|
استفد من درس الجمعان يا عزيـز ! السلام عليكم ورحمة الله وبركاته لا يختلف اي متابع للكرة السعوديه سواء كان مشجع هلالي او لا على موهبة الكابتن خالد عزيز الكبيره وتطور مستواه الافت للانظار في السنوات الاخيره حتى اصبح افضل محور دفاعي في الملاعب السعوديه وربما الاسيويه وكما يقول المثل (( الزين مايكمل )) تشوب موهبة خالد عزيز الكبيره بعض التصرفات الغير انضباطيه في تمارينه مع ناديه الهلال او المنتخب والحوادث والشواهد عن هذا الاعب كثيره ولا داعي لذكرها في هذا الموضوع الذي هو مجرد نصيحه لهذا الاعب حتى لا نخسره مستقبلا كما خسرنا عبدالله الجمعان يا خالد عزيز لا يختلف هلالي على موهبة زميلك عبدالله الجمعان الكبيره وهي الموهبه التي لو خالطها التزام في التدريبات لكان الجمعان حاليا من افضل مهاجمين المملكه ولكان اساسي في هجوم مع المنتخب مع الكابتن ياسر القحطاني لكن اين الجمعان الان ياعزيز ؟؟ هو على قائمة التنسيق رغم مايمتلكه من مواهب كبيره فاتمنى منك ياخالد ان تنظر لمصير زميلك عبدالله وتحاول ان تلتزم مع ناديك او المنتخب في التدريبات ولم يكن يظرك شيء هذا اليوم لو استأذنت من الكابتن فهد المصيبيح قبل خروجك من المعسكر بتصرفك هذا ياخالد قد يخسرك الهلال في قادم المنافسات الاسيويه والمحليه والخليجيه وقد يطالك ماطال محمد نور عندما اخطىء مع المنتخب في كاس الخليج واوقف سنة كامله قبل ان يشمله قرار عفو اخشى ما اخشاه ان تكون نهايتك بيدك ياعزيز ملاحظه :: كلامي هذا في حالة خروج الاعب من المعسكر لمجرد الخروج او مخالفة الانظمه اما ان كان للاعب ظروف قاهره تجبره على الخروج فهو معذور ولا يلام ويجب تقدير ظرفه ومعرفة ملابسات الموضوع |
الله يهديه .. عربجي ومايبطل حركاته .. انا ابي افهم يعني وين رايح ؟؟ وش عنده ؟؟ مع اني حاس ان المصيبيح مطلع ريحتهم ويعاملهم معاملة أطفال ويخليهم يطفشون .. |
المشكلة في المصيبيح هو اللي عقد اللعيبة تعقيد |
الله يهديه |
يراجل وربي المصيبيح مريض نفسي ابو اثنين والتيماوي وتركي الصويلح والعويران جننهم وربي جننهم تجنين عاد الجمعان يشتكي من المصيبيح من زمان وابو يعقوب يشتكي كلهم ماحد يحب المصيبيح الا ؟؟؟؟؟ |
والله المصيبيح ما يدري وين هي هابه <<<الله يهديه |
طيب دامك كتبت اللي بالاحمر كان سمعت عذره بعدين كتبت موضوعك هذا ولا علطول ماتصدقون زله على المحارب !!! وبعدين تقارن الجمعان بعزيز االجمعان منتهي اذا كان دخل التادي وهو سكران بتقارنه بعزيز ! |
إقتباس:
عشانه طلع من المعسكر وماتدري هل الرجل عنده عذر او لا حطيته عربجي ومايبطل حركاته ّّ!!! قلي اي حركات اللي تتكلم عنها !!! مانذكر الى سفره للبحرين هذي الزله الوحيده له وتقول حركات وعربجه ومادري وشو سبحان الله |
الغايب عذره معاه |
الى كل من اتهم خالد عزيز ادخل وشف عذره السلام عليكم ورحمه الله وبركاته كثر الكلام عن خالد عزيز وانه هرب من المعسكر ومن هذا الكلام واغلب الجماهير حكمت عليه من دون ماتسمع عذر خالد وكثر الكلام بانه لم يرد على اتصالات المصيبيح وهذا كلام مغلوط خالد رد على المصيبيح وقاله زوجتي تعبانه انا كنت متوقع هذا الشي الى ان تاكدت من هذا الموضوع قبل قليل واللي قهرني اكثر واكثر انه تم تثبيت موضوع كامل يهاجم خالد عزيز بدون معرفه