أخـبار بـطـولـة شبكـة الـزعـيـم [ 2 ] - صفحة رقم 3 - نادي الهلال السعودي - شبكة الزعيم

B U F F O N · #31 23/09/2007, 03:28 PM

الــسلام عليكم و رحمة الله و بركــاته

والله المــسابقة عال العال هــاليومين

إقتباس


	1- أي المباريات ترشحها كأقوى وأجمل مباراة في المرحلة الأولى ؟!

بــكـل صــراحة أرشــح مــباراة فــريق نجوم الفــيديو و اللي فازوا فيها بنتيجة قــاسية

إقتباس


	2- من وجهة نظرك وبواقعية تامة , من هو الفريق الأفضل في المرحلة الأولى ومن هو الأسوأ ؟

الأفــضل فريق نجوم الفيــديو .. و الأســوء فريقنــا (( البيانكونيري ))

إقتباس


	3- من هي الفرق التي ترشحها لعبور المرحلة الثانية ؟

نجوم الفيديو + فريق الدوافير

إقتباس


	4- كيف كانت متابعتك لجميع جولات المرحلة الأولى ؟

مــتابعتي كانت عادية ..يعني مباراة أشوفها و مباراتين أسحب

و بــالتوفيق لجميع الفــرق و أتمنى بكل صــراحة أن المـــسابقة تتكرر كـل شهر

الغريب · #32 23/09/2007, 04:23 PM

^
^
^

معليش أخوي .. فريق الدوافير .. تعيش انته

قدر الله عليهم وصار لهم حادث ... قصدي .. قابلونا

السؤال .. من .. الضحية القادمة ؟!! انياهاها .. انياهاها <=== ضحكة شريرة <===انهبل .. لاعبن فيه الصيام

السامي كسمو الهلال!! · #33 23/09/2007, 05:37 PM

<
<
<

وش رايك في الاسهم يا كابتنا الأنيق الغريب,,
ودي أحطها فوق بس ما ادري وينها ( حقت فوق ),,

لا الحمد لله حصلتها

^
^
^
^
^

<< يستلكع على قبل المغربية,,

اتركهم كابتنا يعبرون عن امنياتهم,,
ويرشحون من خرجوا عادي ( تومورو ) يستبعدوننا من البطولة ويقولون افضل الفرق المغادره هي

فريق لن ننساك ياسامي..!!

عندي طلب

ترى تعبت وانا العب حارس ودي اصير هجوم المباراة الجاية,,

وش رايك كابتنا,,

الا ماتلاحظ شيء :

كلنا بنلعب مثل الهلال والفايز يطلع لدوري الأربعه ان شاء الله,,

<< مسوي ذكي,,

أبد بس لقيت كابتنا الغريب ( هووون ) وقلنا نتجاذب اطراف الحديث ونقضي حبر المجلس العام,,

حبر الجمهور الهلالي ( غالي ) ,,

بس الاهم مباراتنا ودي تصير بعد ( ما ) استاد الملك فهد ( الهلاليين ) خيخلصوووووه

بعده بواجد بعد

وتقبل الله من الجميع صيامهم وقيامهم

يالله قرب وقت الفطور,,
عليك بالفيمتو كابتنا قبل ما اهلك يخلصووووه,,

وعلى دروب الخير نلتقي أحبــه

الســامي كسمــو الهــلال1982

dal3_uae · #34 23/09/2007, 08:37 PM

بالتوفيق لفرق المجلس العام

ولن ننساك يا سامي .... خاسرين خاسرين لا محالة

هلالي على طوووول · #35 25/09/2007, 05:38 AM

كل تمنياتي بالتوفيق لجميع الفرق المشاركة

صاعق · #36 26/09/2007, 01:29 AM

بالتوفيق لفريق الحكومة ..

السامي كسمو الهلال!! · #37 26/09/2007, 03:38 AM

السلام عليكم ورحمه الله وبركاته

صبيحتكم ورد,,

والأعصاب ( مشدودة ),,
وزعيمنا اليوم ينير استاد الملك فهد وحاملا رساله الملايين من عشاقه ,,

أبعث سلامي الحار لكل الفرق الفائزة,,
وسلامي الحار ايضا لكل الفرق الخاسرة,,

وابعث ايضا ( مباركتي ),,
متمنيا لكل الفرق الفائزة محالفة التوفيق,,
والخاسرة القادم أجمل بمشيئة الله,,

اليوم زعيمنا ينتظره لقاء حسم,,
وانا ( هاده حيلي الانلفونزا ),,
وغدا ( الخميس ) ينتظرنا كفريق لن ننساك ياسامي لقاء مهم ,,

وعز الله يالسامي اللي راح ويك ( اندك ) بين حمى وبين قلق نفسي,,

ومتى يجي يوم الاثنين بس,,

الا ليش تغيرون الاسئلة وتخلونها رياضيات وإحصاء وانا مبحبهمش يا لجنه,,
<< تمويه يا اخوياي لاتشيلون هم,,

