بسم الله الرحمن الرحيم

السلام عليكم ورحمة الله وبركاتة

أسعد الله مسائكم بكل خير وعافيه يارب

تمرين اليوم كالعاده لا جديد يبدأ بتمارين لياقية ومن ثم تحول إلى مناورة في كامل الملعب شارك فيها كل اللاعبين

تغيب عن التمرين ليوبيسكو لتواجده في غرفة العلاج و الكاتو جرى فقط حول الملعب و الصويلح شارك الفريق بالتمارين اللياقية ومن ثم ذهب إلى غرفة العلاج

بالنسبة لإصابة ليوبيسكو فهي إصابة بسيطة ومن المحتمل مساركته في تمارين الغد وهي عبارة عن إصابة في مفصل القدم

أبدع في المناورة النجم الذهبي نواف التمياط وقدم لمحات أكثر من رائعة و أحرز هدف رائع بثنائيه مع الثنيان

الحراسة لا تبشر بالخير آبد فقد شارك طوال المناورة كل من اللماس وضاري ولك واحد يقول الشين عندي

وبعد نهاية التمرين

دار حديث جانبي بيني وبين المصيبيح

سائلته عن ماجد المولد و أخبرني انها على وشك الأنتهاء منها بإذن الله و توقيع العقد مع المولد سيتم خلال الأيام القادمة

وبالنسبة لآرثر فقد أخبرني ان آرثر صاحب قرار ومن الصعب جدا جدا جدا تغير قناعاته وقراراته ويقول حاولنا كثير نقاشة فهو يأخذ ويعطي ولكن ما له إلا اللي في رأسه حتى اننني أناقشة في التغيرات ولكن من دون جدوى فهو المدرب وبيده القرار الفني وأنا مجرد مدير فريق ومن الصعب ان أتدخل في الأمور الفنية

أما بخصوص حسن العتيبي فقد تكلم المصيبيح بكلام صريح ورائع وقال حسن من أفضل حراس المملكة ولدية ثقة كبيرة في نفسه ويملك إمكانيات جيدة ولكن عملية إبعادة حاليا وبهذه الطريقة غير صحيح أبداً فالمدرب مقتنع فيه و يقدم مستوى متميز داخل التمارين ومع هذا له هفوات وغلطات مع الوقت بإذن الله سيتداركها ولكن لا يحتاج غلا الصبر وما حدث من بعض الجماهير في المباراة الأخيرة شيء غريب جدا فكان يجب عليها ان لا تهتف ضده أثناء المباراة ولا حتى بين الشوطين بهذه الطريقة تكتب له النهاية وتكتب للفريق الخسارة ولا ألومها لو حدث هذا بعد المباراة لكن ان يتم أثناء المباراة فهذا أمر مستغرب جدا

وبخصوص الأجانب وقال لدينا وقت حتى تاريخ 29/10 و يجب علينا أستغلال الظروف ونحن أخترنا الثلاثة لأن الكاتو مصاب حالياولا يمكن الإستفادة منه ولكن هناك إمكانية لتغيرهم كلهم و إحضار لاعبين جدد او تغير أثنين أو التبديل بينهم بما نراه مناسب للفريق

وبخصوص الإعلام والتعامل معه يقول حاولنا من العام الماضي أن يكون هناك بيان رسمي من إدارة الفريق للتعامل مع الأحداث ولكن بآت الفكرة بالفشل لأسباب عديدة أحتفظ بها ولكن سنحاول جاهدين أن نكون قريبين من الأعلام والجماهير بقدر المستطاع

قال كلمة رائعه أبو محمد فهو يقول نظرة أغلب الجماهير إلى مدير الفريق تنقسم إلى قسمين
قسم يعتبر مدير الفريق لا يهش ولا ينش فهو لا مجرد صورة تتحرك من دون أي مضمون او هدف او نشاط
وقسم يعتبر مدير الفريق هو الكل بالكل فهو يستطيع تحديد التشكيلة و أختيار اللاعبين وتسجيل اللاعبين وصرف الرواتب و أحضار المدرب فهو يمتلك كامل الصلاحيات

ولكن للأسف كلا النظرتين غير صحيحه فنحن لنا صلاحيات معينه ومحدودة فقط

و أتمنى أن أكون وفقت بنقل لكم ما يدور داخل أروقة النادي

والسلام عليكم ورحمة الله وبركاته

مشكوووووووووووووووووووووور أخوي عواكيس

يعطيك ربي العافيه على هالتقرير وعلى هاللقاء الصحفي

انت زعيم ;) منت لا صحفي ولا دغريري أحسن من الف صحفي .

