العـدد الخامس من (ربـــــــــــوعـــيــــــــــات) .. - صفحة رقم 2 - نادي الهلال السعودي - شبكة الزعيم

مَاهِينُورْ · #16 22/08/2007, 05:57 PM

:: البـــــالــــون ::
الله يعطيك العافية ... جزء جدا رائع ماشاء الله ...
فقرات رائعة استمتعنا بها ...
بانتظار الربوعيات القادمة ...
::
عواافي
تقبل تحياتي ..

saudi’s heart · #17 22/08/2007, 05:58 PM

موضوووع ممتـــع
الله يعطيكــ العافيه الباااااالون

Hictar · #18 22/08/2007, 06:02 PM

هلا فيك اخوي البالــــون
موضوعك جميل وبالأخص إستضافه هلالي الظهران وهامور البورصه

اما هذي بالصميم

¤ ريـموو ¤ · #19 22/08/2007, 06:19 PM

ياخي قبل لاأفصفص الموزوع لفت نظري اسمك

تصدق يذكرني بـ عيد الفطر :p

لأن بـ عيد الفطر البيت كله يصير بالونات

إقتباس


	وكم مـن ربـوع لم أطـل فـيه إليكـم ..

إقتباس


	الآن :: عـددي الخـامـــ(5)ـــس بيـن يـديـكم ..

حسااافه كبيررره مآآرا راحت عليه 4 ربوعات إن شاء الله اقراهن كلهن

إقتباس


	قال رسول الله صلى الله عليه وسلم : ( بعثت أنا والساعة كهاتين ) .. وأشار بالسبابة و الوسطى !!

الله يذكرك بالشهاده ويوفقك دنيا وآخره

إقتباس


	زوجان في نيوزيلندا يطلقان اسم [سوبرمان] على مولودهما

هع هع اجل سوبر مان .. اغبياء لو مسمينه ريم حتى لوإنه ولد كان طلع لهم احسن ولد بالعالم يتسلق الدرايش ويتعلق بالبيبان

إقتباس


	انتحار عجوز عمرها 107 أعوام

الحمد الله والشكر مفكره نفسها باقي شباب عشان تنتحر

انتحرت ولا مانتحرت ماتفرق مابينها وبين الموت إلا كم يوم بس < استغفر الله العظيم

إقتباس


	# لو لم تكن الحياة صعبة لما خرجنا من بطون امهاتنا نبكي .. # لا يوجد رجل فاشل ولكن يوجد رجل بدأ من القاع وبقى فيه .. # عندما يمدح الناس شخصاً ، قليلون يصدقون ذلك وعندما يذمونه فالجميع يصدقون .. # لـ تكن فيك طبيعة الماء الذي يحطم الصخرة .. بينما ينساب (قطرة .. قطرة) ..

ولا أروع بيض الله وجهك

----

إقتباس


	نبـدأ بـ أسئلـة هلالي الظهران و أجـوبـة هامور البورصة : من هلالي الظهران الى هامور البورصه .. اتمنى ان تصلك اسئلتي وانت في خير حال.. الى ذلك الحين ضف وجهك .. 1- لو حبيت تعرف نفسك للناس .. فكيف تعرف نفسك انت ووجهك ؟! اول شي بسم الله الرحمن الرحيم الو الو فيه صوت اسمي حسام من حلب بدرس هندسه مكنيكيه حابب اتعرف على سنيوره شاب وسيم عريض المنكبين طوويل اسمر شعري اشقر

هـــــااااااع هــووووع هـــــيـــ ع من قده الاشقر

مايمديني ع المواصفات يامرمر

إقتباس


	2-هامور تخيل انك توك شاري جوال اخر موديل وقلت لاخوك جبلي مويه يوم جابلك وشربت منه شوي وحطيت الكاس وفيه مويه جاء اخوك وصقع يدك وطاح الجوال بالمويه فكيف راح توصف شعورك ؟! وايش راح يكون مصير أخوك ؟!