لو تنحط الأسئلة ( مزيج من تشريح ومن اي شيء ) بنبيض الوعد يافريق الحكومه حنا

ياقلبوس ياحنا,,

( قلبوس ) دلع لقلبو,,

بيقهر بعض الناس

ذكرتونا بالثنيان في مقابلة حصرية له عندما قالهم بلاتشي تعالوا ( تمرنوا الصباح ),,
قال الثنيان يابلاتشي حنا تركنا الدراسه عشان مانقوم الصبح تجي انت تقول تعالوا تمرنوا,,

بس وش رايكم في مثال الثنيان اللي ذكرته احسه مو يم الموضوع,,

بس وش نسوي الصوت رايح فيها ( والحلق ) احسه مش ولابد واي نسمه هواءتضايقني ,,

بس حراره مافيه,,

وش هالمرض اللي صايبني,,
شكله عين

اعترفوا

أبد حبينا نبارك للفرق الفائزة,,
ونواسي الفرق الخاسرة وكلنا اخوان,,

ومابيننا خاسر,,

الهلال غدا الأهم الدعاء ياعالم,,
والدعم والمؤازرة,,

وبعد توفيق الله سنجد زعيمنا لدور الأربعه ويمكن نخليه يشارك معنا في دور الاربعه للبطولة حقت الشبكة,,

<<< ينكت

وعلى دروب الخير نلتقي احبــه

الســامي كسمــو الهــلال1982

abo_nasser · #38 26/09/2007, 06:14 AM

^
^
^
يستظرف الراجل

السامي ...باذن الله البطوله ما تاخذونها ...تقولي ليه...اقول مزاج

ان شاءالله ياخذها فريق من المجلس <<<<غاسل يده منهم

من المجلس او العالميه او من الجمهور اهم شيء لا يكون فريق الحكومه

واخيرا ...باذن الواحد الاحد الفرد الصمد في هذي الساعه المباركه ان افوز هلالي

وعلى طريق نلتقي

ابوناصـــــر

سلااااااااااااااااااااااااااااااااام

الـمـشـاغـب · #39 26/09/2007, 10:30 AM

الكتيبة السابعة أو لن ننساك يا سامي ..!!

بانتظار الفائز منكم

جرح يشكي · #40 26/09/2007, 02:46 PM

كفوووووووووو يا المشاغب كفووووووووو

قول وفعل

تكفون يا عيال المجلس صيروا احسن مننا ، سوو اللي ما قدرنا نسووويه

سلطان يسلم المشاكس البرنس الله يقويكم

وترا مصاريف الرابطه علي

الغريب · #41 27/09/2007, 04:38 PM

إقتباس

الرسالة الأصلية كتبت بواسطة الـمـشـاغـب


	الكتيبة السابعة أو لن ننساك يا سامي ..!! بانتظار الفائز منكم

المشاغب البرتو ... طريق المطار والخروج النهائي بانتظارك .. على يدنا .. بإذن الله

ياخي ذكرتني بالعجلاني .. جاء يوم صدقنا فيه كلنا إنه مدرب ماهوب صاحي ... واليوم حده أرطاوي الرقاص

إذا أنتم بانتظار الفايز من مباراتنا مع الكتيبة السابعة ...

حنا ( نحن ) بانتظار الفايز من مباراة والله وجابك رمضان يافيمتو ضد الفايز من مباراة الزهور وبتروليين الشبكة

the14prince · #42 27/09/2007, 09:56 PM

فريق لن ننساك ياسامي إنتو تقولون إنكم مثل الهلال ومحاربين زي الهلال وأنا أقوووول كملوهاا واخرجوو زي الهلال أمس هع هع وبإذن الله ربي معانا وماراح نخيب مجلسنا والبطولة لنا بعد توفيق الله ودعوات المحبين

المـشـاكـس · #43 28/09/2007, 02:22 PM

قفلوا موضوع المسابقة ..
فقلت برد هنا ..
مع اني عارف انهم ما عاد بيوطوطون في المجلس

..

طلع فريق لن ننساك يا سامي ..
ما كان ودي والله ..
كان ودي يطلع على يد السلاحف ..
بس الشباب في الكتيبة كفونا خدمة ..

عموما ..
احمدوا ربكم ان الهزيمة كانت على يد فريق من خارج المجلس ..
ولا لو كانت غير كذا ..
كان فضيحتكم بجلاجل

..

لكن بما انكم طلعتوا ..
وهذا يعني ان وقت المهايط بالنسبة لكم انتهى

..
فأقول ..
بالتوفيق لكم جميعا ..
وخيرها بغيرها ..
استمتعنا لفترة بالمهايط سوية

<<< متعوب على سوية

..
واستانسنا بقراءة تصريحاتكم والرد عليها ..
ونعتذر لو زعلناكم في يوم من الايام <<< ما ودنا نجمع عليكم ضيقة الصدر بالخروج من البطولة والزعل

..
وادعوا لنا بالتوفيق ..