يعطيك الف عافيه ....... وما قصرت على ها الاخبار
وبا لنسبه لحسن العتيبي والله مع المصيبيح حق حرام والله اللي تسويه الجماهير فيه يهبطون من معنوياته ويهتفون ضده با لمباراه ويزعلون اذا غلط ........ واعتقد ان هذي مو جماهير اصليه تحب مصلحه الهلال
........ ويا جماهير اعطو الثقه للعتيبي واحكمو بعدها

مشكور اخوي عواكيس والله يعطيك العافية .

ارجو الاستمرار في نقل ما يدور من اخبار داخل اروقة نادي الهلال .

مشكور ويعطيك ربي الف عافيه

ابو محمد

تقبل تحياتي ,.,

الغالي عواكيس
الف شكر على هالمجهود ويعطيك الف عافية
أجل تقول الحراسة من جرف لدحديرة
وقال وش حادك على المر العتيبي قال اللي امر منه ضاري ؟؟
لكن رجاء توصل هالكلام لابو محمد وتقول له يبري ذمته ويلعب ضاري علشان الجمهور يحكم على مستوى ضاري !!
أما الان فالملامة كلها على الجهاز الاداري !!!
مع تحياتي

يعطيك الف عافيه اخوي عواكيس

وننتظر منك المزيد من الاخبار .. ويسلم ابو محمد

انا اشهد انه راعيها.. ونتمنى من الجماهي الهلاليه تخف على ابو عتب

وربي ما يستاهل

تحياتي اخوكم راعيها

تسلم أخوي عواكيس

و أحب أشكرك يالغالي على الهشغل المزبوط

لكن ودي اسئلك سؤال وياليت تسأل المصيبيح وش هي صلاحياته بالضبط علشان الواحد يقدر يلومه فيها

وسلامي يالغالي

يعطيك ربي ألف ألف عافية يا ابو العواكيس ..

والله يخليك لنا .. والله كأننا في النادي ..

تحياتي لك يا اغلى إنسان;)

أخوك / البـــارق;)

أجل الشين عندي ........ والله مصيبة .

تسلم على هالمجهود يا عكوسة المنتدى =====> تدليع ..

(((وبالنسبة لآرثر فقد أخبرني ان آرثر صاحب قرار ومن الصعب جدا جدا جدا تغير قناعاته وقراراته ويقول حاولنا كثير نقاشة فهو يأخذ ويعطي ولكن ما له إلا اللي في رأسه حتى اننني أناقشة في التغيرات ولكن من دون جدوى فهو المدرب وبيده القرار الفني وأنا مجرد مدير فريق ومن الصعب ان أتدخل في الأمور الفنية)))

امر مهم اشار له المصيبيح في اللقاء وهو انه لا علاقه له في التغييرات وما للمدرب الا اللي في راسه.

@@ اختلف معك يا اخوي عواكيس في ان الحارسين الاحتياطيين مستواهم اقل من العتيبي وخاصة بندر الماس ولكن متى ما اعطي فرصة

الله يعطيك العافية أخوي عواكيس ..

(((وقسم يعتبر مدير الفريق هو الكل بالكل فهو يستطيع تحديد التشكيلة و أختيار اللاعبين وتسجيل اللاعبين وصرف الرواتب و أحضار المدرب فهو يمتلك كامل الصلاحيات )))..

كلام جميل .. أتمنى أن يكون مدير الكرة في الفريق هو صاحب جميع الصلاحيات لأنه الأقرب للفريق من رئيس النادي !!
وهذا ما يطبق في أوروبا !!

لكن للأسف لدينا فالوضع مختلف جدا !!!!!

تقبل تحياتي أخوي ..

يعطيك الف عافيه .. وماقصرت على هالمجهود اللي تبذله من اجلنا ...

الغالي / عواكيس
أول شيء الله يعطيك العافية وما قصرت على المجهود ،،،
ثاني شيء أنتبه بكره لا يحط أبو محمد أنذار في دولابك بالخصم لأنك كثرت كلام معه
أما الحراسة أن كانت على قولك يا أخي ما ينلامون ،، حراس ما في أي شيء يرفع معنوياتهم أو اي طموح يمكن الوصول له ،،، أذا غاب الدعيع مسك ( الشاطر حسن ) وما في أمل يتغير لو يدخل فيه خمسين هدف وهو السبب فيها

الصراحة الحل الوحيد أنه يكون فيه دور كل حارس يمسك مباراة وعلى فكرة في الأندية الكبيرة الي يوجد فيها ضعف في الحراسة ،،،
وتبغى ترفع مستوى الحراسة يسوون كذا ،،، ونادي الزمالك المصري عمل هذه الطريقة الى أن تحسن مستوى الحراسة عنده ،،،،


أما آرثر أن ما يسمع الكلام ولا يبي يعرف أن الهلال موب المحمية الي جاء منها
ما فيها شيء ،،
يأخذ جوازه وتعمل له تأشيرة خروج نهائي مع الف قبلة على خده الجميل ويجي واحد غيره يرجع الجماهير الى المدرجات ،،،