إقتباس


	شوف انت كبرت السالفه ومويه وصقع يدك قل اخوك خرب جوالك انا بقولك سالفه صاارت فيني على اياام جوال العجيب اول ماطلع كنت بالشرقيه وكنت في الملاهي المهم لزوم الترزز والتكشخ مع اني كنت بزر وقتها كنت ماسك جوالي بيدي وكنت صاف وبركب في لعبه المهم قلت الحين لو طاح جوالي وعطيت جوالي اخوي الصغير فهد عااد وقتها اياام الدووده ماصدق مسك جوال وهو موقف فتح عليها وقاام يطقطق هو وخشته عااد انا ابي اسمع النااس واصاايح باعلى صووت خل الجوال لا تلعب فيه خله خله مسوي علبالي الله يهديني اخوي سمع خله خله ابو الشباب نطل الجوال على الطااوله ورااح يلعب نزلت داايخ وبطني يعورني والتفت على فهد لان العالم تجمعت من صياحي قلت وين الجوال قال خليته ع الطااوله :p تشووف الولد التعباان الهلكان بس مجرد سمعته يقول تركته ع الطااوله الا وانا انقز هذيك النفزه ادور بالطااوله مالقيت شي يمين يساار مالقيت شي .. اسأل الهندي يقولي خذااه وااحد بغيت اموووت عااد توني شااريه وكنت متعلق فيه تعلق لدرجت اني اخليه يناام جمبي والحفه بعد مع ان مافيه احد يدق علي الا اني كنت متعلق فيه تعلق لدرجة ماتتخيلها فانا بغيت اموت وامسك فهد واطقه قداام العاالم واطقه طق بغيت اذبحه فهذي ردت فعلي .. ادري طولة بس بغيت اقولك هالسالفه عشان تتاكد من ردت فعلي ..

اما هنا انا مت ضحك

ههههههههههههههههههههههههههههههههههههههه

من صدق الجد العم انك فله

إقتباس


	3-ان ، لن ، كي ادوات تنصب الفعل المضارع فمتى ينصب هامور البورصه .. ومتى يكون النصب ضروره ؟!

إقتباس


	لما اقول والله ماغشيت ياكثر ماقلتها اول في الثاانويه اذا مسكووني مع انهم ناادر يمسكووني بس بعض الاحياان يدخل المدير ابو رااشد ويجي عندي علطووول عااد انا علطوول اواجهه بكلمة والله ماغشيت ..

هههههههههههههههههههههههههه شكلك غشاش كبير مآآآرااا وصلت إن المدير يجي لمك :p منتب هين

إقتباس


	4- في سؤال دايم اسئله لكن الى الان مالقيت اجابه مقنعه..تفضل السؤال..

إقتباس


	هامور البورصه تخيل انك معزوم عند ناس بعزيمه كبيره .. وجا ولدهم يصب لك القهوه وكبها على ثوبك وبحضنك وهي حاره .. وش تسوي؟ أ-تترك الولد وتقوم تجري على الحمام وتلحق نفسك ب- تسطر الولد وتفسخ ثوبك بسرعه قبل لاتتسرب القهوه الحاره ج- تتحمل الالم وتسوي نفسك عادي عشان ماتنحرج مع الناس خيارااتك باايخه يعني لو مسوي حذف اجابتين كان احسن شووف اول شي اذا كان بمكان حساس وتحت الحزام فانا بطمر بسرعه لدورة الميااه اما اذا بمكان عادي وانت خابر بالعزايم مايملوون الفنجال يحط لك قطره فانا بقوله مانكب الا الشر وبقزه هذيك القزه الي بخليه يفهم منها اني بتوطى ببطنك وعقبها بطلع لدورة الميااة وبغسل تدري عااد مره كنت بعشاء ببيت خوالي المهم كنت صغير مره قالي خالي رح جب مويه فانا رحت وجبت موويه وكانت ثقيل وانا كانت عيوني بالطااسه اشوف المويه تجي يمين وتجي يساار وانا علبالي الف يدين يمين ويسار المهم دخلت المجلس وكان خالي قااعد وجيت بعطيه ايااه والحمدالله اني عطيته هو مارحت يم الضيف المهم مدري وش جاني وكبيت الطااسه عليه هو ضحك وقال مانكب الا الشر وبعد ماطلعو مسكني محاضره سااعتين مع اني كنت بزر مره مافهم شي .

هههههههههههههههههههههههههههههههههههههههههههههه
هههههههههههههههههههههههه

اعوذ بالله اما تقزه لين يفهم انك بتتوطى ببطنه مسكين الرجال بيكره حياته هع

إقتباس


	5- علشان نعطيك فرصه للسواليف.. عطينا ثلاث هوايات من هوياتك انت ووجهك .. ولا تقولي التبطح او جمع الطوابع احد هواياتك لاشوتك ببوز البالون..

