تـقــريـر ملتـقــى اعضــاء المجـلـس العـام .. ][ الاول ][ بالـصـــور ][ - صفحة رقم 3 - نادي الهلال السعودي - شبكة الزعيم

هلااالي وأفتخر · #1 08/09/2007, 10:17 PM

ما شاء الله

مجتمعين في استراحة ومووسعين صدوركم

والله بصراحة فكرةحلوة ويشكر اللي نظمها

والله يسعد أيامكم بالعافية

فتاة الهلال · #2 08/09/2007, 10:28 PM

ياسلالالالالام

ايش هالحركات هذي

لازم كنتوا من جد تحطوا قسم للعوايل

وناسه بس لو الوجيه ماهي مغطيه ازين

وطلووووووووووول يبي يسرق الكوووره ياملحه هالولد حبيته

الله يخليه لامه وابوه

جمعه حلوه

يعطيك العافيه ياليو على التقرير

ابو طـــــلال · #3 08/09/2007, 10:21 PM

يعطيك العافيه ليو ميسي على هالتقرير الرائع .. وزاد من حلاوة التقرير انك ماجبت صورتي ولا صورة خويي ( سعيد )

حفاظا على شعور الاعضاء والذوق العام

بما اني احد الاعضاء اللى حضرت

وتشرفت بمقابلة كل من قابلتهم ليله الجمعه اللى ماانسى فيها وجيه اعضاء منتدى الزعيم السمحه .. الخلوقه .. الطيبه .. الــ(مقلعه )

اشكر كل من لبى الدعوه .. وكل من قدم لي دعوة الحضور .. ابتداء من الكريم ماجد مقبل .. ( مدري وش فيه هالنعناع )

الى اخر من قابلته وانا طالع من الاستراحه ..

تشرفت والله بمقابلتكم جميعا ... شباب والا اروع ..

رغم اني والله مشغووول واللى معي كان مشغووول الا اني حرصت على الحضور .. حرصا على مقابلة اخوان لهم كل الحب والاحترام .. وطلال لبسته ( هلالي ) قلت يشفع لي بالتأخير ...

لاني ماجيت إلا متاخر .. يقالي متأخر

.. وابو ريمان جاي وحده ونص .(( ياعيني )).. طبعا خساره اللى ماشفنا بقية الاعضاء .. وبإذن الله القادم احلى

لي عوده مع هالموضوع ... وتعليقات ,,, بس حبيت اسجل حضور .. وشكر للاخ ليو ميسي .. وماجد مقبل .. ومشاغب .. وكل الاعضاء ,, ( بما فيهم الحياويين )

تحيات اخوك الصغير ابو طلال

F I N A L · #4 08/09/2007, 10:37 PM

وعليكم السلام ورحمة الله وبركاته

إقتباس


	المهم انتهت المباراة بفوز فريق سامي الجابر على فريق يوسف الثنيان بنتيجة 11-10

حشى ماهي قدمـ
هذي يـــــد

غطيت الوجـــه ...
وخليت الرقــــم

الهنوووف · #5 08/09/2007, 11:32 PM

وعليكم السلام ورحمة الله وبركاتة

إقتباس


	كان اسم الاستراحة " ســواء" .. ومنها أخذنا هذا الشعار: " ملتقانا سوا ... في استراحة سوا" ..!!

حتى اسم الاستراحه امتداد للخرفنة حقتكم

إقتباس


	ثم اتى جرح يون عاد جرح عرّفـناه على الاعضاء بالغلط ..قلنا ان ( المشاغب ).. ( المستشار ) والعكس المهم جرح استلم المستشار شلونك يامشاغب وش اخبارك والله الساعه المباركة اللي شفناك وحنا ميتين ضحك عليه

ياشين كذااا

إقتباس


	فريق الثنيان : ماجد مقبل - ليوميسي - واثنين محترفين من حارة أبومقبل فريق سامي: المشاغب - نمر 15 - مــهــنــد - جرح يشكي..!!

