إقتباس الرسالة الأصلية كتبت بواسطة تغريد صدق عاد الحين هذي قصه من جد ولا لا؟

هو يقول شئ صدز هالمشاغب يومنك تسالين >> امزح
كله خربط بربط ..

يالبي قلبك يالمشاغب صراحه قاريه قبل وكررت القراءه
اكثر من مره ومامليت منه .. صراحه اسلوب جداً رائع وممتع ..

يعطيك العافيه يالغلا ...والله لايحرمنا منك ومن طلاتك ياخلفهم ..

ياهلا والله مشاغبيشن يالله ان تحييه


تصدق توقعت الشيخ اللي قلت لي عليه :p

اثاريه واحد بس من جد اشياء حلوة ومفيدة من الموضوع

استفدت ياطويل العمر من الموضوع


1_ ان اللي يتغدى مكرونه بيشميل يسدح موضوع بعدها على طول <--- نكبه

2_ اهمية اعطاء البنت حقوقها كاملة من قبل اهلها والاهتمام بها عشان ماتطيح بشايب

3_ ايضا مايحدث في المنتديات من اشياء مالها داعي


بصراحه يالمشاغب الموضوع كله فوائد..... لاتعبت

عوااافي

المشاغب ايها الشيخ الجليل ;)

عجبني استخدامك لطريقة الحوار لتوصيل افكارك ونصايحك للناس

قسما بالله درر درر.. حكم وعبر مفيده يعطيك ربي الف عافيه

إقتباس باختصار : كل من أعرفه يصجني بشيخي الجليل قال لي.. شيخي الجليل نصحني .. شيخي الجليل اشترى لي حلوى ...!! ما فيه إلا أنا ما عندي شيخ جليل ..!!

اللي بمثل ثقافتك واخلاقك مو بحاجه لشيخ جليل ابد ..

ونعم التربيه يا سلطان ونعم

هالمدح واجب علي اقوله في حقك .. وبعدنا مقصرين

الله يعافيك يالمشاغب
نبهتنا عن أشياء كنا غافلين عنها

قرأت الموضوع كاملا بلا ملل , تجولت بين ثنايا هذه الدرر والحكم من الشيخ الجليل..!!
ولا أزيد عن الكلام الذي قيل ممن سبقوني..!

شكرا من القلب

إقتباس قاطعته: وليه ترجع الريال يالغبي؟ تبي تخققها بالريال يعنني كريم؟ رد علي قائلاً: لا وش شايفني؟ خروف قالوا لك؟ أنا كاتب لها بالريال: "ما عندي جوال"..!! أنا : أهاااا يالخبيث .. عرفت تلعبها صح .. واشترت لك جوال بعدها ...!! بس غريبة ما لقت غيرك يالشايب الطرار؟!!

هذا احلى شئ
بس صراحه موضوع روعه يستاهل التثبيت<<بدرى توك تدرين
بس ذكرتنى بالمدرسه

حجز
معليش سلطان اشتراكي بيخلص بعد شوي برجع البيت ارد
بعدين اذا قلت بدون حجز بتقل ردود الاعضاء والي بيرد بيرد بكم كلمه زي هامور
باك
ماشاء الله سلطان ذكرتني بهلالي الظهران القطوع الله يرده سالم
ماجاء الا يوم جاء طاري الاكل والطبخ
شيخك الجليل هذا بطل
وانت ابطل
بس فيه اشياء متناقضه
شيخ جليل وذهين

بس طرار
ويكلم بنات
ولا يعرف يعطيك جوك وانت مصدق يالسبيكه

بطلع بقالتنا يمكن القا شيخ جليل طايح

الا سولتان دام انك شويًب تصير شيخي الجليل ...الحيا

موضوع رائع،،،،


مشكور أخوي المشاغب عالطرح الرائع والفكرة الأروع،،،،،،


تحياتي،،،،


Alzaeem Osams

ماشاء اللهكفيت ووفيندت موضوعك ماشاء الله روعه وجنان قليل التعبير فيه مشكور
اخوي ع الموضوع والخلاصه ننتظر جديدك

إقتباس لاحظت عند خروجي من المحل شيخاً كبيراً بلغ من الكبر عتياً حتى انحنى ظهره جالس على رصيف المحل يطلب من

إقتباس الناس ما تجود به أنفسهم ..!! لفت نظري في هذا الشيخ الستيني النحيل الشبه الكبير بينه وبين شخصية أبو مساعد في المسلسل الرمضاني "طاش ما طاش" إضافة إلى سرواله الأخضر الطويل الذي يلبسه تحت ثوبه..!! خطرت في بالي فكرة .. فوقفت أمامه وأخرجت من محفظة نقودي ورقيتين ماليتين .. احداهما من فئة: "ريال واحد" والأخرى من فئة : "مائة ريال" ..!! نظر إلي الشيخ الكبير -وكأني بلعابه يسيل من المبلغ الذي بيدي- وهو يدعو لي بصوت مرتفع ..!!