إقتباس


	لالا وش الي التبطح وجمع الطواابع انا هوايااتي الشعر <<< اسكت بس لا شووف هوايااتي لو دخلت على ملفي الشخصي كان لقيتها هوايااتي هي صيد البعاارين وتجميع القواطي والجري <<< انت اول اعرف امش بعدين اجري تبي الصراحه يا عمر والله انا للحين ادور على هوايتي بس بلقااها قريب

إقتباس

هامور مابقى من العمر شي لاتطول وانت تدور

------

إقتباس


	آلان مع أسئلة هامور البورصه و إجابات هلالي الظهران :

إقتباس


	الى الاخ هامور البورصه.. أحب ان اعلمكم بان اسئلتكم قد وردتني.. وحتى تصلك اجوبتي ايضا ضف وجهك انقطااعك المفاجئ عن المنتدى ماهو سببه ؟ وانا اخوك الى الان مانيب متأكد .. فيه ناس تقول اني مرتبط بعقد عمل مع موبايلي وأحد شروط العقد اني اكون مشفر للمشتركين في دولة موزمبيق الشقيقه وماسبب تواجدي احيانا الا بعض الهكرات عيال التسلب اللي يخترقون تشفيري .. وفيه ناس تقول اني استشهدت بأفغانستان .. وفيه ناس تقول اني اطالب بمقدم عقد .. لكني ومن هذا المنبر المبارك أحب ان اطمئنكم بانها لاتعدوا كونها اشاعات صيف وحسبي الله ونعم الوكيل.. اما سبب غيابي الحقيقي فهو اني ملتزم بتدريب في شركة ملعونة والدين اصحابها من الكفره حللوا والديني بالاضافه الى انشغالي ببعض الاعمال الخاصه في دول شقيقه ومن يعرف ضروفي جيدا يعذرني وانا اخوك

دايم تسذاا الابطال تدور حولهم الاشاعات

الله يعينك ياهلالي ويوفقك

إقتباس


	وش سبب اختياارك ليوزر هلالي الظهران ولا بعد انت مثل الشله حاولو بكذا اسم ولا قدروا ؟

إقتباس


	اخترت هلالي لاني اشجع نادي الخرج من مدينة الكوكب .. اما الظهران فلأني أنتمي لمدينة صامطه!! والله ياعليك سؤال بعد ..

وش ذا الجواب الملحوووس لااخذت منه لاحق ولاباطل

< بروبلم الغباء :p

إقتباس


	سوق الظهراان سنتر وش يقرب لك ..

إقتباس


	أبوي يقول انه يصير عمي والبنات اللي يدخلونه في مقام بنات عمي .. بس يوم قلت لهم زوجوني وحده منهم نقزت جدتي وقالت: لا وانا امك تراكم راضعين سوا << ألله والتصريفه ياجدتي أجل راضع مع بنات الشرقيه كلهم .. قولي ان بنات الشرقيه تهاوشوا عليك كلن يبيك صدقيني تمشي ولا تصريفتك البايخه

ههههههههههههههههههه

وش عنده روميو اقول خلك على تصريفت جدتك ازين

إقتباس


	منهو اكثر عضو تعجبك مواضيعه وردوده

إقتباس

إقتباس


	حبيب قلبي وشعرة اذني ونخاشيش فؤادي وصديقي وحياتي وروحي ولابس سروالي .. الهلالي- ابو ساره ..

ههههههههههههههههههه

هههههههههههههههههههههههههه

هههههههههههه
هههههههههههههههههههه

اما عليك مدح :p

إقتباس


	وش اكثر موضوع عجبك ومازال عالق بمخك الملحووس للحين ؟

إقتباس

إقتباس


	كثيييره المواضيع المميزه في المجلس لكن فيه مواضيع للتاريخ وهي : حكايتي انا ونانسي عجرم في سوق عتيقه للكاتب الهلالي- ابو ساره. اشتعال الرماد للكاتب SOMEONE

ولا موضوع لحقت عليه < وش تبينهم يسوون طيب :p

إقتباس


	في الختام أشكر الاخ البالون على دعوته الكريمه .. والاخ هامور البورصه على اسئلته وتفاعله ..

إقتباس


	هامور اذا براسك شي عندك البالون تفاهم معه ..