اسباب خروجه من المعسكر وكثر الكلام انه عربجي وانه على خطى الجمعان ومن هذا القبيل اللي يقول انه عربجي وان هذي حركاته ومن هذا الكلام يقولي وش سوا خالد غير سفرته للبحرين !! وبعدين الاعب من معسكرات كاس العالم الطويله وهو من معسكر الى معسكر اكثر راحه اخذها لم تتعدى الشهرين ومع ذلك مستواه ثابت ولا بان عليه اثار الارهاق ياليت اللي حكموا على خالد قبل مايسمعون عذره انهم يتراجعون عن الاتهامات اللي بنوها على نسيج من خيالهم وهذا العذر راح يبان اليوم اتمنى اني ماكون طولت عليكم لكم مني اجمل التحيه nawaf.ksa ابشركم عزيز رجع للمعسكر |
غريبه بس الي ظاهر انه مقفل جواله واكيد اذا قال للمصيبيح اني بروح لان اهلي تعبانين موب قايل معصي عموماا الله يستر على خالد والله ياجمااعه من اهم الاعبين في الهلال اتمنى ان لاتطاله عقوبه تحرمناا من ابدااعاات |
يعطيك العافيه أخوي وبالتوفيق لعزيز مع المنتخب والزعيم |
يعني اخوي توك تتأكد من عزيز الساعه 6 وثلث الفجر ,,؟ |
إقتباس:
استغفر ربك .... ... .. . |
اصلا انا متوقع هذا الشيء .. يعني مو لهالدرجه خالد عزيز غبـي ويخرج من معسكر المنتخب من غير سبب مقنع .. أكيد انه تعلم من خطأ الخروج من معسكر نهائـي الدوري .. بعدين هذا منتخب والمنتخب يفرق عن النادي .. النادي يمكن يمشيها بس المنتخب اكيد لا .. وخالد أكثر لاعب شارك مع المنتخب والنادي هو وسعود كريري .. يعني لو يبي يسحب كان سحب من زمان .. |
خالدعزيز..والإتحاد مجرد سؤال هل هناك علاقه بين هروب عزيز من معسكرالمنتخب ومحاولة إغرائه بتا لوقيع للإتحاد ولكل عارف أساليب الإتحاديين الملتويه في مخاطبة لاعبيين الأنديه الأخرى خصوصا في المعسكرات الهامه للمنتخب وتشتيت أذهان الاعبين بمبالغ خياليه حتى يوقعوا على أوراق نادي الإتحاد ومن ثم يسلمونهم المبلغ على أقساط طويلة الأجل ويلهفون نصفها وإن كنت رجال رح إشتك ينبح صوتك وما عندك أحد مثل خميس العويران ما إستلم حقه الى الأن والدوخي ليس ببعيد عنه..ياخالد إنتبه لا تورط نفسك مع من لا يقدرك ويحترمك أنظر ماذا حل بالدوخي جماهير الإتحاد تشتم فيه ليل نهار وكله للإنه لعب في الهلال وأي خطأ قالوا عليه خاين بايعه..حاول تفكر واحسبها صح وإلى الأمام يامحارب |
والله معذور.. قلت من البداية مستحيل..لاعب كبير زي خالد..يضيع مستقبله ويطلع وهو ماعنده اي عذر.. الله يقومها بالسلامه.. شكر اخوي |
طيب يفتج جواله ويقول ان زوجتي تعبانه وما فيها شي يسمحون له زي ما سمحو لمحمد الشلهوب بصراحه يا خالد انت على خطاً المفروض تتكلم وتواجه المصيبيح بحجتك عموما الله يكتب الي ما فيه الخير يا لاعبنا الكبير |
أتمنى ما ندخل الاتحاد فكل شي يخصنا .. |
يارجال والله مو عذر...............وخلها مستوره ........... وينك اسامي تشوف الحال من بعدك |
الله يسمع منك خالد عزيز مكانه فاضي في الهلال ومحتاجينه معنا في الاسيويه |
دائماا أقوووووووول الغايب حجته معاه.. |
إقتباس:
مو قصه توني اتاكد اصلا توني ادري بالموضوع وانا اخوك لاني توني قايم من النوم سئلت واحد وهو اللي قالي |
نواف هل انت متاكد من كلامك وليش المصيبيح يقول ما رد علينا عزيز؟ |
الله يوفق عزيز |
والله ماعرفنا نصدق مين نكذب مين الخبر اليوم بفلوس بكره بلاش |