إقتباس أوجست من هذا الشيخ خيفة ودعوت الله كثيراً ألا يكون جنياً وبصعوبة بالغة رفعت الثوب عن ساقيه وقلبي يكاد يتوقف من شدة الخوف ونظرت إلى قدميه وإذا بها كأقدام البشر ..

إقتباس - أنت من وين طلعت لي .. يرحم أمك وش أسوي لك؟ أبكي؟ أقطع ثيابي؟ وش هالدلاخة كلها اللي فيك؟ هذي حكمة الحين؟ تبي تفضحنا أنت؟ أشوا أني عارفها من الابتدائية ولا كان فشلتني قدام ربعي..!!

إقتباس

إقتباس وفي الطريق عند إحدى الإشارات .. كان هناك عجوز تسأل الناس .. استدعاها شيخي الجليل وأخرج من جيبه خمسة ريالات وأعطاها لتلك العجوز ..!! استغربت من هذا الشيخ الذي يتصدق وهو في حاجة لهذه الأموال فسألته: - وش هالكرم يا شيخي الجليل؟ لا يكون مسجل رقمك بالفلوس .. ترى ما عدت أستغرب منك شي..!! قال شيخي الجليل: لا ورب الكعبة .. يمكن تستغرب أني أشحذ وأقوم أتصدق.. لكن لا تستغرب وأنا عمك.. الصدقة تمحي الذنوب .. وتدفع المصايب .. وتبارك في الرزق.. وترضي الرب ..!! الرسول صلى الله عليه وسلم قال : "اتقوا النار ولو بشق تمرة"..! لو ما راحت هالخمسة ريال في صدقة .. أكيد راح تروح في شي ثاني ..!! شف كم تصرف في الشهر .. وشف كم تتصدق؟ الواحد منكم مستعد يعشي أخوياه عشاء محترم بأكثر من ميتين ريال .. ومو مستعد يتصدق بخمسة ريال تعشي أسرة فقيرة معدمة..!!

إقتباس طلبت من العامل إحضار كوب من القهوة لي .. وطلب الشيخ مشروب الموكا البارد ..!! فتحت جهازي المحمول ومباشرة انتقلت لموقع منتدى الزعيم .. تحديداً " المجلس العام" .. وأريت الشيخ الجليل بعض المشاركات لي ولغيري ..!! نظر إليها وكان يسألني كثيراً وأجيب .. بل كنت أوضح له بعض خفايا المنتدى دون أن يسأل..! طلبت رأيه فيما رآه من مشاركات ..!! قال لي: الحين بأسألك .. هالأشياء والأسرار .. وشلون عرفت عنها؟ أجبته: أكيد من أخوياي أجمعها من هنا وهناك .. وتتجمع براسي..!! رد قائلاً: وش يضمن لك أن كل اللي جمعته بدميجتك صحيح؟ ;) أجبته: ما فيه شي يضمن .. بس هذا اللي سمعته..!! قال لي: كفى بالمرء كذباً أن يحدث بكل ما سمع ..!! أسألك بالله هل النت يستاهل أنك تدخل النار عشانه؟ تتكلمون في أعراض الناس .. وتحشون في فلان وعلان .. وتزاعلون هذا وهذاك..!! بالله هل المسألة تسوى كل هالأشياء؟ بكرة يموت واحد من اللي حشيت فيهم .. وش بيكون شعورك؟ ما بتندم وتحس بالذنب؟ الواحد المفروض يفكر ألف مرة قبل ما يرد.. كل ما كتبت إما يكون لك أو عليك..!! قال الشاعر: وما من كاتب إلا سيفنى .. ويبقي الدهر ما كتبت يداه..!! فلا تكتب بكفك غير شيء .. يسرك في القيامة أن تراه..!! لم أعرف بمَ أرد عليه سوى الإيماء برأسي موافقاً ومقتنعاً بكلامه..!!

إقتباس اغرورقت عيناه بالدموع وقال: وش تبيني أقول لك؟ أقول لك أن عندي عيال نسوا كل اللي سويته عشانهم؟ نسوا أني رفضت أتزوج بعد ما ماتت أمهم عشان ما أجيب لهم خالة تشغلني عنهم أو تظلمهم؟ نسوا أني أواصل الليل بالنهار عشان أوفر لهم فسحة المدرسة؟ نسوا مصاريف الجامعة اللي كنت أتسلفها عشانهم؟ تحملت ديون لأجل أعلمهم ويأمنون مستقبلهم بالشهادة الجامعية... وبالأخير بعد ما تزوجوا كل واحد راح وانشغل بحياته وتركوني بعد ما صرت بدون فايدة..!! توقف الشيخ قليلاً ليكفكف دموعه بطرف غترته .. ثم أكمل جاهشاً: - تصدق حتى بالعيد ما أسمع احد منهم يسألني عن حالي أو يقول من العايدين يبه؟!!! كل الناس تفرح بالعيد عشان يشوفون عيالهم وحبايبهم .. إلا أنا ما أبي العيد يجي عشان ما أشوف عيال الناس وأتذكر عيالي اللي نسوا حتى بالعيد أن لهم أب يفكر فيهم ويتمنى يشوفهم ولو من بعيد تنهد قليلاً ثم أكمل: - أهم شي أنهم بخير ومبسوطين .. هذا اللي يهمني حتى لو ما شفتهم.. الله يوفقهم ويسعدهم..!!