ايه بالله مشكورين يابطاطيل < جمع بطلين

إقتباس


	ألقـاكم ان شاء الله في ربوعيات قااادم

مبــــــــــــــــــدع يالبالون والله انك نشمي انت وموزوعك البطل

مطيع · #20 22/08/2007, 06:37 PM

بكل بساطة رائع

استمتعت بهذا الجزء

وبانتظار القادم ان شاء الله

البالون

الله يعطيك العافية

البالون · #21 22/08/2007, 08:08 PM

مشكـوريـن على ردودكم الرائعـة ..

ان شاء اللـه يكـون لي عـودة للتعقيـب !!

هـــ الشماسيةـــلالي · #22 22/08/2007, 11:55 PM

البالون

كلمات الشكر والعرفان تقف عاجزة أن توازي حجم موضوعك ومقدار التعب الذي قمت به من أجل إخراج هذا العمل لذا لا أملك إلى أن أدعو الله العضيم أن يغفر لك ولوالديك على ماقدمت وأن يزيدك إبداعاً إلى إبداعك , بارك الله فيك ,, وهو بحق روعة وإبداع بكل مافيه لذا اعذرني عن التعليق كنقاط ..

00000000000000

أول العنقود · #23 23/08/2007, 12:38 AM

موضوع رائع

و الأجمل إستضافتك لـ عمر و طارق

و ننتظر ما هو قادم

الـساقي · #24 23/08/2007, 01:07 AM

مساء الخـير ,,

هلا .. " البـالون " ..

وعودة للمنتـدى بعد زمن طويل ..لا نعلم حيثياتـ ذلك الغيـاب ربمــا مشتبـه

بك في قضـية أمنـية أو خسـائر الأسهمـ جعلتـ من يلاحقكـ يجبركـ على أن تغـيب ..!!

عـدد جمـيل من مجـلة ربـوعيـات تمـيزتـ بتنويـع الاخبار والمعلومـات ..

وزاد من جمال ذلكـ .. الأستضافـة للأخ / هـامور و هلالي الظهرانـ ..

أسئـلة ربمـا تصنـف من ضمن أسئلة لكي أسئل ..!

فقرات جميلة ومشتملة على أبرز الأقوال ..!

؛؛

يعطيكـ العافيـة .. على المجـلة بعددهـا ..

سلمت يداكـ .. دمت بخــير ,,

سليمـااان

هلاليه سنعه · #25 23/08/2007, 02:04 AM

حي الله اخوي البالووون .. وحي الله الربوعيات اللي فقدناها ..

باقه منووعه وجميله .. واستضافه رائعه للأخ هلالي الظهران وللأخ هامور البورصه ..

يعطيك العافيه ..
دمت بخيـر ..’’

~SaKaB · #26 23/08/2007, 03:58 AM

ما شاء الله عليك بس

ربوعيات ولا أحلى .. أظن ماجد مقبل جاب طاريها في واحد من المواضيع وذكرك .. :p

لفت نظري ;)

إقتباس


	اما الظهران فلأني أنتمي لمدينة صامطه!!

أقول وش تبي بديرتي العزيزة

موضوع رااائع أخووي البالون

لا عدمنا هاليوزر ..

والله يرجع أبو سارة بسرعة

سكبكب

العنـا · #27 23/08/2007, 04:20 AM

هلالي وهامور الله من العقل

تشكرات بالون قل آمين عسان دايم منتفخ ماتنفش أبد عشان تنزل كل اربعاء ثلوثيات

بعدين يا شباب ترى انا اعرف ظروف كوكبي صامطه

وتراه معذور 24 ساعه في الشيشه

سـمـو الـمـجـد · #28 23/08/2007, 04:41 AM

والله انك فله يالبالون وبصراحه مشاركه ممتعه للغايه لكن ضيوفك غير شكل وعندهم اجابات مدري من وين تجي

