من لا يقذِّر غلطة أحبابه الحين * يقرا حروفي ويعتبرها هدية! - نادي الهلال السعودي - شبكة الزعيم

--> عزووز <-- · #1 20/08/2007, 02:27 PM

أبيات قرأتها وأعجبتني

نزعل .. ونتكبّــر .. وحنا .. من الطيـــن ..
والكل .. منا ... صــــدّ .... لا .. أقبل ...... خويّــه ...!!

نفخر .. نقول .. إنا .. على الصد .. قاوين ..
وهــــي .. علينا ... في الحقيقـــــة ........ قــــويه ...!!

نشفق على الطيبة .. و كسب ... الكريمين ..
وهذي بنا ..؟؟ .. لاشك .... فعــــلة .... رديـــــــــه ..!!

ننسى نهايتنا .. وعلى .. وين .. ماشيــــن ..
وننسى الزمان ... اللي ... جمعنا ...... ســـــــويه ..!!

والمشكلة .. ماهي بـ حاجة .... لــ تخمين ....
ولاهي .. بعد .. ياناس ..... صعبـــــة .... القضيـــه ..!!

دق الرقم : كيفك .. هلا فيك ... وأهليــن ...
أنــا .. الخـــوي ... اللـي مـــــزعّــل .... خويــــه ....!!

قلّه : تغيب ... وصـــورتك .. داخل العين ..
ويبقــى لـ حبك ... في خفـــوقي .... بقيـــــــــــــــه ..!!

أخوان حنا ... لو ... يجي بيننا ... شيــن ...
و مانفتـــــــــــرق .. دام المحبـــــــة ..... نديــــه ....!!

خلك قــوي ... لاتحتــــكرك .. الشياطين ....
قبل الفوات ... وقبل .... وقت ... المنيــــــــــــــــه ..!!

كلّم خويــك .. بـــ اطيب الهرج ... واللين ...
وأعرف .. جميل الهرج ... يمســــح ... رديـــــــه ..!!

هذي ... هي الدنيا .. من الحين .. لـ الحين ..
لابد ... بين الناس ..... تحصــــــل ..... خطيـــــــــه ..!!

ومن لايقدّر .. غلطــــة أحبابه ..... الحيــن ..
يقـــــرأ .. حـــــروفي ... ويعتبرها ......... هــديه ...!!

باكر .. تمر .. سنين .. وسنين ... وسنيـــــن ..
والــــــكل .. يرحـــــــل في الدروب ..... المـــــديـه ..!!

صدقني .. تندم .. وأذكر .. حروفنا ... زين ...
تندم على خلك .. إذا .... غاب ........ ضيّـــــــــــــه ..!!

دنيا .. غريبــــة .. وأكثر .. الناس ... ماشين ..
وكم .. صــــاحبٍ ... والله .... دفن خله ... بــ يديــــــه

...الجنرال... · #2 20/08/2007, 02:32 PM

حجز
........

باك

اولا : يعطيك الف عافيه اخوي عزوز ع الموضوع

ثانيا : اذا في تقييم للموضوع انا اعطيه 10/10

ثالثا : الكلمات هذه قوية جدا جدا جدا واسئل الله ان يوفقك في حياتك

تقبل مروري

!!هلالي الرس!! · #3 20/08/2007, 02:34 PM

نفخر .. نقول .. إنا .. على الصد .. قاوين ..
وهــــي .. علينا ... في الحقيقـــــة ........ قــــويه ...!!

أنا أشهد

أبداااع وأول موضوع لك أشوفه أذا منزل غيره تراي ماشفته بس بالنسبه لي موضوعك روووعه وأتمنى بأخوي أنك تكتب وأنك ماتنقا عشان شكل هالموضوع يبي يروح صيد الانترنت

--> عزووز <-- · #4 20/08/2007, 02:37 PM

إقتباس


	أنا أشهد أبداااع وأول موضوع لك أشوفه أذا منزل غيره تراي ماشفته بس بالنسبه لي موضوعك روووعه وأتمنى بأخوي أنك تكتب وأنك ماتنقا عشان شكل هالموضوع يبي يروح صيد الانترنت

هلابك اخوي .. صراحة هذا اول موضوع لي

وللأسف مو انا اللي كاتبه .. لاكن منقول

وحبيت انقله عشان الكلمات الكبيره اللي فيه !