نتمنى ذلك وإن شاءالله قدام أهله العافيه ومايشوفون شي |
عزيز........؟؟؟؟؟؟؟؟ لاتقسوا عليه ...مؤامرة إتحادية ...لا تخسروه تحية طيبة للجميع...." ... .... بعد تصرف النجم خالد عزيز الغريب.... وهروبه من معسكر المنتخب..... تصرف غريب من لاعب منظبط ومخلص للهلال والمنتخب.... فأتنمى أن لا تقسوا الجماهير الهلالية ..... على هذا النجم المحارب.... حتى نعرف ماهي ظروفه وسبب فعلته الغريبة تلك... اللتي أخشى بأنها مؤامرة إتحادية .... لإفتعال مشكله مع الهلال وخالد عزيز ...لكي يكسب الإتحاد أفضل صفقة في تاريخه .................أرجوكم لا تقسوا على خالد ...لكي لا يكون إنتقاله .....قاصمة ظهر للهلال...وجماهيره خالد عزيز نحن نحبك ... .... ومضه...." سامي والبقية .....أسامي |
إقتباس:
ايه متاكد من كلامي طال عمرك وراح تشوف هذا كله قريب اما انه ليش يقول مارد علينا هذا شي مادري عنه صراحه |
كلامك صحيح اما انها موامره اتحاديه اختلف معك في ذلك الاتحاد ماله اي علاقه لا من قريب او من بعيد بخروجه من المعسكر |
الغايب حجته معه وبانتظار عزيز ولا تستغرب من ادراه المنتخب اذا منعوه تلقاه قالهم زوجتي تعبانه وعيوا عليه يطلع مثل الشلهوب مانعينه من ترك المعسكر مع ان ابوه في العنايه |
انا اقول ان هذي مصيبه للهلال ومدبرة بليل علشان ما يشارك مع الهلال ضد الوحدة الاماراتي |
والله كل شي جايز |
انا متاكد ميه بالميه ان اللي خرب الدوخي و الجمعان هو اللي يسعى لتخريب عزيز وبتشوفون والخاسر الوحيد هو الهلال حنا ما حنا ناقصين مشاكل قبل الاسيوية يا رب تعدي هالموضوع على خير |
أخوي nawaf أشكرك على المرور وأنا مثلك أستبعد بأنها مؤامرة إتحاديه ...لكنني خائف لأن البلوي يسويها وخالد نجم كبير وتصرفه غريب....لكنني متفائل بأن خالد عزيز ..معاه العذر المقنع..للجماهير الهلالية... لكن خوفي الأكبر بأن خالد يتعرض للإيقاف .....ولا يتمكن من مشاركة الهلال في كأس آسيا.... الله يستر ..... ومشكووووووووووور مرة أخرى |
وازيدكم من الشعر بيت توني مكلم واحد هو اللي راح واخذ عزيز من المعسكر يحلف ويقول لي ان المصيبيح هو الي مقفل جواله مو خالد |
ابشررررررررررررررررررررررررررررررركم خالد رجع للمعسكر |
ما اخس من قديد الا عسفان،، وعزيز اخو الجمعان؟ يعني عزيز والجمعان ومن هم على شاكلتهم لاعبين يرفسون نعمه بارجلهم ومايقدرون ماهم فيه من نعمه وما اعطيت لهم من ثقه،، اي اعذار واي خرابيط،، هل نسينا موقف الجمعان ليلة السوبر الاسيوي في مباراة قمة الاهمية ويخرج عشان يصيف في دبي ،، وماسبقتها وتبعتها من حركات صبيانيه منذو ادارة الامير سعود بن تركي مرورا بادارة الامير عبدالله بن مساعد وحتى ادارة الامير محمد بن فيصل ومااتحيت له من فرصه وتساهل وعفو وفي النهاية تعود حليمه لعادتها القديمه حتى اخر معسكر قبل السفر لتونس هذه المره، عزيز ايضا طلع له ريش من عقب مباراة الاتحاد في المربع قبل ثلاث مواسم عندما غادر المعسكر قبل المباراة النهائية مع نادي الشباب وراح يصيف في البحرين على عهدة الراوي ،، تخيلوا قبل اكبر نهائي بالموسم لاعب يغادر المعسكر لخارج البلد ( اي عقليه ). واخرتها يترك معسكر منتخب بلده والله اعلم فين راح يصيف هذه المره؟؟!!!!! الزبدة عزيز والجمعان وهذه الشاكله اقل عقوبه الشطب وصدقوني شطب مثل عزيز والجمعان في دروس وعبر لغيرهم حتى مايكون عندنا اكثر من جمعان واكثر من عزيز نبتلش فيهم،، بشرط ان يكون اول بند في قرار الشطب ان لا يشملهم اي عفو مهما يكن الامر؟ |