مفروض نمر مع الفريق الاول لانه نمر 15

>>>>

كل واحد له صحن

ماشاء الله
بالعافيه

إقتباس


	عاد كنا الباقين على العشاء انا ونـمـر وسلطـان بس .. قاعدين نحش في الاعضاء والعضوات

محللتكم

ربي يحفظه عليك فيهم ماعزمونا اسرق كورتهم

كم رقم التي شيرت حق طلول بس شكل مافيه رقم
>>>ماترتاح لين تشوف رقم 9

الاستراحه حلوووة

بس غريب لون الثيل

فسفوري
شكل الكورة مسطحه

الي يتفرجون نمر وهامور...؟؟؟>>رايقة

اشرحووا مين هذولا ؟؟

بس الاستراحه تجنن

احس بهالجلسة انكم متوهقين محد يسولف

يعطيكم العافيه على هالتغطية المتميزة

امس كل وقتنا نقول الاعضاء الحين بالاستراحة بس قلنا ماشاء الله لايجيكم شي

والله متحمسة معاكم واحتري الخميس كاني بجي معاكم

جعله اجتماع دائم ان شاء الله
بس ليه ماحطيتو لنا قسم للعضوات وكل وحده بتجي بمحرمهاا
االا وين فياض ؟؟

الله يجمعكم في الجنـة ان شاء الله

الهنوووف

كانت
هنا

ورحلت

غلاهم وماخذه حلاهم · #6 08/09/2007, 10:39 PM

اسال الله العلي العظيم ان يجمعكم في الدنيا والاخره بمن تحبون

والله فلللللله الا اجل تقولون حشيتوا بالاعضاء والعضوات <<<< لا كون انا منهم <<< مافيه ابد ثقه بالنفس

اجل فيه قسم عوائل مين جاء<<<< غبيه او تغيبى

يالله مو اول مره ولا اخر مره انشاء الله

مرسي يمرسك ع الطلعه الحلوه

LBa your heart · #7 08/09/2007, 10:46 PM

ياعيني على السبحه,, ولا الجلسه جلسة شاعر

أبو ريمان شسالفه ؟! ليش ماجلسوا جنبك ,, شكلك كنت تسولف لهم عن المذكره

ما أقول الا الله يجمعكم بالجنه

اما اللي يبي يعرف من هالخروف اللي فوق الجدار ترى أول حرف من أسمه سلطان

كان ودي احضر بس للاسف كنت برى الرياض

الله يعطيكم العافيه

الهلالي دائماً · #8 08/09/2007, 11:37 PM

ما مضى موجز النشره واليكم الانباء بالتفصيل

مشكور اخوي الغالي ليوميسي على التقرير الجميل

والله يعطيك العافية ...

وحقيقه المشاعر في الطلعه كانت جياشه

ومن جد ماحسينا الا والفجر يذن

بصراحه اعضاء بطعم العسل

طبعاً وصلت الاستراحه بعد المغرب ومعي نمر15 ومرسول الهلال وهذولا اقدم صديقين بالنت

اول ماوقفت لقيت مهند ( راعي الكورة الفجر )

ومعه المستشار

طبعاً انا اول مره اقابلهم بس ماشاء الله عسل وقشطه ههههههههههههههههـ

دخلنا الاستراحه وكان الكبتن ميسي في الانتظار

وبعدين جاء المشاغب وسمو المجد وكلهم شفتهم قبل يعني قديمين ومافي اكشن

صلينا العشاء وبعد الصلاة وصل شاعر المنتدى جرح يشكي ( صح لسانه )

