25/08/2007, 06:31 PM
|
| زعيــم متواصــل | | تاريخ التسجيل: 18/07/2005
مشاركات: 80
| |
|
ســامــي الجابــر (( وداعاٍ )) قصيده وداعيه بـــ سام 6
بسم الذي لايضرّ مع اسمه شئٌ في الأرض ولافي السماء
الحمدلله عدد خلقه , وزنة عرشه .
سبحان الله الذي سخر كلّ شئٍ بأمره .
اعضاء شبكة الزعيم
الكل تألم بالخبر الذي نزل علينا كالصاعقه
الا وهو اعتزال القائد الاسطوره سامي عبدالله الجابر
كلٌّ عبّر مابداخله من حروف , وكلمات , و( دموع )
اتيت اليوم هنا للتعبير بماجال في خاطري بقصيده شعريه
ارجو ان تنال الاستحسان وقبل كل شئ ان تكون بحجم الاسطوره سامي الجابر
( وداعــاً ايّهــا الــذئــب )
اعذروني على عدم تنسيق القصيده لعدم وجود منسق للشعر في المنتدى
اليكم
ليـت ربّـي ماكتـب لحـظـةٍ فيـهـا وداع = والله انّه مايجي فــــي الزمن لحظـة حسـوف
كان مايوم اعـذر دمـع عينـي يـوم سـال = ولاكتبت الشعر والوجـد وانغـام الحـروف
دبــرة الله ماعليـهـا كــلامُ ولاجــدال = القِـدَرْ مافيـه حيلـه ولاشكـوى ظــروف
مابكيـت مـن الهـوى يانسانيـس الشـمـال = ولانظمت الحرف مبهور من زيـن الهنـوف
لاجل واحد يُعْتَبر ( يامـلا ) نبـض الهـلال = يو قـال ( البُعْـد ) كنّـه قتلنـي بالسيـوف
فارس الميدان هـل حـان يـوم الارتحـال ؟ = الله أكبـر يازمـن شــوف ولاّ ماتـشـوف
( سامي الجابر ) قَـدَرْ ماتـرك ليّـه مجـال = غير : أدنّ الدمعه اللّي تغارق فـي الشنـوف
كيف ابـــ اصبر وانت للفوز كلّك راس مـال = من على ظهر البسيطه حشا مالـك وصـوف
سيّـد الملعـب , وقائـد , وهيبـه ماتُطـال = كم فريقٍ مـن سبـب هيبتـك ذاق الحتـوف
وكم ( كويتب ) * صار باسمك رهين الاشتعال = ماعـرف قـدرك دقيقـه ولافيـه معـروف
الملاعـب كلّهـا تشهـد انّـك عـال عــال = غير : كـلّ العالـم اللـس تباهيبـك وقـوف
كم جماهيـر اهتفـت بـك ببسمـه واحتفـال = من سمع ! من شاف ! كلّن يصفّـق بالكفـوف
ويوم حان ( البُعد ) مالي سوى دمعه وحـال = ينزف دموع الالم , ياعسى الاجـر امخلـوف
( سامـي الجابـر ) ,,وانـا مابقالـي مايُقـال = غير : منظومة ( وداعاً ) "ونبضٍ بالحـروف"
وسلامتكم
* ( كويتب ) : تصغير لكلمة كاتب .
فيصل المهلكي
ابوزياد |
الوضع المتطور