إقتباس:
غريب وضعك تهاجم لاعب ولا تدري وش ظروفه اللي يشوفك يقول انت اللي قاعد معه ومطلعه معك ياحبيبي شي ماتدري عنه لاتفتي فيه وعزيز لا يقارن بالجمعان نهائيا عشان زله وحده قومت الدنيا عليه اللحين هذي لاتعتبر زله لان عذره معه |
غياب خالد عزيز في هذا التوقيت ؟ وبهذا الشكل ليس له إلا تفسير واحد ؟!! السلام عليكم ورحمة الله وبركاته الكل قرأ في أخبار الصحف عن غياب خالد عزيز المفاجئ بشكل لم يكن متوقع على الإطلاق وفي توقيت حرج جدا جدا على الهلال أكثر منه على المنتخب لأن الهلال تنتظره البطولة الآسيوية نفس السيناريو حدث مع عبد الله الجمعان والكل يذكر ولا اريد أن أعيد فصول حكاية الكل يتذكرها كل ما أود أن أقوله أن غياب خالد عزيز بهذه الطريقة ودون أن يخبر إدارة المنتخب عن مكان تواجده والسبب الحقيقي لخروجه من المعسكر وعدم الرد على الإتصالات أعتقد أن من يقدم على هذا التصرف يعرف العقوبة الي تنتظره من إدارة المنتخب ( وبصراحة لو تم إيقاف خالد عزيز من ادارة المنتخب لانستطيع أن نلومهم خالد عزيز وضع نفسه ووضع الهلال في موقف حرج هل مافعله خالد عزيز مقصود ؟؟ هل هي حكاية يقف خلفها شخص الكل يعرفه وأريد أن أكرم المنتدى من ذكر أسمه هل القصد إبعاد خالد عزيز عن مشاركةالهلال في البطولة الآسيوية بحكاية قد تخفى على الجميع ولكن لاتخفى على الهلاليين لأنهم تعودوا مثل هذه الحركات هل المقصود ان يتم إقاف خالد عزيز حتى ينتهي عقده وطبعا إذا تم الإيقاف لفترة ستخف مطالبة الجماهيير بتجديد عقد عزيز ومن ثم يقترب العقد من نهايته فتبدأ المفاوضات من الجانب الإتحادي كل هذه إحتمالات أردت ان أذكرها وأعتقد الموقف الي حدث وفي هذا التوقيت بالضبط يفتح المجال امام العديد من الإحتمالات ماذكرته ومالم أذكره أتمنى أن يخيب ظني وأن يعود خالد عزيز للهلال ماذكرته في الأعلى إحتمالات قد تصيب وقد تخطى لكني رأيت أن من المصلحة ذكرها إن غابت على الإدارة الهلالية فكتبت موضوعي للتنبيه وأرجو أن لاأكون قد أخطأت وأرجو التجديد مع خالد عزيز حتى لو تم إيقافه حتى لانعطي فرصة لمن يطارد ه في النهاية خالد عزيز لاعب هلالي وإن شاء الله يكون مع الهلال حتى آخر مشواره شكرا لكم آسف على الإطالة !!! |
اخوي!!! على نياتكم ترزقون!!!! الله اعلم ايش السبب!!!! بعدين خالد عزيز لاعب محترف!!! يعني ماله عذر!!! |
لاتلوم المسكين .. له سنه ماأخذ إجازهـ .. ياخي إن لنفسك عليك حق .,. يوم كان يغيب سامي ماتكلمتوا .. جت على المسيكين هذا :) |
ان شاء الله يكون معــاهـ عذر مقبووول .. لأن الهلال في حااجته خااصة في هاذا الوقــت ... س_ لماذا خالد عزيز داائما في الاوقات الحااسمه للهلال اما نهائي او مبارات مصيريه يفعل هاكذااا ..!!!!!!!!! ؟؟ شكراً عزيزي وان شاء الله يخيب ظنك .. ننتظر اليوم ان شاء الله تتضح الأمـــور وتكون خير يارب... |
حسبي الله على اللي كان السبب بس ان شاء الله يكون عزيز معه عذر |
لا حول ولا قوت الا بالله متى الله يفكنا من شر منصور البلوي :( |
فعلا اخوي انا مثلك واتفق معك يجب على الاداره التجديد فورا الحركه هذي مقصووده |