وتوني ادري عن صيد الانترنت << اكيد مصيرك له خخخخ

مشكور اخوي هلالي الرس يعطيك العافيه على المروور

لولاه غالي · #5 20/08/2007, 02:42 PM

^مو انت عزوز اللي فوقك ههههههههه مسرع ماتردون ماشاء الله
^
^
مسوي بتطلع منها يالله رح درزن ابوسيتن ودرزن ابوميه مدري يبعون الى الحين وجه وجه

اهنيك على الطرح الرائع

--> عزووز <-- · #6 20/08/2007, 02:46 PM

إقتباس

الرسالة الأصلية كتبت بواسطة لولاه غالي


	^ ^ ^ مسوي بتطلع منها يالله رح درزن ابوسيتن ودرزن ابوميه مدري يبعون الى الحين وجه وجه اهنيك على الطرح الرائع

شوووكراً

ويعيطك العافيه على المرووور !!

الكلاسيكي · #7 20/08/2007, 02:50 PM

هلا وغلافيك اخوي عزوز ..

قصيده في غاية الروعه والجمال ..
رغم ان العاده المنقول ينقل للصيد .. لكن روعة هذي القصيده
تحرمنا من نقله .. اتمنى الكل يقرأها ..

إقتباس


	أخوان حنا ... لو ... يجي بيننا ... شيــن ... و مانفتـــــــــــرق .. دام المحبـــــــة ..... نديــــه ....!!

اعجبني هذا البيت ..

تقبل فائق احترامي ..
دمت بخير

--> عزووز <-- · #8 20/08/2007, 02:54 PM

يعطيك العافيه اخوي الكلاسيكي... وشكراً على المرووور الرائع

إقتباس


	رغم ان العاده المنقول ينقل للصيد .. لكن روعة هذي القصيده تحرمنا من نقله ..

ماقصرت والله ... وان شاء الله الكل يطلع عليها ... ويستفيد منها في صداقاته !

--> عزووز <-- · #9 20/08/2007, 02:59 PM

إقتباس

الرسالة الأصلية كتبت بواسطة ...الجنرال...


	حجز ........ باك اولا : يعطيك الف عافيه اخوي عزوز ع الموضوع ثانيا : اذا في تقييم للموضوع انا اعطيه 10/10 ثالثا : الكلمات هذه قوية جدا جدا جدا واسئل الله ان يوفقك في حياتك تقبل مروري

حلوهـ طريقة الحجزز

ولكم باك

اولاً : الله يعافيك اخوي الجنرااااال

ثانياً : شرف لي مروورك وتقيمك الله يسلمك

ثالثاً : الله يوفقنا جميعاً في الدنيا والآخرهـ ...

f*y*d · #10 20/08/2007, 04:14 PM

نزعل .. ونتكبّــر .. وحنا .. من الطيـــن ..
والكل .. منا ... صــــدّ .... لا .. أقبل ...... خويّــه ...!!

نفخر .. نقول .. إنا .. على الصد .. قاوين ..
وهــــي .. علينا ... في الحقيقـــــة ........ قــــويه ...!!

عواافي عزوز على أحلى كلام ....

--> عزووز <-- · #11 20/08/2007, 04:26 PM

إقتباس


	عواافي عزوز على أحلى كلام ....

الله يعافيك اخووي ويسلمك

Hictar · #12 20/08/2007, 04:59 PM

يعطيك العافيه اخوي على الكلمات

مشكور اخوي عزوز

الـمـشـاغـب · #13 20/08/2007, 05:40 PM

الله يعطيك العافية يالذيب على النقل الجميل ..

أبيات قوية ورائعة .. صح لسان قائلها وناقلها ..!!

تسلم ويسلم الكلاسيكي على عدم النقل

تقبل تحياتي

--> عزووز <-- · #14 20/08/2007, 07:22 PM

إقتباس

الرسالة الأصلية كتبت بواسطة مواصل من عام 1413هـ


	يعطيك العافيه اخوي على الكلمات مشكور اخوي عزوز

الله يعافيك ويقويك

شكراً

إقتباس

الرسالة الأصلية كتبت بواسطة الـمـشـاغـب


	الله يعطيك العافية يالذيب على النقل الجميل .. أبيات قوية ورائعة .. صح لسان قائلها وناقلها ..!! تسلم ويسلم الكلاسيكي على عدم النقل تقبل تحياتي

الله يعافيك ويسلمك يالمشاغب .. صراحة نورت الصفحه بتواجدك .. والله مرورك له هيبه يزيد من اشراق الموضوع !

صح بدنك .. وصراحة الكلاسيكي ماااقصر .. والله يعطيه الف الف عافيه

الف الف شكر لكم كلكم .. وكل من دخل الموضوع ... هذا اول موضوع .. مع انه منقول .. لاكن والله دفعه منكم والله كبااار ياكتاب المجلس العام

لنا لقاء

سـمـو الـمـجـد · #15 20/08/2007, 07:37 PM

كلام ينقط عسل وينطيك العافيه خيي على هالموضوع