العصبي أبو بدر ....

إقتباس وبعدين أنا حر فيمن أعجب به فلا تفرض علي وصايتك ، وللمعلومية غيري كثيرين لهم نفس النظرة

وش فيكم يالهلاليين ؟!!!

صايرة موضة عندكم لاتفرض وصايتك !!!!

أنا استغربت إعجابك بلوبيسكو ومن حقي أن أستغرب أي شيء فلاتفرض وصايتك علي !!;)

إقتباس ــ أطلب منك أن تعود إلى مباراة لعبها لوبيسكو وتلاحظ ما يلي : 1ـ كنتروله على الكرة . 2ـ طريقة استلامه وتسليمه . 3ـ دقة تمريراته . 4ـ تمركزه السليم . 5ـ طريقته في امتصاص خشونة لاعبي الخصم .

1- صح

2- استلامه نفس كنتروله على الكرة !!

تسليمه صح لأنه يسلم أقرب واحد يعني بلافائدة للفريق !!

3- ماأدري ياأبو بدر بس ودك تزود مميزاته ؟!!!

يعني تسليمه هي نفسها دقة تمريراته !!

4- يمكن

5- قصدك طريقته في الهروب من الاحتكاكات وفتح الطريق للاعبي الخصم وهذي برضه صح !!

إقتباس ولكن ربما طريقة المدرب لم تناسبه أو حرصه على اللعب بأقل خسارة سبب لعدم ظهوره بمستوى يتواكب مع مهاراته .

كل الطرق تؤدي إلى روما !!

في النهاية ننتهي إلى عدم إفادته للفريق !!

على العموم أنا أشوف إن هاللاعب أقل من غنه يكون قضية نختلف فيها !!!

والحمدلله إنه راح .

تحياتي لك ياعصبي ,,,,

هلا أبو بدر ،،،
اخراج حسين
يمكن يكون خوف من الاصابة و الحماس المضر

المدرب أظن ماله ذنب

أظن الذنب على تراخي اللاعبين و عدم احساسهم بالمباراة

و الأهلي يبغون يثبتون انفسهم بعد هزيمتهم المبارة الي راحت

و عبيد و سويد و كم واحد يبون يثبتون أنهم في مستواهم و انهم يستحقون الانضمام للمنتخب بس ماقدروا

أخوي أبو نواف ،،،

أولاً : لم أفهم أنها مزحة حسبتها جد والله قلت بنفسي جاك العوام يركض .

ثانياً : ربعنا الغالين ما عندهم شيء اسمه مزح إذا تعلق الأمر بفهد المصيبيح ، انتبه لنفسك إذا حلمت بالليل إنك تهاجم المصيبيح فلا تكتب حلمك هنا يطب واحد من الأخوان في بطنك لو هو حلم . [ هذي مزحة ]

ثالثاً : بين الفينة والأخرى يهاجم تركي القحطاني على ذلك التصرف فأحببت أن أبين وجهة نظري فقط مستغلاً تلميحك للقصة .


أخوي القبطان ،،،

ــ بالعكس إذا كان في نيتهم إلغاء عقد المدرب فهذا أنسب وقت قبل خوض المعترك الآسيوي والعربي بعد شهر .

ــ لم يحن بعد المطالبة بإلغاء عقده بس ودنا تقرص إذنه شوي ويناقش عن الأخطاء اللي يشوفها العمى .

ــ وجهة نظرك حول تغيير حسين العلي أحترمها لكن لم أقتنع بالتغيير [ المبيّت ] بدليل تكرره في أكثر من مباراة ، كما أنه يثبط اللاعب حسين العالي العائد بقوة إلى التألق .


أخوي الهلالي محمد ،،،

ــ كل الهلاليين استبشروا بعودة الأمير سعود وإن شاء الله يستمر تواجده حتى نهاية الموسم .

ــ تقول : [ غريبة أول موضوع هلالي بدون طاري المصيبيح ]
وأنا أقول : أفا بس من يقدر يقول بالمصيبيح شيء !!!


أخوي أبو ذكرى ،،،

ــ حسين المسعري هذا لغز من ألغاز الهلال اللي ما يعرف حلها إلا واحد أو اثنين .

ــ ودي أعرف ليش ما تعطى الكابتنية للشريدة اللاعب الخبير المخلص ؟


أخوي هدف بالمقص ،،،

ــ لوبيسكو كان يقوم بضبط إيقاع الفريق وهذا يكفي ، ثم هو أفضل من 90% من الأجانب اللي تعاقدنا معهم حتى بالموجودين حالياً لكن مثل ما أسلفت طريقة أداؤه لا تفيد الفريق كثيراً وكان بالإمكان توجيهها .


أخوي وكبيرنا سور الصين ،،،

ــ تقول : [ وعداوة اللي جالس جنبه ؟؟؟ ]

أظن العداوة ــ إن كانت موجودة ــ فهي من المدرب فهذه أساليب المدربين في تطفيش اللاعبين غير المرغوب فيهم .

أما عداوة الإداريين ــ الله يجيرنا منها ــ فهي تقذف باللاعب خارج أسوار النادي وتضرب بتاريخه عرض الحائط .

ــ بالنسبة للتعاقدات فهناك إداريون محنكون شربوا مقالب كبرى في اللاعبين الأجانب فما بالك برئيس شاب قليل الخبرة ؟

لكن لا يلام المرء بعد اجتهاده وحسن منه دعمه الفريق بخمسة لاعبين أجانب بغض النظر عن مراكزهم ومستوياتهم .



الغريب [ الغريب ] ،،،

ــ والله أنا شفت مصطلح [ فرض الوصاية ] كلن يدندن حوله قلت لنفسي وأنت وش ناقصك يا بو بدر ما تدندن ودندنت على سبيل المزاح ولا الجلد العلو لك هدية يا عزيزي الغريب .

ــ تقول : [ ماأدري ياأبو بدر بس ودك تزود مميزاته ؟!!! ] والله إنك صادق ودي أزود مميزاته لكن وقت الرد كنت مستعجل ولا هناك مميزات أخرى .


المهم أن أسلوبه أسلوب اللاعبين العالميين الكبار وتذكر لاعب الاتحاد دونا دوني نصف الموسم عالة والنصف الآخر نجم مؤثر .

وستسمع الهلاليين يتباكون على رحيله يوماً ما ، وأرجو أن يخيب ظني .


الأخ غير ربحي ،،،

ــ تعليل مقبول لو أن الخوف أيضاً شمل نواف التمياط بدلاً من إقحامة معمعة الجزارين .

ــ موقف الأهلاويين دائماً هكذا ضدنا بزعمهم منافسين .


للجميع تحياتي ،،،