ومواصل من عام 1413هـ

وكان في نقاش نص استواء عن يوسف الثنيان وسامي الجابر وعن ابو سلطان

والامير راشد

بصراحه النقاش كشف بعد المندسين هههههههههههـ

المهم لعبنا مباراة وفاز فريق يوسف الثنيان

بعد المباراة وصل هامور وتقهوينا وتجي ساعة الصفر وتعلن عن وصول ابو طلال

طبعاً كل واحد بدا يزين خشته ويعدل شكله ونمر 15 كان متحمس وده يشوف ابو طلال

لانه مواعده يخطب له

لكن اب طلال يوم شاف نمر غير رايه وقال ماتوقعتك كذا

عاد سألنا ابو طلال عن كلي هلالي وقال ذاك الزين اللي يستاهل

طبعاً طلال كان لابس طقم الهلال وماشاء الله من يوم ماجاء اخذ الكورة وانواع التشويت في ابوه

وابو طلال يحك ظهره من المزع حتى انه ما كمل كاس النعناع

بعد ذلك ودع الاعضاء ابو طلال بمثل ما قوبل به من ترحيب

ووصل في تلك الاثناء الغالي IQ1399 وبصراحه فرحتي بحضور محمد كانت كبيره ...

لانه غالي ولانه غايب عن المنتدى وتواجده مو مثل اول ولاني احبه

وبدأنا نتجاذب اطراف الحديث ونناقش اوضارع الهلال وتحديات المستقبل

بعد ذلك طلبنا عشاء من مطعم ميرا البخاري

>>> زبون عندهم

والحمد لله اكلنا واستانسنا وبعد ما طلعت من صالة الطعام

كانت المفاجأة الكبرى والاجمل

انتظرونا في الجزء القادم

^
^
^
^

طبعاً شفت واحد دخل الاستراحه قلت شكله وده يستاجرها بكره

بس الاخ بدا يسلم وبثقه عاليه انا قلت في سوء تفاهم المهم وفي لحظة دهشه وربشه طلع المشاغب

من صالة الطعام

وقال ابو ريمااااااااااان

>>> مصمم على صالة الطعام

قاال ايه طبعاً رحبنا بابو ريمان وهو جاء في لحظة تشتت الربع يعني ناس كانت طالعه

وناس تاكل وناس تغسل وناس تسولف

المهم جلس ابو ريمان وقال من اللي طلع قبل شوي معه لاب توب !!!!!

انا طارت عيوني وقلت لااااااااااااااااب تووووووووووووووووووب

بس اشوى لاب توبي موجود بس ابو ريمان مدري وش شاف وصرفها على طووول لاب توب

طبعاً بعد ان اكتمل العدد بدا النقاش الحار جداً والجميل جداًوالممتع جداً والاخوي جداً والجيد جداً

الى اذان الفجر وقمنا بعدين كلنا ضفينا عفشنا واتكلنا على الله

مدري وشفيني كتبت كل هذا بس بصراحه ودي افضفض

على فكره الهاوي وخالي الهم وهلالي الظهران كانوا معنا قلباً لا قالباً .من خلال اتصالهم ...

اشكر الاخوه الذين ارداو الحضور ولكن ظروفهم لم تسمح لهم واعتذروا ...

وان شاء الله الجايات اكثر

كلي هلالي فاته درس مجاني في تعليم السباحه ههههههههههههـ

ليو ميسي جهد كبير وحماس جميل ....

ماجد مقبل دجه ما بعدها دجه

نمر15 اكثر واحد كنت امون عليه في اللقاء لانه حبيب قلبي ( قلب )

تم بحمد الله ,,,

دلع-20 · #9 08/09/2007, 11:26 PM

اجتماع مبارك ,, جمعنا الله بكم في جناته

هنا ميزة كونك شاب لأن بين البنات صعب الاجتماعات

فكره رائعه ,, ادام الله محبتكم وصحبتكم

بس مدري ليه مغطين الوجه وتاركين الرقــم

من مميزات هذا الاجتمــاع عودة ماجد مقبل لأن المجلــس افتقده

تحياتي لكم جميعا ولك ليو على هذا الجهد

المستشار · #10 08/09/2007, 11:41 PM

أشكر أخوي leo messi على الجهد الذي بذله في هذا التقرير وفي الاستراحه ...