إقتباس قلت له بعد مجاهدة شديدة مع نفسي.. فقد خفت أن أبكي أيضاً فيزيد هم الشيخ بدلاً عن التخفيف عنه : - الحمد لله اللي كافينك خيرهم وشرهم .. أبناء هالأيام ما يفكون أهلهم من شرهم ..!! :sad: نظر إلي نظرة استغراب وقال: - أشوفك صرت تتفلسف وتنصح أنت ووجهك؟ وش رايك تجي تصير شيخي الجليل أزين؟ ضحكت بشدة وضحك هو أيضاً .. فقد تعمد أن يخرجنا من هذا الجو الكئيب بأسلوبه المرح..!! قال لي مبتسماً : لقط لقط .. ترى وجهك تناثر على الطاولة ..!! قلت منحرجاً: والله الشرهه على اللي يبي يتعلم ويستفيد منك يا أبو مساعد ..!!

إقتباس أنا: هلا وغلا بسام ..! بسام بسرعة : شف .. ترى ما عندي رصيد .. بس أبي أذكرك بالأشرطة لا تنساها تكفى..! أنا: أها .. أبشر أبشر .. ولا يهمك ما تجي من الدوام إلا وهي عندك ..!! انتهت المكالمة .. والتفتّ على شيخي الجليل فإذا به ينظر إلي نظرة فضول عرفتها من خلال تعابير وجهه..! قال: وش اللي بيكون عند خويك بعد الدوام؟ قلت: بس أشرطة أغاني نسختها له في سيديهات وبأعطيه اياها..!! قال: وأنت وش بتستفيد؟ قلت: وش أستفيد؟ هذا خويي .. وأخدمه من عيوني..!! قال: حلو تخدمه من عيونك .. لكن اخدمه بشي يفيده.. مو شي بيجي يوم الحساب ويقول : (( ليتني لم أتخذ فلاناً خليلاً))!! هالأشرطة بياخذ منها ذنوب.. وأنت راح تتحمل مثل ذنوبه بالتمام والكمال .. وإذا أهداها أحد راح تتضاعف ذنوبك وأنت ما تدري وكل ما سمعها أحد بتاخذ ذنبه أنت .. وأنت غافل عن كل هذا..!! ما أقول لك اترك الأغاني لأني أعرفك ما راح تتركها .. لكن تقدر تمتنع عن تحمل ذنوب الآخرين.. أنت ما تقدر تتحمل ذنوبك لحالك.. فما بالك بذنوب هالعالم كلهم..!! شف أغاني البلوتوث .. ترسلها لواحد وتنتشر لآلاف غيرك .. ومن بيتحملها ؟ أكيد أنت..!!والمشكلة أنك تشتري هالذنوب بدون أي مقابل أو فائدة..!! كان كلام الشيخ الجليل كالصفعة المدوية على وجهي والتي أيقظتني من غفلتي ..!! ما زدت عن قولي له: جزاك الله خير .. والله كنت غافل عن هالشي .. جزاك الله كل خير ..!!

إقتباس آخرها عند نزوله من السيارة عند نفس المكان الذي أخذته منه.. حيث قال: - لا تحكم على الناس بالظاهر أو من أول مرة .. يا كم انصدمنا بناس كنا نأمل فيهم الخير وطلعوا عكس ما ظنينا فيهم. ويا كم تفاجأنا بناس بغضناهم بدون سبب وطلعوا العكس وحبيناهم..!! لا تخلي الصورة الأولية اللي تأخذها عن أحد حكم نهائي لحد ما تجربهم..!! خذني أقرب مثال وش كانت نظرتك الأولية عني.. وقارنها بنظرتك الحين..!! انتهت رحلتي مع شيخي الجليل التي استمتعت بها شخصياً وأتمنى أن تكونوا قد استمتعتم بها واستفدتم من الدرر التي نطق بها شيخي الجليل ..!!

والله يا سلطان يا غالي اللي أقدر أقوله

صحت يمينك وصح قلبك وصح فكرك ..

إلــى الـــمـــفــــضـــلــــة

درر ماشاء الله سلمت اناملك
استفدت من الموضوع كثير

يعطيك العافيه اخوي