ان شاء الله معه عذر مقبول |
يا شباب انتم ماتدرون عن الرجال يعني من اول يوم غاب فيه قلتم كذا بكرة لو غاب اسبوع وش بتقولون وقع مع البلوي في مصر ؟؟؟ الغايب عذره معه يمكن الرجال صار له ضرف ابعده عن المنتخب دعواتكم بان خالد يكون معه عذر مقنع ويرجع مع المنتخب اولا ثم للهلال وشكرا |
إقتباس:
^^^^^ ^^^^ بإختصار اقولك ،، البلوي يعاني من عقده نفسية اسمها نادي الهلال ومهما حاول سيظل عاجزا عن مجاراة الزعيم ،، اما بالنسبة لموضوع خالد عزيز ، فالله اعلم لماذا خرج من المعسكر بدون إذن ولكن نقول الغايب حجته معه ،، والله يستر لا يوقفونه ويحرم من الإسيويه ،،، http://vb.alhilal.com/banner/sami.jpg |
روقنا ياهوه |
حرام عليك ياخالد وربي امووت فيك انت اللاعب الوحيد اذا شفتك في الملعب ارتاح بقوووه بس وش تتوقعون يكون عذره ماعتقد عنده عذر ابداً لو عنده عذر قدمه للإدارة قبل يطلع الله يستر بس |
كل شي جايز واتمنى الجديد معه ويارب يكوون عنده عذر مقبوول |
الغايب عذره معه .. ياكثر تخمينات الجمهور بس .. ترى والله ماندري عن الرجال وظروفه وعالعموم أعيد وأزيد لو كان" له عذر" أو "ماله عذر" الهلال ماله أي ذنب وماراح نعذر الاتحاد السعودي إذا عاقبوا الهلال معه خصوصا وأن الزعيم عنده مشاركه خارجيه مهمه تمس سمعة البلد و عزيز من ركائز الهلال ولا تقولون الهلال ما يوقف على لاعب لأننا ما نبغى نلعب وحنا حاطين يديننا على قلوبنا نخاف ينطرد الغنام أو البرقان وأنتم تعرفون كثرت أخطائهم وهم ما يقارنون بالغامدي وعزيز المدافع الصلب ... |
إقتباس:
يعطيكم العافية على المرور أخوي أنا ذكرت إحتمالات فقط قد تحتمل الصواب وقد تحتمل الخطأ وإن شاء الله إنها ماهي صحيحة إن شاء الله اتمنى أن يكون معه عذر مقنع لأن غيابه خسارة كبيرة وستهز الهلال في المشوار الآسيوي أكرر ماذكرته إحتمالات وليس ما أعتقده |
الي من يهمه الزعيم فقط .. ؟؟ ارجوكم ... ارجوكم .... عدم الأستعجال علي الحكم علي اللاعب / خالد عزيز وعدم تصعيد المشكله في المنتدي لحين ان تتضح الأمور . . . والغايب حجته معاه وصدقوني لا من صالحنا ولا من صالح اللاعب تصعيد المشكله وصدقوني هذي فرصـه للمندسـين والحاقدين علي الزعيم . . . عذرا" . . . دمتم بألف خير , |
خالد عزيز لن يشارك مع الهلال مع المصدر السلام عليكم ورحمه الله وبركاته المصدر جريده عكاظ::وعلمت “عكاظ” بأن هناك عقوبة تنتظر خالد عزيز بحيث من المتوقع ان يصدر بحقه قرار ايقاف لمدة موسم رياضي وحرمان من مشاركة ناديه داخليا وخارجيا.<<<الله يستر بس تتوقعوون يتم اقافه موسم كامل ومنعه من المشاركه مع الهلال ارجو الرد |
الله يستر هم يدورون الغلطه على لاعبين الهلال |
كل لاعبين الهلال ماهم جاهزين ولاعب النصر الحارثي ماهو جاهز ومالك معاذ ماهو جاهز مدربنا الفاشل وش يبغى فيهم وهم غير جاهزين .؟ والله لولا الله ثم الجوهر مانتعدى الدور الأول بكأس اسيا |
الله ميـر يســنر :( |
يانااااااااااااس ياعااااالم لا تتسرعووون يمكن اللاعب عنده ظرف على طووول قلتووو البلوي الله يهديكم لا تتسرعووون انشاءالله يرجع عزيز للهلال والمنتخب |
| الوقت المعتمد في المنتدى بتوقيت جرينتش +3.
الوقت الان » 03:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd