هلا ومرحبا فيك اخووي ولد وايل

والله مع اني ماعرفك بس من زمان ماشفت لك موضوع

خصوصاً انك من رجال المجلس القدماء والمخلصين << متعوب على هالكلمه




اما هالثووب يصلح طقم للهلال ويين الأدارة عنه بدل الشورتات خلهم يلبسون اللعيبة ذا

استر واحسن وبيريح بعض لاعيبتنا خصوصاً اللي سيقانهم طوال


مع ان اشكال الثياب مادري وش تبي بس تصلح تلبسها اذا جيت تبي تغير استبنه

والا تبي تخم الحووش والا بتروح سوق الغنم

وصدقني هالثياب ماحدن راح يتقبلها وماراح يشتريها الا واااحدن يسمع بالعيب

عاد والله مهيب بعيده بكره يصممون لنا فرووه بسحاب وفيها مخابي من وراء

وعليها علامه اديداس



وعواااااافي اخوي ولد وايل ولاهنت يابعدهم

على هالموضوع القيم .. ودمت بود وعافيه ..




الغدير الأزرق ..

يع مو حلو الثوب كانه لبس بيت والله ماخربنا الا الي جماعة طرطشلي مثل مقال ابو ناصر ..متفتحين زياده عن اللزوم يسلمووووو

تسنهن قمصان مغربية
وكل واختياره

والله من ناحيتي جازلي ذا

بس طبعا مهوب معنا البسه بالمناسبات الرسميه


بس الباقيات هين اشكالهن قبيحه جدا

اللهـ يخلف على اياامـ الرجوولهـ ..؟!!

يسلموووو ولد وايل

هلاليهـ

إقتباس الرسالة الأصلية كتبت بواسطة رعبوبة الزعيم بالصراحه احلى <<برنامج اللي بالـmbc الظـاهر انه جويل هي اللي مختارته لهم

خخخخخخــ كله من عبد المجيد عبدالله لمحته لابس ثوب سحاب ف برنامج البوم ف الـ mbc

كله ف سبيل [ الموضــة ] وَ [ٍٍ النيو لوكـ ]

يالله ان تحييهم جميع احلى مافي منتدانا التفاعل مع المواضيع بسرعة عجيبه


abo_nasser

إقتباس هلا وغلا اخوي والله ياخوي جماعة الطرطشلي بيخربوا البلد..كل يوم طالعين لنا بخراب ...ما اقول الا ان الرجال بجد.. يعرف وش يلبس وحتى كيف يتعامل مع الناس

هلا ابو ناصر وصح لسانك الرجال يعرف وش يلبس وربعنا اللي تكلمت عنهم ترا فيهم الكفو خصوصا اللي

عايشين بنجد اما اللي هناك فالله يخلف يسمعون بالثوب والظاهر ان اللون الابيض مسبب لهم ازمه

عشان كذا شطحت بهم هالفكره


Bnt alzaeem

إقتباس والله اشكالهم غلط بس الله يستر لايجي يوم ويلبسون عيالنا كذا

هلا اختي بنت الزعيم وبالنسبه لعيالك ان شاء الله ماهم لابسينه

نورتي اختي


nor alshams

إقتباس حياك الله ولد وايل والله يجزاه خير الي دلك على ايقونة موضوع جديد .. :: :: ادري مالي دخل بالوضوع بس جازن لي الثياب يصلحن حتى لنا السعودي الاصلي ما ظنتي انه بيلبسه الا بعيد الاضحى لا قام يذبح الضحايا ولا لا طلع للبر زي ما قال مواصل .. :: :: عوافي ولد وايل

هلا اختي نور الشمس السموحه انا احسبك ولد وردك يوم تقولين يصلحن حتى لنا حاست راسي

الين قزيت نون النسوه حقت يصلحن

اما انها تنفع لعيد الاضحي فهذي قمة التحطيم الحمدلله ماني صاحب المشروع

عموما الموضوع للجميع وشرفتي اختي


مواصل من عام 1413

إقتباس هذا إن شريته بخليه لطلعات البر يعني تستخدمه علشان ما توصخ ثيابك

هلا اخوي مواصل

يعني ثوب كومبارس

لاهنت على المرور اخوي مواصل


فهد عاشق البرسا


حياك الله


مغرور حدي

إقتباس حي الله ولد وايل .. زمان عنك .. بالنسبه للثياب .. انا الي رافعن ضغطي هالسحاب كنه .... والا ماله داعي التشبيه لاتنلغي العضويه والسبب رد بموضوعك خخخخخ ثاني شي الالوان كنك تتمشى بالنسيم وتشووف الكوامري الي مضبطينه ....!!!