السامي كسمو الهلال!! · #44 29/09/2007, 05:31 AM

واي واي واي واي

واي مانرجع ونعلق ونكتب ,,
يخرب بيتكن شو مانتم منيحين بنووووب,,!!

يخزي العين شو ما احنا ( ملطشة ) لــ إلكن,,
هو صحيح تلعنا مو بكــّير ,, بعد منو لــ بكــّير لكن كنا مهضومين كتير,,

الواحد مابيوخز له نسه من هون والا من هون والا بيلائي ناس عم تآكل في لحماتوه,,

شو مافيه مفهومية ولا فيه إحساسية,,

<<< إحساسية ( إحساس ) بس علشان تركب على مفهومية,,

واللي يوصل للنهائي شو بنئوله ( شاطر شاطر ),,
واللي مابيعذب مدرسته وينام بدري شو بنئوله شاطر شاطر,,

واللي لائينا جدار ئصير ويذب حكي شو بنئله ( مانت شاطر ,, مانت شاطر ),,

اصبروا بجلس زين واتكلم نجداوي

الحين يوم انكم شابين فينا ( جدرانا قصير ),,
والا ما انتم خايفين يعني,,

الله يا الدنيا من اول ندخل بفريقنا من الرعب تتناقزون واحد واحد وتصورون جنب يوزاراتنا,,
والحين طلع لكم ريش,,

خذوا هالكلام :

يوم كنا ثقافيين كان مافيه احد يوطوط على فريقنا,,
ويوم انقلبت سعد وحمد وقطار وسرعه ومن هالأمور,,

صرنا كأننا في كلية العمارة والتخطيط

لكن حنا إجتهدنا والا تراها دكتور إحصاء ورياضيات مصري وندق عليه وانتهى الموضوع

لكن مسار البطولة يوم شفناه تحول كذا قلنا وبعد ( اتفاق صوتي ) بين أطراف الفريق:

الحين لو ابدعنا حسابيا وحنا مبدعين ثقافيا وحنا فريق حكومة وما أحد قدر علينا وش بنبقي للفرق الثانية,,

قلنا دام الهلال طلع وورانا مواضيع عن الهلال خل المسابقات امرها بعدين,,
وقررنا أن نبتعد حفاظا على مكتسبات الشبكة اللي توهم جدد

<< أبوك يالغرور

لذلك حتى سؤال الكبيسي والا رفع سبع ونزل سبع جبناه في اقل من ثواني قليلة,,
لكن ماكتبناه ليه ماندري,,

وعلى فكرة جبناه كمعلومات وليست من قوقل وشلتهم,,

يعني طلعنا من هالسؤال,,
وبقية الأسئلة نعتقد تخصصاتنا بعيده جدا عن هاللي فيها حفر سعد وكم اشتغل فهد,,

حنا وش دخلنا

وعلى قولة واحد منا ماني معلم باسمه وحنا نتناقش قال فهد اللي كان السؤال عنه وكم مدة شغله قال واحد منا انه
( سربوت ) ويدخن اكيد اقل منهم شغل

شفتوا كيف المرح في فريقنا,,

وبعدها استوت عندنا لدرجه انا نسيناكم في الشبكة وقعدنا تناقش في امور الهلال

ومادرينا الا المباراة منتهية,,

ياخي مشكلة الفريق لاصاروا كلهم مواهب ويسولفون بعقولهم ومخلين القطار يتصادم بالأسئلة لوحده

الغريب,, بو وليد ,, السامي كسمو الهلال!!

ماقصرتوا وبيض الله وجيهكم,,

انلحست تراني انا السامي لاتحسبوني ما اعد اسمي لكن لزوم توثيق هالرد لتقرأه الأجيال القادمه,,

حقيقة :

بطولة رائعه واعضاء من اروع مايكون,,
والله لايغير علينا ومبروك للواصلين للنهائي فريق والله وجابك رمضان يافيمتو وفريق سلاحف النينجا,,
تستاهلون وربي,,

ونهائي مميز بكم,,
ولمن ودع سابقا او لاحقا ماقصرتوا وبيض الله وجيهكم,,

وجهود انيقه وشكر خاص للأمير بندر بن ثامر وللغالي ابو محمد وللجنة في المسابقة
وللجميع,,

وشكر خاص للأمير عبدالعزيز بن سعود والامير راشد بن عبدالعزيز بن سعود وماقصرتوا,,

وعلى دروب الخير نلتقي أحبــه

الســامي كسمــو الهــلال1982

بندر الحافي · #45 29/09/2007, 05:43 AM

ماء شاء الله

عليك استديو تحليلي متكامل

الله لا يظركم

حولكم حواليكم