مقالة مميزة كعادتك جمعت فيها عدة نقاط


هذي الدنيا كله ضيقة و هموم وهي عبارة عن مرحلة وتعدي


طالب الثانوي يقول ابرتاح من المدرسين والقلق ابي أصير على راحتي بالجامعة


والجامعي يتشكى من الدكاترة ويقول متى أتوظف وأرتاح من مذلة الدراسة


والموظف يعاني من دوامه و يقول ليتي ألقى غيره أو تدري متى أتقاعد و أرتاح !!!



والشايب مل من هالحياة ونظرة و عين على عياله و الثانية على المقبرة !!



وكل هالهموم بتهون لو أعتبرنا ( وأنا أولكم ) إن هالحياة طريق سفر

إقتباس اليوم الصاحب الوفي مثل الذهب في ندرته ، انطوائي أحب ما له وحدته ، الناس تقول عنه معقد !! ما يجلس مع ربعه و لا مع شلته ! و إن جالسهم و وفى معهم صار الساذج و صار مضحكة شلته !!

بكل أسف هذا اللي حاصل


تصير طيب مع بعض الناس ولا تجرحهم وتلقاه يقول من وراك ( فلان مخفة )

هلا ابو ريمان ..

إقتباس يا الله الواحد العلي التواب ، يا واحد من دعاه ما خاب ، فرج هم مهموم و نفس كرب مكروب و اقض دين مديون و لب دعوة طلاب ، ارحم ضعف ضعيف و اجبر كسر مكسور و رد كل من غاب .

آمين يارب ..


قايل لك انك تحب تنكد على الواحد وتستانس بهالشي !!!



مشكلتنا ان مجتمعنا كله تغير ..
ما عاد فيه اصول نمشي عليها ولا عاد فيه اساس الواحد يربي عياله عليه ..
اذا الواحد بدأ من يومه صغير على اساس خطأ شي طبيعي يكون وضعه وتصرفاته خطأ في المستقبل ..
الحين الواحد يشوف ابوه قدامه وهو مثله الاعلى .. يرتكب اخطاء كبيرة وعلى هالاساس ينشأ ..

الحين ما عاد صرنا نعرف قيمة الوفاء .. ولا عاد صرنا نعرف قيمة الصديق ..
وما نعرف نصدق ومانعرف نقول الحق و غيره وغيره من البلاوي اللي صارت اشياء عادية وتصرفات طبيعية ..
كله بسبب تغيرنا .. وشلون تبي المجتمع والبيئة والانفس والجيل نفس اللي قبل !؟؟!!
وهو بالاساس ما نشأ على هالشي ..!!

يا ابو ريمان صعب تلقى الوفاء من ناس ما تعرف ولا تربت على الوفاء !!
وصعب تسمع الصدق من ناس ماتعرف ولا تربت على الصدق !!
فاقد الشئ لا يعطيه يا ابو ريمان ..!!

الحين الواحد وشلون يكون وفي مع اصدقائه والا اخوياه وهو ما وفى مع اهله وابوه وامه !!
ما وفى مع اخوانه واهله !؟؟!!
مستحيل يكون الشخص وفي وهو ما وفى مع اقرب الناس له اللي هم اهله !! فما بالك بالغير !!
وقس على هالشي الصدق ..!!


يا ابو ريمان من وين نلقاها بس !!!

ما نقول الا عسى الله يسهل بس !!






برايفت ابو ريمان ..
اجل تتكلم عن الوفاء والصدق وانت ساحب علي عشاني تركت الاستشاري !!
مشكلة اللي يعيب الناس والعيب فيه !!