورهم وهم ينادون مااااااااااااااااااجد مااااااااااجد

والمشكلة ان كل الجماهير اللي حولهم صاروا ينادون ماجد ماجد عطنا علم

الا درجة اني حسيت اني ماجد عبد الله بين جمهور النصر

المهم يوم وصلت عند خوياي ما بقى الا علم واحد فقط

تسلم اخوي مواصل من زمان

والله يعطيك العافية على الموضوع والتغرير

وشكر لكل الاحباب اللي شاركونا في الاستراحة

سواء من الجمهور او المجلس

وشكرا لابو طلال اللي لزم يسحرنا مفطح بس ما لقينا مفطح لان الوقت متأخر

وشكرا عبد الوهاب مدري عبد الهادي

اللي اللي كان حريص على الجمعه ...

وشكر للهاوي اللي جاء واتحفنا بحظوره وافكاره الليبراليه

وشكر خاص لاطلق واحد حبيب قلبي الكلاسيكي اللي بصراحة ما توقعته كذا

سبحان الله عادل انسان رائع في المنتدى واخلاق وذوق بس يوم شفته ...

طلع رائع اكثر مما تصورت من جد بكثيييير وما هو شرير مثل المشاغب

وشكرا GoLdesT صديقي وولد مدرستي

و تسلم على الكوبري اللي صكيته ليو ميسي

وشكر للمشاغب - جرح يشكي - سمو المجد
خالي من الهم - المستشار - مهنــــد - leo messi

الله يعطيكم العافية يا شطار ....

وشكر لاعضاء منتدى الجمهور استاذ ابراهيم حقوي + صلاح السليماني + مجنون ابوسلطان
عزيز مكس + غيور ازرق لحضورهم الرائع ...

وجميع من لم تحضرني اسمائهم من الحبايب

كونوا هنا

alhawey · #57 30/09/2007, 02:54 PM

^^^^^

اخوقلبي ابومقبل

إقتباس


	وشكر للهاوي اللي جاء واتحفنا بحظوره وافكاره الليبراليه

اطلع من حياتي ياقاسي يانسي!!

عطن فكره وحده ليبراليه طرحتها على مسمعك طال عمرك!!

مهوب أنا اللي أوجعه حلقه وهو يقول طاش عيال حراش

ربنا يسامح نيابة حضرتك

ما توقعتها منك

مقروح وألبي انقرح!!

الهلالي دائماً · #58 30/09/2007, 03:08 PM

^
^
^

اهلين الهاوي اخو قلبي

اقول ودك تشوف كرت اصفر

اليوم ماشاء الله مدهر ردرود

وبالنسبة لللبرالية كنت احسبها مدحه

بس دام كذا خلاص هونت

انت احد المعادين لللبرالين واللبراليه وانت انسان ديموقراطي هههههههههه

والمشكله ان افكارك ما تنكتب

بس بصراحة طلعت راعي بلاستيشن

ويكفي فضايح خلاص احتاج الى خلود للنوم

كن هنا

iOsαмαн · #59 30/09/2007, 03:29 PM

إقتباس


	مواصل من عام 1413هـ أو كما يحلو لكثير من الأعضاء مواصل من عام الفيل

أما هذه زبدة الموضوع

على العموم يعطيك العافية

(((أخلاق سامي))) · #60 30/09/2007, 03:38 PM

هلابك مواصل

كيف الحال .......؟

اخوي والله انكم ما قصرتو واستمتعت بالقرااااااءه والدلاخه حقت المشاغب

اخوي ترى انا منيب مطول لان خاش انترنت بالسلك الدي اس ال انتهى اشتراكي

ويرفع الضغط السلك

في امان الله