الهنوووف · #29 23/08/2007, 07:22 AM

وعليكم السلام ورحمة الله وبركاتة

اخيرا رجعت لنا ربوعيات

إقتباس


	انتحار عجوز عمرها 107 أعوام

ماقصرتي

107 تكفيك
استغفر الله الله لايبلانا

إقتباس


	# عندما يمدح الناس شخصاً ، قليلون يصدقون ذلك وعندما يذمونه فالجميع يصدقون ..

إقتباس

إقتباس


	شوف انت كبرت السالفه ومويه وصقع يدك قل اخوك خرب جوالك انا بقولك سالفه صاارت فيني على اياام جوال العجيب اول ماطلع كنت بالشرقيه وكنت في الملاهي المهم لزوم الترزز والتكشخ مع اني كنت بزر وقتها كنت ماسك جوالي بيدي وكنت صاف وبركب في لعبه المهم قلت الحين لو طاح جوالي وعطيت جوالي اخوي الصغير فهد عااد وقتها اياام الدووده ماصدق مسك جوال وهو موقف فتح عليها وقاام يطقطق هو وخشته عااد انا ابي اسمع النااس واصاايح باعلى صووت خل الجوال لا تلعب فيه خله خله مسوي علبالي الله يهديني اخوي سمع خله خله ابو الشباب نطل الجوال على الطااوله ورااح يلعب نزلت داايخ وبطني يعورني والتفت على فهد لان العالم تجمعت من صياحي قلت وين الجوال قال خليته ع الطااوله :p تشووف الولد التعباان الهلكان بس مجرد سمعته يقول تركته ع الطااوله الا وانا انقز هذيك النفزه ادور بالطااوله مالقيت شي يمين يساار مالقيت شي .. اسأل الهندي يقولي خذااه وااحد بغيت اموووت عااد توني شااريه وكنت متعلق فيه تعلق لدرجت اني اخليه يناام جمبي والحفه بعد مع ان مافيه احد يدق علي الا اني كنت متعلق فيه تعلق لدرجة ماتتخيلها فانا بغيت اموت وامسك فهد واطقه قداام العاالم واطقه طق بغيت اذبحه فهذي ردت فعلي .. ادري طولة بس بغيت اقولك هالسالفه عشان تتاكد من ردت فعلي ..

ههههههههههههههههههههههههههههه مدري ليه صار الجوال اهم شي عندنا
نطلع فيه ندخل فيه
انا اكثر مايضيق صدري الارقام الي فيه والا الجهاز ينسرق بكيفه

بس ارقامي
خصوصا لما يكون الجهاز له فتره معاك تحبه وتتعلق فيه
ولو صار لي هالموقف بنجن وصار لي مواقف مقاربه له لما احد يخرب او يضيع شي غالي عندي

مانقول الله يالله تعوضنا خير

إقتباس


	وش سبب اختياارك ليوزر هلالي الظهران ولا بعد انت مثل الشله حاولو بكذا اسم ولا قدروا ؟ اخترت هلالي لاني اشجع نادي الخرج من مدينة الكوكب .. اما الظهران فلأني أنتمي لمدينة صامطه!! والله ياعليك سؤال بعد ..

اما عليك اجابه بعد
السؤال اشوفه عادي

والظاهر انت مو من الظهران يعني وشدخلك راز الظهران:p
يمكن لانه درس هناك

وعاش بعض من مراحل حياته:p

إقتباس


	منهو اكثر عضو تعجبك مواضيعه وردوده حبيب قلبي وشعرة اذني ونخاشيش فؤادي وصديقي وحياتي وروحي ولابس سروالي .. الهلالي- ابو ساره ..

ومن ماتعجبه مواضيع ابوساره

وينه بس الدب الشين

يعطيك العافيه اخوي البالون
متميز كعادتكـ وهذي المواضيع الي تفتح النفس

وبانتظار ربوعياتك ولاتسحب علينا بالدراسه

الهنوووف

كانت

هنا

ورحلت

الكلاسيكي · #30 23/08/2007, 08:07 AM

هــلا وغـــلا بالغــلا البـــالون ..

عـــوداً حميداً لموضوعكـ الرائع ولكـ ..

فقدنا الربوعيات الاشهر الماضيه ..
وهاهي تسطع من جديد في سما المجلس العــام ..

لا جديد .. فربوعيات ظهرت لنا بثوب جديد ..
وبحضور رائع .. وبفكره جميله .. وبأسطر رائعه .. ومنوعه ..

اما عن الضيوف .. احسنت الاختيار .. ومقدر اقول الا .. ماجمع الاوفق ..
هلالي الظهران .. وهامور .. او عمر وطارق .. وش خليت من الرجه ..

البالون .. لك الف شكر على المجهود المميز .. والحضور الرائع ..
تقبل فائق احترامي .. وننتظر ربوعيات الجديده ..
دمت بخير ..