اللي يقهـر ان الجماهير قامت تخلط بين الأمور !!!

واللي يبعث للتعجب أن اللي يشوف حــالهم قبل يومين وثلاثه مايقول هذولا هم نفسهم الجمهور اللي امس .. يعني بمجرد خسارة ( صحيح هي خسارة أسيويه ) بس مهما يكون المفروض جمهور هلالي مايطلع منه كل هذه التجريحات لأشخاص خدموا الفريق لسنوات ..

والمشكله الكبرى ان السبب واضح للخسارة مدرب لايعرف الاعبين يعني مو ذنب الزوري والذياب اختيار المدرب لهم في المشاركه بالمباراة .. اما العنقري مافيه غيرهـ عشان يشارك مكانه .. والمفرج لو جلسوه المدربين من الموسم الماضي على دكة الاحتياط كان طفش من الجلسه عليها وابتعد عن النادي ..

لكن نواف رجع كثير من مستواه هذا الموسم وكلنا شفناه بالخليجيه وهذي المباراة كان مستواه جيد بس المشكله التشكيله اللي ماساعدته يعني لو لعب بجانب التائب او الشلهوب من بداية المباراة كان تغير الوضع .. حتى ياسر والصويلح بتوصلهم كور صح بس هذي تشكيلة المدرب اللي ماعنده أي خلفيه عن لاعبي الهلال ومانقول الا قدر الله وما شاء فعل