ماشاء الله انت للحين حي اللهم زد وبارك لا اله الا الله

وينك مانيب اشوفك ابد تغلى والا ذبحك الغرور

وبخصوص الكلمه
اذا ماقدرت تكتبها ارسلها لي رساله خاصه خلن ارسلها لاحد المشرفين يطيرك

اما الالوان عجزت اهضمها وين ديك الجن مايفارق الثوب الابيض شتاء وصيف

المهم شرفتني بمرورك مغرور ولا تبعد خلك قريب


هامور البورصه

إقتباس هلا والله بولد وايل يالله انك تحيه منور المنتدى بهالموضوع الرجعي

هلا هامور الله يبقيك يالتاجر

والنور بوجودك اخوي

إقتباس يااخي والله يانكم ملاقيف خل الشباب تلبس الي تبي خلهم يفلونها ويمبسطوون خلهم يصيرون شباب اوتكيت يعني لين متى ثوب شماغ عقال خلهم يغيرون يعني حتى بلبسهم بندقر لهم فييه يااخي شف الثووب وش حلاته شف الكم بس شي رهيب

ياخي ترا حنا بعد شباب ووعلى طاري الشماغ والعقال لا يرحم ابوك لا يلبسون لا تفتح علينا باب جديد

باتسر نشوف شمغ خضر وصفر وتركوازي واحس ان يوم من الايام بيطرحون شماغ كاروهات تخيل

وبعدين ياخي حن مانشبنا لهم بس زينا الرسمي يخلونه بحاله ماكفاهم يلبسون اللي يبون خربانه خربانه من زمان

هي عاقت الحين , ولا قلنا لهم لازم الواحد يلبس شماغ وعقال وثوب وبشت

البس ثوب ابيض وكاب بحري تطلع تهبل وش زينك

إقتباس ولد وايل اذا تبي الصدق والله لو البس هالثيااب والله ان يحطوون على اسمي طاامس في شجرة العائله معاد يعترفوون فيني يتبروون مني عشان كذا خلنا حلووين وعلى ثياابنا

اي والله خلنا حلوين وحبايب بس الظاهر انها جايزت لك

إقتباس ولد وايل الله يعطيك العاافيه على الموضوع وتعال كل يوم نزل موضوع

يارجال عسانا نبزى نرد من هالشبكه اللي مدري وش تبي قسم بالله التصفح فيها يجيب المرض

اليوم والله بغيت اهون اتشت معي كل ماجيت اعتمد الموضوع عطاني خطأ بالصفحه وجع

المهم انت اللي سير علينا في كل موضوع وجودك له بصمه ياصديقي وحياك الله

هذا عجبني. بخليه قميص نوم

ايييييييييه ياجده ماطلعت الموضات اللي من عندك الله يهدي طرو...........<--اكمل الفراغ

مشكور اخوي ولد وايل أقول ماودك نطلع سوا للصمان والله مشتاق للبر بس الحر حال بيني وبينه

والله يعطيك العافية ,,,

إذا القضية تقاليد فالموضوع فيه سعة بإذن الله. و شخصياً لا أرى فيها أي شيء ، بالعكس هي تجديد للألوان الحالية المكررة.

هلا والله ولد وايل

تصدق من الحمااااس ودي اكتب رد

اكتب وماانظر الشاشه عيني على الكيبورد وفي

الاخير بعد ماخلصت .. اناظر اثاريني كاتب بالانقليزي قسم بالله تحطيييييييييييييييم


بس ياانا شرشحت لك ( طرو....... ) شرشحــه

قسم بالله يخـــوي كل شيي ماله ذوووق يجي من عندهـــــم
وخصوصا اللي تتــعـــلق في الموضـــه ..

إقتباس مو مثل البناطيل والتي شيرت الي تصير فيها بلاوي متلتله ... الى درجة انك ودك تقول لبعض الشباب ارفع سروالك ياولد

آآآآهـ يبو مقبل لو انك عند الصرافه بس وشفت اللي شفته

جاء واحد نفس النوعيه اللي ذكرتها وبيسحب فلوس
الرجال لابس بنطلون نااااااازل مره والمحفظه في الجيب اللي ورا

وحط يده بالجيب يبي يسحب المحفظه والبنطلون ينزل زياده والله العالم اللي

عند الصرافه .. كل واحد شطح بنظره بعيد من التفشيله وهو ولا همـــه

بلاوي متلتله والله



يعيطك العافية اخوي ولد وايل ع الموضوع المقرمش

إقتباس إذا القضية تقاليد فالموضوع فيه سعة بإذن الله. و شخصياً لا أرى فيها أي شيء ، بالعكس هي تجديد للألوان الحالية المكررة

انا اشوف انه شي عادي خليهم يغيروا ايش يعني
واخرتهم بيرجعوا للثوب اللي نعرفه
وكثير غلطوا على اهل جده مع انه الموضوع مايستاهل كل هالغلط
مشكور أخوي عـ الموضوع
تحياتيـ
عاشقة الزعيم15