والشكر أيضاً موصول للأخوان : ماجد مقبل ، الـمشاغـب ، جرح يشكي ، هامور البورصة ، نمــر 15 ، -
لتنظيمهم الاستراحه بشكل رائع -
ماقصروا ويعطيهم الف عافيه ...
___________________________

وانطباعي قبل الحضور للاستراحه :
قاعد أفكر كيف أشكال الأعضاء

وإنطباعي بعد الاستراحه :

بصراحه كانت من أجمل الأوقات .. وكان لي شرف التواجد بينهم ..

والشباب ماشاء الله عليهم كأنهم يعرفون بعض قديماً ..(( عسى الله يديم المحبه بينهم ))

نبدأ :

( ماجد مقبل ) : بصراحه الشخص هذا قمة في الأخلاق ورجل على طبيعته فكاهي ...

( leo messi ) : ماشاء الله عليه شعله من النشاط وإنسان رائع ...

( نمـر15 ) : رجل مرح ورياضي .. وغواص بعد

( مــهــنــد ) : هذا الشخص مرح ولكن يغلب عليه الكسل <<

"بسببه طلعت بسرعه"

( مواصل ) : إنسان متفهم ومثقف ...( عيونه عاديه ماهي حمراء

) . أخلاقه عاليه ..

( جرح يشكي ) : بصراحه هو أكثر واحد طلع شكله حسب ماتوقعت . محترم جداً ورائع ..

( هامور ) : ماتوقعته كذا هاديء اكثر منه في المنتدى واخلاقه عالية ( بس مشبه عليه

)

( المشـاغب) : من شافه يقول هذا هادئ مايتوقعه مشاغب ولكن حضوره مميز في أي مكان ...

( مرسول الهلال ) : هادئ ومحترم ولكن كان مشغول وماتعرفنا عليه كثير...

( سمو المجد ) : إنسان واعي ومثقف وذو أخلاق عالية ...

( آي كيو ) : رائع وأخلاقه عالية ومهتم بأمور المنتدى كثير ..

( أبو طلال ) : إنسان محبوب من الجميع والله يخلي له طلال ...

( أبو ريمان ) : ماحصل لي الشرف بأن أقابله ولكن يبقى رائعاً أينما ذهب ...

ــــــــــــــــــــــــــــــــــــــــــ

في الختام :

أسئل الله كما جمعنا في هذه الأستراحه أن يجمعنا في نعيم جناته

ولد وايل · #11 08/09/2007, 11:58 PM

ماشاء ماشاء الله الحمدلله اللي توفقتوا فيها

ياليتني جيت بعد ماشفت الموضوع تحمست وتندمت

بس يالله الجايات اكثر

عاشق الزعيم!! · #12 09/09/2007, 12:02 AM

ليه ماعزمتوني

يعطيك العافيه على النقل المميز

جنـــ الزعيم ـــى · #13 09/09/2007, 12:26 AM

وعليكم السلام ورحمة الله وبركاته
ماشاء الله
الله يديم عليكم الألفه والمحبة والسعد
من اجمل مافي الحياة لمة الاقارب و الاحباب والاصحاب
لفت انتباهي كثرة الاكواب الظاهر ان المصنع وراكم
ماجد ماشاء الله وش الكرم >>>> شكله حاتم زمانه
جمعنا الله واياكم في جناتٍ ونهر في مقعد صدق عند مليكـٍ مقتدرٍ

Canada's gallant · #14 09/09/2007, 12:14 AM

ما شاء الله

تقرير رائع

ووصف جيد

يعافيكم ربي

وليد القحطاني · #15 09/09/2007, 12:21 AM

يعطيك العافية أخوي وماقصرت ..

وإن شاء الله في ملتقى في الشرقية قريب ..